نبدا بالانقاذ التي نقضت غزلها من شعار زمن التمكين ناكل من ما نزرع ونلبس من ما نصنع الى جوع شعبك يتبعك ونسو الجانب الاخر من المثل وربما اكل الشعب مؤدبه بين ((النيفاشيين)) في المؤتمر الوطني و((غير النيفاشيين)) والغوغائيين انقسم الامر الى ظل ذى ثلاثة شعب لا ظليل ولا يغني من اللهب
العالم والمجتمع الدولي والاقليمي الافريقي وليس العربي المازوم ينظر فقط ومن 2005 الى السودان عبر بوابة اتفاقية نيفاشا وملحقاتها العالقة حتى الان فاول جريمة ارتكبها ناس المؤتمر الوطني في حق الشعب السوداني كافة سياسة التغييب والتجهيل ليتم العبث السياسي واضاعة واحد من اكبر استحقاقاتها وهو الخروج الامن من السلكة عبر بوابة الانتخابات 2010 التي سجل لها 18 مليون ناخب فلماذا عتم المؤتمر الوطني عليها وشوهتها معارضة السودان القديم بالاراجيف.. لانهم ان اختلفو الى سلطة ومعارضة الا انهم اتفقو في ابقاء السودان القديم من 1964 بكل مبازله حتى الان وتحت مسمى اهل القبلة او دولة مدنية بمرجعية اسلامية...ومحاولة فصل الشباب المنتفض الان في الخرطوم وبين قوى السودان الجديد...واي شخص عمره اقل من 40 سنة ادعوه بكل تجرد يمشي يقرا اتفاقية نيفاشا حتى ولو كان عضو في حزب المؤتمر الوطني المشروخ الان...
رغم دخول لاعب جديد وقوى جدا وقد برع في حل معضلة(كيف يحكم السودان) وهو رؤية السودان الجديد التي تمثلها الجبهة الثورية الان... يبقى اي سياسي او حزب يجدف الان خارج هذا الاطار(اتفاقية نيفاشا) ..ليس سوى بعاتي يريد اعادة تدوير الفشل سواء كان في المؤتمر الوطني او احزاب السودان القديم زويعتقد ان ايقاع الزمن الدوار توقف في سنة 1964... وحتى هذه اللحظة لم يستوعبو اليات جديدة للتغير وباقل خسائر والله يرحمك يا سالم احمد سالم صاحب الافكار المضيئة في البورد... لقد تجاوز الامر وعي جمهورية العاصمة المثلثة وعقلية ماري انطوانيت "اذا جاع الناس ياكلو باسطة" واتحسم الامر تماما بين كافة السودانين في الهامش الثاني(الاقاليم) دارفور-كردفان- الشمالية- الشرقي - الاوسط...والمركز...
06-24-2012, 10:41 AM
adil amin adil amin
تاريخ التسجيل: 08-01-2002
مجموع المشاركات: 36971
المادة 9-5-2 من اتفاقية نيفاشا و(وحقنة كمال عبيد) المادة 9-5-2 تنفذ حكومة الوحدة الوطنية حملة اعلامية في كل انحاء السودان وبكل اللغات الوطنية في السودان لتعريف الجمهور باتفاقية السلام من اجل ترسيخ الوحدة الوطنية والتصالح والتفاهم المشترك
وطبعا كل وزراء الاعلام كانو من المؤتمر الوطني واخر حاجة حقنة كمال عبيد التي حقن بها الشماليين المغيبين وما قدر يحقن بيها الجنوبيين الاذكياء ومورفين اكذب اكذب حتى يصدقك الناس ثم صدق نفسك فهل في الدنيا فضائيات اكثر بؤسا ومللا من فضائيات جمهورية العاصمة المثلثة بدل فضائية دارفور - كردفان- الشمالية- الاوسط- الشرقي نلقى الخرطوم وام درمان حتى بحري ما عندها فضائية... وكلها لا تخدم وعي ولا توقظ فكرة ولا تهذب شعور...كذلك جنت على نفسها براقش وقد تزول الانقاذ بطريقة غوغائية تناسب الوعي الذى نشرته في السودان..ويا حافر حفرة السو وسع مراقدك فيها...
06-24-2012, 10:51 AM
adil amin adil amin
تاريخ التسجيل: 08-01-2002
مجموع المشاركات: 36971
ويا شباب السودان والشابات الاقل من اربعين سنة وين ما كنتو اوعو واحد يجي يعمل يلكم غسيل مخ بي بروبقندا الربيع العربي المازوم العرب يريدون اعادة تدوير االاخوان المسلمين من المحيط الى الخليج بمساعدة الامبرالية الجديدة من اجل حرب باردة جديدة بين السنة/العرب والشيعة/الفرس
وانتو الاخوان المسلمين مدورين بيكم من 1964 وينسلخون من جلودهم كالثعابين كل مرحلة...انتو دوركم الان تتحرروا من شنو- من الاستلاب واهمال حقكم واتباع حق الاخرين" يجب التحرر من وعيهم وسلوكهم المشين تماما.. وتستعيدوا هويتكم السودانية وحضارتكم السودانية ومدرستكم السودانية للتغيير وبرنامج التغيير جاهز
فقط نقرا كلنا اتفاقية نيفاشا للسلام الشامل ونلعب بيها راس حربة في التغيير القادم مع قوى الهامش والنيفاشيين في كل مكان حتى في المؤتمر الوطني... ونقدما غطاء سياسي لانتفاضتنا الجديدة للعالم والاقليم حتى لا يستهين احد مرة اخرى بذكاء السودانيين ""والما ببقي نفسه زول مافي زول ببقيه
06-24-2012, 10:59 AM
adil amin adil amin
تاريخ التسجيل: 08-01-2002
مجموع المشاركات: 36971
لازم كل الشباب السوداني المنتفض يكون عنده البديل المقنع للناس غير عملية التجميل الفاشلة وشد الجلد التي قدمها البشير في خطابه الضعيف الاخير... والبرنامج الفطيرة والموازية التي تجود بها رموز معارضة احزاب السودان القديم لمحاولة الالتفاف على نيفاشا وقضاياها العالقة في اديس ابابا... 1-بديل تكتيكي مرحلي دفع الجميع للاعتراف بخيار الانتخابات الحرة والنزيهة عبر اشراف دولي بعد اعادة هيكلة جزرية للسودان باعادة الاقاليم الخمسة القديمة الغاء الولايات كلها لاحقا... وانتخابات في البطاقات النيفاشية 9و10و11و12 2-وبديل استراتيجي اعادة توحيد السودان عبر ستة اقاليم ودولة لا مركزية حقيقة بازالة كافة اسباب الانفصال الفكرية والثقافية والاجتماعية والسياسية المشوهة...
06-24-2012, 11:32 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
Quote: وانتو الاخوان المسلمين مدورين بيكم من 1964 وينسلخون من جلودهم كالثعابين كل مرحلة...انتو دوركم الان تتحرروا من شنو- من الاستلاب واهمال حقكم واتباع حق الاخرين" يجب التحرر من وعيهم وسلوكهم المشين تماما.. وتستعيدوا هويتكم السودانية وحضارتكم السودانية ومدرستكم السودانية للتغيير وبرنامج التغيير جاهز
06-25-2012, 11:25 AM
adil amin adil amin
تاريخ التسجيل: 08-01-2002
مجموع المشاركات: 36971
للاسف يا احمد الناس لسه في الالعاب الهوائية وكاننا في سنة 1964 سؤال كيف يحكم السودان جاوابو اعلام الفكر السوداني المعاصر زمان كمان الانجليز ما قصرو خلو لينا بلد عال العال خدمة مدنية ومشاريع ومدراس ومستشفيات مجانية
لكن المستلبين مشو جابو لينا مشاريع من خارج الحدود ودوروا بينا لحدي هسه والغريبة نفس الاشخاص..ونفس الكلام الفطير والمناظر هي ذاتا والصور نفس المشاهد
لن يتعاون الغرب وامريكا مع شعب السودان..حتى لا ينفضح مشروع الاخوان المسلمين في الربيع العربي ويدمر كل الدول ذى السودان وحتى لو في برنامج جيدة وافكار عظيمة لن تصل لي المغيبين والاسباب واضحة وليس هناك ادنى اختلاف بين حزب المؤتمر الوطني واحزاب السودان القديم
06-29-2012, 02:04 PM
adil amin adil amin
تاريخ التسجيل: 08-01-2002
مجموع المشاركات: 36971
الذي قيل في عام 1977 في حيينها قال الا ستاذ محمود عن المصالحة الوطنية:المصالحة الوطنية بغير الإسلام الواعي مؤامرة طائفية ..من الأفضل للشعب السوداني أن يمر بتجربة حكم جماعة الهوس الديني..وسوف تكون تجربة مفيدة للغاية..إذ أنها بلا شك سوف تكشف مدى زيف شعارات هذه الجماعة وسوف تسيطر هذه الجماعة على السودان اقتصاديا وسياسيا حتى ولو بالوسائل العسكرية وسوف يذيقون الشعب الأمرين..وسوف يدخلون البلاد في فتنة تحيل نهارها إلى ليل..وسوف تنتهي بهم فيما بينهم وسوف يقتلعون من ارض السودان اقتلاعا ثم بعد ذلك يجيء تحقيق الآية الكريمة(قل ما يعبوا بكم ربى لولا دعاؤ كم فقد كذبتم فسوف يكون لزاما) صدق الله العظيم الآية 77 آخر سورة الفرقان
وحتما ستنتهي فيما بينهم..ستنشرخ الانقاذ باذن الله قريبا تحت ضغط الجماهير او علينا ان ننتظر الفصل السابع ومستقبل السودان تحدد تماما في الدولة المدنية الفدرالية الديموقراطية القائمة على المواطنة ...دون امتيازات عرقية او جهوية او طائفية فالسودان لا يترحك في فراغ كما كان في السابق فضائية واحدة حرة تختصر زمن كثير
07-02-2012, 09:24 AM
adil amin adil amin
تاريخ التسجيل: 08-01-2002
مجموع المشاركات: 36971
الحاجة الاستفدتها من ربيع الجارة مصر انه في حاجة اسمها المحكمة الدستورية العليا تمشي اي زول على العجين وما يلخبطوش حتى ولو كان رئيس جمهورية
واكتشفت انو عندنا محكمة دستورية في السودان..لاا تهش ولا تنش...
عرفت انه الانتخابات الحرة والنزيهة باشراف قضائي ...عملية ملزومة لجميع الاطراف والقبول بنتائجها
واكتشتفت انه معارطة السودان القديم ضيعت فرصة انتخابات 2010 وشوشت على قطاع الشمال ووصلتنا الي هذا الحد ولم يستانف احد بعد نتائج الانتخابات او يطعن فيها
والان مصر حلت البرلمان وحتعيد الانتخابات مرة ثانية باسس جديدة ودستور جديد...
عرفت قوة الاعلام عبر اكثر من 10 فضائيات مصرية حرة ومتنوعة....
عرفت انه 90% من في الساحة السياسية السودانية لم يقراوا اتفاقية نيفاشا ولم يكلفو نفسهم بتنزيلها لقواعدهم المغيبة ولا زالت ثقافة القطيع سائدة في هذا البورد وكل فرد في هذا القطيع اذا تجاوز التيس القدام تاه...واضحى صفر دولي يعني كده ليبرالية وفردية خلاقة مافي استقلالية عقلية مافي والناس لحدي هسه ما اتحررت من ((شنو)) وعايزة تكتل اولاد الناس ساكت باجترار سقيم لاكتوبر وابريل واعادة التدوير
الخروج الامن من السلطة هو برد الحق للشعب والانتخابات بعد اعادة هيكلة ما تبقي من السودان والحوار المفتوح مع قطاع الشمال في اديس ابابا...والعودة الى الشعب والانتخابات لحكومات 5 اقاليم فقط متاحة للجميع وحل 25 ولاية نهائيا.. هذا هو الخروج الامن اما الخروج غير الامن خلوهم في المجتمع الدولي يقفلو ملف سوريا الذي اضحى قاب قوسين او ادنى ويجوكم بالفصل السابع.....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
أحمد الشايقي
فيس بوك
تويتر
انستقرام
يوتيوب
بنتيريست