|
|
|
 Re: كوميديا الطغاة .. مقتطفات من حديث ابن المجنون (Re: أمير عثمان)
|
Quote: قال نجل الرئيس الليبي سيف الاسلام القذافي في خطاب على التلفزيون الرسمي الليبي ان ما يحدث في ليبيا يمكن ان يتحول الى حرب اهلية وهناك خطر ان تتقسم الى عدة ولايات.
واضاف ان ليبيا ليست مثل مصر وتونس فهي مجتمع قبلي مسلح مما سيؤدي الى سقوط مئات القتل و"ستسيل أنهار من الدماء".
ودعا سيف الاسلام الى ما اسماه مبادرة تاريخية وطنية تتضمن الدعوة لاقامة المؤتمر الشعبي العام لاجراء حوار وطني للنظر في الدستور.
فضلا عن اقرار مجموعة من القوانين التي كان متفقا على اصدارها كقانون الصحافة والمجتمع المدني وقانون العقوبات الجديد ووصفها بأنها قوانين حضارية تلغي العديد من القيود والعقوبات السابقة "السخيفة" حسب تعبيره
كما دعا ايضا الى اعادة العمل بنظام الحكم المحلي.
واشار الى أن الزعيم الليبي معمر القذافي يقود المعركة في طرابلس مضيفا "ولن نترك ليبيا وسنقاتل حتى اخر رجل". |
| |
 
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: حمور زيادة)
|
تناولت كثير من وسائل الاعلام خطاب سيف الاسلام القذافي من جهة انه خطاب "العصا و الجذرة" و ركزوا على التهديدات التي ساقها.
اختلف معهم جدا ..
فلو نحينا الكوميديا جانباً فهذا الخطاب خلاصته :
ان سيف الاسلام شتم امريكا و بريطانيا و الغرب و مصر و تونس و العراق و العرب و الجزيرة و العربية و البي بي سي و الثوار الليبيين و شهداء الثورة و الاسلاميين .. و مدح والده.
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: حمور زيادة)
|
يا حمور الراجل قال عايز يتكلم كلام من القلب للقلب و بالليبي و ما من الورق أو نقاط مسجله : حكمة ربك كان بتكلم بالفصحي و عندو ورق فيهو النقاط العايز يتكلم فيها ، كل شويه يشيل و يعاين فيها ، لكن عموما مستوي السحلبه لا يقترب من أبوه :
في إنتظار خطاب سحلبه الأصلي لمن البل يزيد !!
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: أمين محمد سليمان)
|
يا أمين حرام عليك .. ما تبخس الود .. الزول ده فات الكبار و القدرو .. ياخي انا هسه كل ما عاين لصورتو اضحك .. اقرا النقاط الكتبتها من خطابو اضحك .. يقولو اسمو في التلفزيون اضحك .. الود ده صاروخ كوميديا و عندو حضور و قبول ما زي ابوهو.
بالمناسبة هاك تعليق صاحبتك نوارة على خطاب ابن المجنون
Quote: ان شاء الله رب العالمين كلمة الكـلب ابن الكـلب اللي هدد فيها الشعب الليبي بالاحتلال والحرق والقتل والحرب الاهلية واتهمهم فيها بانهم تنظيم القاعدة وحشاشين وبيضربوا بورشام، ان شاء الله رب العالمين تبقى أول وآخر كلمة ينطقها في حياته كلها الكـلب ده
ان شاء الله يغور هو وابوه وعيلته كلها
وان شاء الله قريب قوي حتيجوا لنا وحتغني تونس ومصر وليبيا: احنا التلاتة، سكر نباتة، احنا التلاتة حاجة شربتاتا بالانسانية مش بالتباتة، احنا التلاتة احنا التلاتة
ويا رب باقي الوطن العربي
الآن قصف كثيف ضد المتظاهرين السلميين الليبيين
يالا يا جيش ليبيا... ادخل التاريخ
بس الشعوب العربية عاملة فرقة تيجي يصيده يصيدك
بعد تونس الناس توقعت الجزائر وانشغلت فيها قام مصر فاجئتهم، بعد مصر الناس توقعت اليمن قامت ليبيا فاجئتهم، دلوقت ممكن الناس تتوقع البحرين قوم الامارات تفاجئهم
حقة يا عيال لو قامت ثورة في الامارات تبقى خلصت
|
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: القلب النابض)
|
القلب النابض و الله محنتيني عديل و ما عرفت اقول ليك شنو.
يا قلب هسه العملو القذافي و ما عملتو الانقاذ شنو ؟
و الفرق بين تهديدات ابن المجنون و تهديدات نافع و خطاب الانقاذ شنو ؟
ياخ على الاقل القذافي و ولدو دمهم خفيف.
القذافي يضرب المتظاهرين بالمدافع و يطلق عليهم المرتزقة.
الانقاذ تقصف القرى و المعسكرات بالطائرات و تسلح القبائل العربية ضد الزنجية.
سيف الاسلام يقول انو المظاهرات من تدبير معارضة مقيمة في اوروبا و لها جوازات اجنبية.
الانقاذ تصف معارضتها بانها معارضة الفنادق.
سيف الاسلام يقول لو سقط النظام الليبي ستسقط ليبيا.
الانقاذ ظلت تكرر انها العاصم من ضياع السودان.
سيف الاسلام هدد المتظاهرين.
الانقاذ متين ما هددت البيدعو للتظاهر ؟
يا القلب النابض يا اختي ..
اعملو رايحين ياخ.
ما تمسخو علينا الكوميديا دي لأنها بتنسينا جرائم الانقاذ ياخ.
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: القلب النابض)
|
لو بتصدقيني يا القلب النابض بعد عملت ارسال للمداخلة حاولت اتذكر متين تداخلت معاك في بوست تكوني مؤيده فيو للانقاذ ما اتذكرت.
لكن المعلومة ثابته فعلا في راسي.
فقلت حاكون قريت ليك و ما متذكر و اتهمت ذاكرتي.
لكن ما دام ده كلامك بالواضح :
| Quote: الذي اود ان اقوله انني لست موتمر وطني ولن اسمح لاحد بوصفي موتمر |
و بما اني ما متذكر نهائي اي شي يخالف الكلام ده فانا اعتذر ليك علنا و بشدة و ارجو ان تعفي عني اني اتهمتك.
بجد انا اسف شديد و اعتذر و تمنيت لو لم اكن كتبت لك هذا الكلام الموجع.
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: حمور زيادة)
|
ما حامسح مداخلتي ليك يا قلب و ما حاعدلا.
عشان تكون شاهد على غلطي و تسرعي في الاتهام اتذكر بيو كل ما اشوفا انو ما ينفع ابدا اوجه لزول كلام بناء على فكرة مسبقة غير صحيحة تترسخ عندي من كلام الاخرين عنه.
شكراً انك علمتيني اني بكل سهولة ممكن اقع في الغلط البلوم عليو الناس.
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: حمور زيادة)
|
| Quote: لو لم تستجيبي لطلب الصفح عني كنت سأضطر لفتح بوست اعتذار باسمك و اشيل حسك. |
الحمد لله جني وحن بوست باسمي .. بيعملها فقط صديقي اللدود دينق .. طيب الله مقامه في دولة السودان الجنوبي ... و"العم" كوستاوي .. شيال الحال .
| Quote: أصلا كل خطأ اقع فيه متسرب اليّ من جينات المدعو أمين محمد سليمان. |
الدكتور الاريب امين حاتو في صمة خشمو
لكن غيرت رأيي يمسحها في صلعة سيف الاسلام ..
يلا سلام ..
حتى لا يكون بالنفس شيئاً من حتى
استلم البوست بتاعك صاغ سليم ..
واصل عليك الله في الفكاهة " اكره ما اكره انحراف البوستات عن موضوعاتها"
| |
|
|
|
|
|
|
|
|
 Re: كوميديا الطغاة .. مقتطفات من حديث ابن المجنون (Re: ندى عثمان حسن)
|
حمور زيادة
صباحك زين ,,,
جاتني صحية بالليل وشلاقة مني فتحته التلفزيون
بالجد ما ندمته على الإثارة والمتعة القدمه سيف الإسلام
وهو يتهّدد ليبيا بالويل والثبور وعظائم الامور إن هم أستمروا على ما هم فيه
ووضع لهم سناريو إصلاح عاجل ومن بكره الصباح _ أها أصبحت وأصبح الملك لله _
أو سناريو أن يحمل الكل سلاحه والجميع مسلح
------------------------------------
الحيرني حته أنو في جماعة أعلنت البيضاء إمارة إسلامية واوروبا الحترجع وتستعمرهم
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: حمور زيادة)
|
سلام يا حمــور
تعرف مقولة (المزايا في طي البلايا) ... ؟ بـس إياها دي,
لو لم تكن مثل هذه الظروف لما علم الناس بمثل هذه ... اللقطات,
أنا اكتفيت من خطاب سيف الاسلام القذافي بطلته وحركاته قبل أن يبدأ الكلام,
ياخي في ناس بتتضخـم من الداخل بشكل ؟؟؟
وفي لحظات الشعور بالسلطة بتنسى إنها من لحم ودم وأنها على هذه البسيطة وأنها مخلوقة كبقية المخاليق
والأهـم بتنسى إنها تملك نفس ما يملك الآخرون من فهم وذكاء وليس أكثر ... أبداً ليس أكثـر
بس تعرف يا عم حمـور ؟؟؟
الدكتاتوريات كلها بنات عـم ... وربنا... كدا.... في أحكامـه حـرم الدكتاتوريين ديل كلهـم من الاتعاظ ببعضهـم ...
سبحان الله
أحمد الشايقي
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: صبري طه)
|
Quote:
الهتاف فى طرابلس الآن:
الشعب يريد علاج الرئيس
|
لا وانت السادق - على قول المصاريا - شعارات المتظاهرين على قولة عزمي بشارة مفروض تكون :
الشعب يريد إقامة النظام!!
وينو هو النظام اصلاً عند المسطول و ولدو ديل!؟
ليبيا 40 سنة مايها لا نظام لا مؤسسات ...
الا غايتو يكون مفردة " نظام " دي تكون " كود" مقصود بيها السطلة ذاتا
زي لما يتلاقى المساطيل واحد يسأل التاني : الليلة النظام كيف يا حنين!؟
في مسألة ليبيا دي :
يا مساطيل العالم اتحدووووووووا ..
قيقا يريد تثبيت النظام
" النظام " الليبي دا النظام الوحيد البمثلكم رسمياً في العالم
--------
يا حمور بالجمبة كدا و رسمياً و شعبياً و اقولا ليك في وشك : مشتاغين ؤ كدا
انت تايسا دي ما جابت ليك سيرة طلبي الكلفتها بنقله لجنابكم؟
بعدين شنو من مشيت مصر دي شابكنا : كومديا الثورة .. كومديا شنو كدا ما عارف .. كومديا ساي ابو من غير اي حاجة
انت بقيت صاحب عادل امام و لّ شنو؟
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: قيقراوي)
|
حمور .. و الله أنا من شفتو قاااعد و ممهوول.. ما استبشرت خير :(
ـــــــــــــــــــــــ
| Quote: لا بد من الهجوم علي ليبيا لمعرفة نوع الحشيش اللي بتطعاطاه سيف القذافي . النوع ده ما نزلش مصر |
ـــــــــــــــــــــ
قيقا يا صديق ازيك.. دورك في البوست بتاعي لسة ما جاء.. قلت أسلم عليك هنا بما انو لقيتك جنب الباب :)
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: Sana Khalid)
|
ازيك يا سناء
مشتاقين و الله
تعرفي انا ثورة ليبية دي دخلتني في حرج شديدخالص جدن!!
في كونفليكت اوف انترستس هنا...
ياخ القذافي لو فات هو مجانينو المعاهو ديل تاني منو البسلينا؟
انا غايتو ح اقاطع اجتماعات جامعة الدول العربية رسمييييي
كدا مساطيل العالم ح يتيتموا ياخ!؟
لكن كمان ياخ ما ممكن يكتلوا الناس بالوحشية دي!!؟
الشعب الليبي بشر و بستحقوا الكرامة و الديمقراطية و حقوقم كاملة
بالجد دا ما بشر كلو كلو .. و ولدو الاهبل دا كمان!!؟
يهدد عدييييييييل : " كلنا عندنا سلاح " !!!؟ ... العبيط اهو
و الله كان ولدي كان قطعتو و اديتو للكـلاب
تحياتي لخالد و العيال
و الجيتي منهم
| |
|
|
|
|
|
|
|
|
|
Re: كوميديا الطغاة .. مقتطفات من حديث ابن المجنون (Re: قيقراوي)
|
Quote: مهندس شنو يا ود الصايم .. لو فتحت الفيديو الختاهو سامي ده حتلاحظ انو القناة الليبية كاتبه في التعريف بيتاعا :
حديث المنهدس / سيف الاسلام القذافي.
الزول طلع منهدس ما مهندس.
شكلو ليبيا كلها كانت ساطله امس. |
الله يجازيك يا حمور.. ضحّكتني وانا زعلانه!
| |
|
|
|
|
|
|
| |
حمور زيادة
الطاهر ساتي
Mohamad Shamseldin
أمير عثمان
خالد العبيد
amir jabir
Amani Al Ajab
مها عبد الله
أمين محمد سليمان
القلب النابض
عبدالرحمن الحلاوي
حبيب نورة
أيمن الطيب
تيسير عووضة
محمد عبد الماجد الصايم
Nasruddin Al Basheer
ناصر احمد الامين
قيقراوي
مريم بنت الحسين
Inaam Saad
فيس بوك
تويتر
انستقرام
يوتيوب
بنتيريست