|
الاستاذ حسين شندي يعطر سماء الدوحة
|
ولا اول مرة بدولة قطر وللقاء ابناء الجالية السودانية بها يصل الدوحة يوم غدا الاحد 16/11/2008م الفنان الاستاذ حسين شندي . حيث سيقوم باداء عدة حفلات عامة وخاصة بالدوحة. نرحب بالاستاذ حسين شندي الذي اكد انه تواق للقاء السودانيين بدولة قطر لاول مرة.
|
|
|
|
|
|
|
|
Re: الاستاذ حسين شندي يعطر سماء الدوحة (Re: khaleel)
|
الجميل خليل وامسياتوا بيضاء زي نياتو
Quote: الخبر الجميل
لا ياتي الا من الرجل
الجميل هارون
جاهزين يا فردة
بعدين شندي بظبط حرف الراء |
منذ ان استمعت له في المرة الاولي اعجبني ومازال والراء دي حكايته طويييييييييييييلة نتمني انوا يحكيها لينا بي نفسوا لامن نزنقوا في منتدي الحروف باذن الله. وبعدين وعد.... اكان جوالك ضاع بنديك بدلوا لاب توب....!!! وجودك يسعد الخاطر
| |
|
|
|
|
|
|
Re: الاستاذ حسين شندي يعطر سماء الدوحة (Re: الكباشى البكرى)
|
اخونا التلب / الكباشي
مساء الخير
Quote: الاخ :هارون دياب
الاستاذ حسين شندي قامه فنيه سامقه
وكما اسلفتم الحديث فهو مجيد في اغانى الحماسه
نتمني لكم قضاء اوقات طيبه |
وحقيقة التزم الفنان حسين شندي باداء الجميل من الاغنيات وابدع في اغاني الحماسة فكان امتداد لجيل جميل قدم الكثير. كنا نتمني وجودك معنا. ولكن... نفسك الطيب دائما معانا
كل الود
| |
|
|
|
|
|
|
Re: الاستاذ حسين شندي يعطر سماء الدوحة (Re: haroon diyab)
|
والله فعلاً يا أخوانا أيامنا باسطة .. وشامية كمان كان ما عجبكم ..
حباب الفنان الراقي الطيب حسين شندي .. كده ,,,,,,,,,,,,, معاك الواحد ,,, يكون باقي لينا القلع وترباس وسميرة دنيا والخالدي .. وبس ...!
| |
|
|
|
|
|
|
Re: الاستاذ حسين شندي يعطر سماء الدوحة (Re: عثمان دغيس)
|
فنانا / دغيس وسلام مربع
Quote: والله فعلاً يا أخوانا أيامنا باسطة .. وشامية كمان كان ما عجبكم ..
حباب الفنان الراقي الطيب حسين شندي .. كده ,,,,,,,,,,,,, معاك الواحد ,,, يكون باقي لينا القلع وترباس وسميرة دنيا والخالدي .. وبس ...! |
ومادام الاكورديون موجود فقد اكتملت لهم اضلع النجاح جهز العدة ياعمكـ وخليك قريب فانت من يكمل جماليات الاغنية .
التحايا
| |
|
|
|
|
|
|
Re: الاستاذ حسين شندي يعطر سماء الدوحة (Re: معتز القريش)
|
ود القريش صباحاتك ندية
Quote: جاهزين يا هارون يا زول يا سمح
1- تنظيم 2- حضور 3- تصوير (بالكاميرا الجديدة) 4- عزف (أكورديون + أورغن)
أهلا بالرائع ود عمي (حسين شندي) |
ودائما جاهز ياالكلس ومن غيرك ناااااااااااااقصة وياهو ده محلك . في انتظار جميل اياديك .
| |
|
|
|
|
|
|
Re: الاستاذ حسين شندي يعطر سماء الدوحة (Re: أبو ساندرا)
|
مرحب بالفنان الصديق حسين شندي ود عم صاحبي ود القريش
منور الدوحة وضيف عزيز على الأخ الوجية محمد بشير في الأجنحة الملكية المفتوحة دائماً للسودانيين والشكر موصول للعزيز عمر كمال صاحب الايادي البيضاء وكل فريق العمل بالأجنحة الملكية
ولكم جميعاً سنقدمه كأول مطرب في مجال الغناء الشعبي يشارك في فعاليات منتدى الحروف شكراً هارون صاحب الاخبار الحلوة ويا شباب المنتدى جهزوا المعسكر بعد (إذنكم) طبعا
وناس الدوحة موعودين بالجميل
عادلً
| |
|
|
|
|
|
|
Re: الاستاذ حسين شندي يعطر سماء الدوحة (Re: فاروق أبوحوه)
|
فاروق ياابوحوه السلام كيمان..كيمان
Quote: نجي قطر والله شنو يا هارون..؟
أنا قررت كده غايتو..
الأماني الطاعمه لكم..
مع حسين ولدنا البقضي غرضنا.. |
ونحنا في ديك الساعة لامن نلقي جميل الصفوة معانا حسين شندي حنعصر ليك عليهو يغني وينكت بس انت خليك قريييييييب وبكره مبروك مقدما ياعمكـ
| |
|
|
|
|
|
|
Re: الاستاذ حسين شندي يعطر سماء الدوحة (Re: keiga2000)
|
ابو مصطفي التحايا
Quote: هارون
مساء الخير
مرحب بأبن (الدويمات) حسين على محمد طه جبريل
في دوحة الاخير وبتصل عليك للسلام علي ود حلتنا
بس انشاء الله فارق صلاح ادريس
أبومصطفى |
وفي انتظارك ياجميل والتهاني الليلة كيمان...كيمان
| |
|
|
|
|
|
|
Re: الاستاذ حسين شندي يعطر سماء الدوحة (Re: haroon diyab)
|
Quote: ولا اول مرة بدولة قطر وللقاء ابناء الجالية السودانية بها يصل الدوحة يوم غدا الاحد 16/11/2008م الفنان الاستاذ حسين شندي . حيث سيقوم باداء عدة حفلات عامة وخاصة بالدوحة. نرحب بالاستاذ حسين شندي الذي اكد انه تواق للقاء السودانيين بدولة قطر لاول مرة. |
الحبيب هارون دياب
تسلم على الخبر الجميل فالفنان حسين شندي قامة غنائية رائعه يستحق أن تفرد له بوستات وبوستات وسنكون حضورا ومتابعة لهذا الفنان الرائع وياريت يا هارون بس تفاصيل الزياره والرحله وتسلم مره تانيه على جمال الخبر
مع عظيم التقدير والإمتنان.
| |
|
|
|
|
|
|
Re: الاستاذ حسين شندي يعطر سماء الدوحة (Re: محمد خليل ساني)
|
عريسنا الجميل / ساني صباح الخير
Quote: الحبيب هارون دياب
تسلم على الخبر الجميل فالفنان حسين شندي قامة غنائية رائعه يستحق أن تفرد له بوستات وبوستات وسنكون حضورا ومتابعة لهذا الفنان الرائع وياريت يا هارون بس تفاصيل الزياره والرحله وتسلم مره تانيه على جمال الخبر
مع عظيم التقدير والإمتنان. |
وبصفتك عضو فاعل في منتدي الحروف نسخة الدوحة ...فحضورك ووجودك مهم ومرة اخري مرحبا بالاستاذ حسين شندي في الدوحة
| |
|
|
|
|
|
|
Re: الاستاذ حسين شندي يعطر سماء الدوحة (Re: haroon diyab)
|
لشندي مذاق الحضور, والنجاح الاجتماعي , و غناء غير متمايل يجبرك على التمايل ..
شكرا لكم.. _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: الاستاذ حسين شندي يعطر سماء الدوحة (Re: شهاب الفاتح عثمان)
|
حسين شندي النضوج الفني والأداء الأحترافي الذ جعل من خشبة مسرح سينما الخليج دارة للرقص الحماسي البديع حسين شندي اعاد لفن الرقص الشعبي قوته والقه بإيقاع السيرة والدلوكة والصقرية والتوم توم والأيقاع الأفريقي .. واغاني الحماسة التي تلهب العقول وتجعل الأقدام تنتشي بالرقص العنيف ..ينحول الراقص الى صقر يحاول الطيران .تتحرك اياديه كانها اجنحة ثم يقفز على قدميه مع ضربات الايقاع في توازن متناغم مع الموسيقى ويمتلئ الفنان المطرب بالأنتشاء ليتحول صوته الجبلي منغما الكلمات دافعا بكل حرف كرصاصة وكل كلمة كسوط جارح لخمول شجاعتنا .. حسين شندي صحى فينا طقوسنا وومارستنا الحقيقية وجرتك ليلتنا بالعديل والزين ورحل بنا بقطار ضمنا من حلفا الى نوملي وحد ذواتنا في وطن الجمال والسلطنة بالطرب .. شكرا حسين رقصت معك القلوب والعقول قبل الأجسام فشكرا جميلا لك .. افرحتنا يفرحك الرحمن دنيا وآخرى ...امين ...
| |
|
|
|
|
|
|
Re: الاستاذ حسين شندي يعطر سماء الدوحة (Re: محمد سنى دفع الله)
|
برغم الالم في ظهره غنى حسين شندي متجاوبا مع جمهوره الذي احسن استقباله .. غنى حسين وعرض الصقرية مع راقصين ابدعوا فمالت اجسادهم مع الانغام وتثنوا في وضعيات صعبة مثل الراقص الذي نفنن في مشية الصقر بالحركة وهوجالس على رجلية يمشي مشية الصقر في اداء فريد متميز مما جعل بسمة حسين شندي لاتفارق شفتيه فغنى وهوفرحا مسرورا من جمهوره الراقص مثل الصقور والحمام من حوله .. حسين شندي بعث في الدوحة حمية البطان وحمل الرجال خارج الدارة وفرقة السوط مثل الرصاص .. حسين شندي اعاد بهجة الغناء الحماسي وجعل من ليل الدوحة الشتائي ليلا دافئا امتزج فيه الغناء الباذخ الفخم بالكلاسيكيات للكاشف ومطربي العصر الذهبي والحانه الرومانسية الخفيفة الجميلة كانت الليلة ليلة حسين شندي الفنان خفيف الظل البسيط العميق في فهمه لجمهور ولروح الانسان السوداني الطروب ... ــــــــــــــــــــ بالرغم من الحزن الذي عصرقلبيهم حسين شندي والفنان عادل التجاني لفقدهم زميل انسان الراحل المقيم ـ الخالدي ـ والذي مرت ايامه ثقيلة عليهم ـ وتقبلوا فيه العزاء من الجماهير الوفية، الا انهم وقفوا وقفة الرجال في اسعاد جمهورهم بالمشاركة رغم الاحزان فهذا حال الفنان يسعد الناس وهويخفي احزانه ورا البسمات ,, ـــــــــــ الشكر للفنان هشام درماس الذي وشارك يالحضور والمتابعة داعما الفنانيين بطلعته الأنيقة ونبيل المعاني للعازف اميرهمزة سعيد على الة الأورغن والفنان العازف الرائع حجازي على الة الساكس سفوون ـ وصاحبهم على آلات الإيقاع ـ عبد المنعم الفكي على ـ ايقاع ..وابوشيبة على الدونب ....
| |
|
|
|
|
|
|
Re: الاستاذ حسين شندي يعطر سماء الدوحة (Re: haroon diyab)
|
با هارون
بالله أسأل الفنان القدير حسين شندى عن حادث قديم تهجم عليه شخص لا يعرفه فى حفلة. وقد إستمعت قبل زمن طال فى الإذاعة حسين شندى يحكى أن سبب تهجم الزول عليه أنه كان متقل من شراب (الببسى)، وكان الفنان حسين يغنى إحدى روائع إبراهيم الكاشف فمن أثر (الببسى) تحورت كلمات الأغنيه فى سمعه فسمعها (إنت يا التومة راجلك جبان) والراجل زوجته إسمها التومة .. فكان الضحية حسين شندى. لم أعد أذكر ماهى كلمات الأغنية التى على وزنها تسبب الحادث، فأسأله عنها
تحياتى وتقديرى للفنان حسين شندى ولأهلنا بالدوحة
| |
|
|
|
|
|
|
Re: الاستاذ حسين شندي يعطر سماء الدوحة (Re: نادر الفضلى)
|
يانادر سلام اولا وبكل صراحة القلوب شواهد انا كنت عاوز اسأل الاخ حسين عن هذه الحادثة لكن وحاتك خجلت. المهم... اكتشفنا جانب جميل في الفنان حسين شندي ....نكات وحكاي بطريقة خيالية واعتقد انوا عدد النكات القاله كانت اكتر من الاغنيات وايضا شخص مجامل ومتواضع واخو اخوان وباذن الله نلتقي معه مرات ومرات. مع كل الود
| |
|
|
|
|
|
|
Re: الاستاذ حسين شندي يعطر سماء الدوحة (Re: haroon diyab)
|
حسين شندي فنان جميل وصوت معتق زارنا وأبهجنا وأضحكنا .. وترك ذكرى طيبة في حسن المعاملة
تحامل على نفسه بالرغم من (الغضروف) اللئيم وغنى ورقص وتحمل خبطات على ظهرة من الجماعة الشالتم الهاشمية في السيرة والدلوكة
غنى وأمتع الحضور - وبالرغم من أن حفله تم تنظيمه في يوم واحد إلا أنه أكد أن لحسين شعبية كبيرة فتوافد لحضور هذا الحفل السودانيين من كل حدب وصوب
ولم يقصر أيضاً الأخ / محمد بشير الذي استضاف الفنان وفرقته وتبنى كافة تكاليف الحفل .
شكراً حسين شندي وشكراً محمد بشير صاحب الأجنحة الملكية المفتوحة لكل سوداني زائر
| |
|
|
|
|
|
|
Re: الاستاذ حسين شندي يعطر سماء الدوحة (Re: haroon diyab)
|
رسالة عبر الايميل من الاخ الفاضل امجد بله يشكر فيها بورداب الدوحة_ سودانيز اونلاين ومنتدي الحروف
Quote: الاخ هارون ابو دياب الزول السودانى الاصيل بكل ما تحمل معانى الكلمة من اصاله حقيقى سعدت بمعرفتكم وكما يقولون ان معرفة الرجال كنوز فانت كذلك يا ابو دياب
نيابة عن كل من شارك ونفذ لانجاح حفل الاستاذ حسين شندى والتحية لك انت اولا ولسودانيز اون لاين لافساح المجال فى دارهم العامرة باهلها عامة وناس الدوحه الحلوين خاصة لمشاركتهم فى توصيل الدعوه عبر منتدى الحروف نسخة الدوحه
وحقيقى يا ابو دياب لو لم اسعد بمقابلتكم لا طلقت عليكم لقب عمى دياب او يا خال يعنى صراحه كده غير صورة البورفايل عشان الذى كده ما يتخدعوا فى الشكل ابو عمه كبيره ده
واكرار شكرى وتقديرى لمجهودكم الجبار فى انجاح اليوم مع عدم وجود الاعلام الكافى للحفل |
ويظل الفضل لسودانيز اونلاين ولبورداب الزمن الجميل بورداب الدوحة وللاخ عادل التجاني وكل الاعضاء بمنتدي الحروف
شكرا اخي امجد وانا ايضا اتشرف بمعرفتكم الطيبة. كل الود هارون دياب
| |
|
|
|
|
|
|
|