|
|
 فَـجْـعَـةً كدي أصبحت السلفية والسلفيون الشغل الشاغل لبعض أهل المنبر!
|
السلام عليكم ورحمة الله وبركاته
فَـجْـعَـةً كدي .. أصبحت السلفية والسلفيون الشغل الشاغل لبعض أهل المنبر!!! والله صحي!
زمان كان في اتنين ماجستير جماعات إسلامية تخصص سلفية ووهابية بكتبو
واحد اسمو عبد الله عثمان ( راجل أوهايو ) وده كان مرة مرة يدي السلفيين هبشة
والتاني اسمو صبري الشريف ( شغال نقلتي من موقع الحوار المتعفن ) وده كان أكتر واحد بكتب في السلفية
يمشي الموقع المخستق داك وهاك يا كوبي بيست بي ضبانتا وجنادبا وصراصيرا
هسي صبوري ذاتو بعد ما جاهو حمادة انشغل يا عيني وبقى في بت أم روحو
والحمد لله .. ربنا ريحنا منو .. إن شاء الله قطر عجيب يا صبوري من المنبر ده ^____^
_________________________
أها بعد ما خلصنا من جوز الحمام الفوق ديل ظهروا لينا ناس تانين وفَـجْـعَـةً كدي
الأول: عاطف مكاوي والذي ألقبه بعاطف ( مُكاوي السلفيين ) .. فجأة كده عاطف ده بداها لينا بموضوع الشيخ حازم صلاح
وتناها بي موضوع الشيخ السلفي الذي لفقت له قضيت البت وتاني مواضيع كتيرة لا تحضرني .. ده دكتوراه في الوهابية تخصص سلفية مصرية
الثاني: خالد العبيد ( ود كبوشية ) و ( عريس بنات كلي ) ^___^
الشيوعي الماركسي ... ده برضو زي صاحبو مكاوي مافي فيديو لافي ولا مقطع عن السلفيين إلا جايبو هنا
ده غير مواضيعو البقدح بيها في الدين الإسلامي والشريعة الإسلامية
الثالث: محمد جمال الدين ( بتاع سلفيا ) ^_______^
بداها لينا بي موضوع السلفيون والصيد في موية المطرة وللا شنو ما عارف العكرانة
وتاني كتب ليهو موضوع كده .. وهسي كمان طلع لينا بي حاجة تالتة داير يعرف راي السلفيين في الصورة ( الثورة )
الرابع: صديقي اللدود/ السلفاوي عمر دفع الله
الراجل ده كان في اتفاقية جنتلمان بيناتنا ووثيقة عدم اعتداء غير مكتوبة .. إنو لا تجيني ولا أجيك وكل زول عارف حدودو
أها لمن محمد جمال ( بتاع سلفيا ) كتب موضوع داك بتاع موية المطرة وقمنا ردمناهو فيهو ردم الجن
أها من ديك قام عمر دفع الله بقى كل يوم والتاني منزل فينا كاريكاتير ..
ده كلام يابو عمير ,, يخسي على صحبتك خوتك أخير منها خوة العدريب!!
أها ديل الناس ( معتادي الكتابة عن السلفية ) في غير كده ناس كتااااار داخلين في الخط
محمد عمر الفكي وآخرهم السجمان سجيمان كمان ^_____^
أها ممكن يجيني واحد يسألني:
وشنو المشكلة الناس تكتب في السلفية؟
والجواب: مافي مشكلة طبعا .. بس يا ريت الكتابة دي تكون موضوعية وأن تخلو من الاستهداف وشيطنة المخالف
ولكن الذي ألمحه عند الكثيرين هو استهداف واضح ورغبة في إسقاط الطرف الآخر وتشويهه بأي طريقة.
واللهم اهد قومي فإنهم لا يعلمون
|
|
  
|
|
|
|
|
|
|
 Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: الصادق اسماعيل)
|
Quote: الصادق .. سلامة النظر
ده محمد مصطفى عبد القادر وليس محمد عبد الكريم |
أمعط يا أبو عبدالله
هسع بجيك جوز الحمام، ويتبعه سرب اليمام
بعدين يا أبو عبدالله
ما نوصيك.. بالله حبيبنا الصادق ده بالذات أمعطو شديد :)
شايفو خلى مساككة صلاح جادات وداير يفتي في السلفية :)
المشكلة هو زاتو ما عارف الكورة كم كم :)
أقول قول هذا، وأنا كنتا داير أنوم
يعني ما ننوم معاكم يا أبو عبدالله
| |
|
|
|
|
|
|
|
|
 Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: محمد جلال عبدالله)
|
Quote: أمعط يا أبو عبدالله
|
يا زول هو شد حيلك
معط شنو كمان ومن منو من السلفية؟ يا خي أختشين لم ربنا يهديكم من ضلاكم الفيهو دا بعد داك تعال عشان نوريك المعط الصاح إنتا وكل السلفيين المعاك.
لو جاهز تعال أرمي بياضك ونشوف.
ونديك الكلام من هسه دا.
أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة.
نحن جاهزين لمحاربة ضلال السلفية في اي مكان وزمان.
| |
|
|
|
|
|
|
|
|
|
Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: أحمد ابن عوف)
|
Quote:
بس يا ريت الكتابة دي تكون موضوعية وأن تخلو من الاستهداف وشيطنة المخالف
ولكن الذي ألمحه عند الكثيرين هو استهداف واضح ورغبة في إسقاط الطرف الآخر وتشويهه بأي طريقة.
|
السلام عليكم وعلينا آل سلف و رحمة الله و بركاته
انت عارف يا محمد جلال يا اخوي انو في ناس همها الأساسي استهداف السلفيين؟!
بمعنى اوضح و على بلاطة كدا الموضوعية بالنسبة ليهم هي محو الفكر السلفي من قاموس الدنيا
و بالتالي كلامك عن الاستهداف و الرغبة في اسقاط الآخر و انو دا عدم موضوعية ما صحيح البتة ....
دا في الغالب أصل الموضوعية و لُبّها شفت كيف! 
| |
|
|
|
|
|
|
|
|
|
Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: رشا احمد)
|
الأخ احمد ابن عوف
Quote: اول مرة في تاريخ الاسلام اسمع، اسمع شنو! المرة دي شوف عين
إمام جامع عنده بودي قاردات
كدي يا سلفيين بالله اصلو لينا القصة دي |
أيوه أنا شفت الفيديو ووقفة الشباب خلف الشيخ
في تقديري بعضهم واقف لتلقي الأسئلة بالأوراق وتوصيلها للشيخ
وبعضهم بيعتني بالصوتيات
والراجل الطويل العاتي ده دايما بقيف في محاضرات الشيخ خلفه
غايتو ما بقدر أقطع هل هم بوي قارد وللا حاجة تانية
لكن الشي العارفو أنصار السنة تعرضوا للقتل من التكفيريين عدة مرات في مساجدهم
حادثة الخليفي وحادثة الجرافة وما متأكد هل في حوادث تانية وللا لا
فإذا كان للسبب ده .. ما أعتقد القصة فيها مانع
وللا رايك شنو؟
| |
|
|
|
|
|
|
|
|
|
Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: محمد جلال عبدالله)
|
عمنا الصادق اسماعيل
Quote: معط شنو كمان ومن منو من السلفية؟
يا خي أختشين لم ربنا يهديكم من ضلاكم الفيهو دا بعد داك تعال عشان نوريك المعط الصاح
إنتا وكل السلفيين المعاك.
لو جاهز تعال أرمي بياضك ونشوف.
ونديك الكلام من هسه دا.
أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة.
نحن جاهزين لمحاربة ضلال السلفية في اي مكان وزمان. |
الصادق زعلت ساي وحرقت دمك
أخونا عماد حسين بيهظر بس وده واضح من الأيقونة الاستعملها في ردو
غايتو ده الفهمتو أنا وما في موضوع أصلا عشان يكون فيهو ( معط ) ^_^
Quote:
إنتا وكل السلفيين المعاك.
لو جاهز تعال أرمي بياضك ونشوف.
. |
وأنا داخل في التهديد ده يا الصادق ^__^
أرمي بياضك دي ما فهمتها زمان البياض ده حق الفقرا
ما عارف هسي ( غيروا وللا شنو؟ )
Quote:
أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة.
نحن جاهزين لمحاربة ضلال السلفية في اي مكان وزمان. |
غايتو دي بالغت فيها يا الصادق
كونك علماني دي مفهومة
داير تبقى علماني دي برضو مفهومة
لكن تقول العلمانية دين الله في دي بالغتا!
العلمانية لا يمكن أن تكون دين الله سبحانه وتعالى
والعلمانية ترجمتها ومعناها: اللادينية
فكيف تكون هي دين الله تعالى؟
ممكن تكون دين الصادق أو زيد أو عبيد
لكن دين الله تعالى هو الإسلام ( إن الدين عند الله الإسلام )
Quote:
نحن جاهزين لمحاربة ضلال السلفية في اي مكان وزمان. |
ونحنا جاهزين برضو يا عمك
بس أرمي بياضك انت ^______^
| |
|
|
|
|
|
|
|
|
 Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: محمد جلال عبدالله)
|
الأخت الكريمة/ رشا أحمد
Quote: السلام عليكم وعلينا آل سلف و رحمة الله و بركاته
انت عارف يا محمد جلال يا اخوي انو في ناس همها الأساسي استهداف السلفيين؟!
بمعنى اوضح و على بلاطة كدا الموضوعية بالنسبة ليهم هي محو الفكر السلفي من قاموس الدنيا
و بالتالي كلامك عن الاستهداف و الرغبة في اسقاط الآخر و انو دا عدم موضوعية ما صحيح البتة ....
دا في الغالب أصل الموضوعية و لُبّها شفت كيف! |
وعليكم السلام ورحمة الله وبركاته
والله يا أختي فعلا جبتيها من الآخر انتي
فعلا بمنطقهم هم وأسلوبهم استهداف ومحو السلفية ده الموضوع وأبو المواضيع ذاتو
أما بمنطق الأشياء والاحتكام لكافة القواعد العقلانية والمنطقية
فأفعالهم دي بتكون عدم الموضوع ذاتو ^___^
شكرا على مداخلتك القيمة والتي أضافت الكثير
| |
|
|
|
|
|
|
|
|
|
Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: محمد جلال عبدالله)
|
Quote: غايتو دي بالغت فيها يا الصادق
كونك علماني دي مفهومة
داير تبقى علماني دي برضو مفهومة
لكن تقول العلمانية دين الله في دي بالغتا!
العلمانية لا يمكن أن تكون دين الله سبحانه وتعالى
والعلمانية ترجمتها ومعناها: اللادينية
فكيف تكون هي دين الله تعالى؟
ممكن تكون دين الصادق أو زيد أو عبيد
لكن دين الله تعالى هو الإسلام ( إن الدين عند الله الإسلام )
|
طيب نعتبرإنو عماد بيهظر.
لكن
الغشاك منو وقال ليك العلمانية معناها اللادينية.
دي الكضبة الفكتويها في الناس عشان تحتكروا الدين وتتاجروا بيهو.
أها الدين العند الله دا العلمانية والاسلام الفى الآية دي المقصود بيهو العلمانية.
ودا بياضنا يلا تعال ورينا دا منو القال ليك العلمانية ترجمتها اللادينية.
غايتو العارفو أنا إنو السلفيين ديل واقعين في الضلالة، ومشكلتم إنهم ختوا عقلهم في إجازة واتبعوا الرجال وتركوا اتباع العلمانية البشر بيها الرسول (ص) والقرآن.
| |
|
|
|
|
|
|
|
|
|
Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن (Re: محمد جلال عبدالله)
|
ده تعريف مختصر للعلمانية:
| Quote: العَلمانية (بالإنجليزية: Secularism) تعني اصطلاحاً فصل الدين والمعتقدات الدينية عن السياسة، وقد تعني عدم قيام الحكومة أو الدولة بإجبار أي أحد على اعتناق وتبني معتقد أو دين أو تقليد معين لأسباب ذاتية غير موضوعية،[1][2]. كما تكفل الحق في عدم اعتناق دين معيّن وعدم تبني دين معيّن كدين رسمي للدولة، وبمعنى لآخر فإنه يشير إلى الرأي القائل بأن الأنشطة البشرية والقرارات وخصوصًا السياسية منها يجب أن تكون غير خاضعة لتأثير المؤسسات الدينية. |
| |
|
|
|
|
|
|
| |
محمد جلال عبدالله
الصادق اسماعيل
عماد حسين
سجيمان
أحمد ابن عوف
رشا احمد
عاطف مكاوى
محمد عمر الفكي
فيس بوك
تويتر
انستقرام
يوتيوب
بنتيريست