|
|
|
 Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
شنو يا اب سبعة
الحال من بعضه
بس ما بيحصل سبعات
يادوب شميت نفسك
عارف اجازة (الاسبوع) في السودان
يوم السبت اجازة رسمية
عشان كده التكاسة بيشتغلوا كويس
في كل بلد التكاسة بيحفظوا الشوارع كويس
اول مرة نشوف تكاسة اجانب بيحفظوا شوارع ناس التمهيدي
تمهيدي وبس
وارجعو بي مواسيركم دي ابنوا الدور الثاني والثالث
التمهيدي
تاكسي حديدي
انت ما سمعت بالمثل البيقول
تكاسي رواندا
بدون طارات
عاملة عمايل
زي الوحدات
| |
 
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: yasir tamtam)
|
فنانا الجميل / ياسر
صباحات ندية
Quote: والله ابو ساندرا يدخله....!!!
هههههههههاى يعنى ابوساندرا
كرعييييييينو مالن؟
قصدك الاثنين شمال وكدة ؟؟؟؟
داير الحق ياهارونا
دا تعب قلب ساكت
والحلو فيها الونسة بس
أقعو الاروبى واستمتع ياجميل
لك الود كله |
ياياسر المشكلة مافي الكرعين
المشكلة في العينين
عشان كده دائما بنقول
عل العينين صبحن بخير
وعلك دائما بالف خير
ومنتظرين طلاتك الجميلة .
مودتي
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
طبعا فهمونا انوا معسكر اعدادي
والمباريات حتكون بالتدرج ....
قلنا بعد الشمال الفريق حيلعب
مع اخر الدرجة الاولي ...السيلية
لكن المفأجاة كانت مباراة اما
فريق اللخويا.....!!!
ادارة من ادارات وزارة الداخلية
يلعب عاوز واحد يقول لي فيها لاعب
من الدرجة الاولي .
بالمناسبة اللخويا بيلعب في بطولة
وزارة الداخلية.
يدرب الفريق الكابتن حمدان حمد
ومن اشهر لاعبيه انو الشعلة.
وكانت المباراة قد.....
المهم.....
ادرك شهرذاد الصباح
فسكتت عن الكلام المباح
نجيك بكرة برواااااااااقة
وبعض الصور التوثيقية
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: محمد الطيب حسن)
|
ياحماده
شنو ياعمكـ
يعني ماظهرت
يوم الفضيحة
حسب الاتفاق
Quote: ولا واحد
كلهم لعيبه قدام ولعيبة اندية درجه 3 و 2
المهم
الصور وين ؟؟؟؟ |
والله يامحمد فضيحة الليلة دي
قال ليك ممكن تخلي الهلال
يلغي المعسكر ويعود للخرطوم
من الصباح
الصور في السكة
بس شيل الصبر
اصلوا المصائب بتجي بالكوم
بالمناسبة....
شفته الزول بتاع جريدة الكابتن القال
الهلال يبدع ويمتع....!!!
حقيقة الاختشوا اتفضحوا.....!!!
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
نرجع لموضوعنا.....
المباراة التجريبية الثانية
اقيمت امس وكانت امام فريق
قوات الامن الخاصة ( لخويا )
طبعا كنا نتوقع ان يلعب الهلال
مع احد فرق الدرجة الاولي لارتفاع
مستوي الاعداد بعد مباراة الشمال.
تقدم فريق لخويا بثلاثة اهداف....
نظيييييييييييييييييييييييييفة...
وبعد ان سجل لخويا هدفه الثالث
من ركلة جزاء احتسبت علي منير امبده
النار ولعت.....!!!!
يتبع.....!!!!
| |
|
|
|
|
|
|
|
|
 Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
هارون ازيك ..
ياخي مصائبنا نحن في الجرائد دي وفي البكتبوا فيها ..
دي مانشيتات إثارة عشان الغبش المساكين ديل يشتروها ..
تدخل في صفحاتها جوه ما تعرف تقرأ فيها شنو ..
نجي للمعسكرات التحضيرية والتي تبدأ بالتدرج دائماً ..
ولسوء حظ فريقي الهلال والمريخ لم يخوضا تجارب حقيقية لسوء التخطيط وإختيار المكان المناسب لهذه المعكسرات لا طقس مناسب حسب الأجواء الأفريقية ولا فرق قوية يمكن أن تفيد الفريقين ..
نحن أصلاً ما قاعدين نستفيد من أي حاجة لذلك وثقافة المعكسرات الخارجية دي جديدة علينا لذلك خلونا نخطئ ونتعلم ولا نكون محبطين ..
بجيك راجع ..
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: معتصم دفع الله)
|
| Quote: ولسوء حظ فريقي الهلال والمريخ لم يخوضا تجارب حقيقية لسوء التخطيط وإختيار المكان المناسب لهذه المعكسرات لا طقس مناسب حسب الأجواء الأفريقية ولا فرق قوية يمكن أن تفيد الفريقين .. |
حبيبنا معتصم العريس :)
مشتاقين كتير والله ..
شايفك معمم الكلام الفوق ده علي المريخ كمان !!
نحن عسكرنا في الأمارات ولعبنا بالتدريج (الفجيرة ثم فريق أوزبكي ثم الجزيرة بطل الأمارات) .. طبعا"
مباراتنا مع الوكرة برة الحسابات لأنها كانت من باب القزقزة وكده مع انو الوكرة من فرق المقدمة في
دوري المحترفين القطري .. أوعك من الشمال و(اللخونا) والكلام الزي ده .. نحن فريق كبير ونلعب مع
الكبار ولو انهزمنا نتقبل الهزيمة بكل احترافية ونصلح اخطائنا و ما بنطلع من الميدان زي حركات
ناس الروابط القام بيها معز محجوب في الدوحة !!
هارون :)
اذيك يا راقي
عليك الله تحكي الفضيحة مدعمه بالصور .. شفقتنا زاتو .. أرح مستنين
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: Talal Halfa)
|
Quote: نرجع لموضوعنا.....
المباراة التجريبية الثانية
اقيمت امس وكانت امام فريق
قوات الامن الخاصة ( لخويا )
طبعا كنا نتوقع ان يلعب الهلال
مع احد فرق الدرجة الاولي لارتفاع
مستوي الاعداد بعد مباراة الشمال.
تقدم فريق لخويا بثلاثة اهداف....
نظيييييييييييييييييييييييييفة...
وبعد ان سجل لخويا هدفه الثالث
من ركلة جزاء احتسبت علي منير امبده
النار ولعت.....!!!!
يتبع.....!!!! |
الاخ هارون كيف حالك ... دائر اقول شي ان اولا هلالابي على السكين ... والله حقيقة الهلال ده اكعب من الكعب زاتو... ياخي ديل ما عندهم اي فنيات كورة ولا لمسات كورة اعلام في الفارق ومكايدات في الفارق نحن اذا ما نقدنا انفسنا ما بنمشي الى الامام... واحسن لي الهلال ان يكتفي بالاعداد اذا اكان في اعداد ويرجع بدون ان يباري اي فريق ...
لكن تحكيم النسوان ده شنو.. ما سمعنا بيه قبل كده..
تحياتي
الامين
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: elameen)
|
اللمين اخوي
مشتاقين يازول
والله ماقلته غير الحق.....
| Quote: الاخ هارون كيف حالك ... دائر اقول شي ان اولا هلالابي على السكين ... والله حقيقة الهلال ده اكعب من الكعب زاتو... ياخي ديل ما عندهم اي فنيات كورة ولا لمسات كورة اعلام في الفارق ومكايدات في الفارق نحن اذا ما نقدنا انفسنا ما بنمشي الى الامام... واحسن لي الهلال ان يكتفي بالاعداد اذا اكان في اعداد ويرجع بدون ان يباري اي فريق ... |
وده كلام الناس البتهمها مصلحة الفريق
لكن بصراحة مش اخير الفريق بتاعنا بتاع
دورة صالح صقر في رمضان.....؟
سلام
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: Talal Halfa)
|
طلال يا صاحب ..
كيفك ومشتاقين ..
أنا لم أعمم الفكرة ولكن دي الحقيقة والتي وضحت حين لاعب المريخ فريق أتراكو الرواندي الكل أجمع على فشل المعسكر لعدم كفاية الإعداد ومواجهة فرق قوية تفيد الفريق حتى صحافة المريخ يعني الحاجة دي ما من عندي بدليل أن معظم لاعبي المريخ لم يلعبوا نصف ساعة كاملة في معظم المباريات التي أقيمت ..
على فكرة أنا لا أتخوف من معكسر الهلال بالدوحة لأني أعرف قيمة المعسكر تكمن وين ولكن كان واجب علينا أن ننبه لمثل هذه الأشياء ..
الفائدة في أن هناك 10 لاعبين جدد في كشف الفريق مثل هذه المعسكرات تقربهم من بعض وتزيد الإلفة بينهم ودا عامل نفسي مهم لأي فريق وبعدها فلتكن المباريات القوية ولا تنسى يا طلال أن الهلال سوف يلعب ثلاثة أو أربعة مباريات في الدوري قبل خوض منافسات بطولة الأندية الأبطال بما فيها مباراة المريخ ودي كلها إعداد جيد له ودخول في فورمة اللعب التنافسي ودا المطلوب ..
بعدين بالله انتبهوا لي فريقكم دا ..
يودوكم بالطيارة تجوا راجعين بالتاكسي ..
حد نازل 
ياخي أضرب تلفون السودان شغال ..
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: محمد عبد الماجد الصايم)
|
يا هارون
اولادنا حتي لو طلعو مواسير علي الاقل ما مكلفننا قروش كتيره
الدور والباقي علي الدفعو عشره مليون دولار في مواسيرهم
انت اسه قبل يومين مش كنت قعد تبكي وتتمخض في نتيجه التاكسي
واداء هزيل ويبقي الامل وشنو كده ما عارف ... اسع نفهم من بوستك ده انك رسميا رفعت الفراش بتاعك وعرفت انو قصتكم بايظه بايظه قلت احسن تجي تقدم السبت قبل الاحد
يا عزيزي مباره الشمال مباره تجريبيه - تعرف يعني شنو تجريبيه- يعني النتيجه هي اخر شي خطرت علي ذهن المدرب لفريق لم يلعب اي مباره تنافسيه لاكثر من شهرين- المطلوب هو:
1- اكتساب حساسيه المباريات
2- تحديد مستوي اللياقه البدنيه والذهنيه لدي اللاعبيين
3-العمل علي تحديد ملامح التشكيله الرئيسيه
4- العمل علي تنفيذ الخطط التكتيكيه للمدرب
اذا شفنا العوامل الاربعه الفوق دي الهلال نجح فيهن كلهن لكل من له بصيره الا الناس الحاقدين الزيك وناس قريعتي راحت الفاكريين انو المباره دي كان مفروض تنتهي 15/صفر لصالح الهلال
والله لو ما ولدنا دياب هلالابي علي السكين لرميت منزلكم في معيذر بالمنجنيق
وجايك راجع تاني بخصوص المباره التانيه وملابساتها
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
عاد الفريق الي ارض الملعب
بشرط اعادة اللاعب الذي تم طرده.....
والله دي اول مرة تحصل.....
او استبداله بلاعب اخر.....
ودي برضو اول مرة تحصل....
لاعب مطرود وخرج من الملعب يتم اعادته او استبداله.
وقد كان....
تم ادخال لاعب مكان اللاعب المطرود.
وتم تكليف المدرب القدير واللاعب الفنان النجم السابق
عماد خوجلي ( المعتمد ) بادارة المباراة .
يتبع
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
يحمد علي المدرب القدير
والسوداني الاصيل حمدان حمد
اخراجه لجميع اللاعبين الاساسيين
في الشوط الثاني والاستعانة بالفريق
الثالث....اكرر الثالث.
لينتفض بعدها الهلال ويبدع ويقدم لمحات
فنية رائعة( معقولة بس.....؟)
بالغت ياهارون دياب هههههههههههههههه
لتنتهي المباراة بفوز الهلال 6/3
سؤال .....
هل هذا هو هلال الملايين
هل هذا هو ممثلنا
ام من سيمثل بنا....؟
راجع
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: khaleel)
|
إلى هارون وجميع المارقين
سيناريو أقوال الصحف ما بعد كيجالي
التكاسة يركبون المريخ التونسية
المريخ يبدأ معسكره للدوري الممتاز
كروجر يغادر من كيجالي لألمانيا
جمال الوالي يستقيل من رئاسة الوصيف الدائم
طرد أكرم وانفلات في المعسكر وأحداث عنف بين مصطفى توفيق وبعض اللاعبين
وارغو برة الشبكة وكليتشي يسلم نفسه للكماشة الرواندية
الحلم المريخي يلقى حتفه بمقبرة كيجالي وسط ذهول الجميع
خليك قرييييييييييب
آمين
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: Samer Osman)
|
الاخ / سمير
سلام
Quote: إلى هارون وجميع المارقين
سيناريو أقوال الصحف ما بعد كيجالي
التكاسة يركبون المريخ التونسية
المريخ يبدأ معسكره للدوري الممتاز
كروجر يغادر من كيجالي لألمانيا
جمال الوالي يستقيل من رئاسة الوصيف الدائم
طرد أكرم وانفلات في المعسكر وأحداث عنف بين مصطفى توفيق وبعض اللاعبين
وارغو برة الشبكة وكليتشي يسلم نفسه للكماشة الرواندية
الحلم المريخي يلقى حتفه بمقبرة كيجالي وسط ذهول الجميع
خليك قرييييييييييب
آمين |
يبقي انتم السابقون قبل ان تبدواء
ونحن اللاحقون بعد ان بداءنا
شفته الفرق كيف....؟
خليك اقرب
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: khaleel)
|
* وبرضو ده كلو ما مهم..
* المهم أن الهلال (حسب المعلومات الخاصة التي تلقيناها من هناك) كان مهزوماً في مباراة أمس من منتخب القوات الخاصة بثلاثة أهداف نظيفة، إلا أن حارس الهلال المعز بعد الهدف الثالث احتج على قرارات الحكم وطلب هو ومدربه الديبة من اللاعبين الخروج من الملعب فخرجوا بالفعل..
* وأمهلهم الحكم الفترة القانونية ولم يعودوا، فاضطر إلى إعلان نهاية المباراة بهزيمة الهلال، وغادر الفريقان الملعب..
* وهنا تدخلت الأجاويد وعاد الهلال لمواصلة المباراة وعاد منتخب القوات الخاصة، ولكن الحكم رفض أن يعود فأمسك لاعبنا السابق عماد خوجلي بالصافرة وأدار المباراة بمعاونة مدرب حراس القوات من على الخط!!
* والغريب أن لاعب الهلال منير أم بدة المطرود بسبب ضربة الجزاء التي ارتكبها وأسفر عنها الهدف الثالث للقوات الخاصة، عاد وواصل اللعب مع الهلال أمام أعين الحكم الفزعة عماد خوجلي..
* والأغرب أن مدرب القوات الخاصة السوداني المعروف حمدان حمد سحب نجومه الأساسيين ولعب بقية المباراة بالإحتياطي، مما ولّد الظن في نفوس كل الحاضرين بأنه يريد أن يتيح الفرصة للهلال ليحقق الفوز، ففاز بالفعل.
* أول مرة في التاريخ نسمع بشيء اسمه (حكم بديل)!
* تبديل لاعب مصاب مقبول.. تبديل لاعب ضعيف الأداء ماشي.. تبديل لاعب منهك ما فيهو حاجة.. لكن تبديل حكم ومساعده؟ دي جديدة علينا!
* الوصيف دخل موسوعة غينيس للأرقام القياسية بصفته أول فريق في العالم يستبدل لاعباً مطروداً بآخر.. ويستبدل الحكم ومساعده كمان!
* من هنا ولي قدام يا جماعة .. أي فريق ينطرد ليهو لاعب يطرد الحكم ومساعده الأول ويدخل لاعب بديل للمطرود.. لخويا ساكت.. للعاجبو!
* مطلوب من الاتحاد العام تجهيز ثلاثة أطقم حكام لكل مباراة للوصيف في الموسم الجديد تحسباً لاحتمال انتقال ظاهرة مباراة اللخويا إلى الملاعب السودانية بطرد الحكام من الملعب!
* كما نطالب الكاف بتجهيز حكم سوداني بديل لمباراة المريخ وأتراكو في لخويا.. أقصد في كيجالي!
* وإذا مارس الحكم التنزاني أي انحياز أو لم تعجبنا قراراته طوالي نوقف الكورة ونستبدله بعماد خوجلي.. أقصد إبراهومة.. ونغلب ستة!
* ويا دار ما دخلتك لخويا!
* والسؤال.. من المسئول عن هذه المهزلة؟!
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: حمزاوي)
|
Quote: هل هذا هو هلال الملايين
هل هذا هو ممثلنا
|
يا هارون معليش ما تنفعل هلال الملايين دي لا بيدي ولا بيدك
نعمل شنو عاد دي الله ودي حكمتو ان يشجع 75% من الشعب السوداني فريق للهلال
وهو ممثلك بضراعو وليس منحه من احد
ابالله يا هارون خلينا من الصحفيين انت خليك امين واكتب عن مباره لخويا من الاول
واذا ما حضرت اسمع وجهه النظر التانيه بعداك اكتب
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: Talal Halfa)
|
فنانا وحبيبنا / طلال
سلامات
Quote: نحن عسكرنا في الأمارات ولعبنا بالتدريج (الفجيرة ثم فريق أوزبكي ثم الجزيرة بطل الأمارات) .. طبعا"
مباراتنا مع الوكرة برة الحسابات لأنها كانت من باب القزقزة وكده مع انو الوكرة من فرق المقدمة في
دوري المحترفين القطري .. أوعك من الشمال و(اللخونا) والكلام الزي ده .. نحن فريق كبير ونلعب مع
الكبار ولو انهزمنا نتقبل الهزيمة بكل احترافية ونصلح اخطائنا و ما بنطلع من الميدان زي حركات
ناس الروابط القام بيها معز محجوب في الدوحة !!
هارون :)
اذيك يا راقي
عليك الله تحكي الفضيحة مدعمه بالصور .. شفقتنا زاتو .. أرح مستنين |
وهذا ماقلناه ان تكون مباريات الاعداد بالتدرج
واذا كان الفريق لم يصل لمرحلة المباريات فلامانع
من متابعة التدريبات والتقسيمات الداخلية .
لكن ان يبداء الفريق مع احد فرق الدرجة الثانية
ثم يلعب مع فريق وحدة عسكرية فمعناها ان الاعداد
ونتائج المعسكر اتت بنتائج عكسية .
اما ماقام به معز فهو مسئولية الجهازين الفني والاداري
الذين تركوا لاعب في الفريق يقوم بسحب زملائه خارج الملعب .
وانا لله
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
انظر ماذا كتب احدهم عن صحافتنا الرياضية
حتي لاننسئ
Quote: قبل أيام اتصل بي أحد الرياضيين القدامى المقيمين بقطر، ومن القيادات المعروفة التي تواصل عملها وتقدم خبرتها للاشقاء في ذلك البلد العزيز ولا أريد ان أذكر اسمه، وقد أبدى لي أسفه على الطريقة التي تنظم بها فرقنا معسكرات اعدادها بالخليج والتي تثبت فشلها دائما لأن الفرق تأتي في وقت تكون كل الفرق مشغولة بالدوري ولا تتمكن من اجراء اي تجارب اعدادية بل يتحول المعسكر الى نوع من الترفيه، وقال ان الواجب كان يفرض ان يأتي المعسكر عن طريق اتحاد الكرة ومخاطبة الاتحاد القطري وان لا يسمح الاتحاد لأي فريق باقامة معسكر ان لم يؤكد حصوله على موافقة فرق تلعب امامه..
? وقال ان الاخوة في قطر كانوا يسخرون وهم يطالعون ما يكتب في الصحف بأن الاندية القطرية تتسابق للعب امام الهلال بل تعرضنا لاحراج مع أحد المسئولين في نادي الوكرة الذي اطلع على خبر في الصحف السودانية يفيد بأن الوكرة وافق على اداء مباراة امام الهلال تكريماً للاعب الريح كاريكا وقد سألنا احدهم من الذي وافق ومن أين أتيتم بهذا الخبر وفريقنا ليس له أي وقت لاداء أي مباراة مع أي فريق وليس في برنامجه أداء مباراة غير الدوري..
? وقال ان الهلال لم يجد أي فريق إلا فريق الشمال وهو نتيجة لعلاقة رئيس النادي محمد بدر السادة بالسودان والمدربين السودانيين العاملين بالشمال محمد بابكر وحمدان حمد ولا اعتقد ان الهلال استفاد من التجربة..
? أمس اتصل بي أيضاً غاضباً على الاحداث التي صاحبت مباراة الهلال أمس أمام فريق القوات الخاصة التي نظمها المدرب حمدان حمد بعد ان فشلت كل محاولات أداء مباراة امام فريق من الممتاز أو الاولى وقد صاحبت المباراة احداث مؤسفة بعد ان تقدم فريق القوات الخاصة على الهلال بثلاثة اهداف واحتج مدير الكرة على قرارات الحكم الذي طرد منير امبدة اللاعبين وقام بسحب الفريق وبعد محاولات عاد الهلال للملعب بعد ان تم تغير الحكم وهو حكم معروف وعامل وتمت اعادة اللاعب المطرود وادار المباراة لاعب الهلال السابق والمدرب عماد خوجلي وانتقد الصحافيين المرافقين للبعثة وقال انهم لاينقلون الحقائق وقال اتمني ان لا يمر ما حدث في مباراة الامس دون محاسبة وأكد ان الهلال لم يستفد من المعسكر..
? من جانبي أجريت اتصالاً بعدد من الزملاء في قطر وتأكدت صحة ما قاله لي هذا الرياضي الذي اثق في حديثه، ولهذا نتمني ان يعود الهلال لأن الأفضل له خوض تجارب هنا او استجلاب فرق تقدم له تجربة حقيقية وما حد ث للهلال هو نفس ما حدث للمريخ الذي اثبتت مباراته امام اتراكو ان معسكر الامارات كان قمة الفشل والمؤسف ان الاعلام المرافق دائما يحاول تجميل الفريق لأن الجميع يكتب بعقلية المشجع ولأن كل الذين يرافقون فرقنا في معسكراتها يقيمون معها وهنا تأتي العاطفة.. |
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: Abdlaziz Eisa)
|
هارون يا عمك إزيك وكدا
الحاجة الإيجابية في معسكر قطر - الفاشل زي ما سميتو - انو شال الثقة الزايدة الزرعها الإعلام في النفوس
الحديث عن هلال عالمي و لعيبة عظام كلام فارغ ما أكتر
كويس انو الهلال ح يبدا موسمو بواقعية شديدة و ح يتجنب الشراب من نفس الكأس الأسكرت السبيعاب
و خلتهم يسكلو و يسووا الحي ووب حين استبانو النصح ضحى يوم التكاسة
عليك امان الله الجرسة السويتوها انتو وإعلامكم اليوم داك جرسة نصاح
كانكم ما غالبين
دا كلو من الأوهام العشتوها والقرع البشيل إعلامكم و ياكل فيكم منو
ناس كلتشة وورغنة و منتشة و استاد عالمي و بطيخ ابيض و زبادي بايت ما انزل الله به من سلطان
اما بالنسبة لسلوك رفض اكمال المباراة او التقسيمة - اياً كانت - سواء اتى من المعز ام من الديبة
فهو سلوك مرفوض و غير رياضي و يجب ان يجد المتسبب فيه المحاسبة من الإدارة
لكن إذا كانت إدارة الهلال في رقبتها ضاربة على دف الإنسحابات و اخد القانون باليد
كيف نتوقع منها محاسبة الراقصين
دا من ناحية و من ناحية تانية فضايح شيل الكورة يابوي فضلة خيركم ما تسلو لسانكم فيها ساي
كان من زمن سليمان عبد القادر ولّ كان لي زيكو - ولّ تكونوا نسيتوا إياك
سلام يا عمك و هاك تاكسي الغرام دا
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: محمد البشرى الخضر)
|
الحبيب / ابو حتوت
بصراحة فاقدك
ومشتاقووووووووووووون
وبصراحة اكتر
Quote: هارون يا عمك إزيك وكدا
الحاجة الإيجابية في معسكر قطر - الفاشل زي ما سميتو - انو شال الثقة الزايدة الزرعها الإعلام في النفوس
الحديث عن هلال عالمي و لعيبة عظام كلام فارغ ما أكتر
كويس انو الهلال ح يبدا موسمو بواقعية شديدة و ح يتجنب الشراب من نفس الكأس الأسكرت السبيعاب
و خلتهم يسكلو و يسووا الحي ووب حين استبانو النصح ضحى يوم التكاسة
عليك امان الله الجرسة السويتوها انتو وإعلامكم اليوم داك جرسة نصاح
كانكم ما غالبين
دا كلو من الأوهام العشتوها والقرع البشيل إعلامكم و ياكل فيكم منو
ناس كلتشة وورغنة و منتشة و استاد عالمي و بطيخ ابيض و زبادي بايت ما انزل الله به من سلطان
اما بالنسبة لسلوك رفض اكمال المباراة او التقسيمة - اياً كانت - سواء اتى من المعز ام من الديبة
فهو سلوك مرفوض و غير رياضي و يجب ان يجد المتسبب فيه المحاسبة من الإدارة
لكن إذا كانت إدارة الهلال في رقبتها ضاربة على دف الإنسحابات و اخد القانون باليد
كيف نتوقع منها محاسبة الراقصين |
ياهو ده الكلام الجد وحااجيب ليك رابط لبوست اخر انتقدنا فيه اعلام
المريخ الذي صور المريخ زي برشلونة والتكاسة ديك انهم لعيبة حواري.
حتي معسكر المريخ كان يجب ان يقام في كينيا المشينا ليها بعد نكسة
مباراة الذهاب والتي اسميها نكسة لانو من خلال مانقله الاعلام توقعنا فوز
المريخ باكثر من ثلاثة اهداف ....لكن الحاصل الان انوا يدينا في قلوبنا
خوفا من الخروج المبكر مع كل الثقة في نجوم المريخ بان يعيدوا الامور
الي نصابها ويتخطوا الفريق الرواندي وان يتوقف اعلام التطبيل عن خداعنا.
صدقني يامحمد....
وانا كنت قريب من المريخ وانا اكثر قربا من الهلال من خلال اخوة اعزاء
يتأكد لنا بان جيش الاعلاميين الارزقية الذين يرافقون الهلال والمريخ هم
افة الافات للكرة السودانية ......
يامحمد......
عليك الله كدي ارجع للعنوان المكتوب في الجرائد الفوق دي عن هدف كوارزما
في مرمي الشمال وشاهد الفيديو وتعال احكم وانا راضي بحكمك ....
يااخي لعبة من داخل منطقة الجزاء قلنا ليهم ابو ساندرا بيدخله الراجل يجي
يقول قذيفة صاروخية بنكهة برازيلية....؟
اين احترام عقل القارئ......؟
الهلال والمريخ وجهان لعملة واحدة اكثر مايضر بها هو اعلام النفاق المصاحب لها.
بالمناسبة......
الوكرة لم يطلب لقاء الهلال
الغرافة اعتذر
حتي الاعلان عن مباراة الهلال مع فريق الجيش متصدر اندية الدرجة الثانية
غير صحيح ودونك الزميل وعضو البورد ماضي ابو العزائم اخصائي العلاج الطبيعي
لفريق الجيش يؤكد لك مااقوله.......
يحمد علي الكابتن حمدان حمد والاستاذ عماد الطيب اصرارهم علي عودة الفريق
واستكمال المباراة لان المعز لم يفكر موقف الهلالاب عندما تكتب الصحف عن انسحابه
من المباراة وهو مهزوم 3/صفر ....علما بانه امر زملائه بالخروج من الملعب بعد
ان تم تسديد ضربة الجزاء ....الم يكن بالاحري الانسحاب قبل تسديد الركلة.....؟
وهل لو ضاعت ضربة الجزاء كان حيطلب من زملائه الانسحاب....؟
اسئلة كثيرة وحائرة.....
راجع ليك تااااااااااااني
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
ما تفقد غالي يا هارون - كفاية تفقدوا نقاط الدوري
معاك في عولقة الإعلام الرياضي و بهدلته لكن كمان حرام نحملّو لوحدو مسؤولية التدهور الحاصل
الحكاية بايظة من فوق من إدارات الإتحادات و الأندية بل وحتى من الوزارات و من الدولة نفسها
مرورا باللعيبة و الجمهور وووو
خد عندك مثلا زي معسكر الهلال محور الحديث كونوا يكون في توقيت غير مناسب و بدون موافقات مسبقة مع الأندية القطرية
دي مسؤولية الإعلام ولا الجهاز الإداري و قس على ذلك
بالنسبة للتعليق على قون البرازيلي فالباص اللعبو لسولي و داك رجعو ليه في رايي أجمل من شوتة القون
لكن في النهاية قون و قون تعادل كمان بس ناس الجرايد كترو محلبيتو شوية
Quote: .لكن الحاصل الان انوا يدينا في قلوبنا
خوفا من الخروج المبكر مع كل الثقة في نجوم المريخ بان يعيدوا الامور
الي نصابها ويتخطوا الفريق الرواندي وان يتوقف اعلام التطبيل عن خداعنا. |
لا يعمك لا تشيل هم
وفد المقدمة وصل تنزانيا و منها كيجالي و زبط أمورو و شغل عداد التاكسي
إطمن ابوي بس لي قدام ماااااااا اظن الوضع يكون تمام
مسؤول من الخير ابوي
عندك خبر معسكر اديس كنسلوهو ليه؟ (وش خبيث قاليك)
أو بالأحرى من الأول معسكر أديس اقترحوه ليه؟ و الإقترحوا منو؟ (وش الشمار كاتلو داير يفت باي طريقة)
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: محمد البشرى الخضر)
|
ياابو حتوت
بالنسبة لي دي
Quote: لا يعمك لا تشيل هم
وفد المقدمة وصل تنزانيا و منها كيجالي و زبط أمورو و شغل عداد التاكسي
إطمن ابوي بس لي قدام ماااااااا اظن الوضع يكون تمام
مسؤول من الخير ابوي
عندك خبر معسكر اديس كنسلوهو ليه؟ (وش خبيث قاليك)
أو بالأحرى من الأول معسكر أديس اقترحوه ليه؟ و الإقترحوا منو؟ (وش الشمار كاتلو داير يفت باي طريقة) |
قاعدين نفتش في واحد زي ده....!!!!
وبرضو....
كاااااااااااااااااااااااااااااااااكـ
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: Abdlaziz Eisa)
|
الحبيب / عبد العزيز
مساء الخير
Quote: الأخ ود دياب
سلام
لي ايام بعيد عن الأخبار..
وودت ان اعرف احبار الوصيفاب ومعسكرهم عندكم!!
اتمنى ان يكونوا قد حافظوا على الصورة الجميلة التي خلفها الزعيم بقطر..
تحياتي
عبدالعزيز |
اما عن المعسكر فيشكر القائمين عليه وعلي امره
علي تهيئة الجو المناسب لاعداد الفريق وعلي راسهم
الاخ الاستاذ/ محمد بشير حمزة صاحب الايادي البيضاء
علي الرياضة السودانية في توفير الاقامة المناسبة للبعثة .
والاخوة الرياضيين بالدوحة ...منقستو /عماد خوجلي / نبيل الطيب/
وليم/ الريح مصطفي / والكثيرين الذي يستقطعون من وقتهم
ووقت عائلاتهم من اجل انجاح المعسكر.
والذي نتمني ان يكون قد افاد المدرب في وضع تصور لشكل الفريق
والعمل علي رفع اللياقة والوصول الي تشكيلة مناسبة والكثر من
الامور الفنية .
اما عن المباريات التجريبية فسوء الحال يغني عن السؤال.....!!!!
كل الود
| |
|
|
|
|
|
|
|
|
|
Re: يااخونا اخير تفضوا...... معسكركم ده ...وتتوالي الفضائح.....!!! (Re: haroon diyab)
|
Quote:
اما عن المعسكر فيشكر القائمين عليه وعلي امره
علي تهيئة الجو المناسب لاعداد الفريق وعلي راسهم
الاخ الاستاذ/ محمد بشير حمزة صاحب الايادي البيضاء
علي الرياضة السودانية في توفير الاقامة المناسبة للبعثة .
والاخوة الرياضيين بالدوحة ...منقستو /عماد خوجلي / نبيل الطيب/
وليم/ الريح مصطفي / والكثيرين الذي يستقطعون من وقتهم
ووقت عائلاتهم من اجل انجاح المعسكر.
والذي نتمني ان يكون قد افاد المدرب في وضع تصور لشكل الفريق
والعمل علي رفع اللياقة والوصول الي تشكيلة مناسبة والكثر من
الامور الفنية .
اما عن المباريات التجريبية فسوء الحال يغني عن السؤال.....!!!! |
مع تحيات مراسل قناة سودانيز اونلاين الرياضيه بالدوحه هارون دياب
| |
|
|
|
|
|
|
| |
haroon diyab
عبدالوهاب علي الحاج
khaleel
جمال السنوسي
yasir tamtam
محمد الطيب حسن
معتصم دفع الله
omer osman
Talal Halfa
nazar hussien
محمد عبد الماجد الصايم
Omar Bob
Samer Osman
صلاح أبودية
Abdlaziz Eisa
محمد البشرى الخضر
فيس بوك
تويتر
انستقرام
يوتيوب
بنتيريست