|
|
 رغم الامنيات بالتعويض...الهلال في طريقه للكونفدرالية....!!!
|
بالخسارة القاسية التي تعرض لها الهلال
اما فريق الاول من اغسطس امس وبثلاثة اهداف لهدف
يكون الفريق قد وضع نفسه في موقف صعب في مباراة
الرد بعد اسبوعين بامدرمان......!!!!
ورغم الامنيات الصادقات بفوز الهلال وتعويض الخسارة
بالنصر للتأهل لدوري المجموعات...الا اني اعتقد بان الهلال
في طريقه للكونفدرالية
نواصل.
|
|
 
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: haroon diyab)
|
فريق الاول من اغسطس مشهور
بانه دائما مايسجل في ارض الخصم
وانا لااستبعد ان يسجل الهلال هدفين
في مرماه تكفل له التاهل لدوري المجموعات
ولكن.......
هذا الفريق في جميع المباريات التي لعبها
منذ الادوار التمهيدية سجل في ارض الخصم
حتي انه عندما خسر علي ارضه امام كانون ياوندي
الكاميروني ...عاد وفاز في ارض الخصم بنفس النتيجة
وكسب المباراة بركلات الترجيح .
اذا نحن امام فريق تعود علي التسجيل.......
ومشكلتنا في دفاع ومرمي الهلال الذي اصبح يستقبل
الاهداف حتي في الممتاز وبسهولة .
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: حمزاوي)
|
هارون
انت مالك ومال الهلال
الهلال ده لو مشى الليق نحن معاهو
وبعدين شنو حكاية التحليل دي الوقعتو فيها
شنو متوسط ضعيف واطراف دفاع تعبانة
هم كلهم في الميدان 11 لاعب
بقيتو انتو مليون محلل ومنظراتي
خليكم في الحمام الميت ده
قال كمبالا سيتي قال
فريق داخل ارضه يخلق فرصتين فقط
حيعمل شنو في الخرطوم
وبعدين نحن لو مشينا الكونفدرالية
حنعمل بنظرية الكاش يقلل النقاش
والتي لم تنفعكم في احراز البطولة
بل كانت اربعة مؤلمة على ارضكم من الصفاقسي في ذهاب النهائي
وهي اكبر نتيجة خسارة لفريق في نهائي البطولة على أرضه منذ تأسيس الاتحاد الافريقي
العجب بتاعكم قال لي الليلة ماهو مصدق الهزيمة بـ 4 في الخرطوم من الصفاقسي
هارون اذا إتأهلنا فهذا مجهودنا
وإذا خرجنا
فقد خرجنا من أمام فريق كبير أقصى كانون ياوندي العنيد على أرضه
وتذكر جيدا كيف أننا أقصينا ناسارو النيجيري بعد هزيمتنا ذهابا 3 صفر
وقد يتكرر الشريط مرة أخرى
وإذا ما تكرر
أرجو منك أن تمتنع عن التحليل في الهلال
فنحن نحب الهلال حتى لو ذهب لدوري الروابط المحلي
وياريت نتأهل ونقع في مجموعة واحدة
والحشاش يملا شبكته
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: اسامه هاشم)
|
هارون يا دياب:
تحياتي يا حبوب..
Quote: متوسط واطراف
دفاعه....... |
طيب انت خليت لينا شنو في الدفاع ؟؟
ان شاااااااااااء الله الحارس؟؟
دفاع الهلال الحالي او السابق تلج الاهداف في مرماه ..
دفاع المريخ السابق او الحالي تلج الاهداف في مرماه ..
والشغلانة كلللللللللللللها عندنا ماشة قضاء وقدر لانو ما عندنا تنظيم دفاعي وفكر خططي للمدافعين بتاعننا..
اتحدااااك طييييييييييلة مشاهدتك لي كورة سودانية جيب لي مرة وااااااحدة شوفت فيها مدافع سوداني يستخدم تسريق اللاعب المهاجم(الاوف سايد) على مستوى فكر خططي ..والله بتجي صدفة وهو وحظه وحسب رغبة الحكم خصوصا لو كانت المباراة في ارضنا..
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: عمر الفاروق)
|
الزول الرائع جدا / عمر الفاروق
التحايا
Quote: طيب انت خليت لينا شنو في الدفاع ؟؟
ان شاااااااااااء الله الحارس؟؟
دفاع الهلال الحالي او السابق تلج الاهداف في مرماه ..
دفاع المريخ السابق او الحالي تلج الاهداف في مرماه ..
والشغلانة كلللللللللللللها عندنا ماشة قضاء وقدر لانو ما
عندنا تنظيم دفاعي وفكر خططي للمدافعين بتاعننا..
اتحدااااك طييييييييييلة مشاهدتك لي كورة سودانية
جيب لي مرة وااااااحدة شوفت فيها مدافع سوداني
يستخدم تسريق اللاعب المهاجم(الاوف سايد) على مستوى
فكر خططي ..والله بتجي صدفة وهو وحظه وحسب رغبة الحكم خصوصا لو كانت المباراة في ارضنا.. |
والله ياعمر انا اتفق معاك في كل كلمة قلتها والاكيد ايضا ان دفاع الهلال
في الممتاز هو اقل الفرق استقبال للاهداف يعني احمد زي حاج احمد
بس الموضوع هنا يخص لهلال .
عموما.....
صدقني عندما قلت
| Quote: رغم الامنيات بالتعويض |
فانا اقصد امنياتي انا فقط .
كل التوفيق لهلال الملايين بالنصر
واكرر ان الهلال بامكانه تسجيل اكتر من هدفين
لكن الخوف انوا يستقبل اهداف .
مودتي
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: أبوالزفت)
|
يا هارون
سلام
اولا
البركة فى الهلال الذى وضع السودان فى موضع صاحب البلاد صاحبة الفريقين فى دورى الابطال
اول فريق سودانى يصل مرحلة المجموعات فى الكونفدرالية
اول فريق سودانى يصل مرحل المجوعات فى دورى الابطال بالنظام الجديد و يصل قبل النهائى
اول فريق سودانى يكرر الوصول لمرحلة المجموعات فى دورى الابطال مرتين على التوالى
و ثانيا الفدرالية مالا ما فضلة خيركم
بالمناسبة المربخ اول مرة يصل لهذه المرحلة من دورى الابطال منذ انشائه
لو خسرنا و تحولنا للكونفدرالية برضو ما مشكلة المسالة فى النهاية كرة قدم
بس يبقى شئ واحد
ترتيب الهلال عند الاتحاد الافريقى اعلى من ترتيب المريخ و ابحث عن السبب واسأل مزمل لو غلبتك الاجابة:D
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: هشام المجمر)
|
Quote: فالهلال ومنذ بدائة الموسم الحالي
يعاني معاناة كبيرة في متوسط واطراف
دفاعه.......
وذلك بعد عملية الذبح الجماعي لدفاع
الهلال بالاستغناء عن ريتشارد وجوليت
وكرنقو وعدم التجديد للمحترفين داريوكان
ويوسف محمد .
مما اصبح من السهولة تسجيل هدف في
مرمي الهلال في اي وقت من اوقات المباراة
وهنا يكمن سبب تخوفي .
|
الاخ / هارون ،، تحليلك هذا لم يجانبة الصواب ،،، بالرغم من انك ليس
محلل رياضى كما أعتقد ،،، على العموم خلينا نجى واحدة واحدة
1/ سبب معاناة الهلال سببها الرئيسى عدم التفاهم والانسجام بين لاعبى الدفاع
وهى ليست بالخطورة والدليل الهلال أقل فريق تستقبل شباكه اهداف بالدورى
الممتاز
2/ بالنسبه الى المشاطيب ،،، كرنقو ماهى عدد المباريات التى لعبها ،، كرنقو
عرف عنه عدم الانضباط وغير موظب على التمارين ولا يجيد المهام الدفاعية ،
ريتشارد أعتقد انه لم يشطب ولكن ،،، أخلاء خانه الى حين تعافيه من الاصابة
واعتقد انه سوف يعود فى يوليو ،،، يوسف محمد وداريوكان جميعنا يعرف أهميتهم
ودورهم لكن أنه عالم الاحتراف ،،، فهؤلاء وقعوا على عقود أحتراف مع أندية
يعتقدون انها الافضل ،، واعتقد ان ادارة الهلال بذلت مجهود لعودتهم ولم تكلل
بالنجاح
3/ لا يفوتك ان لكل مباراة ظروفها ،،، وان لم يكن ،،، كيف تبرر هزيمه الارجنتين
6/1 ،، وتعادل شلسي وليفربول 4/4 ،،، وانت تعرف الكرة الانجليزية اذ من الصعوبه
ان يستقبل اضعف فريق فى الدورى الانجليزى اكثر من هدفين ،،،
على العموم نتمنى ان لا يكون غرضك التقليل من حجم الهلال
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: Abdlaziz Eisa)
|
الاخ نيازى
@ الرجاء مسح عبارة الاساءة اذا اردت الاستمرار فى الحوار
@ هارون دياب طرح موضوع ربما زعل الاخوة لكنه مهذب فى طرحه ومحترم لضيوفه
@ لم يصدرعن جمال السنوسى اساءة او عدم احترام لشخص بعينه
@ اذا ذكر المريخ,,او البطيخ فان قد يذكر الاسعار,,البطيخ ابو سبعة والبطيخ ابو اريعة
@ ارتقى الى مستوى الحوار فى الابتعاد عن اساءة الشخوص
ودمت
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: هشام المجمر)
|
ود المجمر يااستاذنا
سلامات
ويحمد للهلال كل ماذكرته
والكونفدرالية فضلت خيرنا
ولافخر لانوا احتمال خروج الهلال
منها بهذا الدفاع المتهالك وارد ووارد جدا
هذا علي فرض المتوقع وهو خروج الهلال من دوري الابطال .
| Quote: لو خسرنا و تحولنا للكونفدرالية برضو ما مشكلة المسالة فى النهاية كرة قدم |
وياها دي الروح البتعجبني فيكـ....
كل التوفيق للهلال بالنصر والمهم اصلاح الدفاع
مودات كتيرات
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: جمال السنوسي)
|
جمال السنوسي
التحايا
اول حاجة خليك عندك روح رياضية وسلم .
| Quote: انت مالك ومال الهلال |
تاني حاجة الهلال ده اكان ملك زول تعال كلمني
| Quote: أرجو منك أن تمتنع عن التحليل في الهلال |
تالت حاجة مش انت البتحدد لي اكتب عن الهلال ولا مااكتب
وبامكانك تعمل منبر وتمنعني في الكتابة فيهو
علي العموم مش عشانك لكن عشان هلال الملايين اتمني التوفيق للهلال.
اهم حاجة انت بطل كتابة عن الهلال ومابتجيهو اي عوجة
واتذكر اني قلته ليك الكلام ده في بوست محمد عادل قبل المباراة
وطلبت منك حذف مداخلتك لكنك ماسمعت الكلام ....يبقي الكج منو....؟
اما عن...
Quote: وياريت نتأهل ونقع في مجموعة واحدة
والحشاش يملا شبكته |
الظاهر عليك عاوز تسقط حجر الهلال اكتر من كده
وبرضو.....
كااااااااااااااااااااااااااااااااااااااااااكـ
سلام يازول ياجميل
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: haroon diyab)
|
ناس حمزاوى ديل ما قاعدين فى ظل الحيطة دى ليهم خمسة سنين الحصل ليهم شنو لا خللو ولا قطنوا .. وكلها فسحة صغيره وشمة هواء طلق , وراجعين الحيطة بتاعت زمان ..
اما الموج الازرق فلن يترك مكانه الطبيعى فى مجموعة الابطال والكونفدراليه ( الترضيه ) هى لأشباه الابطال و المتبطلين .. والف مليون مسكاقمى يا حمزاوى يا سفن اب ..
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: haroon diyab)
|
خروج الهلال من الابطال ما من صالحكم ياهارون
على الاقل بكون عندكم ند مضمون وان تفوق عليكم فى التصنيف
ثانيا بتكونو مع 5 فرق مستوى رابع,,,اضافة للاهلى والنجم واسيك العاجى
دى حسابات بتحير الاتحاد ظاتو مش انتم,,,
وبعدين تاكد ان الحكم هو ذلك البتسوانى,,اها ورنا دفعتو ليه كم يوم داك
عشان ما نتغشى زى غشة ووووارقو
خالد عز الدين امس قال عن وارقو كلام جميل,,,قال فى محل فى نمرة 2 سيدو فتحو اى حاجة
ما نفع والححل الجنبو شغال ,,دى حالة وارقو,,نقلا عن صديق الناظر
لكن خالتو المعانا فى ابوقوتا قالت وليد اختها مسحور وهى فكت السحر
لكن معقولة هدف سارق ساى ما يجيبو,,
بعدين ولدنا كلاتشى تدم ولحس كوعو من عملتو العملها..ياخى قالو قامت ليه موية فى ضهرو
اخيرا بقولك بملء الفم الهلال للابطال,,ما ممكن يخلى السودان سمعتو تتمرمض بفريق قليل الخبرة
ومن فريق مخيمات بياخد سبعة
(عدل بواسطة abuguta on 04-21-2009, 01:08 PM)
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: abuguta)
|
Quote: بامانة الكونفدرالية اصعب من اول اغسطس لانوا احتمال الهلال يلاقي الصفاقسي
او وفاق سطيف او مصيبة من مصائب شمال افريقيا....!!!
ربنا يستر |
دياب
سلام
انا أتفق معاك..
لان الهلال سيلاقي فرق زي كمبالا سيتي وفرق الشمال الإفريقي الصعبة..
يعني سيك سيك..
انا مترسخة فيني فكرة من زمان أن المريخ هو الفريق السوداني الوحيد الذي يمكنه أن يرفع اسم السودان خارجيا..
وحفاظا على سمعة البلد الكروية أتمنى أن يكون هناك فيتو بيد المريخ يستخدمه في المشاركات الخارجية بغض النظر عن العك المحلي..
تحياتي
عبدالعزيز
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: haroon diyab)
|
Quote: Quote: انا مترسخة فيني فكرة من زمان أن المريخ
هو الفريق السوداني الوحيد الذي يمكنه أن يرفع اسم السودان خارجيا..
وانا كمان .....
بس البقنع الجدادة منو....؟ |
هارونا يا حبيب تحايا
و هو الفريق الوحيد البودي السودان الكوشه وما السبعات ببعيده عن الاذهان اسال الجداده بتاعتك
مشكور علي التحاليل بتاعتك بس اسمعها مني انحنا صاعدين دوري
المجموعات الابطال لانو متعودين
بس ما تقعو معانا في مجموعه واحده ....
و دمت يا حبيب
| |
|
|
|
|
|
|
|
|
 Re: رغم الامنيات بالتعويض...الهلال في طريقه للكونفدرالية....!!! (Re: haroon diyab)
|
استاذ هارون مساء الخير
شكرا لك على الامانى الطيبه لسيد البلد بالتأهل
وشكرا لك مره اخره على اشفاقك عليه
مستوى دفاع الهلال كان مهتزا منذ بدايه الموسم وهذا شى طبيعى حدا اذ ان الانسجام لا يحدث بين ليله وضحاها
لكنى لا اعتقد بأن هذا الارتباك سيكون سببا فى اقصاء الهلال لان الصدفه لا تحدث مرتين منطق الكره وفارق الخبره يجعل حظوظ سيد البلد فى التأهل متوفره وبقوه
عشان كدا اطمن وامانيك حا تتحقق
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: رغيم عثمان رغيم الحسن)
|
الاخ / رغيم
صباح الخير
ومرحبا بك اخ عزيز وعضو فاعل بالمنبر
واكان ماشالك المكان يشيلك الراس قبال العين .
Quote: استاذ هارون مساء الخير
شكرا لك على الامانى الطيبه لسيد البلد بالتأهل
وشكرا لك مره اخره على اشفاقك عليه
مستوى دفاع الهلال كان مهتزا منذ بدايه الموسم وهذا شى طبيعى
حدا اذ ان الانسجام لا يحدث بين ليله وضحاها
لكنى لا اعتقد بأن هذا الارتباك سيكون سببا فى اقصاء الهلال
لان الصدفه لا تحدث مرتين منطق الكره وفارق الخبره يجعل
حظوظ سيد البلد فى التأهل متوفره وبقوه
عشان كدا اطمن وامانيك حا تتحقق |
شكرا علي هذا الفهم الراقي واظن المنبر موعود بيك .
الخطأ كان في عملية الشطب العشوائي وعدم التحدث مع
يوسف محمد وداريوكان قبل انتهاء مدتهم مما منحهم الفرصة
للتعاقد مع اندية اخري وهذا هو عالم الاحتراف .
وتساؤل بسيط : كيف يشطب الهلال ريتشارد مجانا ثم يفكر في
اعادة تسجيلة بالملايين ....علما بان الادارة تحدثت عن انه
مصاب مع العلم بانه في نفس الشهر ذهب الي سلطنة عمان محترفا .
كان يجب التركيز علي اثنين علي الاقل من المدافعين الخبرة وذلك
لمنح الثقة للمدافعين الجدد .
عموما ....
اتمني صادقا ان تتحق الامنيات بتأهل الهلال وان اراك سعيدا دائما .
مودتي واحترامي
كل الود
| |
|
|
|
|
|
|
|
|
|
Re: رغم الامنيات بالتعويض...الهلال في طريقه للكونفدرالية....!!! (Re: haroon diyab)
|
Quote:
بالخسارة القاسية التي تعرض لها الهلال
اما فريق الاول من اغسطس امس وبثلاثة اهداف لهدف
يكون الفريق قد وضع نفسه في موقف صعب في مباراة
الرد بعد اسبوعين بامدرمان......!!!!
|
يامان انت الوضعك صعب... نعلن تضامننا الكامل معك
في محنتك.
Quote:
ورغم الامنيات الصادقات بفوز الهلال وتعويض الخسارة
بالنصر للتأهل لدوري المجموعات...الا اني اعتقد بان الهلال
في طريقه للكونفدرالية
|
بتدخلو روحكم في حتات بايخههههههههههههههههههههه
| |
|
|
|
|
|
|
| |
haroon diyab
جمال السنوسي
عمر الفاروق
أبوالزفت
هشام المجمر
كمال مبارك
Abdlaziz Eisa
الحاج حمد الحاج
abuguta
ناجى أحمد البشير
omer osman
Mohamed Foto7li
waleed nayel
رغيم عثمان رغيم الحسن
نادر الفضلى
محمد عبد الماجد الصايم
ismeil abbas
waleed dawash
فيس بوك
تويتر
انستقرام
يوتيوب
بنتيريست