|
Re: الهلالاب والمريخاب توقع....من سيكون الماسورة الحقيقية يوم الجمعة......؟ (Re: Samer Osman)
|
الحبيب / سمير
سلامات
Quote: الحمدلله نحن ماسورتنا البرازيلية عرفنا علاجا إنت قايل الشئ الرابطنو ليهو في راسو ده شنو؟؟؟
دي ما الجلبة ...
الكلام في ماسورتكم دي ... سودا ومصقرة وما بنفع فيها جلب ...
نلاقيكم يوم السبت بعد الكورة عشان نوصف ليكم سوق الخرد وين... |
بس انا خائف الجلبة دي تكون قديمة واول موية تتكبه فيها تقوم تتقطع ونبقي في الرماد كال حماد....!!!! والجمعة قرييييييييييييييييييييبة
اقعد عافية
| |
|
|
|
|
|
|
Re: الهلالاب والمريخاب توقع....من سيكون الماسورة الحقيقية يوم الجمعة......؟ (Re: محمد عادل)
|
يا صفوة .. عنوان بوست ما موفق اطلاقاً .. ويشكك في انتمائك للصفوة لان اصحاب المواسير اصبحوا معروفين ..
شوف ..
Quote: سلام كده 1/ صفر للمريخ مبروك مقدما بما انك اول من توقع لانك وش الخير
|
واحد شنو يا عمك .. وارغو براهو حالف يبدأ مشوارو في المواسير يعني حي يبدأ بواحد بعد الصيام ده كلو؟؟ .. وعندك كلتشي منتظر بفارق الصبر عشان يتفشى .. وابو التيمان .. والعجب .. وعييييك .. يا خ واحد شنو ؟
والدليل على وارغو بس شوف ناس الصدى كاتبين شنو اليوم ..
Quote: مجاهد أحمد محمد: وارغو لا يمكن إيقافه إلا باستخدام مسدس وإطلاق النار عليه أكد مجاهد أحمد محمد أن ستيفن وارغو يتمتع بقدرات كبيرة ومهارات عالية، وذكر أنه لاعب من طراز فريد، ويشكل خطورة مستمرة على مرمى ودفاع الخصم، ويتحرك بحيوية كبيرة مستغلاً مهاراته العالية في المراوغة والتمرير والتسديد، وأكد أن المدافعين لا يمكنهم إيقاف هذا اللاعب إلا في حالة واحدة هي استخدام مسدس وإطلاق النار عليه، وأشاد مجاهد بلاسانا فاني وذكر أنه سعيد جداً بتألقه، وطالب الجماهير بألا تقلق على فريقها مشيراً إلى أن الأحمر يبقى مرشحاً للاحتفاظ بلقبه والذهاب بعيداً في مسابقة دوري الأبطال..
|
وده عنوان الصدى .. http://www.alsadda.net/
| |
|
|
|
|
|
|
Re: الهلالاب والمريخاب توقع....من سيكون الماسورة الحقيقية يوم الجمعة......؟ (Re: معتصم دفع الله)
|
اتفرجت عليهم الاتنين ...شوف عين مو تلفزيون الايامات الفاتت دي وتأكد لي بما لا يدع مجال للشك
الحا يغلب رفيقو فيهم داخليا...حا يكون لاعب معاه الحظ اما خارجيا فلا امل لاي منهما في المنافسة..
يا راجل ديل مجموعة مواسير علي ضهور من سيخ وبيلعبوا بي طريقة كورة الابتدائي والمساكك بس من غير عوووووك عووووووك اوووووك اووووك
ناس الهلال لا زال البرنس هو الافضل عندهم وناس المريخ غير بلة جابر ما هندهم شي لا تقول لي العجب..(تقول ناقة مكتفة) امكن شوية كدي لاسانا يكون فوق مستوي الباقين اما وارقو...فلابد ان يملو ليه الميدان موية حتي يلعب تقول مركب مكنة اب رفاس...
غايتو يا هارون اخوي انا خليتهم الاتنين
| |
|
|
|
|
|
|
Re: الهلالاب والمريخاب توقع....من سيكون الماسورة الحقيقية يوم الجمعة......؟ (Re: نزار باشري ابراهيم)
|
الرائع هارون دياب النتيجة معروفة تترجمها الأبيات التالية
الموت الرحيم
لايضير العاشق الجهر بعشقه حين يكون المعشوق بحجم الزعيم يفنى العمر فى عشقه ويتفانى فى حب النجم الوسيم والذى حين يومض يومض فيضا الكون البهيم يسعد الملايين من عشاقه فتغدو ايامهم سعادة ونعيم ايامريخ رفقا بإخوة لنا أضحى اليوم كبيرهم سقيم كرمى لعيون جماهيرهم فمنحتهم الموت الرحيم تجرعوا مرارة الهزيمة واستيقنوا من أنك عظيم ومضت مواكبهم آسفة فى الطرقات على وجهها تهيم
نزار تحياتي
| |
|
|
|
|
|
|
Re: الهلالاب والمريخاب توقع....من سيكون الماسورة الحقيقية يوم الجمعة......؟ (Re: نزار باشري ابراهيم)
|
الحبيب /نزار
مودتي
Quote: الرائع هارون دياب النتيجة معروفة تترجمها الأبيات التالية
الموت الرحيم
لايضير العاشق الجهر بعشقه حين يكون المعشوق بحجم الزعيم يفنى العمر فى عشقه ويتفانى فى حب النجم الوسيم والذى حين يومض يومض فيضا الكون البهيم يسعد الملايين من عشاقه فتغدو ايامهم سعادة ونعيم ايامريخ رفقا بإخوة لنا أضحى اليوم كبيرهم سقيم كرمى لعيون جماهيرهم فمنحتهم الموت الرحيم تجرعوا مرارة الهزيمة واستيقنوا من أنك عظيم ومضت مواكبهم آسفة فى الطرقات على وجهها تهيم
نزار تحياتي |
وباذن الله لن يخذلك نجوم الزعيم فقد عودونا دائما وجودهم في الاوقات الصعاب.... اما المواسير فلن ينسوه درسا. لنلتقي غدا لنحتفي
| |
|
|
|
|
|
|
|