|
|
|
 Re: هات لينا صباااح..... (Re: محمد عثمان)
|
النسيم لو فااح يمتزج بزلال دمعنا السفّاح
كم عشوق مهجور مضنى بالاصفااح
عينو فى الورد و نفسو فى التفااح
يا هوى الاروااح انت للعشاق كالشذى الفواح
عطّر الدنيا و املا الاسواح
يزهو بيك الكون فى غدو و رواح..
| |
 
|
|
|
|
|
|
|
|
Re: هات لينا صباااح..... (Re: محمد عثمان)
|
يخجل البدر و يخمد المصباح
ياليل لينا صباح
نحنا كل صباح
نبني في الامال ما وجدنا رباح
ياخي سرنا المكنون
بالدموع انباح
و السهاد اصبح امره لينا مباح
تسلم يا محمد عثمان
والله مشتاقين وين الغيبه
لكن برضو غيب و تعال و جيب لينا الدرر
| |
|
|
|
|
|
|
|
|
|
Re: هات لينا صباااح..... (Re: BitAlhana)
|
Quote: تسلم يا محمد عثمان
والله مشتاقين وين الغيبه
لكن برضو غيب و تعال و جيب لينا الدرر |
BitAlhana
سلااام و تحاايا كتار
شكرا ليك و ربنا يديك العافيه و يحفظك من كل شر..
| |
|
|
|
|
|
|
|
|
|
Re: هات لينا صباااح..... (Re: محمد عثمان)
|
ذكر معاويه حسن يس " وهو بصير بالفن "فى سفره عن تاريخ الفن السودانى فى معرض ترجمته للشاعر الملهم ود الريح انه اضطر للسير راجلا من " حى العرب" حيث " الطرب" الى قرب شارع البحر بناحيه " اب روف" وبيت المال حيث " الفرع المال" كما فى تلك الرميه التقيله لينعم برؤيه من كتب فيها :
يخجل البدر ويخمد المصباح
ياليل هات لينا صباح
والاغنيه من بواكير ود الريح وغناها فى الاصل " اولاد المامون" ثم ملأ بها عصفور السودان اسطوانه عند ديمترى وتلاه زنقار الذى ملأبها اسطوانه عند الخواجه ميشان بمصر وعبر حنجره زنقار وصلت الى الصوت الراقى عبد العزيز داؤد الذى استعمر الاغنيه الجميله ومحا من تاريخها زنقار والعصفور واولاد المامون قبل ان تصل الى حنجره كابلى الفصيحه وادائه الراقى فى جلساته الخاصه على المزهر المطواع ...
للتاريخ هذه الاغنيه هى الوحيده الكامله التى سمعتها من محمد عبدالعزيز الذى للاسف لا استمع اليه مطلقا دون ان ينقص ذلك من فنه شيئا بالطبع اضافه الى جيله تحيه لو دعثمان
| |
|
|
|
|
|
|
|
|
|
Re: هات لينا صباااح..... (Re: أحمد الشايقي)
|
| Quote: هذه الاغنيه هى الوحيده الكامله التى سمعتها من محمد عبدالعزيز |
وفيها ابدع محمود و كأن لم بيدع من قبل
لطالما احببت سماعها من محمود و مؤخراً من عاصم البنا
لكن لأبي داؤود اداء اخر و طرب من نوع آخر ,
لك التحية اخ أحمد و انت تنفحنا بتلك المعلومات الاصيلة
| |
|
|
|
|
|
|
|
|
|
Re: هات لينا صباااح..... (Re: Gaafar Ismail)
|
Quote: أخي الحبيب محمد عثمان
شكرا على الإبداع والاختيار الموفق..تسلم يا حبيب |
رفيق الغناء الجميل..الجميل جعفر
لك التحيه و التقدير الكتير
و تحايا صبااحيه بلون الاشراق...
يديك العاافيه...
| |
|
|
|
|
|
|
|
|
|
Re: هات لينا صباااح..... (Re: khaleel)
|
Quote: عينه في الوردة ونفسو في التفاح
التحية لك سيدي محمد
ونحي روح البروف عبدالريح |
الجميل خليل...
كيفك يا زول..؟؟؟
ما قلنا ليك بهناك ولا شكرا ياخى...!
تسلم يا حبيب...
| |
|
|
|
|
|
|
|
|
|
Re: هات لينا صباااح..... (Re: احمد الامين احمد)
|
Quote: ذكر معاويه حسن يس " وهو بصير بالفن "فى سفره عن تاريخ الفن السودانى فى معرض ترجمته للشاعر الملهم ود الريح انه اضطر للسير راجلا من " حى العرب" حيث " الطرب" الى قرب شارع البحر بناحيه " اب روف" وبيت المال حيث " الفرع المال" كما فى تلك الرميه التقيله لينعم برؤيه من كتب فيها :
يخجل البدر ويخمد المصباح
ياليل هات لينا صباح
والاغنيه من بواكير ود الريح وغناها فى الاصل " اولاد المامون" ثم ملأ بها عصفور السودان اسطوانه عند ديمترى وتلاه زنقار الذى ملأبها اسطوانه عند الخواجه ميشان بمصر وعبر حنجره زنقار وصلت الى الصوت الراقى عبد العزيز داؤد الذى استعمر الاغنيه الجميله ومحا من تاريخها زنقار والعصفور واولاد المامون قبل ان تصل الى حنجره كابلى الفصيحه وادائه الراقى فى جلساته الخاصه على المزهر المطواع ...
للتاريخ هذه الاغنيه هى الوحيده الكامله التى سمعتها من محمد عبدالعزيز الذى للاسف لا استمع اليه مطلقا دون ان ينقص ذلك من فنه شيئا بالطبع اضافه الى جيله تحيه لو دعثمان |
تسلم استاذ أحمد على هذا السرد الممتع و انت تحكى عن تاريخ جميل
و تفصّل فى حكاايه هذه الاغنيه و تسلسل احداثها...
الشاعر و الملحن العبقرى عبد الرحمن الريح اثرى مكتبه الغناء السودانى
بالكثير من الدرر الغنائيه كما انه ساهم و بشكل مباشر فى ظهور الكثير من الفنانين
و ذلك بتقديمهم للمسنمع و ذلك من خلال ما كان يقدمه لهم من اغنيات جاهزه فى بدايه ظهورهم
و الامثله كثير لذلك و قد لا يسع المجال لحصرها هنا..
ابو داؤود صاحب امكانيات صوتيه هائله و هو كما يقولون يمسخ الغناء على الاخرين و ذلك
بادائه المتميز جدا لاغنيات الحقيبه...
محمود عبد العزيز يمتلك صوتا جميلا و هو فنان بحق الكلمه و لكن....!!!!
شكرا استاذ أحمد مره اخرى على هذه السياحة الممتعه..
يديك العاافيه...
| |
|
|
|
|
|
|
|
|
|
Re: هات لينا صباااح..... (Re: محمد عثمان)
|
محمد عثمان
الليلة توكلت على الله ودخلت لحدائقك الغنائية
ياخى فى داعى على الصبح,,اسى
سجلنى معاك زبون معتمد
انا من رائى اى اغنية هبشها ابوداود
حقو اى زول يحترم نفسو ويقيف منها بعيد
تسلم ياجميل,,,,
| |
|
|
|
|
|
|
|
|
 Re: هات لينا صباااح..... (Re: abuguta)
|
اختيار منعش!
ممكن تقبل اقتراح؟
لو قدرت تعمل بوست غنائي يجمع كل
اغاني الصباح في السودان طبعا لما كان
فيهو صباح. يعني زي: الزهور بسمت
لينا الجابري و جاك صباح اهو لاح...والبلبل
الصداح جا قريب. الشفيع. وقابلت حبيبي
برضك الجابري وبتاعت ابراهيم عوض
نسيتهاهسع برضو ما كنا بنمشي المدرسة
الا نسمعها كاملة حتى لو تفوتنا الحصة
الاولى وبالمناسبة كل غنا الصباح
زمان كان الحان ع الرحمن الريح
و...و.و....و
يا سلام على اختياراتك النديانة يا...
عارف في الكويت وقبل ما يتدخل الندل
صدام عشت مع شاب مهندس وبرضو اسمه
محمد عثمان وبرضو زي الحاوي كدا يقوم
يختا ليك كاسيت ونحنا طالعين للشغل
صباحا بدري ويفاجأك بغنية ما على بالك.
طبعا انا ما طمعان انو يكون دا هو انت
ذاتك لكن بسهل عليك قولة سبحان الله!
| |
|
|
|
|
|
|
|
|
|
Re: هات لينا صباااح..... (Re: mustafa mudathir)
|
Quote: اختيار منعش!
ممكن تقبل اقتراح؟
لو قدرت تعمل بوست غنائي يجمع كل
اغاني الصباح في السودان طبعا لما كان
فيهو صباح. يعني زي: الزهور بسمت
لينا الجابري و جاك صباح اهو لاح...والبلبل
الصداح جا قريب. الشفيع. وقابلت حبيبي
برضك الجابري وبتاعت ابراهيم عوض
نسيتهاهسع برضو ما كنا بنمشي المدرسة
الا نسمعها كاملة حتى لو تفوتنا الحصة
الاولى وبالمناسبة كل غنا الصباح
زمان كان الحان ع الرحمن الريح
و...و.و....و
يا سلام على اختياراتك النديانة يا...
عارف في الكويت وقبل ما يتدخل الندل
صدام عشت مع شاب مهندس وبرضو اسمه
محمد عثمان وبرضو زي الحاوي كدا يقوم
يختا ليك كاسيت ونحنا طالعين للشغل
صباحا بدري ويفاجأك بغنية ما على بالك.
طبعا انا ما طمعان انو يكون دا هو انت
ذاتك لكن بسهل عليك قولة سبحان الله! |
الاخ مصطفى...
صباحاتك نور يا حبيب
لم ازر الكويت من قبل و التحيه و لك و للباشمهندس ممد عثمان
فعلا كل الاغانى التى ذكرتها من عيون اغنياات الصبااح و ارتبطت
بوجداننا منذ زمن بعيد حيث كانت الاذاعه هى الوسيله الوحيده لسماع الاغنياات
و هى اغنياات تمثل تاريخ و ذكريات حبيبه مع كبايه شاى الصباح و كانت لها نكهه
مميزه و نحن كنا نستعد للذهاب للمدارس فى ذلك الزمن الجميل..
عنوان البوست مؤهل ان يكون بوستا جامعا لهذه الاغنيات و اثنى على فكرتك الجميله
ان تكون هذه الاغنيات التى ذكرتها مسموعه هنا...
املك اغلب هذه الاغنيات و اوعدك بان اقوم كل فتره بتفعيل و تشغيل واحده
من هذه الاغنياات هنا...
تسلم يا حبيب و شكرا لهذه المداخله الطاعمه بطعم هذا الصبااح الجميل..
الامنياات الطيبه...
| |
|
|
|
|
|
|
|
|
|
Re: هات لينا صباااح..... (Re: abuguta)
|
Quote: محمد عثمان
الليلة توكلت على الله ودخلت لحدائقك الغنائية
ياخى فى داعى على الصبح,,اسى
سجلنى معاك زبون معتمد
انا من رائى اى اغنية هبشها ابوداود
حقو اى زول يحترم نفسو ويقيف منها بعيد
تسلم ياجميل,,,, |
abuguta
الف مرحب بيك يا زول ياجميل
ربنا يجمل صباحاتك و يجعلها صبااحات خير و بركه
يديك العافيه و يحفظك من كل شر...
| |
|
|
|
|
|
|
| |
غباشي
احمد الامين احمد
khaleel
Gaafar Ismail
أحمد الشايقي
abuguta
mustafa mudathir
فيس بوك
تويتر
انستقرام
يوتيوب
بنتيريست