|
شعب واعي
|
شعب واعي
و لي ترابك كم براعي
لو أقولك عنو كيفو
يوم يتسّب حدو قيفو
و يوم يسل في الهبّه سيفو
إبقي أصلاً مافي داعي
شعب شامخ في العلالي
بيهو بفخر و آحلالي
مهما إتشابت حروفي
ما بطولو أكيد يراعي
شعب هادي و مو ضلالي
فيهو من ترهاقا جبره
و من بعانخي ثبات و خبره
فيهو من الماظ جسارتو
و نترة أبزيد الهلالي
عزو من عزك منسّل
بانتصاراتك مأصّل
فوقو توب العز مفصّل
في المدن أو في المراعي
منو أتعلمت أصبر
و فوق جحيم الأهه أعبر
طينو كان بنياني نطفه
و من نعيمو كان ضراعي
شعب واعي
لو أقولك
مافي
داعي
|
|
|
|
|
|