|
|
|
 Re: لي خمستاشر سنة ما جريت .. بقدر أشارك في المظاهرات...!! (Re: rummana)
|
الأخت لـنا مهدي قالت في بوست مجاور:
Quote: نساء الشموخ والصمود
مجموعة من نساء حي ودنوباوي حاصرن في زقاق ثلاثة رباطة مسلحين مما اضطر الرباطة للقفز داخل منزل مجاور هرباً ..... الشجاعة تهزم قوة السلاح الله أكبر ولله الحمد |
ده بقدر عليه باذن الله..! :)
حيَا الله نساء ودنوباوي والركابية والثورة... وكل أحياء أمدر أمان
| |
 
|
|
|
|
|
|
|
 Re: لي خمستاشر سنة ما جريت .. بقدر أشارك في المظاهرات...!! (Re: قيقراوي)
|
Quote: خلاص انتظريني نمشي سوا ونقيف دايما جنب أي بيت لسهولة الجري للداخل..
القطن بالموية الباردة بنقدر نشيلو غايتو! |
الاخت منى
الفكرة وجيهة وبتخدم الغرضين التظاهر والهروب من البمبان بدون جري كتير...!
أنا بيني وبينك فكرت في التظاهر قريب من الجامع طالما الموضوع بدا بالجمع...عشان أول ما يطلقوا البمبان أدخل الجامع على طول.. لكن في ثوان اتذكرت إنه الجوامع كما الدين في السودان، مستلبة ومحفوظة في جيب السلطان...
الجامع الوحيد الممكن تطلع منه مظاهرة "فور شور" من امدرماننا دي هو جامع الانصار...فاذا حبيتي كتري القطن والموية الباردة ...وبستناك هناك..
| |
|
|
|
|
|
|
|
|
|
Re: لي خمستاشر سنة ما جريت .. بقدر أشارك في المظاهرات...!! (Re: rummana)
|
Quote: رمانة
عندنا واحدة زمان لما العسكرى يرمى االبمبان
بتعمل فيها حارس مرمى,,,وترميه فى الشرطة مرة اخرى
يابت فرصة انك تشاركى |
أبوقوتة تحياتي
ونحن عندنا واحدة في البيت لما العيال يشوتو "كورة الشاطيء" كانت بتحمي راسها ووشها بيدينها العشرة..!
أنا حارس مرمى؟! :) .. غايتو المحاولة بعملها وبجي أحكي ليكم بعد الاجازة عن النتائج.. ده لو حييت!
| |
|
|
|
|
|
|
|
|
|
Re: لي خمستاشر سنة ما جريت .. بقدر أشارك في المظاهرات...!! (Re: rummana)
|
| Quote: وريني عمرك بوريك تعملي شنو ؟!!! |
فايز ود القاضي سلامات..
أقول ليكم خايفة الركب تخذلني تقول لي وريني عمرك كم..!
انت ما عندك عيال؟ شوف امهم فضلت تسكهم لما يتشاقوا لحد ما عمرهم بقى كم سنة ..
يلا أنا بعد ما كملت السك إلى آخر عنقود الاسرة توقفت لمدة خمستاشر سنة .. يبقى عمري كم؟؟؟
| |
|
|
|
|
|
|
| |
rummana
حمد عبد الغفار عمر
إدريس البدري
Muna Khugali
abuguta
بريمة محمد
عمار عبدالله عبدالرحمن
فايزودالقاضي
حافظ انقابو
قيقراوي
عماد الشبلي
فيس بوك
تويتر
انستقرام
يوتيوب
بنتيريست