|
|
 نجوم الهيلاهوب .....يزينون سماء الدوحة
|
المكان : مركز اصدقاء البيئة بالدوحة
الزمان : السبت 11/4/2009م
الثامنة والنصف مساء
ومن خلال ليلة سمر صيفية
يستضيف منتدي الحروف نسخة الدوحة
فرقة تاتيبا الكوميدية
بقيادة نجوم فرقة الهيلاهوب الشهيرة
1/ محمد شيلا ( ادروب )
2/ حدباي
3/ عادل سعيد ابو جقادو
4/ لؤي
ويجمل الليلة باجمل الالحان الغنائية
الفنان الاستاذ / عادل التجاني
والفنان المبدع / هشام درماس
في باقة من اروع الاغاني.
قطعا .....
الجميع موعود بليلة من ذات الليالي
|
|
 
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: ودالعباسية)
|
حبيبنا / ودالعباسية
سلامات
Quote: يا هارون ،،
ازيك ،،
مفروض الاعلان دا ينزل قبل فتره ياخ ،،ما ممكن الليلة وبكره طوالى المنتدي ،،
على العموم مرحب بى فرقة تاتيبا ،،،فى الدوحة ،،
وبالله الحقنى بى تلفون لى اخونا حدباي سريع ،، |
وحاتك الخبر جاني امبارح بعد عشرة بالليل
نسبة لوصول الفرقة متاخرة.
وطبعا هناك فرص مابتتكرر عشان كده كان الاعلان عن المنتدي
عموما هناك مفاجاة سيعلن عنها في حينها
تلفون حدباي في السكة.....
التحايا
| |
|
|
|
|
|
|
|
|
 Re: نجوم الهيلاهوب .....يزينون سماء الدوحة (Re: محمد الطيب حسن)
|
Quote:
المكان : مركز اصدقاء البيئة بالدوحة
الزمان : السبت 11/4/2009م
الثامنة والنصف مساء
ومن خلال ليلة سمر صيفية
يستضيف منتدي الحروف نسخة الدوحة
فرقة تاتيبا الكوميدية
بقيادة نجوم فرقة الهيلاهوب الشهيرة
1/ محمد شيلا ( ادروب )
2/ حدباي
3/ عادل سعيد ابو جقادو
4/ لؤي
ويجمل الليلة باجمل الالحان الغنائية
الفنان الاستاذ / عادل التجاني
والفنان المبدع / هشام درماس
في باقة من اروع الاغاني.
قطعا .....
|
سلام يا أهل..
_______
ود هارون سلام، كلمت بركات؟؟
أحسن بعدين يفند ليك صورك بقطة بقطة
ده لابس جلابية مكوية، وديك خاتة أحمر شفايف
و يطوفشك طوفـــشت العربى لجمـــلواااا
ش
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: شكرى سليمان ماطوس)
|
الرجل المؤدب المهذب/ شكري
صباح الخير
Quote: سلام يا أهل..
_______
ود هارون سلام، كلمت بركات؟؟
أحسن بعدين يفند ليك صورك بقطة بقطة
ده لابس جلابية مكوية، وديك خاتة أحمر شفايف
و يطوفشك طوفـــشت العربى لجمـــلواااا |
عارف الراجل ده ياعمك زي ماقلته اطوفش طوفاش السنين
واليومين ديل قال عاوز يعرس( اريتو خرف الزينين...!!!)
شوفه قله..... وصبره وله
المهم....
تجمل هكذا ليالي بقامات امثالك وبركات
ونكون نحن ضيوفا في معيتكم
كل الود
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: كمال سالم)
|
يازعيم
مشتاقين
Quote: ياود دياب إزيك يأخ ,,
غايتو أنا جاى ومعاى روضة أطفال كامله
خلى عادل التجانى يطردهم ,, يأخ أولاد
عادل سالم بقوا يعرفوا يفتحوا (اليوتيوب )
عشان أبكرونا ,
والله إنت جميل وعادل التجانى ده
سيدنا يوسف عديل ,,
تحياتى ,, |
وجيتنا وكمل الكلام
اطفالنا اكبادنا
والله من الصباح يسالوا :
حنمشي متين.....؟
حيقولوا ابكرونا....؟
فلان حيجي....؟
ستزداد جمالا ....بوجودهم
وهي الجميلة دائما بوجودكـ.
مودتي
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: أبو ساندرا)
|
يا جماعه
الدخول للكل الأطفال قبل الكبار فهذه ليلة ترفيهية
والجانب الترفيهي يشمل صغارنا
ولكل مقام مقال
نحن نعتذر عن الأطفال في الليالي الثقافية التي تستوجب الصمت التام
ولكن اليوم يوم الأطفال
مرحباً بكم جميعاً وما تنسوا الدعم للفرقة
_____________________________________________________________
وبي جنبه كده
لأخي كمال سالم
إنت صاحبك الوشو إتجاه واحد ده (كله شمال) شن عرفوا بي جمال سيدنا يوسف ولا بي مريم العذاء
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: عادل التجانى)
|
وكانت ليلة.....
ورغم قصر المدة
والاعلان المتاخر
فقد كان الحضور جميلا
وكالعادة كان البورداب هناك
يجملون المكان
السني
ابوساندرا
شكري ماطوس
دكين
نادوس
ابنوسه
اميرة الشيخ
ضحية
محمد الطيب
كمبورة
عادل التجاني
كمال سالم
وكان الاطفال هناك
يستمتعون بابكرونا
وقضينا ليلة ساهرة
تضمنت محاسن....!!!!
وبكره الصور.....
ومن حسع الخميس الجاي
ليلة شاملة وكاملة
بكل الاسكتشات والنكات الهادفة
والضحك النبيل .
شكرا لكل من حضر
ومقدما
الشكر لكل من سياتي....!!!!
مودتي للجميع
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: haroon diyab)
|
ياخليل
ياجميل
سلام
واللوم يقع علي اخوك
طبعا جيتك وموضوع الليلة في رؤيسي
وكلمت الشبلي بس التذكرة ضربت ....نسيت
اي حاجة.....
المهم الخميس الجاي باذن الله في نفس الزمان
والمكان ليلة اخري .....
وقبل داك وبي سرعة الليلة الموعودة.....
منتظر تلفونك عشان نشيل التموين.....!!!
كاااااااااااااااااااااااااااااااااااكـ
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: طارق الأمين)
|
Quote: الجاب الهيلاهوب شنو اسي
سابقا ولي مستقبلا
لو الموضوع دعايه وتذاكر
بالتوفيق |
طارق الامين الفنان حتى النخاع ,, إزيك يأخ ومشتاقين والله ,,
يأخ إنت عينك فى الفيل تطعن فى ضلوا ؟؟
بس بقت على الكلمتين الكتبهم صاحبى عادل ده ؟
وجوه البوست كمان !
هارون دياب العامل البوست ده ماقريت عنوانو ؟؟
أخير عادل التجانى خلاها حلوه شويه وقال سابقا .
لكن هارون زين بيها سماء الدوحه كلو ,,
أعد أعد ,, ياطروقى ,, تحياتى يافنان ,,
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: كمال سالم)
|
Quote: طارق الامين الفنان حتى النخاع ,, إزيك يأخ ومشتاقين والله ,,
يأخ إنت عينك فى الفيل تطعن فى ضلوا ؟؟
بس بقت على الكلمتين الكتبهم صاحبى عادل ده ؟
وجوه البوست كمان !
هارون دياب العامل البوست ده ماقريت عنوانو ؟؟
أخير عادل التجانى خلاها حلوه شويه وقال سابقا .
لكن هارون زين بيها سماء الدوحه كلو ,,
أعد أعد ,, ياطروقى ,, تحياتى يافنان ,, |
الاستاذ كمال سالم
تحياتي لك ولصاحبك عادل
نعم اعرف ان صاجب البوست قد زين سماء الدوحه بالهيلاهوب
لكني فهمت انه اراد لفت الانتباه للبوست عند القراء
ولما كتب داخل البوست لم يذكر اسم فرقه الهيلاهوب
قال يالنص ان الفرقه الذائره اسمها تاتيبا
واورد بوستر لها يحمل اسمها
وهي فرقه مكونه منذ عده سنوات
وقد كان مؤسسها الاخ حدباي عضوا بالفرقه حتي عام 1997
وطوال ايام الجامعه واسس بعدها فرقه تاتيبا
وغالبا ما تستعين الفرق ببعضها اليعض وتتعاون في الرحلات الخارجيه
لكن يظل اسم الفرقه هو اسمها مهما انضم اليها في رحلتها من افراد
مثلا الاخ الفنان عادل سعيد المقيم بالدوحه
ذلك رجل ودود ويمكن ان يتعاون مع اي مجموعه تنوي تقديم اعمال فنيه للسودانيين
المقيمين هنالك
كل ذلك فهمته وقدرته رغم مافيه من ترويج غير دقيق لكني اعتبرته حسن النيه
من حقنا كزملاء معاونه بعضنا قدر المستطاع
ولا خصام بيننا فالفكاهه لاتستحق الخصام
لكن ما لم افهمه ولم ارده ان يمر مرور الكرام
عباره الهيلاهوب سابقا التي ذكرها عادل التجاني
كانما فيها ان فرقه الهيلاهوب قد غيرت اسمها الي اسم جديد
فاصبجت تضيف الي اسمها الجديد
الهيلاهوب سابقا
وهو امر غير صحيح ويخرج عن اطار الدعايه الي الاشاعه
اعلنو ما شئتم وروجو ما اردتم
لكن عليكم الا تبهتو احدا بانه سابق او لاحق
لا يوجد فرقه اسمها الهيلاهوب سابقا
توجد الهيلاهوب
في الماضي منذ عشرين عام
وفي الحاضر الان وهي تقدم عروضها اليوم في الخرطوم
وفي المستقبل عبر اجيال واجيال من المؤدين والمبدعين
حيث وصل عدد من قدمتهم عبرها للجمهور الي اكثر من 120 شخص
طوال سنواتها العشرين
وتجدد وجوهها هو سر وجودها بقوه حتي اليوم
تجياتي ومحبتي للجميع
التعديل لتصحيح اخطاء في طباعتي
(عدل بواسطة طارق الأمين on 04-17-2009, 10:38 AM)
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: طارق الأمين)
|
الحبيب القامة / طارق الامين
جمعة مباركة
ولك العتبي حتي ترضي....
ومنعا لاي احتقان
وفقط للتوضيح.....
طلب مني الاستاذ / عادل التجاني
فتح بوست لمنتدي الحروف نسخة الدوحة
بان نجوم الهيلاهوب في منتدي الحروف بالدوحة
وبالاسماء التي ذكرت في البوست واسم الفرقة
التي يقدمون بها عروضهم .
لم اقصد اي دعاية للفرقة الجديدة ولا اعتقد
بان القصد هو استغلال اسم الهيلاهوب للترويج
لفرقة تاتيبا....ولا اعتقد بان الاخ عادل قصد
ذلك.....المهم اذا كانت هناك كلمة حق يجب ان تقال
فانها تقال في حقك وحق هذه الفرقة التي ولدت واصبحت
وظلت وستظل عملاقة ( الهيلاهوب).
لك الود كل الود والتقدير كل التقدير
ومرة اخري ....العتبي حتي ترضي
تحياتي
هارون دياب - الدوحة
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: عادل التجانى)
|
Quote: بكرة الجمعة
17/4/2008م
فرقة تاتيبا الهيلاهوب (سابقاً)
بصالة مركز أصدقاء البيئة الساعة 8:30 مساء يبدأ الحفل الساهر
|
استاذ عادل
تحياتى فى اعتقادى ان التوقيت غير مناسب لهذه الامسيه خاصة ان اتحاد المراه السودانيه مع جمعية الهلال
الاحمر القطرى لهم يوم مفتوح بحدائق دحل الحمام دعما لدارفور وحسب علمى ان الامسيه سيشارك فيها الفنان
هشام درماس وفرقة تاتيبا انفسهم فكيف تكون هنالك فعاليتين فى امسيه واحده؟
| |
|
|
|
|
|
|
|
|
 Re: نجوم الهيلاهوب .....يزينون سماء الدوحة (Re: ضحيه ابراهيم)
|
سلام... فقد كانت بحق ليلة جميلة
معبقة بشذى زهرها وصدفتها
.....
كتب احدهم:
Quote: وكالعادة كان البورداب هناك
يجملون المكان
السني
ابوساندرا
شكري ماطوس
دكين
نادوس
ابنوسه
اميرة الشيخ
ضحية
محمد الطيب
كمبورة
عادل التجاني
كمال سالم |
.
.
ولكن ...............
تعودنا على ذلك من بعض بورداب الدوحة
وللاسف كان بين ظهرانينا ضيف عزيز من
بورداب الزمن الجميل فى امل الانضمام
الى اسرة كاسرته السابقة (بورداب السعودية)
ولكنا احرجنا حيث فوجئنا بالانحيازية ...( بالعربى بتاعين ناسات وما شابه ذلك)
والتى هى سمة اضحت من مميزات بعض بورداب الدوحة
..
عزرا اخى kosta
لقلة الترحاب
..
مع مودتى
..
( من بورداب الواغ الواغ)
..
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: haroon diyab)
|
سلامات هارون ,
وجمعة ايضا متقبلة ومباركة ان شاء الله
(واحدهم) للعتبى فقط
بالنسبة لنا فقد التقينا مراراً
ولكن المقصود هو ضيفنا
...
وذلك للفت النظر الى طباعنا بورداب الدوحة
(اطلاق الكل ,,, اريد بها الجزء)
عدم الاكتراث عموما
وحتى الذين قابلوه ,, لم يحتاجوا الى تعريفهم به
....
الغريبة يا هارون الزول دا صفوى زيك كدة
والكارثة انو زاد لينا المعسكر الاحمر بالدوحة
ونحنا ما ناقصين ,
غايتو حظ رشاشات السعودية
,,,,,,,,,,,
والدليل:
يحل علينا kosta .... ضيفاُ عزيزاً بالدوحة فالنرحب بوجوده معنا
........
مودتى
المعسكر الازرق
..
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: مرتضى الكجم)
|
أخي في كل زمان ومكان
طارق الأمين
تحياتي لك ولكل أفراد فرقة الهيلاهوب وعبركم لكل الفرق الجميلة التي تقوم بأدوار ثقافية نحترمها ونقدرها كثيراً
أخي في العام 1994م هاجرت مغترباً ولفترات طويلة خارج السودان
وكان لهذا الاغتراب أثر كبير في (فط بعض السطور) وعدم المواكبة في تفاصيل ليست بالقليلة
ويجوز الواحد عايش على الأسماء التي صادفها في زمنه ووقتها كان هنالك أسماء بعينها أعرفها تماما في عدد من الفرق السودانية
وبعدين يا أخي سجلت خلال فترة اغترابي عودتين (إجازات للسودان) لم تمكني من معرفة مين الموجود ومين غير الموجود كاسماء في هذه الفرق ولكني أعرف تماماً بان حدباي كان من قدامى المحاربين في الهيلاهوب وشيلا كمان شارك فيها كعضو فبالتالي كانت (كلمة سابقاً) تشير إلى وضعهما السابق في الفرقة.
ولكني في كل الأحوال لم أقصد من ورائها الترويج لهم فمنتدى الحروف هو منتدى (غير ربحي) وبالتالي فهو لا يتبنى إقامة حفلات ولا الترويج
وكانت زيارتهم للدوحة محل الحفاوة والتقدير ، وكان على المنتدى أن يقدمهم لجمهوره وقد كان. والشكر كل الشكر لكل من حضر هذا اللقاء ومن اسهم في إنجاحه سواء بحضوره أو دعمه للفرقة وهو دعم طوعي غير محدد وهذا شأن السوداني في كل مكان يتكافل مع أخيه.
قصدت أخي أن أبين لكم ذلك محتفظاً لكم كفنانين بكل التقدير والاحترام
كما اعتذر عن عدم قراءتي لمداخلتكم إلا مؤخراً ولعدم ردي وقتها.
ولتبيان الحق لم يطلب مني أي عضو في الفرقة أن أشير لاسم الهيلاهوب بل كان الأخ الصديق حدباي وشيلا يطلبان على الدوام أن أقدمهم باسم تاتيبا من خلال المنتدى وقد كان.
لك كل المحبة
وبي جنبه كده لو جاء أي واحد كان يمت لفرقتكم الموقرة بعلاقة عضوية (سابقه) فمن حقه علينا أن نذكر هذا التاريخ لأنه قطعاً ساهم في بناء فرقة الهيلاهوب.
عادل التجاني
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: عادل التجانى)
|
العزيز ضحية
تحياتي
قرأ أعضاء الفرقة مداخلتكم وإشارتكم بأن موعد الحفل غير مناسب
لأن رابطة المرأة أقامت حفلاً في نفس التاريخ وبالتالي رأوا أن ذلك يشتت الجهود
فطلبوا مني أن اشكرك على لفت انتباههم وحددوا موعداً آخر لحفلهم
_________
وعليه اسنح لي بصفتي الشخصية أن أحيط كل المتداخلين والقراء
بأن فرقة تاتيبا ستقدم حفلها القادم في مساء الخميس القادم 23 أبريل 2009م
في صالة مركز أصدقاء البيئة
ويشارك فيها الفنانين
محمد شيلا وحدباي (أعضاء الهيلاهوب سابقاً) وأظن العبارة كده ما بتزعل أخي الحبيب طارق الأمين.
لؤي
عادل أبجقادو
مرحباً بالجميع
| |
|
|
|
|
|
|
|
|
|
Re: نجوم الهيلاهوب .....يزينون سماء الدوحة (Re: عادل التجانى)
|
Quote: وعليه اسنح لي بصفتي الشخصية أن أحيط كل المتداخلين والقراء
بأن فرقة تاتيبا ستقدم حفلها القادم في مساء الخميس القادم 23 أبريل 2009م
في صالة مركز أصدقاء البيئة
|
الحبيب عادل التجاني
دائما موجود فى مكان كل إبداع
ياخ الناس ديل مبدعين بشكل
ويوم الخميس الحكايه راح تكون لامّه بجد
تمتعوا بوقتكم يا جميل
فالروعة منكم وإليكم
مع عظيم التقدير والإمتنان.
تحت تحت
ـــــــــــــ
جهّز نفسك يا حلو
اللمّه يا السبت يا الأحد
خلى بطارية الجوال مشحونة
وما تقول بعدين الشحن نزل وكده
| |
|
|
|
|
|
|
| |
haroon diyab
HAYDER GASIM
Alsa7afa_30
ودالعباسية
عادل التجانى
اسامة كمال الخولي
محمد الطيب حسن
شكرى سليمان ماطوس
كمال سالم
أبو ساندرا
محمد خليل ساني
ضحيه ابراهيم
مرتضى الكجم
فيس بوك
تويتر
انستقرام
يوتيوب
بنتيريست