هذا زمن التساقط فلندع الباب موارباً للانضمام للثورة

Quote: كلام فى السليم يا حبيبنا. اي مواطن داير يغسل يده من هذه العصابة مرحباً به فى صف الشعب. ما لم يكن ولغ فى دماء الناس او مال الشعب السوداني، غير كده مرحباً به فى الصف الوطني.

Quote: مثلا لنبدأ بالسفراء في الخارج لو انضم سفير واحد لمد الثورة هذا سيشجع السفراء الآخرين على الانضمام لها

Quote: كلام سليم مية مية. نحنا يوم الجمعة عندنا مظاهرة امام سفارة السودان فى السويد.

Quote: أنا بفكر فى رسالة للبوليس. كتيرين منهم مكتوين بنيران الغلاء و سوء الحال ذاته.

Quote: والله يا الامين انا النفس الاقصائي دا بالحيل بحرقني، دعوات الانتقام والمقاطعة وما ادراك من دعوات متطرفة لاتعبر ابداً عننا كسودانيين كل مشارك في نظام الانقاذ لم يثبت عنه تورط في قتل او تعذيب او فساد مالي حبابو الف في نظام ديموقراطي حقيقي ودا المرقت ليهو الناس الضاقت بها الحال

Quote: والله يا بشاري الكلام ده أثنيهو بشدة نحنا ما حراس نواياوالثورة حقت كل الناس من حق أي زول ينضم زي ما قلت والعندنا عندو حق بناخدو والبطلع إيدو نضيفةوكان مغشوش وأسة جايينا بنية صافية برضو رصيد لينا واليجي ومعه آخرون والعبرة بالخواتيم

Quote: وديل يمكن قبولهم لكن الدستوريين والمستشارين المنصرفين ديل فيهم نظر يا اللمين .

Quote: سلام يا الأمين وهذا البوست بنفس المغذى

Quote: سلام يا بشاري كلامك سليم وفيهو بعد نظر

Quote: عندما يتخلى شخص عن حزب فهذه درجة من الوعي وصل اليها واكتشف انه كان على خطأ.. (لا يدخل في هذا الجانب الانتهازي والمنفعة الشخصية).. أقف مع الفكرة ونقول الف الف مرحب لكل من يترجل عن النظام ما لم يقترف جرما جنائيا..

Quote: الغبن عند الناس كتير من الانقاذ وعمايلها ولكن التفكير المنطقي يقول أن لا نقفل الباب في وجه العائد الى رشده ما لم يذنب في حق هذا الشعب ودي درجة عالية من التسامح والديمقراطية يا عزنا في البيت الواحد بتلقى الكوز والشيوعي وبتاع حزب الامة والاتحادي فما ممكن يكون نحن نزيد في تفسيخ النسيج الاجتماعي بدلاً من رتقه