الأسلحة الكيميائية وحقيقة استخدامها في السودان في منتدى ميديكس للحوار
|
|
 عدنا .. و يا بركة الامثال السودانية
|
" .. فرأى امامه ماردا ضخما يمسح رأسه و هو يقول : تبت يا نبي الله "
العبارة السابقة من حكايات الف ليلة و ليلة
تذكرتها و انا ادخل كلمة السر ..
كنت كالمحبوس في قمقم و جاءني الفرج
و منذ اسبوع اشتكي غضباً من حظر الموقع في السودان ..
و الاتصالات الهاتفيةلا تنقطع بين الاعضاء هنا في الخرطوم ..
امس ليلا كنت و ناجي الملك نثور غضبا ان المنبر يعمل كأننا لم نغب ..
احساس سئ ان تشعر انك لست ضروريا ابدا و ان الامور تسير من غيرك على ما يرام
ثم ..
بلغ اليأس مبلغه ..
و تذكرت الامثال السودانية ..
يا غرقت يا جيت حازما ..
سجن سجن غرامة غرامة ..
توكلت على الله ..
تحمست بهذه الامثال ..
ذهبت الى رسالة قديمة كنت اخافها لأني لا ادري اهي من بكري ام من غيره ..
و "غيره" هو البعبع الذي اخافنا على كلمات مرورنا ..
كلنا يخشى أن " يسحبوا العدة " كما قال عادل امام ..
ذهبت الى الرسالة التي بنى عليها العنكبوت في صندوق بريدي منذ ايام و ايام ..
ضغطت على وصلتها فاذا انا هنا ..
بكل بساطة ..
كبسة ذر فاذا انا داخل المبنر مرة اخرى ..
يا للعجب ..
العالم الذي اشتقت اليه .. كثيراً
بكري ..
لقد ذكرتني الغاز المجلات المصورة ..
الحل الذي يكون امامك طوال الوقت وانت تبحث عنه
من منا لا يعرف احجية : أمر أمير الأمراء بحفر بئر في الصحراء ليشرب منه الفقراء ، فكم راء في ذلك ؟؟
نذهب نحسب الراءات و ننسى ان ذلك ليس فيها راء
نحن مصابون برهاب المخترق ..
هكتروفوبيا .. لو كان هناك شئ كهذا ..
لذلك لم نثق في اليد التي مددتهالنا ..
هاملت قتل الواقف خلف الستار لأنه كان يخشى من حوله ..
عدنا ..
لكن يا بكري بالغت ..
و ..
سودانيز اون لاين .. عالم جميل
|
|
 
|
|
|
|
|
|
|
 Re: عدنا .. و يا بركة الامثال السودانية (Re: عبدالله كع)
|
كع ..
سلكنا و الباقين في الطريق ..
هاتفت ناجي الملك ..
قلت له انظر صندوق بريدك و لا اتحمل نتيجة افعلها لو احببت ان تخاطر..
ضحك و قال : لو ما فاطر ما تخاطر
لكنه سيأتي
هاله حسن في الطريق ايضاً ..
بورداب السودان عائدون
| |
|
|
|
|
|
|
|
|
|
Re: عدنا .. و يا بركة الامثال السودانية (Re: حمور زيادة)
|
ضاق علي النت بما رحب ..
سودانيز اون لاين ممنوع ..
اين اولي وجهي ؟؟
ذهبت اتصفح المواقع السودانية ..
الراكوبة
السودان الجديد
سودانيز اون لاين دوت اورغ
استبعدت الثالث فورا فهو لم يكن مغريا ابدا رغم تشابه الاسماء ..
في السودان الجديد رأيت مجموعة من " النازحين " المتأثرين بالهكر ..
سيما حروفهم الغربة ..
و طبع المنبر السياسة العنيفة ..
هناك تمارس السياسة الخشنة القاطعة لا سياسة الصالونات الهادئة القائمة على براعة الحوار و جمال اللفظ ..
خط المنتدى ثورة حادة افزعتني ..
فذهبت الى الراكوبة ..
قدرت انها منتدى خفيف يغلب عليه طابع الاجتماعيات و الادب اكثر من شغب السياسة
دلفت الى الراكوبة ..
هادئة لطيفة ..
اعجبني جوها و همبريبها ..
و قبل ايام استفزني الشوق الى اهل سودانيز فطلبت الدخول الى منبر السودان الجديد ..
جأتني كلمة المرور سريعاً
لكن بين الراكوبة و السودان الجديد كنت افتقد هذا المكان ..
اخيراً ..
سودانيز اون لاين ..
و ..
العرجا لمراحا
| |
|
|
|
|
|
|
|
|
 Re: عدنا .. و يا بركة الامثال السودانية (Re: حمور زيادة)
|
حمدلله على السلامة يا عمكـ
والله ليكم وحشة .. حتى الهكر كان بيسأل منكـ
باللاي أمشي أنكت البوست بتاعكـ داكـ وكمل الشغل الفيهو
بالمناسبة
مشيت للمكان القلتو لي داكـ لقيتهم عاملين خيمة (نازحي سودانيز أون لاين)
عاد دي حالة دي
طيب ما كان تسوقوا معاكم العوض أخوي دا
| |
|
|
|
|
|
|
|
|
|
Re: عدنا .. و يا بركة الامثال السودانية (Re: محمد عبد الماجد الصايم)
|
وحاة اسم الله يا ود الصايم انا ما واجعني شي قدر ضحكتك الضحكتها فيني ديك
ياخ الزول ده اول ما ضربت ليو تلفون و قلت ليو انا حمور زيادة كج كج كج قام يضحك
جنس شماته
بيجيكم يوم يا ناس السعودية
المحل داك اخوك طلع الاقامة خلاص .. ممكنارسل ليكم زيارة انت و العوض لو عاوزين
| |
|
|
|
|
|
|
| |
حمور زيادة
عبدالله كع
معتصم محمد صالح
العوض المسلمي
محمد عبد الماجد الصايم
baha eassa
طارق جبريل
فيس بوك
تويتر
انستقرام
يوتيوب
بنتيريست