|
|
 ناس منظمات حقوق الانسان السودانية دي نايمة وين؟؟ ضربوا القروش
|
مافي زمن يا شباب عشان كده ح اطلع ليهم بالرابع طوالي
تاشر سنة تضربوا في المساعدات المادية والعينية ومساهمات الاعضاء، يللا جاء وقت العمل
والشغل الجد جد
ستة ايام والعالم بين جريح ومعتقل واحتمال يكون في موت وما نشوف ولا بيان واحد
قديتونا بمواضيع النسنسة، وفلان قال لي فلان وزيد حفر لعبيد
امورقو القروش دي، الناس دايرة مساعدات عشان تعرف توثق لحالة حقوق الانسان القاعد البشير ينتهك فيها يوماتي
دايرنكم توفروا الآتي:
اجهزة لاب توب
قنوات اتصال آمنة بمراكزكم الخارجية
كاميرات
جوالات حديثة
واصدار بيان يومي بحالة حقوق الانسان في السودان
|
|
 
|
|
|
|
|
|
|
 Re: ناس منظمات حقوق الانسان السودانية دي نايمة وين؟؟ ضربوا القروش (Re: أحمد ابن عوف)
|
ومحتاجين منكم تعلموا الشباب الفي الميدان اصول التوثيق المحترف
فلان، طالب في الجامعة الفلانية، عمره كده، قبضوهو الساعة كده من المكان الفلاني
اقتداوهو ناس لابسين كده، وبعربية شكلها كده، وسجنوهو في المكان الفلاني لمدة كده
وتعرض لي لتحقيق وكده وكده ...... الخ ودي صورته ودي آثار التعذيب
وما يفترض نشره او ما يفضل عدم نشرة لحماية الثوار
الناس في النت بعفوية قاعدة تفضح في شباب من غير داعي ولازمة وبتعرضهم لمزيد الانتهاكات
| |
|
|
|
|
|
|
| |
أحمد ابن عوف
عمار عبدالله عبدالرحمن
Muna Khugali
Dr Salah Al Bander
محمد النيل
abubakr salih
فيس بوك
تويتر
انستقرام
يوتيوب
بنتيريست