|
بورداب الرياض يشاركون(خالد المحرب) و(عفاف ابو حريرة) فرحة تخرج ابنيهما
|
انطلقت بالامس في استراحة التميز بمخرج 18 بمدينة الرياض كرنفالات الفرح بمناسبة تخرج الابناء :
الدكتور أحمد خالد المحرب والمهندسة / فاتن خالد المحرب
أبناء الزملاء اعضاء البورد :
الاخ والصديق / خالد المحرب والاخت الفاضلة / عفاف ابو حريرة
وكعادة بورداب الرياض فقد تنادوا للمشاركة في هذه المناسبة السعيدة فنثروا الفرح في كل ارجاء الرياض ألف مبروك للزملاء تخرج ابنائهم وعقبال الدكتوراه وعقبال تفرحوا بعيالهم يا رب
|
|
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: Deng)
|
Quote: انطلقت بالامس في استراحة التميز بمخرج 18 بمدينة الرياض كرنفالات الفرح بمناسبة تخرج الابناء :
الدكتور أحمد خالد المحرب والمهندسة / فاتن خالد المحرب
أبناء الزملاء اعضاء البورد :
الاخ والصديق / خالد المحرب والاخت الفاضلة / عفاف ابو حريرة
|
الشكر كل الشكر لك اخونا وحبيبنا الامين البشارى كا نيوم انتظرناه كثيرا تخريخ الابناء حلم تحقق والحمد لله بوجود الاحبه كانت الفرحه مكتمله الشكر للاخوه البورداب حضوركم زادنا حبور وانت كعادتكم لكم منى ومن اسرتى كل الشكر والتقدير شكرا الضيوف الكرام شكرا الذين شاركوننا طربا الفنان سيف نورين والفنان مكاوى والفنان ياسر العيلفون والفنان هشام درماس والفرقه الموسيقيه بقيادة الاخ بدوى والزميل محمد البصير شكرا المخرج مضر النعيم الذى اوفد لنا كيمرا تلفزونيه يحملها المخرج الفنان الفاضل سليمان
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: بكري عباس علي)
|
الف الف مبروك
كانت ليلة من اروع ليالي الرياض
ابطالها شيخ العرب المحرب والاخت الفاضلة
عفاف وبقية الاسرة
نسال الله التوفيق والسداد للدكتور احمد
والمهندسة فاتن ولبقية الابناء باذن الله
شكرا شيخ العرب
شكرا بورداب الرياض وضيوفهم
شكرا درماس
شكرا ياسر العيلفون
شكرا مكاوي
شكرا اخي البشاري
....................................
اكثر ما اعجبني رشاقة ود الموج وهو ( ينطط ) كانه ابن العشرين
ما شاء الله عيني باردة
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: ود الباوقة)
|
Quote: الف الف مبروك
كانت ليلة من اروع ليالي الرياض
ابطالها شيخ العرب المحرب والاخت الفاضلة
عفاف وبقية الاسرة
نسال الله التوفيق والسداد للدكتور احمد
والمهندسة فاتن ولبقية الابناء باذن الله
شكرا شيخ العرب
شكرا بورداب الرياض وضيوفهم
شكرا درماس
شكرا ياسر العيلفون
شكرا مكاوي
شكرا اخي البشاري
....................................
اكثر ما اعجبني رشاقة ود الموج وهو ( ينطط ) كانه ابن العشرين
ما شاء الله عيني باردة |
شكرا صديقى الباوقه حضورك كان له اثر كبير فى النفس افتقدنا الاسره والله والعقبال عند العيال انشاء الله صديق الموج الان منتظر الربيع ان يهب اركز بس ( وش ضاحك )
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: طارق ميرغني)
|
إلى ود المحرب والفاضلة عفاف أبوحريرة ما خاب من صبر تربية البنين ما شئ ساهل نسأل الله الكريم لكما خيرهما وألف مبروك لأحمد ( ويعجبني هذا الأسم .. ههههههه اسم ولدي ) وألف مبروك لفاتن
وعقبال الشهادات العُلى ابناء اسرة طيبة
تخريمة
بس يا خالد لو في واحد صغير ركز ووز في أذنه أن يطلع حكيم سعية ( طبيب بيطري ) خليك أنتهازي واعي ( واعمل تعضيد شراكة زكية في أرض البطانة بينك وبينه ) ههههههههههههههههه شكر لي الأبل والبطانة بتلقى في شمبات
تحياتي وموديتي محرب وعفاف وألف مبروك لهما
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: الامين موسى البشاري)
|
مليوووووووووووووون مبروك لابنائي احمد وفاتن وزيهم برضو مليووووووووووووون مبروك لاختي وصديقتي الغالية بت ابو حريرة وبرضو زيهم لاخي العزيز خالد المحرب وعقبال الباقين كلهم
بس اكيد الحفلة من غيري كانت باااااااااااااااايخة (لوووووووووووووول)
بالجد الواحد زعلان وخجلان من نفسه انو مناسبة حلوة زي دي ما يكون معاكم فيها بس نقول شنو الله غالب
وإن شاء الله نحضر زواجاتهم ونفرح بيهم معاكم ومرة تانية الف الف مبروك
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: طارق جبريل)
|
Quote: انطلقت بالامس في استراحة التميز بمخرج 18 بمدينة الرياض كرنفالات الفرح بمناسبة تخرج الابناء :
الدكتور أحمد خالد المحرب والمهندسة / فاتن خالد المحرب
أبناء الزملاء اعضاء البورد :
الاخ والصديق / خالد المحرب والاخت الفاضلة / عفاف ابو حريرة |
ما شاء الله تبارك الله وقل هو الله أحد ,,, دقر العين عليهم الإتنين الصلاة على النبي , النبي كلكم قولوا ما شاء الله وتبارك الله ، ربنا يحفظهم ويغطيهم ويسعدهم ويعنيهم وسط إخوانهم ووالديهم مبروووووووك اولاد أعمي شيخ العرب وبت القبائل المي خمج يعلم الله عجبني وسرة بالي نجاح وليداتنا إن شاء الله تحضروا جديد جناهم وتفرحوا معاهم وعقبال الدكتوارة يا ابو حميد ويا عروستنا فاتن التهنئة مطبوقة لكل الأهل
ود عمي البشاري عقبال وليداتك يابا قول آمين تبقى عجوووووووووز واحفادك دكاترة عرافك لامن تخرف تنادي الدكتور تقول ليهو ها جنا ها نادي لي الحكيم والله صحي
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: محمد هاشم ابوزيد)
|
سهرنا الليل وكملنا .. في ظلال عيون آل المحرب الفرحانة فرحنا كتير باستراحة التميز فرحت أعماقنا الحزنانة يا نور النوار يا فاتن يا فرح الأفراح يا أحمد أرواحنا عانقت النشوة طربانة جميلة وبتمرح ،
شكراً لكم آل المحرب/أبوحريرة، فقد أسعدتمونا حقاً ، وكان سهرة من أجمل السهرات حيث استمتعنا حد الثمالة بذاك الأداء الرائع والأغنيات الجميلة من المبدعين المغردين ، سيف نورين ومكاوي وياسر العيلفون وهشام درماس وتلك الفرقة الماسية التي عطرت سماواتنا بأدائها المدهش .. فشكراً لكم أحبتي ، فقد أبهجتمونا وأسعدتمونا ، ومعكم ود الموج الذي أضفى (كعادته) جواً من المرح والحبور والسعادة بمشاركة ود الباوقة و ود البوش وود عبدالرحيم (محمد نجيب) ، وفلاشات ود البشاري ، التي وثقت لهذه الأمسية المحضورة والخالدة .
نكرر التهاني للدكتور أحمد والباشمهندسة فاتن ، وندعو لهم بالتوفيق في حياتهم العملية ، وأن تتواصل نجاحاتهم في دروب العلم والعمل .. والتهاني في البدء للعزيزين خالد وعفاف ، واللذان تعاونا بجد ومثابرة حتى تكللت جهودهما بالنجاح الباهر الذي نجني معهما ثمرته الآن ، بتخرج الأبناء : أحمد وفاتن ، والحمد لله قبلاً وبعداً .
تخريمة :
الأخت العزيزة / سامية تحياتي ، Quote: بس اكيد الحفلة من غيري كانت باااااااااااااااايخة (لوووووووووووووول) |
والله بصراحة افتقدناك .. بس بعدين كيف تكون بايخة وممثلكم الرسمي والشعبي ، أخونا العزيز أبو حسين ، كان متواجداً (بكثافة) ، وكان يتالق بهجةً وسرورا ، شفتي كيف ؟
شكراً .. آل المحرب / أبوحريرة .. وشكراً الأمين ود البشاري على هذا البوست التوثيقي .
مودتي ،
( ليمو )
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: abdulhalim altilib)
|
فرحتنا كبيرة جدا ليكم اخوي خالد ابو احمد وام احمد عفاف ابو حريرة ..
دا فعلا يوم الفرح الكبير ..الفرح بقطف الثمار النجاح في الحياة ...الفرح برؤية الابناء وهم يشقون طريقهم ويبدأون حياتهم .
الفرح الكبير بمشاركة الاسرة الكبيرة اسرة بورداب الرياض ..سبحان الله ياجماعة اسرة بورداب الرياض ديل اصبحت تشكل امتداد طبيعي لاسرتنا دا غايتو حسب ماشفت وماشعرت بيه .لانه ماشاءالله كلهم شاركون معنا في تربية اولادنا وعاشوا معنا الساعات والايام والليالي وشاهدوا العيال يمشوا خطوة خطوة ..سبحان الله ...وكان من الطبيعي ان يفرحوا لابوجهينة وخالد وعفاف وغيرهم من الاخوة والاخوات سواء كان تخرج من الابتدائي او الجامعة
ربنا يديم التواصل الجميل وربنا يحفظكم اجمعين ..
مبروك لنا ومبروك للاخ خالد والاخت عفاف وتهانينا لابناء احمد وفاتن ..وربنا يحفظكم من العين
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: الامين موسى البشاري)
|
ألف ألف مبروك للأبناء د. أحمد وباشمهندس فاتن مبروك للأخ خالد والأخت عفاف وربنا يوفقهم بحياتهم العملية ومستقبل مشرق بإذن الله ألف لا بأس عليك يا خالد وربنا يشفيك يا رب
مونج راجع من رحلة بجزر الكاريبي ود البوش دي نفس عصاية المرة الفاتت ولا غيرتها تبعا لسياسة السديري الجديد
ود الباوقة دي ما كانت جمعة كتاحة ياخ ، لسه بدري علشان تشيل الهم من هسه
بشاري أوسكار لصورة ود الباوقة ، وأوسكار آخر لصورة حمودي
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: مها عبد الله)
|
الف مبروك الاخ العمده خالد المحرب والاخت الفاضله عفاف ابوحريره والف مبروك الاعزاء بورداب الرياض وحقيقة انني سعيد سعاده لاتوصف بانني حضرت هذه المناسبه السعيده وشاركت فيها. فهي في الواقع فرحتنا كلنا وبالجد كانت ليله ومااحلاها من ليله .. تحياتي وتمنياتي لي احمد وفاتن بالتوفيق والنجاح والف مبروك ياخالد المحرب وعفاف ابوحريره وتحيه خاصه لكل بورداب الرياض وخاصة صديق الموج مقدم البرنامج...
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: ادم الهلباوى)
|
Quote: يا الامين البشاري
شابكنا من دغش جك جرك تصوير ساهي
وين الصور دي ؟؟؟؟؟ |
طارق ميرغني اها تاني عندك كلام؟ بالامس وجدت المنبر يكتسي باللون الأسود ولذلك ما نزلت الصور
Quote: ود عمي البشاري عقبال وليداتك يابا قول آمين تبقى عجوووووووووز واحفادك دكاترة عرافك لامن تخرف تنادي الدكتور تقول ليهو ها جنا ها نادي لي الحكيم والله صحي |
سوما ....... تحياتي
قصدك الحكيم البشتغل في الاستبالية؟ اصلو غير الحكيم دي ما عندنا ليهو اسم إن شاء الله حال وليدك واجي اصور ليك الحفلة والله صحي
Quote: البشاري الفيك اتعرفت جالس بجوارك الليل كل وما اي صورة |
العمدة محمود بكر
لوم العدو والله قدر ما بحته ما لقيت ليك صورة المرة الجاية اول صورة حقتك
Quote: شوفهم عرقانين كيف ...!!! الناس سألوني قالو لي البعرض دا منو ..؟؟؟ قلت ليهم دا أحمد الشايقي قالو لي لأ دا جعلي ياخ قلت ليهم الليلة قلب.....!!!!! |
اوسكار لأحمد الشايقي يا ابو حسين كيّش ليك الجعليين اهل العرضة ما شاء الله تبارك الله يا مولانا ياخ وعينا بارده
Quote: تحياتي للجميع ..
شكراً ياقريبي على الصور النضيفة وواضحة .. |
عيونك النضيفة يا قريبي فايز تسلم يا حبيب
Quote: ود البوش دي نفس عصاية المرة الفاتت ولا غيرتها تبعا لسياسة السديري الجديد |
النصيحة ليك يا الله السديري جديد لكن العصاية قديمة ومكسورة
Quote: بشاري أوسكار لصورة ود الباوقة ، وأوسكار آخر لصورة حمودي |
شكراً يا مها على الاكسسوارات دي ياخ
Quote: شكرا الاخ البشاري فقد جعلتنا نعيش الفرحة التي حالت الظروف دون حضورها |
ليتك حضرت يا الشامي كان أقلها اتعرفنا بيك يا حبيب
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: الامين موسى البشاري)
|
فرحة تخرج اولاد اخوي واختي خالد وعفاف كانت عظيمة وكل الناس كانت فرحانة بهذا الاحتفال الجميل وكنا نطط فرحا وطربا دون أئ اعتبار لاعمارنا واوزاننا الصور توضح ذلك وخلي اجيكم الفيديو .... غايتو بالفرح الشديد الانسان بكون في حالة خارج السيطرة ... دا تبرير من اسع قبل ظهور الفيديو . . المكان تم اختياره بعناية فائقة فزاد من روعة المناسبة كل الفنانين ابدعوا واجادوا وكانوا فرحانين جدا للمناسبة الحضور الكثيف والجميل هو سر نجاح الحفل اتمنى لكما حياة عملية موفقة المهندسة فاتن والدكتور احمد وهنيئا لكما اخي خالد واختي عفاف . .
Quote: ود البوش دي نفس عصاية المرة الفاتت ولا غيرتها تبعا لسياسة السديري الجديد |
اياها ذاتا يا مها لكن وقعت فيها عين ود الباوقة رجتا رج لكن بركة الجات في عصاتك
شكرا يا بشاري يا فنان
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: طارق ميرغني)
|
Quote: الف مليون مليون مبروك
المبدعين احمد وفاتن
نور بكما الله اعين والديكما
وقد حان موعد الحصاد |
صديقنا العزيز طروقى والاستاذه فوزيه هاشم شكرا لوقفتكم معنا والمشاركه فى اليوم الجميل كان حضوركم كما وكيفا شكرا على الصوانى المملؤه بالباسطه انبسط بها كل الحضور ولا يفوتنى ان اتقدم بالشكر للاخوان د شوقى ود عبد الله وارهم شاركونا وفرحوا معانا لكم منى ومن اسرتى كل الود
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: محمد النيل)
|
الف الف مليون مبروك ومزيد من النجاحات يا ابو أحمد ويا ام احمد ال بيت ابوحريرة هم ال بيت العلم والادب والشهامة والمرؤة والكرم والله الواحد لو ما عنده اي حاجة في الدنيا دي غير انه بطحاني زيه وزي ناس ابوحريرة لكفته . ابو احمد وام احمد احسنوا التربية على قيمنا الاصيلة فاكن ابناؤهم قرة اعين لهم اصالة عن نفسي يا ابو احمد ونيابة عن المدام والاولاد نتقدم بازكي التهاني واعطرها واعتذر لك وللاولاد عن عدم الحضور للاسباب التي ذكرتها لك في المسنجر ولولاها لما سبقنا احد وحتى جيرانكم الاكارم في الرياض في مشاركتنا لكم الفرحة تحياتي والشكر اجزله لاخونا وحبيبنا ود البشاري الزول الكلس
| |
|
|
|
|
|
|
Re: بورداب الرياض يشاركون(خالد المحرب) و(عفاف ابو حريرة) فرحة تخرج ابن (Re: Tragie Mustafa)
|
الف الف مبروك التخرج للأخوان الدكتور احمد والباش مهندسة فاتن وربنا يجعل كل ايامكم نجاحات يا آل المحرب ، بالجد كانت فرحة كبيرة لنا ونحن نشارك في مثل هذه المناسبة السعيدة بعد ان توج آل المحرب هذا الكفاح وهذا النضال بالتخرج ونيل حصاد تعبهم وسهرهم وسفرهم الطويل وهذه نعمة من الله يا يؤتيها إلا لمن احبه الله واصطفاه .. فهنيئا لكم اخي الارباب خالد المحرب واختي الفضلى عفاف ابو حريرة بقطف ثمار تربيتكم وتضحيتاكم ...
وكانت ليلة ما منظورة وليلة ويا لها من ليلة ،،، تسامرنا وتطابينا وتسالمنا وطربنا ورقصنا طربا من تغريد اخوي الفنانين الاستاذ سيف نورين والاستاذ مكاوي والاستاذ هشام درماس فقد فقد جعلتونا نحس بصغر حجمنا مع اداءكم الجميل وروحكم الطيبة ,, أما اخوتي بروداب الرياض فشهادتي فيكم مجروحة لاني واحد منكم وافتخر بذلك فالتحية لكم فقد كنتم نجوم تحيط بأقمار تلك الليلة من بيت آل المحرب وزينتم الليلة بحضوركم الانيق فلكم مني تحية وإجلال .. ومرة اخرى الف مبروك شيخ العرب وعقبال البقية .. وللأخت الزميلة سامية حامد ( تاني ما تخلي الراجل ده وراك ،، ولا عزر لمن انزر ) لوووووووووولز على العموم الأخ ابو حسين ما قصر مثلكم خير تمثيل بس وصيتي دي ما تقع واطة .. تحياتي لكم جميعا ..
ويا ود البشاري انت صورك دي مشيت تحمضها في مدني ولا وين عليك الله .. والله صحي ..
تحياتي : ياسر العيلفون
| |
|
|
|
|
|
|
|