|
أمـنـيـة هـارون ديـاب أماني وتهاني ــ النجاح الباهر ــ
|
الف مبروك للمهندسة الفنانة امـــــنـــيــة هارون دياب هذا الأب النموذج في المتابعة اللصيقة لدراسة اولاده بنين وبنات هارون بعلن اعلان حالة طوارئي في البيت قبل وبعد الأمتحانات بتابع باهتمام وبتيح لأولاده الترويح المناسب يصحبهم معه في كل المناسبات الفنية والرياضية والأجتماعية وحين يجد الجد تجد هارون مختفي لايخرج من منزله قيد انملة متابع حصيف ليحصد النجاح وهاهو نجاح امتية اليوم هوفرحتنا الكبرى للمهندسة التي تهندس حياتنا المستقبلية بالجمال والفنون الف مبروك امنية الف مبروك اسرة هارون دياب فردا فردا النجاح الباهر ....
|
|
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: Shihab Hamadnala)
|
مليون مبروك لصديقى هارون دياب نجاح إبنتنا أمنيه وعقبال الجامعه والشهادات الكبيره ,, هارون ,, الخروف الخروف ,, أنحنا جاهزين ,, أنا على الفنان .
شكرا يا السنى ياجالب الافراح ,, لكن نحنا عايزنها دكتوره ,,
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: حواء سليمان ابراهيم)
|
عزام حبيب الكل اها صاحبك لو دا كلامو والله يا السُني يا خوي أكان ما بخاف الكِضِب هسِع يِقوم هارون يضبح لينا < تركين > ويقول ليك ده مُكَوِن ثقافي في إطار النزعة النوبِية المُتأصِلة في الجِذور الإفريقِية ... ابقى مافضل شئ وتعال التركين بتاعهم خمج انا العندي الضغط اكلتو ولا عمل لي شي تقول شافطين منو الملخ ياخي فعلا الكل المخمر ده مناج حضارة 8الف سنة ضوئية انت عليك بالتركين وولا الفراصة وانا علي بالشطة ولي امنية الف امنية جميلة
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: معتصم محمد صالح)
|
الف مليوووووووووون مبرووووووووووووووووووووووك البت الحلوه امنيه عقبال مزيد من النحاج والتفوق وانشاءالله عقبال عبودى وجدو واسيل واحمد وكل الاسره كلامك صاح يالسنى هرون دياب فى امتحانات اولاده بيعمل حالة طوارى فى البيت وبيغيب عن العالم بى مريخه ونجومه ولكن ماننسى فضل السيده الفضلى رجاء تلك الام الرؤووم الصبوور والعاليه التهذيب فهى ايضا لها القدح المعلى
شكر يالسنى ومبروووووووووووووووووووووووك لنا جميعا
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: محمد سنى دفع الله)
|
صاحب القلب الكبير الانسان الرائع حبيب امنية واخوانه السني والله ماخليت لي حاجة اقوله تعودت في هذه الغربة ان ابكي دائما ولكن ولاول مرة ازرف دمعة فرح فيها. كانت ايام وكانت ليالي كان حلم..... تمنيت ان يتحقق ان اري نفسي اتلقي التهاني بنجاحها انتظرت هذه اللحظة كثيرا..... حتي جاءني البشير بالبشري واتيت انت لتجمل هذا النجاح ..... لاازيد.... لكني اقول جزاك الله عني وعنها كل خير فقد كنت في الموعد دائما تسأل وتتابع حتي تحقق الامل ربني يقدرني علي جزاك يازارع الفرح الجميل مودتي
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: Amin Mohamed Suliman)
|
شكرآ جزيلآ يا أمنية ليس فقط لنجاحك وتفوقك المتوقع ولا لأنك رفعتي رأس ابوك العزيز وأمك في عنان السماء ، ويحق لهما الفخر بك شكرآ لأنك وضعتي أساس وحد لأخوتك لن يقبلوا بأقل منه وقدمتي لهم قدوة حسنة بما يريح بال صديقي العزيز الذي راهن عليك وكسب الرهان هارون أخي ، كما قال عنه السني وأكثر رب أسرة من ماركة ممتاز أولى امنية عنايته ورعايته القصوى وكرس لها كل الوقت وكل الجهد بمعاونة حقيقية من شريكة عمره رجاء ولم تخذلهما بل لم تخذلني انا شخصيآ ، فقد كنت متوقع منها هذا الإنجاز
يا أمنية يا حبيبة اتمنى ان اراك دايمآ ناجحة ومتفوقة وأعرف إنك ح تحققي منانا فيك
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: محمد سنى دفع الله)
|
ألف مبروك بتنا أمنية ، وعقابل الجامعة .. آمين ومبروك لأخونا هارون وحرمه وللجميع في الدوحة والسودان ..
ناس منى وناجية ومي ، مروا من هنا وما زغردوا ( خجلانات ) لكن هاك دي يا ولدنا ، وسلمها لى أمنية في أضانها وقول ليها دي من عمك صلاح: أيوي أيوي أيوي أيوووووووووووووووووووووووووووووووووووووووووووووووووووووووووووووووووي ..
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: الحاج حمد الحاج)
|
السنى مشكور على الأخبار المفرحة
وهارون مبروك نجاج أمنية أجمل الأمانى لأ منية مزيد من النجاحات والتفوق
ومستقبل زاهر وحياة سعيدة لها ولأخوتها
وربنا يديم الصحة والسعادة للأسرة الكريمة
وربنا يديك يا هارون وام الأولاد الصحة وطولة العمر تفرحوا بنجاح أبنائكم وأحفادكم كمان وفى الكورة الله يديك الفى مرادك!
آمــــــــــــيــــــن
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: نادر الفضلى)
|
والله يالسني امنيه دي انا اولي بالتهنئه بيها من هارون
امنيه بتي الماولدتها يخليها لينا يارب ويكبر من مقامه ويرفع بيها راس ابوها وامها امنيه الرزينه العاقله المؤدبه الطموحه
تحت تحت :ــــــــــــــــــــــــــــــــــــــــــــ العزيزه ام امنيه ربنا يجعل امنيه دائما رافعه راسك ومشرفاك المفروض البوست ده يكون بأسمك ( ام امنيه اماني وتهاني ـ النجاح الباهر ـ ) وعقبال الاشاوس عبود وجدو واسيل واحمد ويشكروك علي شنو ولا شنو ولاشنو
| |
|
|
|
|
|
|
Re: أمـنـيـة هـارون ديـاب أماني وتهاني ــ النجاح الباهر ــ (Re: محمد سنى دفع الله)
|
استاذي الفنان القدير السني
كيف احوالكم كميات من الاشواق
ما شاء الله علي الدوحة التي ربطها السودانيون بالافراح والنجاح
كل التهاني لجميع الاسر السودانية التي تفوق ابناؤها
ومبروك للاستاذهارون دياب نجاح ابنته وقد حققت له احدي الامنيات الجميلة
تخريمة علي فكرة يا سني انا معاكم في الدوحة في الايام القادمة ساحاول الاتصال بك قبل مغادرتي من هنا لنلتقي في قطر ان شاء الكريم
والرساله ايضا لعادل التيجاني والاخ هارون وساعمل للتنسيق معكم ولدي جهاز تسجيل ( محترم ) في خاطري ان التقيكم في سهرة للاذاعة
السودانية
مودتي
| |
|
|
|
|
|
|
|