|
|
 أغاني و أغاني الموسم الجديد .. عرض و متابعة و تحليل .
|
السلام على كل الناس دون فرز
ورمضان كريم
قاعد و حارس لي زمن زول أو زولة ينزل بوست بهذا الخصوص
كما اتعودنا بشكل دوري كل شهر رمضان لكن الظاهر كل
واحد\ه لابدينوحارسين زول يبادر .
البوست دا بقي ثابت و دوري يعني الناس في ثورة مافي ثورة
تواصل كفاحه و كتاباته و جهوداته .
يلا يا شباب و يا شابات تحاتي لكل الاصحاب والصديقات بدون
ذكر اسماء و في إنتظار الفطاحلة من اصحاب البوست .
غايتو الشهر دا الله يغفر لينا سااااااي بسبب البرنامج دا
خصوصاً السنة دي فيها افراح (الشعب) الح تتلم مع صباح(البتمنى
تكون اطورت لكن ما اظن) و مصيبة اسمه حسين الصادق (الهرمنة الماسمحه
كلو كلو و البحه المصطنعه) زايد فهيمة ديل الجداد .
ننتظر و نشوووووف .
الله يستر
|
|
  
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
طبعاً نحنا في السودان(نهوى اوطانا) دا الموقع
محجوب و شغالين بكاسر ساااااي عشان كدا كتابتنا
ممكن تتأخر فاصبروا علينا ياخ.
برضو شايف البوست دا نزل مرتين عشان كدا ركزوا
هنا وننسى داك .
المرة دي يفقد برنامج أغاني الأنسان الفنان نادر
خضر تقبله الله القبول الحسن و جعل الجنة مرقده
و هو فقد كبير .
كما من المرجح غياب عصام محمد نور .
الله يستر
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
كيييف يعني ياتضى الحال من بعضو!! ياخ (العين) ما بتعلى علي (الصاحب)
و ممكن تسأل (دفع الله) لو بطل (تشويش).
المهم البرنامج السنة دي بالجد الله يستر
وخليني هنا أِبل معاك محمود العربي
اصلو اخوك و شايفو بوزع في ارقام
تلفوناتك.
يا عربي بلا كرسي قدام بلا او هام معاك
انسل و اكتب .
شايف محمد إبراهيم كبس على البوست التاني
و ح اطنشو ليكم اصلاً محمد دا شاذ افاق
ما بكون جاء لحوار ولا اي حاجة
فانسوهو .
كل سنة و انتو طيبين ياخ.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Mohamed Foto7li)
|
| Quote: لو هي فعلا فالبرنامج يستحق المتابعة يا مولانا على ضمانتي |
لنادر حبيبو الرحمة والجنة بإذن الله..
يا أبا المجتبى والله العمر ما فضل فيهو كتير.. هذا البرنامج لم يعد يقدم جديدا
والكلام دا قلتو مليون مره لزول كدا هسه بيقرا في البوست دا وهو من يقف وراء القصة
..وحايجي في البوست بتاع سفيان يبرر براهو وبكلام غير مقنع..
علمت قبل قليل من د. أحمد القرشي أن سلمى سيد القيافه ستقدم وداللمين كل الشهر
في قناة الشروق وحيث أن هناك دقائق محدودة لمشاهدة التلفزيون في اليوم فيجب استغلالها
بعيدا عن صداع وأفراع..
واحد متابع البوست إتصل بي قبل قليل قال لي فهيمه وحسين ديل مداحين..
تقول لي على ضمانتي؟
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: طارق ميرغني)
|
Quote:
واتمني من ود العباسيه ان يقوم بانزال جميع الحلقات تباعا كما عودنا جميعا
|
ده كلام صح يا أبو الفن و سنتك سعيده
لانو بالجد انا في البلد دي مع الك بروكسي دا لا بقدر
انزل فديهات لا شي .
ياخ بالجد أنا ما قادر ارد و اتابع البوست دا ذاتو
و اهو مرات مرات بقدر ارد
فا الأخوان و الأخوات المابقدر ارد عليهم بالأسم يعذروني .
يا ولييييييييييييد عبد اللطيف
و يا صبري العريس
و يا حسام و ييييييينكم
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: محمد المرتضى حامد)
|
معلومتك عن عدم مشاركة عصام طلعت غلط يا سفيان..
هكذا بُلِّغت .. ناس البيت قالوا عصام مشارك ..
لم ولن أتمكن من متابعة الحلقات لتزامن وقت بثها مع صلاة العشاء والتراويح في الدوحة
ولن أتمكن من مشاهدة الإعادة ، لتأخر مواعيد بثها (الساعة الواحدة صباحاً بتوقيت قطر) ..
فنرجو من الأخ عبدالرحمن ( ودالعباسية) أو أي زول، مساعدتنا في المشاهدة ، وإنزال حلقة اليوم
وكذلك الحلقات القادمة..
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Balla Musa)
|
الله اكرم يا ناذر
إي بالله ال(طرش) دا اديهو بالحته الفيها الحديدة
أو اضربو ضربة البرير الطلعت فشنك ديك
Quote: شوق الشوق وعساك من العايدين
هذه المرة وحسب الترويج التركيز علي الفن الشعبي
محمد احمد عوض وعبدالوهاب الصادق وعبد الله محمد وعوض الكريم عبد الله
وظهر عثمان مصطفي وعبدالقادر سالم وحسين شندي |
ولي يا فردة جناحي يا مفتتتح
شايفك متابع متابعة لصيقة زي ال(شغيل) ههههههه
كلامك صح في تركيز على الشعبي
و الظاهر الخال (محمد أحمد عوض) حيمسك الجو لانو
أغانيه خفيفه .
بتوقع نجاح لحلقة العلم عبد الوهاب الصادق
ملك الأغاني الشعبية الخفيفه و المؤثرة
و اتوقع التزام موسيقي كبييير في حلقة الأستاذ
ود الرميلة عثمان مصطفى و حلقة عبد القادر سالم
أما حقت حسين شندي الله يستر منو.
حلقة عوض الكريم عبد الله قطع شك حتكون متعه
كذلك عبد الله محمد .
يا وليد في حلقة حتكون مع سميرة دنيا اوعه
تفوته و برضو حلقة مع إنصاف مدني اظنها عن
غناء الحماسة ودي حتكون حاجة مااااتخلص .
رمضانك كريم .
Quote:
طالما عصام محمد نور مافي ، فمعناها مافي ( أغاني )..
|
اووووو صلاح عبدالله كيييفك ياخ ؟
سنتك طيبة
والله لي كم يوم بتذكر فيك
المفاجأة يا صلاح في حلقة
أو حلقتين حيغني فيهم صاحبك
فضل أيوب .
بخصوص عصام نور صدقني أحسن يرتاح
بدل يجي يغني بدون مزاج زي ما كان
بعمل .
بمناسبةغناهو البدون مزاج دا عندي
راي من هسي عايز اقولوا وهو :-
فهيمة عبد الله صوته سمح جداً بس بتغني
بدون مزاج و عايشه بتكلتل الغناء كتل
و حتشوووفوا .
| Quote: رمضان كريم... شكرا ليك... بس اهم حاجة ارفعوا لينا الحلقات بسرعة |
الله اكرم يا الهادي
و اهو متظرين زيك ود العباسية
أو إي و احد\ه يرفع لينا الفديوهات.
يا جماعة كلام الدكتور دا:-
Quote: يا اخوانا انتو بتحللوا فى شنو؟
ماتنزلوا الحلقة وبعدين تخلونا نسمعكم, نبكى, نحلل معاكم ول كمان نحرم! |
اهتموا بيهو ياخ و ارفعوا الشغل دا .
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: motaz)
|
Quote: لسيرة الذاتية
الاسم : نادر خضر الامين
الميلاد : امدرمان بانت شرق
السكن حاليا : بانت شرق
المراحل الدراسية:
الابتدلئية ابو كدوك (أ)
المرحلة المتوسطة: بيت الامانه العامه
الثانوى العالى: درس بمدرستين
الاولى مدرسة النصر والثانية الموتمر الثانوية
الجامعة :
درس بالهند
التخصص اقتصاد وعلوم سياسية
البداية الفنية:
كهاوى فى بداية التسعينات
البداية الحقيقية كفنان محترف على خشبة المسرح تحديدا اكتوبر 1994م
نادر خضر موهبة غنائية تواصل ابداعها بلونية تختلف عن بقية زملائه.. كان يمكن ان يشق طريقه بعيداً عن الفن ولكنها الأقدار قادته ليكون فناناً بعيداً عن شهادته الجامعية حيث درس الاقتصاد والعلوم السياسية في الهند..
يقول في سانحة حوار قصير معه على خشبة المسرح: عودتي لوطني أعدها نقطة تحول في حياتي، فقد عقدت العزم على السفر الى أمريكا من اجل التحضير لدراستي العليا.. ولكن إصرار مجموعة من الزملاء والأصدقاء ورغبتي في مواصلة مسيرتى الغنائية دفعت بي للعودة واحتراف الغناء..
نادر خضر يؤكد ان غربته الطويلة علمته الكثير وجعلت منه طباخاً ماهراً يجيد فنون الطبخ خاصة «الزغني».. ولكنه يعترف انه فاشل في بقية الأعمال المنزلية سوى هوسه بحمل الفوطة والقيام بمسح الأثاثات وترتيبها داخل المنزل..
ويتذكر: ما زلت اتذكر تلك الرهبة عند أول ظهور لي في التلفزيون من خلال برنامج الأطفال الذى كانت تقدمه سهام المغربى وعلى الهواء مباشرة.. وما زلت وفياً لحي بانت وأهله والأصدقاء حيث الترابط الاجتماعي وحلاوة الحياة وصخب الطفولة.. صديق عمري عبدالناصر المرضي ومعاذ محمود وود الحوش وعصام سيكة وانور بديع..
|
العزيز نادر خضر السيرة الذاتية , البداية . والرحيل ..
الوفاء من صفات الكرام , بداية تاريخية , هامة وحزينه لاغاني واغاني 2012
الراحل نادر خضر و الاكتفاء بمشاركاته الغنائية, وسط هذا الجو و الشجن اشك انهم يستطيعون الغناء له ,
اللبس : لون حزن موحد وموقف واحد ..
قصيدة عاصم الرثائية جميلة الافكار ركيكة التوصيل .. عفوا يا عاصم ايها الصوت الانيق ..
حزن الاهرامات سعد ومحمدية نسيج وحده ..
والدموع احزن ما تكون في عيون العازف حمودي ..
رحم الله الفنان الانسان نادر خضر ,
وابحار متعب ويستاهل استاذ نابري و ضيوفه الاحباب
وفي انتظار الحلقة الثانية ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: شهاب الفاتح عثمان)
|
كانت مؤلمة يا سفيان
كانت حزينة
كانت وما زالت تدمي القلب وتدمع العين
نادر كان احد أعمدة البرنامج ان لم يكن هو الشعبة التي تشيل البرنامج.
نسال الله له الرحمة والمغفرة وان يسكنه الجنات العلى
غداً ستكون الحلقة مواصلة لمشوار نادر وبعدها سندخل في المجهول
كل سنة وانت طيب يا صديق ولكل الأحباب مشاركي وزوار هذا البوست
عبدالعزيز خطاب.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
Quote: المهم طارق جبيريل دا يحرس البوست
لانو افراح الشعب دي سووها هو و الموج
و حبيب نورة و صباح دي قاطعه هو من راسوا |
سفيان يا حبيب تصوم وتفطر على خير ياحبيب وضيوفك الاكارم
غايتو حبيب نورة ده بحب الشمارات جنس حب
قال لى السنة دى مافى عشان العدة وكدة !!
العدة اليبدلوك بيها يا وغد..
هو زاتو انت بخلقتك دى جك ومصفى ومقصوصة ما بتجيبن يا كريه
الكلام ده لحبيب نورة،، قال عدة قال!! لوووووول،،،
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
رمضان كريم يا سفسف وضيوفك الكرام
يا جماعة نحن في مكان النيل الازرق دي ما بتجينا باخوي واخوك مرة تجي ومرة تقطع
تحديدا في زمن البرنامج دا كان بقيت حاوي ما بتقدر تجيبها في الانترنت عشان كدا
والله يرضي عليكم نزلو لينا الفيديوهات اول باول هنا عشان نقدر ننظر معاكم ياخ... يعني
هسي رمضان دا لا ننظر ولا نعمل لينا حاجة مفيدة يعني وللا كيف,..... خلونا ننظر يا جماعة
ياخ حرام عليكم صيام وعدم تنظير كمان.... بتبالغو جدا والله.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
الوافد الجديد حسين الصادق
يغني نحنا في مشوار هوانا
و يظهر الفرق العظيم .
بالمناسبة الاستديو مليان
عازفين و اظن المسألة دي
عاملة ازعاج.
الضرس يغني لنادر اشواقي
بتسابق خطاي
و يوديها بشكل جيد جداً
لانه اعطاها المساحة الصوتيه
و الجميع في صت مطبق و الضرس
يتسلطن رغم حزنه الكبيير
و عازف كمان يوقف العزف و ينخرط
في بكاء و الضرس يعلوا في المكان .
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: صلاح هاشم السعيد)
|
سلام شباب ..
في رأيي الحلقة كانت باهتة جدا .. استثني منها الاداء الاسطوري للمرثية التي تغنى بها الاستاذ عاصم البنا ..
اغاني نادر خضر له طابع خاص واداء تطريبي خرافي لا يقدر عليه الا نادر خضر نفسه أو من يقلدونه نوعا ما .. أمس في سهرة قناة النيل الأزرق كان هنالك فنان يقلد نادر خضر بطريقة جميلة جدا والغريبة أنه يشبه نادر في كل شي .. شكله وحجمه وحتى إختياره لملابسه وخطواته وحركات ايديه اثناء الغناء ..
في رأيي كان يمكن لمعد البرامج الاستعانة به بدلا عن هذا الحضور الضعيف للأغنيات التي تغنوا بها طه سليمان وشريف الفحيل وحسين الصادق ..!!
أرجوا من المتداخلين عدم إقحام شعورهم الشخصي بالتعاطف عند استماعهم للاغنيات ..!
اغنية ايه اسباب غرورك لا تتناسب وصوت الفحيل وافرغها تماما من مضمونها وذات الوضع ينطبق على طه سليمان و حسين الصادق ..!
كما أن تلكم الأغنيات تم قتلها وقتل مودها عمدا بعدم بث الحيوية فيها سواء من الجانب الموسيقي أو من جانب الأداء .. هذه الأغنيات إيقاعها أسرع واخف وارشق وليست بذلك البطء والتوزيع الذي افرغها من مضمونها والحزن ليس مبررا لنحر الأغنيات بهذه الطريقة ..!!
وانا حقيقة في ذلك الوم عازف الأورغ المتمكن صديقي نزار حامد والذي تم جلبه خصيصا لأنه من أوائل العازفين الذين بدأوا مشوارهم مع نادر خضر في بداياته وهو من وضع لها القوالب والأبعاد وتراكيب الإيقاعات والمؤثرات الصوتية ..
لا أدري ماذا حدث حقيقة ؟؟!!..
أعلم أن نزار خجول جدا ولا يتحدث الا نادرا .. وربما لم يشاء الحديث وهو في صحبة عمالقة في العزف كمحمدية وعوض أحمودي واسماعيل عبد الجبار رغم أنه اقدرهم على توزيع تلكم الأغاني بحكم انه من عاصر ميلادها وبداياتها ..!!
ماذا كان سيضير معد البرامج لو لجأ لاغنيات نادر خضر المسجلة والموجودة في مكتبة النيل الأزرق كما حدث في حلقة البرنامج الاولى ؟!! أعتقد ان ذلك سيكون ارحم بدلا من أن نبتدئ ذكرى نادر خضر بتشويه أغانيه بهذا الشكل ..!!
قد يقول قائل أن هؤلاء زملاؤه وأصدقاؤه ويريدون مجاملته .. ولكن ماذا عن ملايين من معجبيه الذين ابكاهم رحيله ولا يريدون لأغانيه التي خلدت في نفوسهم أن يصيبها التشويه ؟!
أصدقاء البرامج هؤلاء وإن تعدوا العشرين زاملوا نادر مرة في كل عام ، فان معجبيه الملايين زاملوه في كل يوم ودقيقة وثانية يعيش داخلهم بأغنياته وذكريات اغانيه وحبه لهم ..!!
ملاحظة مهمة :
نادر خضر رغم مشواره الغنائي الطويل حتى لحظة وفاته ليس لديه شريط ماستر رسمي يوثق فيه لاغانيه بطريقة سليمة وبتوزيع موسيقي علمي / والموجود في الساحة عبارة عن اشرتة كاسيت مزيفة وتحمل في جوفها تسجيلات له من حفلات ومناسبات خاصة طبعها القراصنة في القاهرة وعواصم مجاورة أخرى ..!!
ملاحظة ثانية :
الشاشة الكبيرة القدام الجماعة ديل كان بيضر شنو لو علقتوها بي وراهم وورا السر قدور تحديدا ؟!
وبتاع الديكور دا ما إنتبه إنو صور نادر بالاصفر ما متناسقة مع الديكور ؟!
جماليات الشاشة وينا هنا ؟!!
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: ناذر محمد الخليفة)
|
| Quote: اغاني نادر خضر له طابع خاص واداء تطريبي خرافي لا يقدر عليه الا نادر خضر نفسه أو من يقلدونه نوعا ما .. أمس في سهرة قناة النيل الأزرق كان هنالك فنان يقلد نادر خضر بطريقة جميلة جدا والغريبة أنه يشبه نادر في كل شي .. شكله وحجمه وحتى إختياره لملابسه وخطواته وحركات ايديه اثناء الغناء .. |
إسمع عمر التقانة يا ناذر
لقد كتبت عنه اليوم في بوست الزميل حميدة
Quote: هى تجربة جديدة
تجربة جديدة على البرنامج وعلى الناس
برنامج ناجح جذب جمهوراً عريضاً لمدة ست سنوات
تشاء المشيئة الإلهية أن يخطف الموت فجأة أحد أهم أبطال هذا البرنامج
لنا زملاء في هذا المنبر أعلنوا بعد الوفاة المأساوية مقاطعتهم لهذا البرنامج ( جنابو عمر عثمان مثالاً )
في ظني لم يكن من الممكن أن يأتي نفس الزملاء ونفس العازفين ويغنون وكأن شيئاً لم يحدث
لم يتطرق لمخيلتي أبداً أن أحد هؤلاء الباكين والباكيات كان يفتعل البكاء بل كان جلهم يغالبه
مالى أذهب بعيداً
أنا البعيد عنهم مكاناً وقرباً من نادر خضر ... وجدتني أبكي بمثل حرقتهم
في ظني أن إدارة البرنامج قد أحسنت الصنع وهى تخصص حلقتين للمشاركين في البرنامج وللمشاهدين لتنفيس كمية الحزن ( المعتمل أصلاً ) في الصدور
وبعدها يستمر البرنامج
الله تعالى وحده هو الحي الدائم
____________________
في سهرة قناة النيل الأزرق بالأمس غنى شاب إسمه ( عمر التقانة ) أغنية للمرحوم نادر خضر بنفس طريقة نادر ... للمفارقة الشاب شديد الشبه بنادر هيئة وصوتاً وطريقة أداء و ( استايل لبس )
خيم على الصالة الكبيرة صمت مهيب
ركزت الكاميرا على الحضور كان البكاء قاسماً مشتركاً بين الرجال والنساء |
سفيان وود العباسية وناذر وصحبهم
رمضان كريم
متابعة
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
| Quote: اللهم ارحم نادر واغفر له واجعله من اصحاب اليمين |
فعلا حلقة حزينة جدا ..وكل الناس بكت هذا الشاب الفنان فما بالكم
بمن التصق به وهو يوزع الفرح طيلة هذه السنين لذلك انا
ارى ان هذا الحزن النبيل الفي الحلقة شيء طبيعي
من زملاءه في البرنامج وهو يؤكد حقيقتين ..الاولى مدي حب الناس
له والثانية هو وفاء ونبل مشاعر هذا الشعب ..له الرحمة وسنتابع باقي
الحلقات لاننا في اخر الدنيا وده عزاءنا الوحيد في هذا الشهر بالرغم من اننا نتابعه عبر الانترنت
ولك مودتي
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
Quote:
و الحلقة التانية استهلها عصام بأغنية غاية
في الحزن
لحن جميل و آداء في قمة الروعه
رغم أنو واضح إنها مسجلة.
و إفادة من اسماعيل عبد الجبار عن نادر
و عاصم البنا يغني يا صاحبئّ وهي مرثية
لنادر .
|
مرثية عصام معقولة ..ومعبرة..
مرثية عاصم..على إيقاع الريقي..راقصة عديييييل...
غايتو...الما بعرف يقول ليمون..
..
.
بالمناسبة...على قول حميدة..
الناس شكلهم صعبوها على روحهم من قولة تيت..
..
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Mahmoud Mustafa Mahmoud)
|
سلام عاطف عمر ..
Quote: إسمع عمر التقانة يا ناذر
لقد كتبت عنه اليوم في بوست الزميل حميدة
|
فعلا أنا قاصد مداخلتك وقاصد الفنان دا ..!!
لكن يا عاطف صراحة انا ما متاكد .. الزول دا لمن إنتهى من غنيتو أعتقد مقدم البرنامج قال ليهو غسم تاني غير عمر التقانة ..!
أو أنا غلطان لأني ما كملت السهرة كلها ..!!
لكن والله كان أداءو للأغاني خرافي وحضورو رائع جدا تحلف تقول دا نادر بي شحمو ولحمو ...!!
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: إبراهيم عبد الحليم)
|
سلام سفيان ..
| Quote: يا ناذر كدي اسمع طه تاني. |
اداء طه غلبو الحزن والتأثر ودا انعكس على الفرقة المصاحبة وبالتالي الاداء ما كان بيشبه طه ولا بيشبه نادر خدر ..!!
أنا أستمعت للأغنية مجردة .. كدي يا سفيان طلع الحزن الجواك وغمض عيونك واسمع إنت تاني ...!!
يا خي شوفوا لينا حل للشاشة الصفراء القاعدة قدامنا دي ..!!
حا تستمر معانا على طول ولا شنو ؟!
إتخايل لي تم تسجيلا كدعاية لي إم تي إن لكن إم تي إن إنسحبت من الرعاية في أخر لحظة وورثتا زين ..!!
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: ناذر محمد الخليفة)
|
يا ناذر أنا ذيك سمعته طه بحياد تام
و لقيت شغلو مكرب زي ما قال إبراهيم
عبد الحليم(الله ينصر دينو و الأذان يأذن)
طه بيعرف كيف يتعامل مع صوته و بيتنقل
بامتياز في العآلي و الخفيض و آداء الأغنية
بسلطنه كبيييره .
يارايوة ربنا يتقبلو و الله نادر المابنعرفوا
اكتر بكتييير و هو فقد كبييير لناس كتاار .
وينو دكتور بله!!؟
يا معتز بالله الحلقة كيف؟!
لو في امكان نسع رآي طارق أبو الفن
في شغل طه الضرس يكون كويس و الله.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: محمد الامين محمد)
|
Quote: نجم الحلقة اليوم نزار رفيق درب نادر
الاكثر حزنا الرجل تحامل علي نفسة وغالب الدموع
لم يستطع باقي العازفين اجادة العزف الا نزار لوحدة كان يعزف لوحدة والباقي عايمن ساي |
بالفعل يا محمد الأمين نزار كان الحزن عندو كبير
و في وجهة نظري الأستديو مليان عازفين اكتر من
كل مرة والحاجة دي شايفه جايطه المزيكا شديد.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: ناصر احمد الامين)
|
حبيبووووو والله يا حليلو خلى البرنامج مميل الزول السمح الكان بيظبط ايقاع القعدة
بادبو وتطريبو العالي .... حليلو تعاين ليهو تحترمو زول سمح وباسم وزاهد وبسيط
وفنان.... هو الفنان شنو ان ما بقى جنس نادر دا... الفان شن طعمو ان ما بقى زول
سمح من جووووه... حليلو حبيبوووو التاني خلاص ما حا نشوفو الا في عيون اصحابو البكوهو
ديل وفي عميق ذاكرة الحزن لكل من توغل في داخل فعبر فيه مساحات من هوى وشوق وحزن
نبيل.... حليوووو اصلو كان زولا ضو.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: عبير خيرى)
|
حينما غنى طه سليمان لو لاحظتو في عازف كمان بي ورا كدا ختى الكمان وقعد يبكي
العازف دا اسمو زرياب برعي محمد دفع الله كان صديق طفولة وصبا ودافوري وهو صديق
تجمعه بنادر خضر صداقة اولاد حلة صداقة قدييييمة من زمن البللي والدافوري والنبل
واعرف انا تمااااااااما عن مدي صدق وترابط علاقته بنادر خضر.... كان منظره وهو يبكي
من اكثر ما احزنني والله في هذه الحلقة.
يا ناذر والله بتبالغ ياخ... طه سليمان اشتغل في الغنية دي باحساس عااااالي وبل وكانت
اجمل ما قدم في هذه الحلقة علي الاطلاق.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Yasier Elsayed)
|
Quote: حينما غنى طه سليمان لو لاحظتو في عازف كمان بي ورا كدا ختى الكمان وقعد يبكي
العازف دا اسمو زرياب برعي محمد دفع الله كان صديق طفولة وصبا ودافوري وهو صديق
تجمعه بنادر خضر صداقة اولاد حلة صداقة قدييييمة من زمن البللي والدافوري والنبل
واعرف انا تمااااااااما عن مدي صدق وترابط علاقته بنادر خضر.... كان منظره وهو يبكي
من اكثر ما احزنني والله في هذه الحلقة.
يا ناذر والله بتبالغ ياخ... طه سليمان اشتغل في الغنية دي باحساس عااااالي وبل وكانت
اجمل ما قدم في هذه الحلقة علي الاطلاق. |
الغالي زرياب ابن الملحن العملاق الراحل برعي محمد دفع الله
كانا كما ذكرت اخي الخير محمد عوض ابناء حي واحد , وابناء مهنه واحده ,
زرياب كان بيتهم اول مربع ببانت غرب فاتح على اشلاك السلاح الطبي , قبل ان يرحل بيت الاسرة الكريمة الي مدينة النيل بامدرمان ,
والراحل نادر منزلهم جوار ميدان الكورة امام سوق بانت شرق العتيق ..
زرياب شفيف واخو اخوان, له التحية ونتمنى لع التوفيق في بقية الحلقات
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
العزيز/ سفيان نابري
رمضان كريم وكل سنة وإنت طيب وتصوم وتفطر على خير إن شاء الله.
البرنامج ده كان مقصود بيهو الغنا الواحد ده؟
غايتو في غياب:
نادر (رحمه الله وأحسن إليه)
أسرار (رد الله غربتها)
وهسي إنت قلت عصام
أحسن الجماعة ديل ينسوا الموضوع ده السنة دي ويشوفوا ليهم حاجة تانية أو بالعدم تتم إعادة أجمل حلقات السنوات السابقة
تكريماً لنادر بدلاً عن الحاصل والبحصل والحيحصل ده.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Azhari Nurelhuda)
|
Quote: حينما غنى طه سليمان لو لاحظتو في عازف كمان بي ورا كدا ختى الكمان وقعد يبكي
العازف دا اسمو زرياب برعي محمد دفع الله كان صديق طفولة وصبا ودافوري وهو صديق
تجمعه بنادر خضر صداقة اولاد حلة صداقة قدييييمة من زمن البللي والدافوري والنبل
واعرف انا تمااااااااما عن مدي صدق وترابط علاقته بنادر خضر.... كان منظره وهو يبكي
من اكثر ما احزنني والله في هذه الحلقة. |
هذا الشبل من ذاك الاسد
شكرا للمعلومة
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Azhari Nurelhuda)
|
حبيبنا الخير
بالجد نادر فقد لا يعوض على كافة الأصعدة
و فعلاً اتبهته لعازف الكمان فى ذات اللحظة
و ذكرتو في مداخلة بس في اللحظة ديك كان
مدنقر و أنا ما انتبهته انو زرياب برعي
و زرياب يا الخير موسيقي معروف لدينا .
عبير خيري سنتك طيبة
حبيب نورة
اها الاسفار كيف!!!؟
بالمناسبة جابو ليك
ناسك في البرنامج دا
أمشي احرس ساااي.
حبابك يا رجويه
رمضان كريم
اها وصلتي الحاجة!؟
Quote:
اما اغنية اليوم فهي بحق تكشف امكانيات طه الكبيره
اداء متميز وبروح عاليه وعميقه ومن القلب |
وقضئ الأمر الذي يجادل فيه نازر لووووووول
يا طارق يا أبو الفن بتفق معاك بخصوص كل ماذكرته
عن طه الضرس وقصة الغناء التاني دي في وجهة نظري
كانت و لا زالت متطلبات مرحلة و حالة ذهنية و اجتماعية
و اقتصادية و حتى سياسية ذاتو .
حبابك يا ياسر السيد
و سنتك طيبة و تصوم
و تفطر على خير
بالجد لحن عاصم واجهتو
كتير من المشاكل كلامك
صح الصح.
Quote: البرنامج ده كان مقصود بيهو الغنا الواحد ده؟
غايتو في غياب:
نادر (رحمه الله وأحسن إليه)
أسرار (رد الله غربتها)
وهسي إنت قلت عصام
أحسن الجماعة ديل ينسوا الموضوع ده السنة دي ويشوفوا ليهم حاجة تانية أو بالعدم تتم إعادة أجمل حلقات السنوات السابقة
تكريماً لنادر بدلاً عن الحاصل والبحصل والحيحصل ده. |
كيييفك يا ازهري ياخ ؟
كيفك يا فنان؟
تصوم و تفطر علي خير
و الله ربنا يرحم نادر فقد حقيقي للسودان كلو مش البرنامج .
هسي عليك الله يا أبو الزهور اسرار دي اتذكرتها من وين ههههههه أنت يا فنان اظنك ماك مواكب
في و احده اسمه صباح عبد الله (عندها اربعة اصوات - حقاته عديييل دون استلاف - اها لم تستلف
دا شي تاني (اصلوا ما شفنا دا ما قدر الله جانا عدييييييييييل زي ما بقول صاحبك ) عليك الله
يا ابو الزهور تحضره (إي والله دي بحضروها اصلو ا بسمعوها) تحضرها و تدينا فيها النجيضة .
برضو في و احده اسمه افراح الشعب ودي فوزوها لينا ناس بابكر الصديق كيف و ليه و بياتو مؤهلات
علمي علمك !!! صوته ضعيف رغم انها بسم الله ماشاء الله لا ضعيفه لا حاجة و خياله اضعف من صوته
و مرات كتيييرة صوته بروح كلو كلو بس تقول شنو عاد جابوها و حنسمعه يعني حنسمعه .
يا أبو الزهور عليك تحضر
ياخ دي اسمه الفُرجه الفُرجه
| |
|
|
|
|
|
|
|
|
 Re: أغاني و أغاني الموسم الجديد .. عرض و متابعة و تحليل . (Re: سفيان بشير نابرى)
|
لا إله إلا الله آمنت بالله ..
وبك يا طه سليمان!!
دا حزن شنو دا يخوانا؟؟ والله دا حزن يهد الجبال
حزن حقيقي حقيقي من القلب ودون إدعاء ودون تكلف
ونادر الأحبوه الناس بالتساوي دا هل كان زول عادي؟؟!!
ودا حالتو وسط فني ميزتو المنافسة وغيرها .. غايتو حيرتنا
معاك يا نادر يا زول يا سمح خصال وأخلاق .. هنيئآ لك والله!
ربنا يرحمك ويحسن إليك ويكرم وفادتك يا إنسان يا نادر
عزيزنا سفيان كل سنة وضيوفك الأكارم بخير وعافية وتامين ولامين.
.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: Hadeer Alzain)
|
دستووووووووور بي ادب
اولا نهينيكم برمضان كريم تصومو وتفطرو على خير يارب
Quote: يلا يا شباب و يا شابات تحاتي لكل الاصحاب والصديقات بدون
ذكر اسماء و في إنتظار الفطاحلة من اصحاب البوست . |
اكيد قاصدني انا
.
.
ياخي كم اصبح لنا هذا البوست في كل عام ملاذ لنا نبحث عنه دائما عندما نريد ان نهرب من الملل
في البدايه هذا البوست ياريت الناس تدعي مره اخرى للراحل المقيم النادر نادر خضر
شخص جميل كم انتقدناهو هنا وكم شكرناهو ايضا
والان فعلا يعتبر مكانه فارغ لايمكن ان يملى هذا المكان اي من الفنانين نادر فنان مؤدب خلوق وسمح خلقه
.
.
كما تحيات خاصة للفنان طارق ميرغني ( ابو الفن ) وهو يتربع هنا بيننا والحمد لله رجع لنا بكامل صحته وعافيته
.
.
سفيان صاحب الخيط تحيه ليك نص كم وباقي الاخوان كم طويل
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: وليد عبد اللطيف)
|
| Quote: سفيان صاحب الخيط تحيه ليك نص كم وباقي الاخوان كم طويل |
الحق وليد خلى السعودية ورجع ترزى بالسوق العربى لووووووووول
حقيقة كنت اتمنى ان تضم حلقات هذا العام نجمة الغد الفائزة بالمركز الاول شذى عبدالله من القضارف. هذه الشذى عندها امكانيات صوتية عالية وتطريب مبالغة تجلت فى اداء اغنيات الهرم وردى هجرة عصافير الخريف واغنية الطير المهاجر للوطن.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: إبراهيم عبد الحليم)
|
Quote: الغالي زرياب ابن الملحن العملاق الراحل برعي محمد دفع الله
كانا كما ذكرت اخي الخير محمد عوض ابناء حي واحد , وابناء مهنه واحده ,
زرياب كان بيتهم اول مربع ببانت غرب فاتح على اشلاك السلاح الطبي , قبل ان يرحل بيت الاسرة الكريمة الي مدينة النيل بامدرمان ,
والراحل نادر منزلهم جوار ميدان الكورة امام سوق بانت شرق العتيق ..
زرياب شفيف واخو اخوان, له التحية ونتمنى لع التوفيق في بقية الحلقات
|
يا شهاب انت ود حلتنا وانا ما عارف واللا شنو هههههههههههه يا زول انت كان اتلفت يمينك من بيت ناس زرياب دا طوالللي بتكون توووش في بيتنا
هسي دا كلو هين.... انا البحلني من الغنية دي شنو لاني لي هسي بكون سمعتها زي كم مليار مرة كدا... تطريب عالي وصدق متناهي واكاد اجزم بان
الصدق الذي احسسته في اداء طه سليمان لهذه الاغنية لم ارى مثله لا في الاولين ولا الاخرين.... صدق صدق جد جد.
| |
|
|
|
|
|
|
|
|
|
Re: أغاني و أغاني الموسم الجديد .. عرض و متابعة و تحليل . (Re: الخير محمد عوض)
|
Quote: دا حزن شنو دا يخوانا؟؟ والله دا حزن يهد الجبال
حزن حقيقي حقيقي من القلب ودون إدعاء ودون تكلف
ونادر الأحبوه الناس بالتساوي دا هل كان زول عادي؟؟!!
ودا حالتو وسط فني ميزتو المنافسة وغيرها .. غايتو حيرتنا
معاك يا نادر يا زول يا سمح خصال وأخلاق .. هنيئآ لك والله!
ربنا يرحمك ويحسن إليك ويكرم وفادتك يا إنسان يا نادر
|
ربنا يتقبلو يا هدير و يسكنه عالي الجنان
الله اكرم يا هدير و كويس انك
ظهرتي لوحدك لانو كنا ح نندهك
أسمعي !! الوهمي أخوك داك إن شاء الله بكري
ما يديهو باص كلو كلو .
يقصدوا ليك شنو ياخ انت !!!
أنت قالوا فكت منك و بقيت زي كابتن كابو لابس سروال للركبة
و طايح نقه من شجرة لشجرة .
Quote: .
ياخي كم اصبح لنا هذا البوست في كل عام ملاذ لنا نبحث عنه دائما عندما نريد ان نهرب من الملل
في البدايه هذا البوست ياريت الناس تدعي مره اخرى للراحل المقيم النادر نادر خضر
شخص جميل كم انتقدناهو هنا وكم شكرناهو ايضا
والان فعلا يعتبر مكانه فارغ لايمكن ان يملى هذا المكان اي من الفنانين نادر فنان مؤدب خلوق وسمح خلقه
.
|
و الله يا ولي كلامك صح بس ربنا يغفر لنا ويلحقنا به في الجنان.
Quote:
كما تحيات خاصة للفنان طارق ميرغني ( ابو الفن ) وهو يتربع هنا بيننا والحمد لله رجع لنا بكامل صحته وعافيته
.
.
|
طبعاً اخوك لو لقي في البوست أبو الفن و ازهري نور الهدي و ابراهي عبد الحلي و عزيز خطاب و بقية الفنانين برقد قفى و يشبك ليك الناس تااح تااح ههههههه
ما تزعل أنت ذاتك معاهم اها لوووول.
و الله يا و غد مشتاقين
و عماد خبروشنو؟
الخير و شهاب (اولاد الحِلة) حددو حلتكم البتتكلمو عنها دي بانت
ولا مدينة النيل عشان ح نقالعكم في و احده لووول .
يا ابراهيم عبد الحليم صدقني و ليد دا ترزي ا بينفع
كراعوا عرييييضه هههههه
| |
|
|
|
|
|
|
| |
سفيان بشير نابرى
محمد المرتضى حامد
Mahmoud Mustafa Mahmoud
MOHAMMED ELSHEIKH
قاسم المهداوى
محمد البشرى الخضر
إبراهيم عبد الحليم
Mohamed Foto7li
ودالعباسية
haroon diyab
ناذر محمد الخليفة
khaleel
الهادي محمد ابراهيم
Balla Musa
عوض عبدالله طه
motaz
طارق جبريل
Nasir Ahmed Elmustafa
شهاب الفاتح عثمان
عزيز
أيمن التوم حسن
صديق الموج
الخير محمد عوض
الطيب شيقوق
صلاح هاشم السعيد
بشير أحمد
عاطف عمر
عزالدين محمد عثمان
محمد علي شقدي
jini
ناصر احمد الامين
Rawia
محمد الامين محمد
عبير خيرى
حبيب نورة
Raja
Yasier Elsayed
Azhari Nurelhuda
Hadeer Alzain
وليد عبد اللطيف
فيس بوك
تويتر
انستقرام
يوتيوب
بنتيريست