|
|
|
 Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
Quote: ود المدير رمضان كريم
وربنا اتقبل
.
.
بل يفطروا ما يطيب لهم هنيئا مريئا ويساعدوا من لافطور له
باي ذا وي
في ناس ماعندهم بليلة ولا بلح اها افطروا ليك بشنو ؟ |
ود البوش يا صديق.
سلآمات، ورمضان كريم.
نعم للمساعدة يا ود البوش، والمعروف عن المجتمع السوداني انه مجتمع تكافلي،
ولا حجر علي من رزقه الله رزقاً حسنا في ان يأكل ما طاب له.
أنا أقصد يا ود البوش إفطارات البورداب البيتعمل من خلآل المنبر، يكون تمر
وبليلة تضامناً مع أهلنا في السودان، وإحتجاجاً علي الوضع الصعب الذي
يعيشونه.
مودتي...
| |
 
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: MOHAMMED ELSHEIKH)
|
قطعاً تعاملنا مع بوستات الإفطار سيكون مختلف هذا العام.
الموائد التي تعج بما لذّ وطاب ستستفذنا، والصحانة الطافحة
بألوان الطعام ستعتدي علي مشاعرنا. التعامل مع صور الأكل
قطعاً سيكون غير العادة. صورة مائدة عليها ألوان شتى من
الطعام يحيط بها الخبز، وعلب البيبسي، والميرندا، قطعاً ستجلب
إلي أذهاننا صياح هذه الوالدة مطالبة بسخينة لأيتام جياع، فلنجعل
إفطارنا ليوم وآحد بليلة وتمر تضامناً، وليكن هذا اليوم يوم الإفطار
الذي إعتاد البورداب أن يقومو به معلنين له في البورد ناقلين صوره
من خلآل هذا الموقع لجميع أنحاء العالم، فليكن بليلة وتمر...
| |
|
|
|
|
|
|
|
|
 Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
سلام يا ود المدير ورمضان كريم عليك يابا إت وضيوفك الأكارم ، تصوموا وتفطروا على خير
اوافقك الرأي إنه مافي داعي للتبذير الكتير ونتضامن مع شعبنا المحروم ويا ريت تكون جهة داخل ارض الوطن من الأحباب بورداب الداخل في كل بقاع الوطن
ويرسل كل من استطاع مبلغا من المال لمشاركة بعض الأسر في طبق رمضان
وشهر رمضان معروف شهر خير ورحمة وبركة ربنا يتقبل من الجميع إن شاء الله
Quote: .
ياخي عندنا حر شين خلاص اسع اضني اسون صنننننن من الحر
يا زول هو ذاتو قرب انتهي الباقي 25 يوم بس
تحياتي |
لووووووووووووولز ود البوش
رمضان كريم عليك يا سيد جرسة ،، عاد لكن جرستكم الصنانة اللت شمس البلد ديك
ربنا يعظم اجركم ويتقبل صيامكم إن شاء الله يا رب
الله ما بظلم عبيده يا ود البوش يا خوي
اولا بالتبادي نحن عندنا جو مباااااااالغة لكن يومنا سلبة والله صحي
تصووووووووووم وتفتر ما بكمل
وإنتو الله اداكم الصنانة دي لكن يومكم قصير , أها شنو ليك تبدل ؟؟
لكن بيني وبينك اخير اليوم الطويل في الجو الجميل ، والله صحي
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: اسماء الجنيد)
|
عن اذنك يا معاوية داير اونس شوية مع بت الجنيد دي طولت منها والله
مافي جرسة ولا حاجة يا اسماء بس انا مرات بتكلم بلسان حال عامة الشعب السوداني لووووول
شفتي كيف ولبعدين بعد كدا كل سنة الصيام داخل في الغريق يعني معناة المعنى كل سنة
بدخل في الشهر الجاي بحداشر يوم يعني السنة الجاية رمضان يوم تسعة سبعة والبعدو يوم
تمانية وعشرين ستة وغاتس في الحر لحدي ما اجيك في نص شهر خمسة حر شين حر شين
اجيك شنو اجينا نحن .... حر وكر وجر وعر .... وعرعر وبربر وزاد وجدي ونومي عيني اصبح قليل
قلتي لي دايرة تبدليني بحلتكن الاسكتلاندية
دي ذكرتني النكتة القديمة ديك حقت المقابر ياخي
الزول الجا شاقي المقابر واغني انا الفي الدنيا ما مرتاح انا الفي الدنيا ما مرتاح
طلع ليهو واحد من الميتين قاليهو تبادل
قال ليهو يا عربي ما تنوم نومك هههههههههههههههه دي هوادة من عندي ساهي فوق البيعة
.
.
عايني جاي يا اسماء
ما زالت الجنيد تنتج قصبا من السكر ؟
تحياتي وسلامي لراعي البوست وضيوفه
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
Quote:
سلام يا ود المدير ورمضان كريم عليك يابا إت وضيوفك الأكارم ، تصوموا وتفطروا على خير
اوافقك الرأي إنه مافي داعي للتبذير الكتير ونتضامن مع شعبنا المحروم ويا ريت تكون جهة داخل
ارض الوطن من الأحباب بورداب الداخل في كل بقاع الوطن
ويرسل كل من استطاع مبلغا من المال لمشاركة بعض الأسر في طبق رمضان
وشهر رمضان معروف شهر خير ورحمة وبركة ربنا يتقبل من الجميع إن شاء الله |
الزولة العديلة بت الجنيد،
حبابك، ورمضان كريم.
هي محاولة للتواصل من علي البعد يا بت الجنيد مع الشعب السوداني الغلبان، وفي نفس الوقت
محاولة للإحساس بالرضى عن النفس. لعن الله من كان السبب في تردي حالة البلد والناس إلي
هذا الحد.
يا ريت نشوف صور الإفطار بليلة وتمر في هذا العام، فالبليلة والتمر يا بت الجنيد أصبحت
غير متاحة لغالبية أهلنا في السودان اللذين أصبح جزء منهم همّه الأوّل والآخير بصلة وآحدة
وشوية ملح عشان يعمل سخينة، والكِسرة البرشوها فوقها دي كان إتلقت السخينة من الصعب
جداً تتلقي.
في رأي الحالة تستوجب تضامن في محاولة يائسة للفت نظر أُولي الأمر.
تحياتي...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
من أجلها ومن أجل الذين لا يجدون لُقيمات يقمن صلبهن.
من أجل جميع أشراف السودان، فقد بدأت الدائرة تضيق
حتي طال الضغط من سمحت ظروفهم أن ينعموا بهواء
بارد في نهار رمضان، إن كان عن طريق المرآوح أو
المكيفات، فقد أصبحت الكهرباء تستعمل من أجل الحصول
علي الماء البارد، وما زالت الدائرة تضيق. مُنع الهواء
اليوم، وربما سوف يُمنع الماء غداً.
تضامنوا، أسأل الله أن يتقبل منا ومنكم الصيام والقيام...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
Quote:
لا فض فوك يا ود المدير |
سلآمات أخي النذير.
بارك الله فيك،
ورمضان كريم.
نعم أخي النذير، أوافقك بأن تكون المائدة الأكثر تقشفاً هي المائدة الفائزة
لهذا العام في مسابقة أخونا كوستاوي. المائدة الأكثر تواضع وتقشف هي
المائدة التي تعبر تعبير حقيقي عن الإحساس بألم من صعبت عليهم لقمة
العيش، هي المائدة التي تحرك المشاعر نحو من ربطو الحجارة حول
بطونهم، وفي نفس الوقت هي المائدة التي تقول لا للمترفين الذين
بلغوا حد الترف علي حساب هذا الشعب الصابر المصابر العظيم
الذي كانت موائده في هذا الشهر الكريم علي البروش في الشوارع
للغاشي والماشي.
أتمنى أن تكون تمر وبليلة هذا العام...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
Quote:
إنت أحلف قول ما بمشى للبوفيه الباكستانى
ومابضرب العصيده ولا التروبكانا!!!
ياخ بليله وتمر بس واليوم عشرين ساعه
يعنى ناكل فى خاطرنا طيب الصيام عشان منو
ياخ رمضان كريم وأكل أكلك وربنا ما شقالو
حنكا ضيعو
ولك ولناس الرد دير السلام |
سلآمات يا منصور،
ورمضان كريم.
يا منصور هي الحكاية يوم وآحد فقط، بعد دآك أرجعو لتربكانتكم
والباكستاني. ربنا نزّل لينا الطيبات دي عشان نستمتع بيها، لكن
في ناس حرمو منها بسبب جشع وطمع البشر ذوي النفوس الهلوعة،
ونحن نناشد المصلين الذين يشعرون بمعاناة ذوي الحاجات، وربنا
فعلاً ما شقالو حنكاً ضيعو لكن جعل الذين توفرت لهم النعمة والذين
حرمو منها تحت وطأة الإختبار.
الناس بتعبر عن سخطها بالإضراب عن الطعام كُليةً، ونحن لا نطلب
منهم ذلك، إنما طلبنا أن يكون الإفطار السنوي لمدة يوم وآحد في
هذا الشهر العظيم بليلة وتمر تضامناً مع الذين حرمهم جور الحُكام
من أبسط أنواع الأطعمة (سخينة) بعد دآك أرجعو تمتعو بما حباكم
الله به.
سلآم وتحايا لجميع الكالقرين...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
Quote: اقتراح جيد اخى معاوية
كنت اتحدث مع الصديق النذير فى اول ايام رمضان وتناقشت معه حول فكرة
الاقطار المبسط
تعبير ا رمزيا عن تضامنا مع الاهل فى السودان وهم يكتون بنار الغلاء |
سلآمات يا محمد سيد أحمد،
ورمضان كريم.
أبسط شي نقدمو لأهلنا في محنتهم هذه تبسيط الإفطار هذا العام تعبيراً رمزياً عن
تضامننا، وإحساسنا بألمهم من الجروح التي باتت لا تبرح مشاعرهم، فالشعب
السوداني شعب حساس وكريم، وقطعاً دخول هذا الشهر عليه وهو في هذه المحنة
سيغض مضجعه. في تقديري أنّ التضامن سيضمد ولو النذر القليل من الجرآح.
هي مواساة لشعب فاضل جارت عليه الأيام. صور الإفطار لهذا العام لو عكست
موائد مترعة بالطعام قطعاً سيكون وقعها صعب علي النفوس.
مودتي...
| |
|
|
|
|
|
|
|
|
 Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
| Quote: اقترح الغاءه هذا العام وارسال المبالغ لمن يستحق |
أُستاذ طارق،
سلآمات ورمضان كريم.
كلآمك دا هو الأصل في الموضوع، وإن كان لابُد، فليكن بليلة وتمر.
لماذا يضرب الناس عن الطعام إحتجاجاً علي وضع مُعيّن؟؟؟
كيف يمكن إيصال الإحتجاج عن طريق الإضرآب عن الطعام؟؟؟
هي توقعات من أعضاء وقُراء هذا المنبر لإفطار البوردآب هذا العام.
كل زول عندو تخيُل معيُن لهذا الإفطار. الناس رآجين هذا الإفطار
منذ إنتهاء رمضان الفات. يعني في ترقُب، وتحفُذ، والحكاية زي
كأس العالم كُلّ الأنظار موجهة عليها، فقطعاً إن تمّ توظيفها لإرسال
رسالة يكون خير وبركة.
بعض الناس قد يرو أنّ التبسيط تضامناً لن يعكس شئ، لكن هذا
لا يمنع أن نجرّب.
مودتي...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: محمد أبوالعزائم أبوالريش)
|
Quote: السودان كلو بيفطر بي بليلة وبلح يا جماعة انتو عايزين تتضامنو مع منو ولا مع منو؟
غايتو نحن في نهر النيل مما قمنا فطورنا بليلة قوسيل وفاصوليا ومعاها حلومر وليمون ان وجد لحدي يوم الليلة
؟؟؟؟؟؟؟؟؟؟؟؟؟؟؟؟؟؟ |
سلآمات يا بكري الخير،
ورمضان كريم.
نعم يا بكري السودان في رمضان كلو بيفطر بليلة وتمر زي ما بيشرب حلو مُر،
فالتمر سُنّة، والحلو مُر درجت عليه العادة وهو شرآب خاص بالسودانيين ومُرتبط
إرتباط تآم بشهر رمضان المبارك، وكذلك البليلة بأنواعها لا تخلو منها مائدة رمضان،
وبإنقضاء رمضان يرجع السودانيين للفول في الفطور والعشاء، والمِلحات في الغدا.
هذه هي الصورة العامة لإفطار رمضان في السودان، وهذا ما درج عليه السودانيين.
حتي تزول غشاوة علآمات الإستفهام يا بكري أنا لا أتعامل بسذاجة الملكة الفرنسية
ماري انطوانيت التي إحتجّ لها الفقراء مطالبين بالخبز، فردت عليهم بأن يأكلوا
البسكويت، أنا إبن هذا الشعب أخي بكري. سافرت كثيراً من عطبرة إلي الباوقة،
وتوقفت كثيراً لزيارة الأهل ببربر، وكم إستمتعنا بسمك مولود في بربر ذو الطعم
المميز، ورغيف بربر ناصع البياض، وشربات الليمون المنعش. لكن هذا هو
الزمان يرمي أهل السودان بسنين عجاف جراء حكم جائر السبب الذي جعلني
أطالب بأن يكون الإفطار هذا العام بهذا الشكل الذي ذكرت ليس عدم علم مني
بعادات وتقاليد أهلنا في السودان، ولكن أملاً مني أن يظهر الإفطار بهذه الصورة
ليعبر عن عكس روح التضامن مع من حرمتهم الظروف من السخينة ناهيك
عن البليلة والتمر.
مودتي...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
تحيّاتي للجميع.
الفكرة جميلة. من منّا ليس له قريب في السودان يعاني مما يحصل؟
استغربت جداً من ما أثير هنا وفي بعض الأماكن الأخرى بمنطق " ما حقّنا " و "نحن أحرار في التصرف في أموالنا "
نعم كل إنسان حر في التصرف في ماله كيفما شاء حتى لو أحضر ناراً واحرق أوراق النقد فيها.
لكن الدعوة للتضامن الرمزي ليوم واحد (على الأقل) مع الأهل في السودان وتخصيص جزء مما أنعم الله به على البعض منا لنصرة الأهل ليس اقتراحاً سيئاً.
لو دعاكم احد إلى الوقوف دقيقة صمت حداداً على أحد انتقل إلى رحمة الله ... لما تأخر أحد منكم عن ذلك - رغم أن الجلوس الوثير والكلام المباح حق لكل شخص -
اعتبروا هذه الدعوة من أخينا معاوية دعوة إلى الوقوف دقيقة صمت حداداً على حال أهلنا في الوطن الجريح.
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
Quote: إضراب عن الطعام
من ويكيبيديا، الموسوعة الحرة
هذه نسخة متحقق منها من هذه الصفحةعرض/إخفاء التفاصيل
اذهب إلى: تصفح, البحث
إضراب عن الطعام هو وسيلة مقاومة أو ضغط لاعنفية حيث يكون المشاركين في هذا الإضراب
صائمين (ممتنعين عن الطعام) كعمل من أعمال الاحتجاج السياسي، أو لاستثارة الشعور بالذنب
في الآخرين، وعادةً ما يصاحبه غاية لتحقيق هدف محدد، كتغيير سياسي معين. معظم المضربين
عن الطعام يتناولون السوائل ولا يتناولون الطعام الصلب. لا يمكن للإضراب عن الطعام من أن يكون
فعالاً ما لم يتم الإعلان عن خوض الإضراب ليعلم به الأشخاص المراد أن ينبهروا أو يقلقوا أويحرجوا.
في الحالات التي يكون فيها الكيان (عادة الدولة) محتجِزاً أو قادراً على احتجاز المضرب عن الطعام
(عادة سجين)، عادةً ما يتم إنهاء الإضراب عن الطعام بواسطة الكيان من خلال استخدام التغذية القسرية.
عند الإمتناع قطعًا عن تناول الطعام، فإن جسم الإنسان لا يخصل على البروتينات والدهون والكربوهيدرات،
لذلك يبدأ الجسم بهضم المخزون الإحتياطي من السكر والأحماض الدهنية وأجسام الكيتون.[1] |
<a href="http://www.sudaneseonline.com/cgi-bin/sdb/2bb.cgi?seq=post&board=400&msg=1342959034&rn=37" target=_self>Re: إقترآح بأن يكون إفطار البورداب في انحاء العالم بليلة وبلح... تضامن
هذه ليست دعوة مني للإضراب عن الطعام، لكن في إعتقادي أنّ حصر الإفطار في البليلة
والتمر يمكن أن يؤدي نفس الغرض الذي يؤدية الإضراب عن الطعام.
والله أعلم...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
التحية لبورداب الرياض.
توثيق بالصور للمة جميلة فيها ما فيها من الحميمية والمودة، والإلفة
بين أولآد البلد الوآحد الحادبين علي الوطن. أتت الصور تحمل في
طياتها مودة وإلفة وحميمية، والجميل فيها إضافةً إلي ذلك أنها أتت خالية
من صور الطعام.
نسأل الله أن يديم المودة بينكم أحبابنا في الرياض، وأن يتقبل مِنا ومنكم
الصيام والقيام، وأن يجعلنا من عُتقاء هذا الشهر المبارك.
مودتي...
| |
|
|
|
|
|
|
|
|
|
Re: إقترآح بأن يكون إفطار البورداب في انحاء العالم بليلة وبلح... تضامن (Re: معاوية المدير)
|
قبل يومين ركبت معاي وآحدة في التكسي، وبدينا نتونس.
سألتني: إنت من وين؟؟؟.
قلت ليها من السودان. صمتت وتغيرت ملآمح وجهها، وقالت لي،
أنا متابعة أخبار السودان، ويحزنني جداً وضع أهل السودان، وبدت تحكي لي
عن رحلتها للمكسيك. الكنديين يحبون قضاء إجازآتهم في المكسيك نسبةً لأنها
رخيصة وجميلة في ذآت الوقت.
قالت لي: أنا مشيت المكسيك، ومن المطار لحدي المدينة السياحية المسافة حوالي
45 كيلو متر. قالت لي تألمت جداً وأنا أشاهد الناس في الشوارع والحواري،
تبدو عليهم علآمات الفقر والعوذ، فالمكيسك نسبة الفقر فيها عالية. تألمت جداً،
وتأثرت لمنظر الفقراء السبب الذي أفسد علي الرحلة، فمكثت في المكسيك لمدة
10 أيام لا أكل غير الفوآكه، وأشرب الماء تضامناً معهم حتي غادرت المكسيك.
!!!!!!!!!!!!!!!!!!!!!!!
عجبي، هم لا يعرفونها ولا تعرفهم، لكنها عبّرت عن مشاعرها تجاههم وأرضت
ضميرها.
قطعاً التضامن المُعلن سيؤدي دوره، ولو عكسناه في أبسط الصور...
| |
|
|
|
|
|
|
| |
معاوية المدير
عبدالله ود البوش
MOHAMMED ELSHEIKH
اسماء الجنيد
Hani Arabi Mohamed
سجيمان
النذير حجازي
munswor almophtah
mohmmed said ahmed
بكري الخير
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست