الأسلحة الكيميائية وحقيقة استخدامها في السودان في منتدى ميديكس للحوار
|
|
 مولانا الدكتور عبداللطيف احمد عبدالمطلب قال طلعوا زيتنا الله اطلع زيتن
|
ما دايرين
و ما دايرين ...
وما ديرينك آآآ موهوم
آآآآ موهوم ....
بتذكر وكت جيتنا ... و اديتنا
أديتنا الوعود بالكوم ......
وقُتلينا .... النفوس خربت
و انتو المصلح المعصوم
وقُتلينا ..البلد جاعت
و انتو الدالي والمزموم
وقُتلينا ....
البقر والابل غرزن
وانتو خريفا سحابو ردوم
و قتلينا ...
فوقنا دبابات "الجنوب" نقزن
وانتو الصارم المسموم
وقُتلينا ....
وقُتلينا .....
وقُتلينا .....
وصدقناك .....
وقُدر ... ما نحن صدقناك
انت مُصر تكذبنا .....
وقُدر ما نحن صادقناك
إنت مُصر تمقلبنا
وقُدر ما نحن صالحناك
إنت مُصر تحاربنا
وقُدر ما نحنا ماشيناك
إنت مُصر تخربنا
و إنت مُصر تعذبنا
وانت مُصر تجوعنا
و انت مُصر تروعنا
و انت مُصر تلوعنا
و إنت براك ...عارفنا
عارفنا ....لما نقولها ما ديرين
ما دايرين
و ما صابرين
وبي جد نحن الليلة زعلانين
زعلانين .. وتعابانين
تعبنا خلاص من مقالبكن
تعبنا خلاص من ضرايبكن
تعبنا خلاص من هبايبكن
كفرنا ...بكل ظروف أنتو جابتكن
كفاية خلاص ..
شبعنا خلاص من مكايدكن
وكرهتو الناس..... يوم فيهو عرفتكن
وكفرنا بي صناديق .....
زورا فلتو جابتكن
كرهنا اليوم الفيهو عينا شافتكن
وزهجنا من زمنا ......
طالت فيهو قعدتكن
ما دايرين ...
وما قادرين....
وما طايقين بعد الليلة شوفتكن
شنو بدورو بي ناسا.....
أبوها قبلتكن
شنو بتسو في شعبا ....
حالف ... يخلي الشدر كلو ....
إلا شدرتكن
شنو بتسو في خلقا ....
ضاقت بيها ... وسيعتكن
شنو بتسو في التنور ...
وما أدراك ما التنور
التنور لما يفور
يتغرق سفينتكن
عبد اللطيف أحمد
يونيو 2012
منقول من صفحته على الفيس بوك بعد اذنه طبعا
|
|
 
|
|
|
|
|
|
|
 Re: مولانا الدكتور عبداللطيف احمد عبدالمطلب قال طلعوا زيتنا الله اطلع (Re: طه إبراهيم عبد الله)
|
الله استر من الرأسي الافقي هين يا طه
زمان يا طه عندنا في الحلة تاجر كبير بجيهو تنكر الجاز اكب ليهو برميل جاز
كل فترة
اها اليوم داك كب ليهو جازو وخلس قروشو وفات
فوتك كدي يا التنكر اقوم برميل الجاز اسوي تس تس تس يعني داير اطرشق
وزولك وهو حاج كبير من زمن الحجاج البمدحو ليهن فايتين وجايين
البرميل اسوي تس تس
والحاج اسوي انعل دينك فتحة الدال وسكون النون باقي ما بعرف اشكل زي الجنيات ديل
والبشاري ابى اعلمني التشكل حرشو علي المحرب
والبرميل اسوي تس والحاج بفتحة الدال وسكون النون اردد معاهو زاذ وجدي ونوم عيني اصبح قبيل
بعد شوية البرميل طااااااااخ طرااااااااخ انشرط وكب الجاز
تسمع الحاج انعل دييييييييييييينك وقبل لي غادي وفات
ولكنه تم اقناعه بان ليس للبرميل دين ينعل
.
.
طه انا كان عندي حق اللساتك ما كان اشتريت لي دكتين قصب للبقر الجعان دا
السنة دي محل شين خلاس يا طه
اسمع دي صورتك ... والله صبي انا كنت قايلك لاحق الصح والله صحي
كان ما انقلبت ما تمشي اهلك سمح ؟
| |
|
|
|
|
|
|
|
|
|
Re: مولانا الدكتور عبداللطيف احمد عبدالمطلب قال طلعوا زيتنا الله اطلع (Re: عبدالله ود البوش)
|
| Quote: اسمع دي صورتك ... والله صبي انا كنت قايلك لاحق الصح والله صحي |
لا يا عبد الله
دا ما أنا فشان أنا لاحق أمّاتي طاااااااااااااااب
دي صورة زول رايح مني
كان معاي وفجأة اختفى
متين ووين ما بعرف
كأني كنت نايم وصحيت ما لقيتو
وهسع لما أعاين في الصورة دي أقول يا ربي أنا شفت الزول دا وين ؟ وأرجع وأقول بي أي حال من الأحوال الزول دا ما غريب علي
..
يا عبد الله أخوي
دا الزول الكان أنا أو الأنا كنتو ( لا أعرف أيهما أصح )
| |
|
|
|
|
|
|
|
|
|
Re: مولانا الدكتور عبداللطيف احمد عبدالمطلب قال طلعوا زيتنا الله اطلع (Re: طه إبراهيم عبد الله)
|
| Quote: دا الزول الكان أنا أو الأنا كنتو ( لا أعرف أيهما أصح ) |
23 سنة يا طه حرف وكرف بركة السلم العقل
.
.
صاحبي محي الدين قالي كنت نائم والحكاية دي حقيقية والله زي ما اقوليك
اها جاتو يعني كدي زي صحية وسط النومة شاف حرامي جنبو
قالي براحة نزلت ايدي شلت العكاز تحت العنقريب
وبس بالعكاز اعنى ليك راس الحرامي
طااااااااااااخ
كع في ركبتو
ركبة محي الدين يا طه مو ركبة الحرامي
كانت ركبتو خدرانا عاقلا لفوق ومو حاسي بيها دم مافي كلو كلو
قايلا حرامي مقس
ولايدري بان الحرامي سرق دمه وخلاهو اضارب في رقبتو
اها قول انقلبت البرجع لمحي الدين دمو داك منو؟
القصــــــــــــاص بالرصاص يا طه حقنا اصلو ما بنخلي
| |
|
|
|
|
|
|
| |
عبدالله ود البوش
فيس بوك
تويتر
انستقرام
يوتيوب
بنتيريست