|
|
|
 Re: عبود ...عبد الوهاب.... السنوسي..... وبقية رشاشات الداخل...الضبيحة في الزريبة (Re: عبود عبد الرحيم)
|
Quote: ياجميل اخوك تفتيييييييييييحة
وحاتكـ قافل السماعات
نظام ماسامع اي حاجة
وكده..... |
طيب يا تفتيحة ....
قفل عيونك كمان
وكأأأأأكـ كأأأأأأكـ
سيد البلد سيد البلد
وقف مشاهدك يازمن راجع دفاترك يامحال
فى السكة موج ازرق هدر تاريخ ندر اسمو الهلال
الملعب الاخضر سكون ساكنة الخطوط من هيبتو
كل المساطب من جديد عرفت جلالو وعزتو
حتى المقاعد والسياج ادو السلام لى روعتو
دا الهلال طيبة ومثال تاريخ عظيم فى فكرتو
حيو الفريق العالمى حيو الهلال رمز الفخار
فرسان وقلب يدوب وفاء واتفانا فى حب الشعار
جمهورو فى التشكيلة بان فى كل حوبة وانتصار
شمس الرياضة الضاوية نور عزم الصمود القلبو نار
يابصمة الدم فى العروق ابيض مع ازرق بحور
يامارد افريقيا الصعب بين العرب زاهى الشروق
كلما تواجه وتنتصر لى نصر تانى يجينا شوق
ما اصلو قمنا على شعار بنقولو ديمة هلالنا فوق
| |
 
|
|
|
|
|
|
|
|
Re: عبود ...عبد الوهاب.... السنوسي..... وبقية رشاشات الداخل...الضبيحة في الزريبة (Re: haroon diyab)
|
Quote: اما الاحباب الصفوة المريخاب
فاذا حدث مالايحمد عقباه
فوصيتكم الوليدات
والعنوان في البروفايل |
هارون ياحبيب
صفوة شنو البتوصيهم على عيالك
ونحن اسياد البلد مشينا وين افووو
انت دايهم بوراك يطلعو بتاعين ورنيش ولا شنو
وانا متأكد انهم بيكونوا هلالاب اسياد بلد
لانو ربنا ما ممكن يحرمهم من كل حاجة
اب مريخابي وهم يطلعوا مريخاب لا لا لا
_____________________________________
التوقيع
تجمع رشاشات الداخل
| |
|
|
|
|
|
|
|
|
|
Re: عبود ...عبد الوهاب.... السنوسي..... وبقية رشاشات الداخل...الضبيحة في الزريبة (Re: haroon diyab)
|
هارون
دبايوا
بمناسة الضبيحة فى الزريب زمان ناسك ناس حى العرب طلعوا رحلة اربعات وكان معاهم عمنا اليمانى اسمو على ما اذكراسمو باجابر وهو امين كل شى يخص الطبخ والضبيحة وبعدين لما وصلوا اربعات قعد ليك فى اول فرشة كوتشينة والجماعة يسالوا وين ياعمنا السكاكين يقول ليهم فى القفة وتانى يجيوه واحد اخر وين ياعمنا البصل يقول ليه فى القفة ياجماعة لما السؤال كتر عليه والجماعة زنقوه ياعمنا انت القفة دى خاتيها وين قال الله نسيتها فى النادى
انت كما من حسى ورينا محل الذبيحة عشان نرفع عنك الحرج بعدين ونضبحها برانا ان شاء الله
| |
|
|
|
|
|
|
|
|
|
Re: عبود ...عبد الوهاب.... السنوسي..... وبقية رشاشات الداخل...الضبيحة في الزريبة (Re: هاشم نوريت)
|
نوريت يااياتانيا
شوق شدييييييييييد
Quote: هارون
دبايوا
بمناسة الضبيحة فى الزريب زمان ناسك ناس حى العرب طلعوا رحلة اربعات وكان معاهم عمنا اليمانى اسمو على ما اذكراسمو باجابر وهو امين كل شى يخص الطبخ والضبيحة وبعدين لما وصلوا اربعات قعد ليك فى اول فرشة كوتشينة والجماعة يسالوا وين ياعمنا السكاكين يقول ليهم فى القفة وتانى يجيوه واحد اخر وين ياعمنا البصل يقول ليه فى القفة ياجماعة لما السؤال كتر عليه والجماعة زنقوه ياعمنا انت القفة دى خاتيها وين قال الله نسيتها فى النادى
انت كما من حسى ورينا محل الذبيحة عشان نرفع عنك الحرج بعدين ونضبحها برانا ان شاء الله |
وياحليل ايام السوكرتا وياحليل ايام رحلات اربعات والرقبة وحلوت....( طبعا سواكن الجماعة طيروا منها الرحلات المدرسية....بعد ما الطلبه بقوا يجوا الرحلة وقبال الباص مايقيف تلقاهم كلهم بي هناك...!!!)
المهم اصلوا الرشاشات ديل غيرهم مافي زول رجع الكورة في بورسودان لي وراء وامسك عندك
حاج حمدو.....الهلال
الطاهر حسيب ...الهلال
بكري عثمان...الهلال
الاسيد ....الهلال
كبري ....الهلال
حسين عبد الحفيظ...الهلال
اسامه الثغر ....الهلال
نبيل الطيب ...الهلال
محمد ابو شامه...الهلال
الاسماء دي كلها بورسودانية صرفة....يعني مالاعبين وافدين جابتهم الكورة.
وحاتكـ الواحد فيهم يادوبك يكمل الموسم الاول يلقي نفسوا مشي الخور...!!
عشان كده جماعتك ديل الضبح فيهم حلااااااااااااااااال.
بالمناسبة اللاعب الوحيد العمل انجاز تاريخي كان لاعب حي العرب طوكراوي
عندما استطاع مع المريخ انوا يحرز كاس الكؤوس الافريقية سنة 1989م.
عشان كده يااخوانا العاوز يكون عندو تاريخ يمشي المريخ .
المهم....
انت برضو معزوم والضبيحة في الزريبة بس رشاشات بره ممكن نعمل ليهم ملاحق للتجمع.
ابقي واصل ياعمك
| |
|
|
|
|
|
|
| |
haroon diyab
محمد عبد الماجد الصايم
عبود عبد الرحيم
عبدالوهاب علي الحاج
جمال السنوسي
عبدالله كع
Mohamed Foto7li
هاشم نوريت
محمد عمر الفكي
فيس بوك
تويتر
انستقرام
يوتيوب
بنتيريست