من رواائع الزمن الجميل...دويتو عائشة الفلاتية و..........؟!

Quote: اول مرة اسمع الدويتو ده ولو لا اجابة الاخوان ما كنت حاعرف المغنى احمد عبدالرازق سمعت الاغنية سنة 88 م فى شريط كاسيت دويتو بين الفنان المرحوم حيدر حدربى والفنانة سمية الشيخ مركز شباب السجانة يلا بالمناسبة دى نزل لينك الحفظ

Quote: الاخ العزيز / محمد عثمان حسب المتداخلين فان الفنان هو احمد عبدالرازق والذى اشتهر بغناء الاعلانات فى الراديو والكل يذكر اعلان صابون صافى ولقد اشتركت الفنانه عائشه الفلاتية مع الفنان عبدالحميد يوسف فى دويتو شهير وهو اغنية آه يا حبيب اتمنى ان تتحفنا بها اخى محمد عثمان وللفنانة منى الخير ايضا دويتو مع الفنان التاج مصطفى فى اغنية باسم الصباح وهى من الاغانى الرائعة وكذلك لها دويتو مع الفنان صلاح مصطفى تسلم يارائع

Quote: التحيه لك يا ود عثمان وكل سنه وانت طيب الفنان هو الموسيقار احمد عبدالرازق وهو من الجيل القديم الذين درسوا الموسيقي واعتقد ان ابنته ايضا حاولت الغناء ولكنها لم تستمر طويلا

Quote: سلام يامحمد عثمان الفنان أحمد عبد الرازق

Quote: أخونا محمد عثمان المُبدع .. كما أسلف الأخوان .. الفنان هو أحمد عبد الرازق ودي من أغاني الستينيات واحمد عبد الرازق فنان من ذلك الزمن وله نشيد بإيدينا نبني وطنا . وقد هاجر لبريطانيا.

Quote: الحبيب محمد عثمان كل عام وانت بخير ربنا يجعله عام يتحقق فيه كل الاماني الطيبة دائما تتحفننا بكل جميل وياريت تواصل والجميع بانزال كل هذه الدوبتات الجميلة المعبرة هنا ..انا ماقادر اسمع ياريت مرة تانية تنزلوا الاغنية ,, وايضا كانت محاولة الاخ الغنان الراحل حيدر حيدربي مع الفنانه حنان ابراهيم مركز شباب السجانة في اغنية اه ياحبيب ما تحن علي واحن عليك رائعة الراحل الحاج عبد الحميد يوسف والراحلة الخالدة عائشة الفلاتية ... لك ولكم مني جميعا كل تقدير وود

Quote: الاخ / محمد عثمان وصلتنى عبر الايميل هذه المشاركة الجميلة والدسمة من الاخ محمد السيد على المقيم بجدة وهى اضافة حقيقية لهذا البوست له كل الشكر ,,,

Quote: اثبتم جميعا بانكم عواجيز زي العبد لله ههههههههه المهم فعلا هو احمد عبد الرازق الذي كان ناجحا ايضا في الدعايات لا اتذكر عن البيبسي كولا ام الكوكا كولا وكان يقول مشروب الهنا مشروب المني ان جاكم ضيف في الشتا والصيف ادوهم بيبسي كولا شربوهم كوكا كولا ===== عملتهم الاتنين عشان ما تجي شركه ترفع علي قضيه ولغاية ما يجي واحد (شاب) يصححني

Quote: الجميل محمد عثمان وانت طيب وربنا يلفك بثوب العافية دوما تعرف زمان كنا صغار بنردد اغنية الريده الريده...وبنحرف فيها الويكة الويكة كسرت ركبي ..... دي اغاني بقت ساريه مع الدم وفي الوجدان الا الواحد يموت .. وما بتتكرر تاني ... واصل ونحن من خلفك نواصل

Quote: الأخ الحبيب محمد عثمان لك التحية والتقدير ولك الود الجميل لله درك من ذواقة وجامع للروائع يااااااااااااااه تعرف الاغنية دى انا امكن ثلاثين سنة ما سمعتها او اكثر يا سلااااااااااااااااااام ياخى والله الله يديك العافية واللقمة الدافية يعجبنى فيك انك مدرسة ثابتة هنا لتعليمنا كل جميل ولتحريك مشاعرنا التى كادت ان تتبلد من آلية الغربة ويعجبنى فيك انك لا تبخل علينا بالروائع الله يوفقك وبالله سلط لينا الضوء على مثل هذه الاشياء التى لا يعرفها الكثيرون ولم يسمعوا بها قبلا ... بالامس فى اذاعة امدرمان استمعت لحلقة من اغنياتى وذكرياتى تقديم عمر الجزلى استضاف فيها الاستاذ شرحبيل احمد والشاعر بشير محسن والذى سمعت به فقط فى حلقة عائشة الفلاتية لقد سمعت اغنيات من شرحبيل وصفها بالرائعة يقمطها حقها وهى اغنيات من الخمسينات ولكنها لم تذاع ... ياخى شىء جميل جميل جميل ...

Quote: محمد عثمان كل عام وانت بالف خير وعافية طبعاً أنا زول صغير بس شنبي كبير عشان كده ما عرفت حاجة والبركة في الدينصورات ياخ ما مشتاق ليك ولا حاجة وزعلان منك بس

Quote: الحبيب محمد عثمان .... بوست تحفة لأغنية يعرفها الكثيرين، ولكن بالتأكيد المعلومات عن الفنان أحمد عبدالرازق كانت هامة، وشخصياً لم أكن أعرف الكثير عنه، فشكراً لك وللمساهمين. دُهشت جداً عندما وجدت أغنية (الريدة) تناولها الفنان السوري دريد لحّام في إحدى مسرحياته كنموذج للأغنية السودانية، مبتعداً بنا عن (المامبو)، والتفسير الوحيد هو كلمة (الريدة) التي تتفرد بها لهجتنا السودانية.

Quote: بايدينا نبنيك معاهد ومدارس تبنى الاخلاق ونعلم فيها ونجاهد مشعلنا يضوى الافاق نرفع قدرك يا بلدنا نشرح صدرك يا بلدنا يشرق فجرك يا بلدنا فى بواديك صممنا لازم نبنيك يا بلدنا لازم نبنيك يا بلدنا

Quote: محمد كل عام وانت بخير طلتك دايما متعة .. مع احلي نغم الريدة ..الريدة يالله ..اغنية بطعم النهارات الحنينة والدنيا رخاء كن بخير استاذي وواصل