|
Re: مريخ السودان( الزعيم ) واتحاد ليبيا( التيحة ) بالتوفيق للاحمر الوهاج (Re: khaleel)
|
ياخليل ياسحار جمعة مباركة
وجياتك دائما مريحة تسجيل هدف مبكر سيريح المريخ كثيرا الفريق الليبي خطير برشا(ههههه) يضم الاتحاد الليبي 13 لاعباً دولياً وستة أجانب أبرزهم التوغولي ماني سابول.. النيجريان داودا كاميلو ولاسانا عبد الكريم (القطن الكاميروني سابقاً) والكاميروني جيرمي جانا. ربنا يستر من الاتنين صفر. ولكني اتوقعها تعادليه او قل اتمناها. مودتي
| |
|
|
|
|
|
|
Re: مريخ السودان( الزعيم ) واتحاد ليبيا( التيحة ) بالتوفيق للاحمر الوهاج (Re: طه كروم)
|
اخي الصفوه هارون
ها نحن في ابحار جديد مع بريق النجوم, ها نحن من جديد وتحدي جديد, طبع العظماء التفوق والتحدي , والصبر والجلد والمعارك ,
ايتها النجوم العاليه البريق نحبك, اللهم وفق نجوم المريخ يا رب.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: مريخ السودان( الزعيم ) واتحاد ليبيا( التيحة ) بالتوفيق للاحمر الوهاج (Re: حبيب نورة)
|
أهداء لي كل المريخاب
تدافر جوة شوارع الروح
بي الطعم الأول للريد
ساعة ميلاد
تدي الأولاد ......... روح الأجداد
نصراً غالي وكاسر القيد
نجمة تحنس في القمرة
شان ترجع لي دين الضي
تتوشح بي الأحمر زي
تظهر بي الأصفر في السهرة
ما تهل مرة ... وتتواري
ما تتضاري
ناقصة ومتباقصة و أطلال
تتخلقن خجلاً تبقي هلال !
يا هيبة و عظمة
يا حاضر وماضي وتأريخ
يا صفوة
يا البيكا وصلنا تماس النشوة
يا وطنناً نهوي
يا سودان المريخ !
يا فجراً بشرق لمّن تغرب
شمس أمجاد أوطاننا
يا نجمة بتلمع
يا معني بيسطع
في كل مربع من سوداننا
مريخ الوالي
عالي ومتلالي
يا قيمة و سطوة و هوية
شايلك جواي
عزة وجنسية
بالميلاد كوكب أحمر
مولود في رحم الوطنية
نجمة بتعلن لينا حضورا
زاهية تمثل أجمل صورة
منعـــــة ورفعــــــــــة
كورة و مقصورة
تدي الأحلام طابق تاني
واقع ملموس ..... ما ماســــــورة !!
| |
|
|
|
|
|
|
Re: مريخ السودان( الزعيم ) واتحاد ليبيا( التيحة ) بالتوفيق للاحمر الوهاج (Re: حبيب نورة)
|
رغم الاصابات والصعوبات والغلطات..
اضائت النجوم في سماء ليبا بنتجيه تعادليه ايجابيه. الفريق يحتاج الكثير , اليوم فرح, ومنذ الغد عمل, بالتوفيق انشاالله في مباراه الرد وبقيه المباريات , شكرا نجومنا رجال والله, شكرا اداره وتدريب, وشكرا تشجيع
وحبابنا سوا وسودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: مريخ السودان( الزعيم ) واتحاد ليبيا( التيحة ) بالتوفيق للاحمر الوهاج (Re: شهاب الفاتح عثمان)
|
مبروك ليك يا هارون ومبروك للمريخ ومبروك للسودان المريخ ادى مباراة كبيرة خاصة في نصف الساعة الأخير من الشوط الأول وشكل خطورة كبيرة على مرمى الإتحاد كان من الممكن ان تسفر عن اهداف كانت ريحت اللاعبين خلال الشوط الثاني وريحت اعصابنا نحن ذاتنا بدل التوتر وشدة الأعصاب حتى نهاية المباراة .... هنالك العديد من الأخطاء التي كان من الممكن ان يخسر المريخ المباراة بسببها واتمنى ان يتم علاجها في مباراة الرد .. وارجو الا يركن لاعبي المريخ وجهازه الفني الى ان قيام مباراة الرد في القلعة الحمراء يعتبر سبباً كافياً لفوز المريخ، لأن الإتحاد الليبي خصم عنيد وفريق قوي ويضم العديد من اللاعبين الدوليين والمحترفين وبالتأكيد سوف يحاولون تصحيح اخطائهم التي وقعوا فيها اليوم للفوز بمباراة الرد بأي طريقة مالم تصحح الفرقة المريخية اخطائها وتلعب لكسب المباراة بعدد وافر من الأهداف .. اتمنى ان تتجنب الفرقة المريخية تمرير الكرات المحرجة و الباصات في المناطق المكتظة بالاعبين الأمر الذي يؤدي مضايقة الخصم وبالتالي صعوبة استلام الكرة وربما خسارتها والأفضل فتح اللعب عن طريق الأجنحة والتقليل من المراوغة .. عموماً نقول مبروك للمريخ ومبروك للسودان وعقبال الفوز في مباراة الرد
| |
|
|
|
|
|
|
Re: مريخ السودان( الزعيم ) واتحاد ليبيا( التيحة ) بالتوفيق للاحمر الوهاج (Re: elsawi)
|
استاذنا / الصاوي مساء الانتصارات
Quote: مبروك ليك يا هارون ومبروك للمريخ ومبروك للسودان المريخ ادى مباراة كبيرة خاصة في نصف الساعة الأخير من الشوط الأول وشكل خطورة كبيرة على مرمى الإتحاد كان من الممكن ان تسفر عن اهداف كانت ريحت اللاعبين خلال الشوط الثاني وريحت اعصابنا نحن ذاتنا بدل التوتر وشدة الأعصاب حتى نهاية المباراة .... هنالك العديد من الأخطاء التي كان من الممكن ان يخسر المريخ المباراة بسببها واتمنى ان يتم علاجها في مباراة الرد .. وارجو الا يركن لاعبي المريخ وجهازه الفني الى ان قيام مباراة الرد في القلعة الحمراء يعتبر سبباً كافياً لفوز المريخ، لأن الإتحاد الليبي خصم عنيد وفريق قوي ويضم العديد من اللاعبين الدوليين والمحترفين وبالتأكيد سوف يحاولون تصحيح اخطائهم التي وقعوا فيها اليوم للفوز بمباراة الرد بأي طريقة مالم تصحح الفرقة المريخية اخطائها وتلعب لكسب المباراة بعدد وافر من الأهداف .. اتمنى ان تتجنب الفرقة المريخية تمرير الكرات المحرجة و الباصات في المناطق المكتظة بالاعبين الأمر الذي يؤدي مضايقة الخصم وبالتالي صعوبة استلام الكرة وربما خسارتها والأفضل فتح اللعب عن طريق الأجنحة والتقليل من المراوغة .. عموماً نقول مبروك للمريخ ومبروك للسودان وعقبال الفوز في مباراة الرد |
تحليل واقعي وجميل ينظر لاداء المريخ بكل موضوعية وواقعية. مثلك ومع بدائة الشوط الثاني تخوفت من خسارة كبيرة ....لكن الحمد لله ظهر معدن المريخ . نحتاج لعلاج المصابين بسرعة وخاصة سفاري . المباراة كتبت شهادة ميلاد دولية للكثيرين من شباب المريخ والذين كانوا في الموعد . مزيدا من الانتصارات لمريخ العزة . مودتي
| |
|
|
|
|
|
|
Re: مبرووووووووووووووووك (Re: waleed dawash)
|
مبرووووووووووك لكل الصفــــــــــــــوة هذه النتيجة الايجابية رغم غياب سفاري والعجب ووارغو ومريخنا خطر بمن حضر والتحية للاعبين ولمجلس الادارة الذى اعطاء وبذل ومابخل وانشاء اللة نتيجة تساعدنا على التأهل
والعبيط داك الفالح فى نقل أخبار مشاكل حزب للمنبر والذى جاء للشماتة أختفى وين ياهارون ؟
| |
|
|
|
|
|
|
Re: مبرووووووووووووووووك (Re: معاوية محمد الحسن)
|
حبيبنا / معاوية
ازيك يارائع
Quote: مبرووووووووووك لكل الصفــــــــــــــوة هذه النتيجة الايجابية رغم غياب سفاري والعجب ووارغو ومريخنا خطر بمن حضر والتحية للاعبين ولمجلس الادارة الذى اعطاء وبذل ومابخل وانشاء اللة نتيجة تساعدنا على التأهل |
والتحية لكل من وقف ويقف خلف هذه النجمة الجميلة ليظل هذا العالم جميل ...عالم المريخ وجميل بوجودك وكما قلت بمن حضر مريخنا خطر
Quote: والعبيط داك الفالح فى نقل أخبار مشاكل حزب للمنبر والذى جاء للشماتة أختفى وين ياهارون ؟ |
ياعمك الزول ده تابع حزب الامة فرتك فهمه وحسع مباري الهلال عاوز يضيعه. لكن نقول ليهو..... المريخ ده شعرا ماعندك ليهوا عنقرة ......ارعي بي قيدك ياجاهل
| |
|
|
|
|
|
|
Re: مبرووووووووووووووووك (Re: waleed dawash)
|
مبروووووووك لأولادنـــــا
والله انا اصلو ما خايف على المريخ بعد ده
ولو لعب مع اي فريق اوربي
ده عملاق وانطلق
الله يكفينا شر الحسد
مبرووووووك ود ديـــاب ودكتور شهاب وكل عاشقي الوهاج
وبالتوفيق لصلاح مشكلة مع مسيرته المباركة
| |
|
|
|
|
|
|
Re: مبرووووووووووووووووك (Re: Dr. Ahmed Amin)
|
مبروك مريخ السعد ..............
مبروك للاحمر الوهاج ...............
فريق الاحلام يحقق التعادل ....يقطع شوط لصعود ....
التحبة لنجوم الفريق ..... التحية للجهاز الفني بقيادة الكابتن مشكلة وابراهومة ..
كل التقدير لمجلس الادارة وهو يوفر الجو للابداع ....
| |
|
|
|
|
|
|
Re: مبرووووووووووووووووك (Re: waw)
|
سيف الدين يااندي تود ارسي ياخي
Quote: مبروك مريخ السعد ..............
مبروك للاحمر الوهاج ...............
فريق الاحلام يحقق التعادل ....يقطع شوط لصعود ....
التحبة لنجوم الفريق ..... التحية للجهاز الفني بقيادة الكابتن مشكلة وابراهومة ..
كل التقدير لمجلس الادارة وهو يوفر الجو للابداع .... |
والتحية لعشاق النجمة وهم يقفون خلفها دائما في ساعة الافراح وعند الهزائم باذن الله نتأهل للدور القادم بعزيمة الابطال وبقوة الرجال مودتي
| |
|
|
|
|
|
|
Re: مبرووووووووووووووووك (Re: Dr. Ahmed Amin)
|
دكتور احمد مساء الخير
وانتظرت طلتك المباركة طويلا لانها تجلب الجمال والحظ ماتتأخر علينا. مريخك يشرف مريخك يخوف مرخك فووووووووووووووق والله انا فرحان جنس فرح الله يدينا الفي مرادنا
| |
|
|
|
|
|
|
Re: مبرووووووووووووووووك (Re: waleed dawash)
|
وليد دواش سلامات
Quote: مبروك ياصهاينه
مرات كده بترفعو راسنا |
الله يبارك فيك يامواسير ونتمني انكم ترفعوه يوم الاحد. ابسط ياعم جاتكم في الطبطابة ملاقين حمام ميت . معكم قلبا وقالبا . تحياتي
| |
|
|
|
|
|
|
Re: مبرووووووووووووووووك (Re: waleed nayel)
|
ياوليد صباحاتك ندية
Quote: يا هارون الانيق الف مبروك للسودان و عقبال الردم في ام در |
وباذن الله الردم في الردكاسل وافتتاح طابق شاخور والانارة الجديدة والتاهل لدور ال 16 مبرووووووووووووووووووووووووووووووكـ
| |
|
|
|
|
|
|
Re: مبرووووووووووووووووك (Re: عبود عبد الرحيم)
|
عبود ياملك صباح الخير
وباذن الله يكمل هلال الملايين المهمة ويحقق انتصار كبير يريحه في مباراة الرد .... والهلال قادر علي ذلك. لنرتدي جميعا جلابية الهلال حتي يحقق النصر . سلامات
| |
|
|
|
|
|
|
Re: مبرووووووووووووووووك (Re: ABDELMAGID ABDELMAGID)
|
عبد الماجد صباح الخير
Quote: أدى المريخ العظيم واحدة من أقوى المباريات .... مبروك للجميع ... و لللأخ هارون ..... و مريخنا دايما فوق .... عبدالماجد |
صدقت..... فقد كان الاداء قويا ومتوازنا عدم التكتل الدفاعي ارهب المدرب الايطالي فحاول التمترس في اراضيه انه المريخ العالم الجميل يجعلنا نبداء هذا الصباح بالفرح . شكرا عبد الماجد فقد كنتم في الموعد مودتي
| |
|
|
|
|
|
|
|