|
Re: اها اكان اترشيتوا .....اصلوا سادومبا ولا ميسي.......؟ (Re: حبيب نورة)
|
سلامات للمهضربين
Quote: اصلوا سادومبا ولا ميسي |
ولا تكسى
____
وهبه الشوق كيمان وحمد لله على سلامة العوده والمنبر من غيرك ضلام
_________
سادومبا قدم الموسم السابق فى دورى الابطال مستوى رائع وكان السبب الرئيسى فى تخطى اسيك العاجى ونتمنى ان يكون اضافه قويه لسيد البلد .... ويبقى وجع لبطيخ البلد
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: عبدالوهاب علي الحاج)
|
مقارنه على الماشى بين اغلى محترفى السودان ابوعمرين المدعو ورقو والقاطره البشريه القادم من ادغال افريقياالاعب الموهوب سادومبا
ورقو فى ستة اشهر - 30 مباراه - سجل هدفين ( تشمل مباريات دوريه ووديه محليه و دوليه و سكيففيه ) والفنان سادومبا عزيزى هارون دياب وفى اقل من نصف ساعه وفى مباراة وديه دوليه سجل الهدفين وعمره فى الهلال ايام
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: Abd Alla Elhabib)
|
Quote: ياهارون انت بترجف مالك ..... صحيح ان الشلاقة ماكويسة لكن تعملوا شنو ؟.... الجابكم محل الابطال شنو ؟ ...... كان احسن ليكم الاسمها ماعارفو ديك اظنها الكونفدرالية بتلاقو شبهكم .... هسع سادومبا ده مابلعب يوم السبت ولااي مباراة في البطولة دي ............. الزول ده جبناهو لاننا محتاجين ليهو في دبي الاندية ابطال العالم وكده .......... حبتين يوم السبت من كاريكا وامبيلي لانو هيثم بضيع البلنتي . |
و الله يا بهاء انا مستغرب و دياب المصحيهو لي اسع شنو و لا سهر الجداد و لا نومو؟
لطفي
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: ahmed khidir)
|
جزء من عمود محمد عبد الماجد في قون اليوم:
* حاج عثمان عندو ازمة حادة ...حالتو صعبة شديد. * دخل في غيبوبة. * شالوه وجري علي الحوادث. * الحوادث طبعا المحطة قبل الاخيرة من (المقابر). * الجماعة في الحوادث طبعا اول حاجة لقوا الدكتور مافي ..والممرض بحضر ليهو في كورة في الكافتريا. * وحاج عثمان حالتو متأخرة شديد ..بين الحياة والموت ..اي زول شافو قال :(الزول دا زول موت ساكت ..ما في رجا منو). * المفارق ظاهر...بتلقي عيونو (متشابحة). * بعدين حاج عثمان دا من البداية ظاهر عليه ما زول دنيا. * في ناس طبعا من يشوفوا ليهم زول تعبان ..يقعدوا يترقبوا في نشرة ثلاثة. * هسع نشرة ثلاثة خلوها. * بقوا من يسمعوا ليهم بي زول تعبان بقعدوا يترقبوا في التلفون. * التلفون لو ضرب ساكت ..يقولوا ليك :(حاج عثمان دا بكون مات). * انا ما عارف الناس دي ضايقة ليه؟. * لو الباب (كركب) ..يقولوا ليك ):الكركبة دي ما اعتيادية ..اكيد في زول مات). * طبعا هم قاصدين بالموضوع دا (حاج عثمان). * حاج عثمان هناك في المستشفي شافوا الدكتور ....قال حالتو متأخرة ..الزول دا كان وين ؟..جايبنو بعد ما حالتو وصلت للحالة المتأخرة دي. * زولكم دا (ساعاتي) ما بقبلوا ليكم بي حالتو دي. * الدكتور ما كذب ..طوالي حول ليك حاج عثمان للانعاش..ومنعوا الدخول. * المستشفي دا يصل ليها لوري..لوري... ويرجع. * تقول لاعبين فاينل. * واي لوري يرجع ويصل البلد يشيع بين الناس ان حالة عثمان خطرة شديد..الزول دا في اي لحظة توقعوا يقولوا ليكم مات. * ناس البلد يعجبوك. * لو سمعوا ليك زول ساكت عندو (نزلة) يطلعوا ليك بين الحياة والموت. * في جماعة بجهزوا (العمم) من بدري..يعجبوك في الحالات الزي دي. * لكن حاج عثمان فعلا حالتو صعبة. * دخلوه الانعاش (كاضم)... 15يوم لا حركة لا خبر. * حاج عثمان طبعا كان عمدة من كبارات البلد ..عندو 11 ولد ..كل واحد في بلد. * بعد الاسبوع الثالث ..حاج عثمان بقي يتحرك...واللواري دي (تتطاقش) ..لوري يقيف ولوري يقوم. * ناس البلد متكسرين كلهم في المستشفي. * النسوان ديل كل واحدة فيهن تجي بي عمود...مرات العمود يجي قبل ستو. * الاعمدة دي ما بتديك الدرب. * انا ما عارف الاعمدة ام طاسات دي بتجيبوها من وين؟. * وحاج عثمان ولادو الـ14 بقوا يتوافدوا من بلاد برة...واحد...واحد. * الفي السعودية وصل..والفي استراليا رجع ...عندو تلاتة اولاد في الولايات المتحدة رجعوا البلد بي جنسيتهم الامريكية. * الـ14 ولد اترصوا في غرفة الانعاش ..و(اتحولقوا) في السرير الراقد فيه ابوهم. * الدكتور قال ليهم :عاوز ابوكم دا وقت يفتح ويعود ليهو الوعي ..يلقاكم قدامو عشان روحو المعنوية ترتفع وتساعدنا في العلاج. * عاوزو يفتح يلقاكم قدامو زي الاسود. * الاولاد الـ14 صدقوا الكلام دا واترصو في السرير.توزيعة كوتشينة بس. * حاج عثمان بقي يفتح عين ويغمض عين...زي افتتاحية سيكافا. * الدكتور قال ليهو :ابشر بالخير يا حاج ..ديل اولادك وصلوا كلهم من بلاد برة عشان يشوفوك. * دا عباس من انجلترا ..ودا ايمن من السعودية وديل خالد وعبدالرحمن والامين من الولايات المتحدة ..ودا .... * حاج عثمان فتح عينو التانية وبقي يعاين في اولادو. * الطيب قال لي ابوه يا حاج :انا الطيب جيتك من استراليا ..انت ما عرفتني. * وحاج عثمان يقلب في عينو. * يا حاج انا هاشم جيت من الهند عشان اشوفك ..ان شاءالله يا حاج تبقي لينا طيب. * حاج عثمان بعد ما فتح عيونو...بدأ يحرك في ايدو. * الدكتور قال ليهم دا تطور خطير ...الزول دا شهر كامل نحن نعمل ليهو في الدلك الطبيعي ما اتحرك لينا. * حاج عثمان واضح عليهو كان عاوز يقول حاجة ..لكن لسانو تقيل. * اتكلم يا حاج انت عاوز تقول شنو؟. * كا ...كا....كا... * اتكلم يا حاج مالك ...كامل ولدك قاعد جاء من سوريا ... * وحاج عثمان يقول في كا ...كا... * يا حاج (كا) شنو انت قاصد منو؟. * كا ..كا...كا... كباية.. كا...كا...كا... * كوثر يا حاج ..بنتك دي وصلت من القاهرة امس والدكتور طلعها برة عشان ما قدرت تستحمل تشوفك بي حالتك دي. * وحاج عثمان شغال في كا..كا...كا...كا... كادوقلي. * كا..كا...كا... كردفان يا حاج. * كا.....كا ....كا.... * كلفورنيا!!. * كا...كا...كا.... كاب الجداد!!. * كا..كا...كا... كلتوم!!.. * يا حاج في شنو؟. * الدكتور قال ليهم : الموضوع دا صعب نحن لازم نعرف الزول دا قاصد شنو بي كا...كا....بتاعتو دي ...عشان الموضوع دا بساعدنا في العلاج. * وحاج عثمان شغال :كا...كا..كا. * الدكتور قال ليهم جيبوا لي مترجم (مجضم) لغة الهوسا. * ولاد الحاج ما قصروا ...جابو المترجم لابس نضارتو متل باقي السلطة. * المترجم نزل وطلع ...ما عرف الزول دا قاصد شنو؟..بي كلمة كا..كا...كا... * المترجم قال ليهم بي امانة كدا الموضوع دا صعب علي...غلبني تب. * الدكتور قال ليهم جيبوا لي مترجم فرنسي. * الاولاد ما قصروا جابوا ليهو المترجم الفرنسي. * المترجم دخل وطلع ..وبرضو ما فهم حاجة. * وحاج عثمان شغال :كا..كا...كا.. * الدكتور قال ليهم ما في مشكلة جيبوا لي مترجم هندي. * الاولاد جابو المترجم الهندي. * المترجم الهندي برضو ما فهم حاجة. * وحاج عثمان اليوم كلو ..يقول في كا...كا...كا... * الدكتور قال ليهم كدا جيبوا ليكم كونسلت بتاع مترجمين..شيء صيني وشيء برتغالي ..وشيء انجليزي ..وشيء روسي...شكلوا لي في الجماعة ديل. * كلهم ما فهموا حاجة. * حاج عثمان وقت زهج خالص قال ليهم :الكرت ...الكرت يا عالم...انتوا قايلين من البداية الدخلني للحالة دي شنو ..غير تأخر الكرت دا. * الجماعة نطوا ...قالوا ليهو كرت شنو يا حاج ..انت الحمي طارت ليك في رأسك يا حاج. * كرت سادومبا. كرت سادومبا مالو يا حاج؟. * الكرت وصل؟. * الاولاد الـ14 ...قلدوا ابوهم وقالوا ليهو...وصل يا حاج...ارقد قفا ساكت...انت من الصباح ما تقول لينا : سا ..سا..سا...سا سادومبا ..شنو شابكنا ..كا ..كا...كا كادومبا. * يقوم المريخاب يسمعوك بتقول كدا يقوموا يقدموا شكوي في (الكاف)..موش انت بتقول كا...كا...كا...كا...كا.. * حاج عثمان بي مرضو لسانو فصيح...تقول بالع ليه (نوكيا N78). * حاج عثمان قال لي اولادوا : ان بقي الكرت وصل ..قالوا للمريخاب بلوا رأسكم . * المريخاب العاقلين ..طوالوا بلوا رأسهم. * احسن تبلوا رأسكم براكم ...احسن من تبلوا ليكم المطر.
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: waleed dawash)
|
وليد ياحبيب جمعة مباركة
Quote: ياهارون..استهدى بالله و صلي علي النبي...
يا ناس الدوحة؟ القريب منكم يلحق الزول ده
يعزم ليه ولا يعمل ليه اي حاجه... |
والله لاهضربة لاحاجة قائم الصاح كافي خيري شري . قلته اصبح علي الملك العجب القي ليك الاسمو سادومبا ده مايديك السكة من بوست لبوست ....علي وزن ( من دار لي دار ) قلنا النكتل الدش قبل الضمنة ماتقفل . بكره ....السد ....السد......الرد ....الرد
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: khaleel)
|
هارون والله مشتاقين يارجل يااحمر .... وفى سلام من نوع أخر على انغام عشية السبت ... بس خليك قريب
خليل انت فاضى من ناس هانى سلامه عشان تشوف سادومبا الراجل الموسم السابق تلاعب تماما بدفاعات الاهلى واسيك فى بطولة افريقيا والموسم ده هداف بدورى جنوب افريقيا .... الراجل لعاب وفنان وقوى
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: Abu Eltayeb)
|
هارون دياب يا احمر يا جميل الجماعة ديل خليهم،في كرت سادمبا وصل لا ما وصل،وصل لا ما وصل لغاية،ايداهور يحشهم زي البصل. ياود دياب،كمان جابتليها احلام،عمك الارباب،قال فائزين،باكثر من ثلاث اقوان حرم لو كنت في النظام العام،الا اجلده ،ولا اقول ليك،اخللي الضباح يرد عليه
تسلم يا رائع،اطمئن خالص مع الحمام دا.
مودتي
| |
|
|
|
|
|
|
Re: اها اكان اترشيتوا .....اصلوا سادومبا ولا ميسي.......؟ (Re: طارق الكوتش)
|
طارق ياكوتش سلامات
Quote: عشان تشوف سادومبا الراجل الموسم السابق تلاعب تماما بدفاعات الاهلى واسيك فى بطولة افريقيا والموسم ده هداف بدورى جنوب افريقيا .... الراجل لعاب وفنان وقوى |
والله ياعمك انا امبارح اقتنعت انوا وارغو ماسورة 6 بوصة لكن وحاتك سادومبا دي 24 بوصة يااخوي انت الظاهرؤ الجماعة ديل قاعدين يغيروا لينا اللعيبة حسع عليك الله ده وارغو الشفناها مع الفريق النيجيري ولا سادومبا الطلع زي خديجة بتاعت بوهية المهندس. كااااااااااااااك ياجميل
| |
|
|
|
|
|
|
|