|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: ام درمــان .. فقط (Re: حمور زيادة)
|
كنت أجّول بين هذين البوستين لا استطيع لهما فراقاً ..
بين حنين الى ام درمان و دراسة عن ام درمان
فسالت دوعي رغماً عني
لا يفصلني عن ام درمان لا كوبري شمبات
و هواء المحبوبة يصلني عبر النيل لا يحجزه عني حاجز
لكن الحب استفزني
و الشوق ذللني
للحبيبة..
ام درمان
| |
 
|
|
|
|
|
|
|
|
Re: ام درمــان .. فقط (Re: حمور زيادة)
|
و البعد عن ام درمان واحد ..
لمن عبر النهر و سكن بحري او قطع بلاد الله و استوطن الاسكا
في الحالين هو قد ابتعد عن ام درمان
و في الحالين يبكي و لسان حاله يقول :
بفراقي حكم الزمان
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
ام درمان ..
سر الهوى المرصود ..
قيل ان جامع دمشق كان به رُصد تمنع عنه العناكب و الهوام
فلما استخرجت الرُصُد جاءت الهوام فعاثت فيه
فهل ام درمان مرصودة بالحب ؟
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
ام درمان ..
سر الهوا الجلاب ..
قيل ان من يشرب من نهر الدانوب لابد ان يعود اليه
و من شرب من مياه توتيل لزمته العودة
فهل لهواء ام درمان ذات السحر ؟
من استنشق هواء ام درمان تعشقها عنوة
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
ما السر فيك يا ام درمان ؟
لماذا امنيتنا دوماً قدلة يا مولاي حافي حالق في الطريق الشاقيه الترام
ذهب الترام..
و لم يعد شارع الموردة مشقوقاً الا برصيف اسمنتي بارد
لكنه ظل حبيباً
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
جاف هذا الهواء الذي يعصف بام درمان ؟
ربما كان كذلك
حجر ارض ام درمان ؟
ربما كانت كذلك
طرقاتها ملتوية متشعبة كمسير ثعبان ؟
ربما هي كذلك
لكنها ..
ام درمان
بماذا امدحها اكثر من ذلك ؟
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
ام درمان ..
الطابية ..
المجلس البلدي ..
ميدان البحيرة ..
حوش الخليفة ..
قصر الشباب و الاطفال ..
السلاح الطبي ..
سوق العناقريب ..
سوق الجلود ..
الصاغة ..
المسلة التي كادت تذوب
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
الموردة ..
بانت ..
حي الضباط ..
العباسية ..
الهاشماب ..
المظاهر ..
البوستة ..
ابوروف ..
الملازمين ..
ود نوباوي ..
حي العرب ..
المسالمة ..
القلعة ..
الشهدا ..
فريق ريد ..
فريق جهنم ..
المواليد ..
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
فكر معي ..
الساعة الان الثالثة الا ثلثا صباحا
هل اخرج الان ؟
اسرع الى ام درمان
ارتمي على ارضها
اقبل ترابها ذرة ذرة
و اترك دموعي هذه التي امسحها الان من على وجنتيّ تسيل على ارضها فتختلط بزعفرانه ؟
هل ان فعلت ذلك اكون مجنوناً ؟
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
في هواك درويش
شايل سبحة الاشواق ..
و الف هيمااااان ..
في نوبة القلب اليدق ..
يقول ام در
يحن لهفان
و لما خلااااااص ..
الف مليون
بقع غرقان
اه ..
اه ..
من شوق وجع ..
شال القلب
سكنو ام درمان
| |
|
|
|
|
|
|
|
|
 Re: ام درمــان .. فقط (Re: حمور زيادة)
|
Quote: متين ارجع لام در و اعودا ؟
متين ارجع لام در و ازورا ؟ |
داخلين علي السنه العاشره والحمد لله يا حمور ..ربك يهون الصفر دا ما يبدا يقلب ارقام
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
جدتي ..
بتول بت بابكر ود الريح ود حامد
بشلوخها و شفتيها الموشومتين ..
بثوبها الابيض ..
دوما ابيض كقلب المؤمن ..
حين اتذكر ام درمان لابد ان تأتي على بالي
فهي احد معالم ام درمان عندي
هي الموردة ..
شارع المأمور
شارع المامون
الميريلاند
السوق
ميدان حسن حسين
الشوايات
ااااااه يا جدتي
منذ رحلتي لم تعد ام درمان هي ام درمان
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
بيت البوستة
اه ايتها الجدران التي هي ذكريات طفولتي و قد تجسدت
معهد ادوارد خليل حنا للالة الكاتبة
صوت الطقطقة كل عصر
كان هذا صوت ام درمان
اه يا حي برمبل
عم محمد المصري بائع السمك
الشارع الضيق قرب بيت ال زلفو الذي كان ميدانا للكرة
و ميدان المدفع ..
حيث تطل علينا ساعة المجلس البلدي كأنها تحرسنا من طيشنا
الارسالية ..
صمويل بائع التسالي الذي يقف امامها
سرب الغزلان السمراء الخارج من بابها الازرق يمتزج بسرب الحمائم العائدة من درس العصر و بيت الخياطة
و التجاني الماحي
و جهنمية منل ابراهيم بدري امامه حيث يحلو لنزلاء التجاني الماحي الجلوس
اه ايتها الذكريات
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
Quote: اسرع الى ام درمان
ارتمي على ارضها
اقبل ترابها ذرة ذرة |
دي بس ياحمور
احضنها لي شدييد....سلم لي على كبارها وصغارها...واستمتع بي صوت المدارس وضجتها... وناسها الحلوة..الراقية وشبابها الحلو النضر..وبناتها الجميلات الفاهمات وراقيات..ورجالها المحترمين...
سلم لي على الشوارع والزقاقات..المنارة وود البخيت والحتانة والثورات...الشهداء الموردة وفريق ريد...بانت والمهندسين والفتيحاب..
هوي
انا جاية لي امدرمان....
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
وينك يا المسالمة
و غزلان المسالمة
كنيسة ماري جرجس
و استديو امين
زقاقاتك الاخره بيوت
و من بين البيوت تلاقي برضو بيوت
و النقادة ..
اه
و من عذارى الكنيسة
في يوم احد ..
سرقة نظر ..
و ديك احلى
و ديك عاينت لي
و مره عجوز لابسة اسود تعاين ليك
تكورك يا ولد
و نقوم كلنا سداري بالعجلات
نقوم جارين
و ندق جرس العجلات قدام الطيب خوجلي
عجلاتنا اشتريناها من الطيب خوجلي
عشان كده بندق ليو الجرس
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
Quote: أخبرني عن أم درمان ..
المدينة التي زرعت حبها في دواخلي ..
أنت علمتني أن حب أم درمان حقيقة كونية لا دخل لنا بها ..
فعن حبيبتنا الأزلية حدثني .. |
من قصة رسائل مروان و شمس ( مجموعة : سيرة ام درمانية )
| |
|
|
|
|
|
|
|
|
|
Re: ام درمــان .. فقط (Re: Maawya Hussein)
|
5 ابريل 1985
جارين في زقاقاتك يا ام درمان
شايلين تسالي و فول حاجات و دقه بيضا
و الشوارع الكبيرة فايرة مظاهرات
يا بوليس مايهتك كم و رطل السكر بقى بكم
لن يحكمناالبنك الدولي
و نحن صغار
لكن بنكورك :ترت ترت نميري القرد
و نمسك الدقه عشان ما تطير
و جمب الطرمبة
طرمبة اجب يا ام درمان ..
تتذكري ؟
هسه ختو محلها محل شكرة اتصالات ..
جمب طرمبة اجب وقفنا نعاين
قطعنا النيم
و وقفنا نبشر و نهز
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
انا اليوم داك لي اسه الزعل داير يقتلني
من جنب المقابر اخواني رجعوني...قدر ما اتسحبت وزحيت من جنبهم ماعارفة كيف انتبهوا لي وفرزوني من الجماهير الهادرة ديك.
كنا ساكنين الثورة الحارة الثامنة...من هناك لي جنب المقابر لحدي مارجعوني...الغريبة لمن رجعت المشوار بقى لي طويل طول..والثورات من التالته للتانية والسادسة والخامسة لحدي ماوصلت التامنة...خلا...
كانت ايام
انت متذكر السيول والفيضانات...
| |
|
|
|
|
|
|
|
|
|
Re: ام درمــان .. فقط (Re: حنين للبلد)
|
Quote: 5 ابريل 1985
جارين في زقاقاتك يا ام درمان
شايلين تسالي و فول حاجات و دقه بيضا
و الشوارع الكبيرة فايرة مظاهرات
يا بوليس مايهتك كم و رطل السكر بقى بكم |
الحمدلله الوكت داك كنا طلبة فى كلية الشرطة وما كان ادونا ماهية لسة
الاخ حمور
تخرج العبارات منك بكل سهولة وتمكن فتخرج العبرات
لانها صادقة وتخلو من الزيف والتملق
حفظكم الله يا أخ حمور
اخوك
على سرالختم
والدعوة موجهة ليك لمشاركتنا فى الرابط ادناه والعاقبة عندكم فى المسرات
دفتر احوال ضابط الشرطة المناوب
| |
|
|
|
|
|
|
|
|
|
Re: ام درمــان .. فقط (Re: Ali Sirelkhatim)
|
اخي ( جنابو ) علي سر الختم ..
و طلتك تذكرني قسم الاوسط ابو تمساح محنط فوقو
التمساح وين راح ؟
و العساكر ..
مالم العساكر ؟
كانوا زمان يضحكوا لما نمرق في ظلط العرضة نكسر حظر التجول
يشاغلونا ..
يهزروا معانا
لما واحد من اصحابنا الشماسه يقبضوهو كان بيفكوا بواسطة من طفولتنا
ليه بقو كشرين ؟
قاسين
صارين
كانوا سمحين زي ام درمان
الحصل ليهم شنو ؟
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
يا ام درمان ..
كان فيك سيد النبق
وين راح سيد النبق ؟
بجي سايق الجمل
يوم التلاتة
دايما يوم التلاتة
تتذكري صوتو و هو بيكورك؟
النباااق .. النباااق
نمرق جارين
شس العصريه صفرا
كانت الشمس صفرا و صافيه كل عصر
و كان للنبق طعم يا ام درمان
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
1988 يا حنين
اخ منو الزمن داك
مطره و مطره و مطره
خايضين في المطره
بالرجلين مكفكفين البناطلين
و بالعجلات نتسابق
و المويه فوووو تقوم من تحت اللستك القدامي
و الكيشه يقع
و الفالح يعدي
و مطره بليل و صبحانه مدرسه ..
تتذكري مطره بليل ؟
يا رب ترمي مكتب الاساتذة عشان يأجزو لينا
و ريحه ام درمان في الصباح
مغسولة
زي زهرة بتنقط ندى
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
أصيلة وحنينة يا أم درمان
لم أسكن أمدرمان ولكني سكنت بنتها أمبدة
أول مرة أحضر إلى أمدرمان كان في صيف العام 1974 م وكان عمري وقتها 10 سنوات
أصلي مولود مع ثورة أكتوبر العظيمة عشان كده في الإنتفاضة 85 كنت كل يوم بطلع من بيتنا في أم بدة بعد ما تحلف علي أمي تفطرني أول شيء وأباري المظاهرات من حته لي حته وأرجع آخر النهار مكندك ( الجموعية عندهم فرع اسمه الكنداكة) وكان بعضهم ساكنين أمبدة ...
ولكن لأن دكان الوالد كان في شارع الزريبة كنت دائما ما أذهب معه وما أدراك ما شارع الزريبة عمك حسب الدائم تاجر القزاز ( الغريبة كنت أرى في ذلك الحين زجاجات فارغة على أعلى حيشان أمدرمان علمت فيما بعد أن سيد اللبن يمر صباحا أو مساء ليستبدلها بأخرى مليئة باللبن (الحليب) )
عباس رشوان والمهداوي ومهدي شريف وإبراهيم طلب والطيب خوجلي وأولاد المرين وباصات أبو رجيلة والتذاكر والتحضر
سوق العيش والطواحين وسوق النسوان وبائعات الطواقي
كنت أنزعج جدا حين أتأخر وأنا بالخرطوم في السينما ولا الكورة ولا ندوة ولا حفلة ولكن سرعان ما يزول هذا الانزعاج حين أصل إلى أمدرمان ... وممكن عادي لو الواحد ما لقى توصيلة لأمبدة يمشي كداري ما أم درمان أمان والبرتقال فيها برتكان ... رحم الله هاشم ميرغني .
شكرا حمور فقد أعدتنا إلى سنين أمدرمان وأمان أمدرمان
| |
|
|
|
|
|
|
|
|
|
Re: ام درمــان .. فقط (Re: جعفر محي الدين)
|
بصات ابو رجيلة الصفرا
و تحذيرنا لبعض ..
الليلة و الليلة .. باصات ابو رجيلة .. الحنه و السيره
و باصات المؤسسة العسكرية للنقل
الباصات الخدرا ..
و الطرحة
الطرحة يا ام درمان
من المحطة الوسطى للخرطوم
و البص السريع..
خالي محطات
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
كانت لام درمان رائحة ..
رائحة الحن و الالفة
حين نخرج من ام درمان تصاب صدرونا بالضيق
لانا نفتقد تلك الرائحة
لكنها اليوم ضاعت
من سرق رائحة ام درمان ؟
| |
|
|
|
|
|
|
|
|
|
Re: ام درمــان .. فقط (Re: حمور زيادة)
|
يا ام درمان ..
ماذا اقول فيك ؟
اهدي اليك و الى ايامنا رائعة جاهين الشوارع حواديت ..
ربماكانت كافية .. و ربما لا
الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك
الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم مالناش فيه مكان
الشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك
الشارع دا رحنا فيه المدرسة
اللي باقي منه باقي
واللي مش باقي...اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت
والشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك
الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد...وكنت سعيد أوي
بس حراس الشوارع حطوا للحدودته حد
الشوارع حواديت
حودايه الحب فيها
وحودايه...عفاريت
اسمعي يا حلو لما أضحكك
الشارع دا شفتك إنتي ماشية فيه
لابسة جيب...وبلوزة وردي
وعاملة ديل حصان وجيه
اتجاهك اتجاهي...مشينا ليه
والشارع دا زحام وتيه
بس لازم نستميت
والشوارع حواديت
حودايه الحب فيها
وحودايه...عفاريت
واضحكي يا حلوة لما اسمّعك
| |
|
|
|
|
|
|
|
|
 Re: ام درمــان .. فقط (Re: حمور زيادة)
|
حمور سلامي و تحياتي ليك
و لي امدرمان حبيبتنا ..أمدرمان مدينة متفردة و لا يمكن مقارنتها بأي حتة في العالم ،
إنسان امدرمان إجتماعيات امدرمان ، التوادد ، التكافل و التراحم ، حسن الجوار ،
كل هذه الاشياء والمعاني لن تجد لها مثيل .
Quote: وينك يا المسالمة
و غزلان المسالمة
كنيسة ماري جرجس
و استديو امين
زقاقاتك الاخره بيوت
و من بين البيوت تلاقي برضو بيوت
و النقادة ..
اه
و من عذارى الكنيسة
في يوم احد ..
سرقة نظر ..
و ديك احلى
و ديك عاينت لي
و مره عجوز لابسة اسود تعاين ليك
تكورك يا ولد
و نقوم كلنا سداري بالعجلات
نقوم جارين
و ندق جرس العجلات قدام الطيب خوجلي
عجلاتنا اشتريناها من الطيب خوجلي
عشان كده بندق ليو الجرس |
و من غير تحيز كدا امدرمان كلها كوم و حي المسالمة الجميل كوم براااااهو ،
حي حضاري و سكانه ينعمون بتعايش اجتماعي فريد مع الاخوة الاقباط و اكتسبوا
منهم صفات كتيرة أهمها الهدوء و النفس البارد و محاولة حل أي مشكلة بالحوار
والنقاش الهادف ، عمري ما شفت لي اتنين قاعدين يتشاكلوا في المسالمة
الا يكونوا ما من سكان الحي .
_____________________________________________________
مالكم علينا عليكم الله في ليل الغربة البااااااااارد و قاسي دا !!
| |
|
|
|
|
|
|
| |
حمور زيادة
Maawya Hussein
Ali Sirelkhatim
جعفر محي الدين
heba Elmahi
فيس بوك
تويتر
انستقرام
يوتيوب
بنتيريست