|
|
 تندلقى حن...مرات جفاك بلا اذن..!!
|
تندلقى حن
مرات جغاك بلا اذن
شن تلقى ان ماتت عيون اللهفة..؟!!
و الشوق داير يجن..
غنيتلهن لمن موهدب فزتبن
ختيتلهن رغم المخاوف امنهن
ناديتلهن فهمنى شى
و شابتلهن اضحك و ارن
و انا اقسى كيف..؟؟
ما يانى فيهن و منهن...
|
|
 
|
|
|
|
|
|
|
|
Re: تندلقى حن...مرات جفاك بلا اذن..!! (Re: حامد محمد حامد)
|
تندلقى حن
مرات جفاك بلا اذن
شن تلقى ان ماتت عيون اللهفة..؟!!
و الشوق داير يجن..
غنيتلهن لمن موهدب فزتبن
ختيتلهن رغم المخاوف امنهن
ناديتلهن فهمنى شى
و شابتلهن اضحك و ارن
و انا اقسى كيف..؟؟
ما يانى فيهن و منهن...
الله على الوجد النضيف
الله على الكلم المموسق ومتزن
الله عليك يا ما مندلق
ادلق علينا بحبهن
ال يا محمد اخوى دا منو الصوتو يبكى دا؟
وحاتك ياالغالى ما عرفتو
الا صوتو يدخل فى العضام ويفجهن
يمسد الروح وكتين يرن
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: سلمى الشيخ سلامة)
|
الحبيبه سلمى..
لا تجرح الاشواق اذا شابن عليك لا تجرحن
و لا تحرج الافكار اذا ما انفج ضيق ضيقتهن
اهديتلهن عمرى الفضل
اهدنلى اروع ما اظن
و انا اشقى كيف وجدانى فيك
صدق العشق اتخللن...
الظاهر انا طولت من هنا...
شكرا ليك و انت تندلقى القا هنا
و كما عودتينا دايما انت دايما حااضرة فى ساحات
الطرب الاصيل و غناء الطنبور الذى هو قهوة الشماال
المعتقة بجنزبيل الحنين و الالفة...هذا السلك الحنين
الذى يجعل من الشجن قيمة وجدانية لا تعرف المداارات
و الامكنة...ينقلنا دايما الى براحات بعيده..نعيش فيها الشجن
و الفرح و البهجة..
ود النصرى فنان شاب يمتلك كل مقومات النجاح الفنية فه فى فترة
جيزة جدا استطاع ان يثبت اقدامه و ان يفرض نفسه كمبدع لا يمكن
تخطيه ابدا يعرف كيف يختار كلماته و يعرف كيف يطرز هذه الكلمات
بالالحان الجميلة...
شكرا سلمى و حضورك دايما يعطى للبوست رونقه و يزيد من ضوء الغناء الجميل..
تحيااات....
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: حامد محمد حامد)
|
Quote: محمد عثمان يا فنان
طولت الغيبة
لحن وغناء وطنبور
يفجر العشق ويمزق الصمت
وكمان يؤدى الى جنون الحب
فدعنى احب
كن بخير |
الاخ حامد..رفيق الغناء الراقى الجميل
تسلم على الحضور المتميز و ذلك كما عودتنا دايما
حبة مشغولياات جعلت حضورنا هنا متقطعا..
شكرا ليك و ان تشارك معنا فى هذه الاتكاءة على شواطئ
النغم الجميل و حس الطمبور الحنين الذى ينقلنا معه صوت
ود النصرى الطروب الى عواالم من الاندهااش و السرحان البعيد..
يديك العاافية...
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: NASERELDIN SALAH)
|
محمد عثمان اخووى
عوافى
ياخى والله ابداعك مندلق علينا زى المطرة وسلمى الشيخ سلامة دى كمان اسكت خليها ساكت دائما مندلقى فى الابداع ومبدعة فى كل شى ولو دلقتنا باقى الكليمات كمان كان اندلقت علينا اكثر من كدى ..
لكن انت مفصر فى واحدى انك لم تكتب اسم شاعر هذه الاغنية الجميلة وفنانها المغنى الرائع الذى يغنيها علشان عندى كلام كثير داير ادلقوا هنى ..
لان الكلام وراه كلام ..
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: الكيك)
|
الكيك اخوى
وحات الله الزول غناهو يشد عصب الروح
وكلام يدخل باب القلب ويتوسد الاوردة
لكن للاسف امحمد عثمان ما قال لنا الشاعر منو ؟
ولا الفنان منو ؟
وكتر خيرك على كلامك السمح عنى
الا يا اخوى الكلام السمح بجيب النضم السمح
ووكتين تلقالك شيتا سمح بلحيل بجر الكتابة
التمرق من بكانات ات زاتك ما تعرفا مرقت كيف
غايتو الله يسترنا معاكم يا الصحفيين
لانكم لا بعجبكم العجب لا الصيام فى رجب
صعبين مش صحفيين
اقعد عافية
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: سلمى الشيخ سلامة)
|
الشفيف محمد عثمان:
منو غير خالد الباشا ..؟
منو غير محمد النصري ؟؟
تصدق يا محمد يارائع..
جيت من السودان أمس ..
لفيت معظم محلات الكاست ..
ما جاء معاي في شنطتي غير..
عندكــ خبر ؟
أخر ألبوم لود النصري..
الزول دا صاحبي ..
لكن عيبه ( قاتل )..
بهبش في العصب الرهاااااف.
ممتنين يا دائم النقاء
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: فاروق أبوحوه)
|
Quote: تندلقى حن
مرات جغاك بلا اذن
شن تلقى ان ماتت عيون اللهفة..؟!!
و الشوق داير يجن..
غنيتلهن لمن موهدب فزتبن
ختيتلهن رغم المخاوف امنهن
ناديتلهن فهمنى شى
و شابتلهن اضحك و ارن
و انا اقسى كيف..؟؟
ما يانى فيهن و منهن... |
وينك يا سيد الناس وعسل الرجال ؟؟
| |
|
|
|
|
|
|
|
|
 Re: تندلقى حن...مرات جفاك بلا اذن..!! (Re: عبدالكريم الامين احمد)
|
طائر السقد محمد الشفيف
تحياتي ونقول كدا حتة شوق وطن زعل وبعض من حتي
تغطس بمزاجك وترجع بمزاجك عساك طيب
وراكي في عشك مو طائر في المدائن الغريبة
زواجل وتحايا من كل الامة
وعساك عافية
ودا حال الأنثي الحنون تندلق حن وتجافي بلا إذن
لكن ذوقك واختيارك دائما له الق وجمال المساء وسكون الشتاء
أرقد عافية
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: sudania2000)
|
وانا متابع للاخبار سئمت من سخف حماس وكذب خالد مشعل واتجهت للكمبيوتر لعلى اجد ما اروح به نفسى بعيدا عن مد الاخبار الملونة التى ترفع الضغط فجئت الى هنا الى حوش محمد عثمان الابداعى فاذا بى اجد هذه الاغنية الجميلة والتى يتغنى بها الفنان محمد النصرى وهو فنان نادر شق طريقه كاحد المبدعين فى اغنية الطمبور مكملا لمسيرة بداها الفنان الكبير صديق احمد وانقطعت بعد موت المبدع يسن عبد العظيم وكانت الساحة خالية الى ان اتى محمد النصرى بفهمه الراقى للكلمات الابداعية ودا كلام سوف اعود اليه فى مكان اخر ..
لكم تحياتى واشواقى جميعا ابتداءا من محمد عثمان صاحب.. البيت دا ..الى المبدعة سلمى الشيخ سلامة ..
وداير اصحح ومن ثم نتواصل
والتصحيح فى اهم كلمة فى هذه الاغنية وهى كلمة اندلقى .. دلق الماء اى سكبه والشاعر هنا يطلب من حبيبته ان تدلق له حنانها ويعاتبها والصيغة صيغة طلب ..لا صيغة لوم او استنكار بدليل ان فى البيت الثانى ..الذى يقول ..مرات جفاك بلا اذن .... وهنا يطالبها بصيغة الطلب عندما يقول لها اندلقى وهو الصحيح ...وليس تندلقى .. لان كلمة تندلقى تعنى متهافتة وهذا ما لا يقصده الشاعر بالطبع ..
وهذا التصحيح واجب رايت ان اقدمه لكم وممكن الان نعيد سماع الاغنية من جديد والتركيز على الكلمة الاولى اندلقى حن .. وليس تندلقى مع تحياتى لاخونا محمد عثمان ..
استخدام مفردات من البيئة المحلية دائما ما يطبع الاغنية بنوع من الحلاوة للمتذوق خارج المنطقة وهو ما يفعله الان حميد واستخدمها من قبل شاعرنا الكبير اسماعيل حسن ..
الا ان اجمل كلمة استخدمت من بيئتنا المحلية نظمها الشاعر الكبير عبد المنعم ابونيران فى اغنيته الشهيرة ... بشيشكن يا عيونى بالدموع لا تفضحنى .. والتى غناها الفنان الكبير عبد الرحمن الكرو وانا دائما اقول انها اجمل واصدق اغنية طمبور وانا هنا اهديها للاخت سلمى الشبخ يسلامة وانا خايف يعد ان تقراها تندلق فينا حن ..والعجب كمان كان سمعتها وانا اتمنى من محمد عثمان انزالها هنا بصوت عبد الرحمن الكرو او صديق احمد ..فقط لان اخرين غنوها دون التقيد باللحن الحنيين لعبد الرحمن الكرو والذى اطلقت عليه اسم الفنان المسكين لانه يملك اجمل الاغانى واحلاها وهو بعيد عن اجهزة الاعلام التى لا تبحث عن المبدعين من امثاله ..
بشيشكن يا عيونى
تصدقي يا محاسن لمن خبرك جاء وصلني
انا جيت ابارك جراحي تنزف لدياركم ساحبة ظني
بي بشيشكن يا عيوني يا دموع لا تفضحني
طالما الأقدار بتحكم غصب عنك وغصب عني
*****************
جيت في ليلة زفافك برضاي ورغبة مني
أنا جيت اضم الشوق واقالد وانضم الأشعار واغني
جيت في فرحك اشارك جيت اقول مبروك واهني
جيت امد ايدي البترجف لي ايادي ملاني حني
*************
انا جيت اعاين واملا شوقي
في العيون العذبني
انا جيت اودع في خدودك البي صفاهن جرحني
كان مناهن اعيش معاهن أه دا لو كان بالتمني
قسمة والاقدار ارادن يحرمني ويحرمني
*******
التمن املي البنيتو حتىلي شوفتك امني
ادي حالي انا يا ليالي لي بكاي ماك دار تحني
كنت في عتمت همومي اللبن ما يرحمني
وانتي في عش السعادة أه انا الشوقك كتلني
ابكي في زحمة سنيني في الليالي العاكسني
الوداع الوداع الوداع يا نور حياتي يا امل خاب فيهو ظني
بي بشيشكن يا عيوني يا دمعوع لا تفضحني
طالما الاقدار بتحكم غصب عنك وغصب عني
اها يا سلمى قصرنا معاكى
اندلقى حن
مرات جغاك بلا اذن
شن تلقى ان ماتت عيون اللهفة..؟!!
و الشوق داير يجن..
غنيتلهن لمن موهدب فزتبن
ختيتلهن رغم المخاوف امنهن
ناديتلهن فهمنى شى
و شابتلهن اضحك و ارن
و انا اقسى كيف..؟؟
ما يانى فيهن و منهن...
اواصل
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: الكيك)
|
فى اولى اجازاتى السنوية التى اقضيها بالوطن قبل ثلاث اشهر بعد غياب دام اثنى عشر عاما كانت حصيلتها المهمة هى اننى سجلت سيرة الفنان عبد الرحمن الكرو فى شريط كاسيت لاتمام مقالاتى والتى اخترت لها اسم عبد الرحمن الكرو الفنان المسكين وانزلت حلقتين فى موقع ابوالحسين عن الشابقية وماضيهم
وبعد تفريغها وصياغتها سوف انزلها قريبا ان شاء الله وفيها قصة بشيشكن يا عيونى للشاعر الفذ عبد المنعم ابونيران
نتواصل
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: الكيك)
|
| Quote: بشيشكن يا عيونى بالدموع لا تفضحنى .. والتى غناها الفنان الكبير عبد الرحمن الكرو وانا دائما اقول انها اجمل واصدق اغنية طمبور وانا هنا اهديها للاخت سلمى الشبخ سلامة وانا خايف يعد ان تقراها تندلق فينا حن ..والعجب كمان كان سمعتها وانا اتمنى من محمد عثمان انزالها هنا بصوت عبد الرحمن الكرو او صديق احمد ..فقط لان اخرين غنوها دون التقيد باللحن الحنيين لعبد الرحمن الكرو والذى اطلقت عليه اسم الفنان المسكين لانه يملك اجمل الاغانى واحلاها وهو بعيد عن اجهزة الاعلام التى لا تبحث عن المبدعين من امثاله .. |
الكيك ودامى
"الحن" نحن ما بنكوسو
راضعنو لبى
تعرف اللبى ؟
خالتى مريم الشايقية ارضعتنا له
ونحن فى بدايات خطونا نحو الشباب
فحفظنا حن الشايقية وغناهم
كانت امراة وقورة ومع ذلك طروبة
لكنى يا صديقى لم اسمع عبد الرحمن الكرو
اتمنى ان استمع اليه
اما صديق احمد فهو صديق اشقائى
رغم اننا لم ننتمى للشايقية دما ولحما
لكنا ارتبطنا بهم روحاوهو اعظم ارتباط
فكل اشقائى يحفظون غناء صديق احمد ومحمد جبارة بحكم الجوار فى امبدة
شفت كيف ؟
شفت كيف مش ؟
لذلك نشانا ونحن نستمع الى كل من تغنى باغانى الشايقية
نحفظ عن ظهر قلب اغنيات محمد كرم الله والنعام ادم واسحق كرم الله
خاصة حين يشدو بمنقة كسلا
الله على الفن الجميل
لانفرق بين الناس الا باعمالهم القبيحة عدا ذلك فالكل احبابنا
اتمنى ان يعيننا محمد عثمان ببعض اغنيات ود الكرو
عارف يا الكيك ود امى
زمان كان الراديو هو وسيلة الاتصال الانجع
لغاية منتصف السبعينات حين دخل التلفزيون هادما للذاتنا
كل زول كان عنده راديو فى بيتنا
امكن للسبب دا طلع مننا تلاته صحفيين
لكن ما اود ان انقله لك ان احد موجبات معرفتنا فى هذا الفن
كان برنامج ربوع السودان وعلى ايامنا كان يقوم بتقديمه الراحل
على الحسن مالك ، مع انه اشتهر بنقل المباريات الكروية
لكن اهدى لهذا البرنامج الكثير
وللمستمعين تحديدا نحن ابناء الاقاليم
عرفنا الى يوسف فتاكى والى ادم شاش والنعام ادم وزكى عبد الكريم
شفت كيف ؟شفت كيف مش ؟
ومن الغرب تعرفنا الى صديق عباس فى اوائل ظهوره كمغن شعبى
وغيره من الذين تقاعست الذاكرة عن ذكرهم
وانطبعت فى ذاكراتنا لغاية الان تلك الاصوات
وما بدلنا حبنا لها قط
ولعل غياب برنامج كمثل ربوع السودان افسح للتناحر الموجود الان
بل اتصور ان التفاف الاذاعة على ماهو دون المستوى مؤخرا
منذ العام 1989
ادى الى ما وصلنا اليه على مستوى قبلى
وهو موجود لكن الاذاعة كانت تطويه خلال ما تقدمه من برامج شاملة
لكنه قدرنا ان نتراجع كل هذا التراجع
اتمنى ان تعود الى تلك البرامج روحها
حيث سلطة الاذاعة ماتزال مغروسة فى الانسان السودانى
رغم الفضاء المفتوح
و ما يزال كثير من اهلنا ينامون على هديل صوت امدرمان
شكرا كتير للاهداء
محبتى
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: سلمى الشيخ سلامة)
|
محمد عثمان
تحية وتقدير,,,,
ياسلام علي ذوقــــــــك,,,
غني نضيــــــــــــــف,,,صـــــــــــــافي زي دهب الخزانة.
وحات الله الشايقية ديل بحنانم دا يوم بكتلو ليهم زول,,,
الكلام واللحن والصوت ,,,
ينصب توف في عروق الجـــــــــــــــوف
,
,
,
,
مافي لنك حفــــــــــــــــــــــــــــــــــــــظ
ضروووووووووري.
مع الشكـــــــــــــــــــــــــر
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: sudania2000)
|
Quote: طائر السقد محمد الشفيف
تحياتي ونقول كدا حتة شوق وطن زعل وبعض من حتي
تغطس بمزاجك وترجع بمزاجك عساك طيب
وراكي في عشك مو طائر في المدائن الغريبة
زواجل وتحايا من كل الامة
وعساك عافية
ودا حال الأنثي الحنون تندلق حن وتجافي بلا إذن
لكن ذوقك واختيارك دائما له الق وجمال المساء وسكون الشتاء
أرقد عافية |
سوداانيه..
ليك وحشة
ناسف للرد المتاخر جدا..البوست طفش مننا
و تشابه علينا الغناء..
شكرا للطلة الانيقة..و كل الود و التحايا الخالصة
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: najma)
|
Quote: محمد عثمان
سلااااااام على سريع
بجيك راجعة
الطيب شيقوق يمسيك الله بالخير |
صاحبة الروائع...نجمة
شقيت صحارى الدهشة بيك و ادهشتهن
منيت دواخل الروح تتهوك و تتسجن
لازم يقينى سبات خطاى
يا رجا الزول اليقن
انتدلقى و اجفى
استأنسك لوعة و سماح يتأنسن..
شكرا ليك ..و منتظرنك
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: فاروق أبوحوه)
|
Quote: الشفيف محمد عثمان:
منو غير خالد الباشا ..؟
منو غير محمد النصري ؟؟
تصدق يا محمد يارائع..
جيت من السودان أمس ..
لفيت معظم محلات الكاست ..
ما جاء معاي في شنطتي غير..
عندكــ خبر ؟
أخر ألبوم لود النصري..
الزول دا صاحبي ..
لكن عيبه ( قاتل )..
بهبش في العصب الرهاااااف.
ممتنين يا دائم النقاء |
صااحب الحرف الانيق...فاروق
شكرا كتير على الطله هنا فى واحة الطمبور الحنين
ود النصرى زول فنان يعرف كيف ينتقى كلماته بعنااية شديدة
و ايضا صوته الملئ بالشجن يجعل من اغنيااته ذات وقع خااص
فى النفوس..
تسلم يا حبيب على حضورك الجميل هنا..
| |
|
|
|
|
|
|
|
|
|
Re: تندلقى حن...مرات جفاك بلا اذن..!! (Re: الكيك)
|
Quote: محمد عثمان اخووى
عوافى
ياخى والله ابداعك مندلق علينا زى المطرة وسلمى الشيخ سلامة دى كمان اسكت خليها ساكت دائما مندلقى فى الابداع ومبدعة فى كل شى ولو دلقتنا باقى الكليمات كمان كان اندلقت علينا اكثر من كدى ..
لكن انت مفصر فى واحدى انك لم تكتب اسم شاعر هذه الاغنية الجميلة وفنانها المغنى الرائع الذى يغنيها علشان عندى كلام كثير داير ادلقوا هنى ..
لان الكلام وراه كلام .. |
الاخ الكيك..
يسعد صفاك اياامى و ارقد مطمئن
و ينسف جفاك احلامى و اصبح واعى جن
عانيت عشان اصل الضفاف
القيف يلوح و البوح يصن
و انا ارسى فيك و الفيك يزيد الفى وزن..
شكرا ليك جميل..مداخلاتك الثره انعشت هذا البوست
و عذرا فلقد كنا مسجلين غياب خلال الفترة الماضية...
الاغنية طبعا اسمها جفا و حن..و الفنان صاحب الصوت الجميل
و الاداء المميز ود النصرى...الاغنية كتبها الشاعر عطا الكبيلى
و هى فعلا واحده من الاغنياات التى ظهرت فى شريط اخر خبر الذى
ظهر اخيرا لود النصرى و بامانه اكثر اغنية شدتنى و لفتت انتبااهى
فى هذا الشريط هذه الاغنية و احسست فيها بانها مارقه من الاعماق
سوى ان كانت الكلماات ام اللحن...فعلا كما ذكرت سلمى هى اغنية
تهبش فى اللحم الحى و توهدب الزول عديل كدا...
تسلم و لى عوده مع بقية المداخلات..
يديك العاافية...
| |
|
|
|
|
|
|
|
|
 Re: تندلقى حن...مرات جفاك بلا اذن..!! (Re: محمد عثمان)
|
Quote: تندلقى حن
مرات جغاك بلا اذن
شن تلقى ان ماتت عيون اللهفة..؟!!
و الشوق داير يجن..
غنيتلهن لمن موهدب فزتبن
ختيتلهن رغم المخاوف امنهن
ناديتلهن فهمنى شى
و شابتلهن اضحك و ارن
و انا اقسى كيف..؟؟
ما يانى فيهن و منهن... |
الشوق اطنان يا هندسة
الله يسعد أيامك يا وجيه
| |
|
|
|
|
|
|
| |
انعام عبد الحفيظ
حامد محمد حامد
سلمى الشيخ سلامة
الكيك
فاروق أبوحوه
الطيب شيقوق
عبدالكريم الامين احمد
Omayma Alfargony
هاشم أحمد خلف الله
فيس بوك
تويتر
انستقرام
يوتيوب
بنتيريست