الأسلحة الكيميائية وحقيقة استخدامها في السودان في منتدى ميديكس للحوار
|
|
 حاكوا حاكوا, هم يبيضوا وانتو كاكوا!!
|
أو كما قال الشاعر:
البلوم فى فرعو غنى
ويامناضلين بالسلامة اشرحو الحال لى أهلنا
ترم ترم
أو كما قالت آنطتى نحنا بتوع أكتوبر غيرنا النظام بتلاتة شهداء فقط واهديناهم أرض فاضية فى أم درمان تنطلق منها الحافلات ويبول فيها المزانيق..
أو كما قال الترابى لولا غباء المعارضة لحطم نميرى الحركة اﻹسلامية حتى يقول قائل:
انج على فقد هلك نافع..
قالوا عايزين فضائية
دى تشبه قول الفنان الشعبى المشهور حينها (الله يرحمو)
قال أنا بشوف اللحن الجميل وبحشيهو كلمات!!
الجزيرة ماجابتنا
يجز راسك
هى الجزيرة تخلى دسم بشار وتحلية مصر وتسك مظاهرات رزق اليوم باليوم لافيها ضربة شومة لا قطعة سكين؟
قاليك جامعة الخرطوم قامت
الواحد يظاهر ول يحصل المواصلات البتقيف الساعة تمانية ول يلحق الغدا قبل باقى المتخاذلين يلحسوا الحلة؟
زمان ياعمك على أيامنا كان الواحد عندو سرير مفروش والملاية تتغير كل تلاتة يوم والغرفة تتنضف يوميا وتكون داكى محاضرات الصباح والفراش زهجان منك عشان عايز يخلص شغلو ويمشى..
يقوم يدق الباب ويقول ليك ساعة الفطور جات تمشى تضرب صحنك وتجى تلبس تلحق شوية محاضرات وتكمل الباقى فى ركن دالى وفى بالك الاسبيشال ميل ساعة الغدا, تفرتك ركن دالى وتمشى تضرب صحنك وعليه كاستر أو جلى وتخش فى نقاش عميق عن حرمة الجلى أو كراهتو لعلاقة غميسه بينه وبين مستخلصات الخنزير, تستسلم لراى محاورك عشان تلحق الشاى السادة وتمشى تنوم..
تسمع إعلان عن ندوة بتاعة اﻹتجاه اﻹسلامى أو الشيوعى وتسأل عن المتحدثين واذا متحدثك المفضل مامن ضمنهم تطلب يضمنوه فى أسماء المتحدثين, لو المعلن شيوعى يقول ليك أوكى, وكان بقى اتجاه إسلامى يقول ليك إن شاء الله. ثم توصى بزيادة عدد الكراسى ولاتنسى تذكرهم بالعناية بالميكرفون عشان بتاع الندوة الفاتت ماكان كويس..
فجأة تتذكر أن هناك مباراة كرة طايرة بين بنات هندسة وبنات الأحفاد واﻹتحاد ماسكنوا ناس التمثيل النسبى, فتمشى تكتلا ثم ترجع تتعشى وبعدها تلحق الندوة فى النشاط..
العشا طبعا فول أو عدس ومعاه لحمة محمرة وعشان اللبن مايبرد تقوم تغطى الكباية بتاعة الملامين بصحن الباسطة..
يعنى أمان غذائى وضمان أوضة وسرير مجانى والغسيل والمكوة مدعوم وروتين النشاط الذى لايقطعه غير حفلات استقبال البرالمة ودورى الكليات لكرة القدم الذى نتعلم فيه الهتافات( ناس شمبات رجال الجامعة, وزمنكم فات يادايات وهكذا)..
يكون عندك طاقة عالية وعرمة شديدة لمظاهرة لاتطفئ نارها مظاهرة مارس كل عام..
فى ذاك الزمان حتى المدارس مادون الجامعة بها داخليات يعنى ممكن وسوسة داخل الغرف والعنابر تحددوا موعد وهدف ومسار المظاهرة..
فى إحدى المرات كان عندنا مظاهرة لعمادة الطلاب محتجين على تكرار العدس والفول فى الفطور والعشاء, وكان الهتاف الموحد: عدس وفول مامعقول..
وغير كدا الناس كانت ناضجة فكريا وعقليا بدليل زميلتنا عاشة فى تالتة ابتدائى ( السنة اﻹتغير فيها السلم التعليمى بالنسبة لينا) غابت اسبوع ولما سألنا منها قالوا بقت ربة منزل ولما دخلنا الثانوى العام طفلها دخل الخلوة!
ياخى فى الزمن داك تلقى شفع خامسة وسادسة ابتدائى عندهم ميزانية أمواس حلاقة!!
عايز اقول الأحزاب كقيادات وكأحزاب بأعلامها وشعاراتها المعروفة عمرها ماكانت فى المظاهرات فى الشارع من قولة تيت, يعنى بشاركوا بطلابهم لحدت ما خلالالاص تقررررب تسقط حتى يظهروا ناس جناح امجكو وناس اللياقة وناس الجلابية باب حمام وناس شعار المريخ..
تلقى حزب البعث اسمو جبهة كفاح الطلبة, واحد تلقاه بصلى على لينين لحدت نقد مايستغفر يقولوا ليك ديمقراطى, وتلقى مؤتمر الطلاب المستقلين وهكذا وهلم جرا..
فى ذاك الزمان فعلا كانت جامعة الخرطوم وماحولها من ثانويات (ناس يونيتى والتجارية) ومن لف لفهم هم وقود الثورة وشرارتها..
يعنى لاكان فى فيس بوك ولافيك بوس ولاسودانيز فى الخط كلوا كان لايف, تعمل قبل ماتقول, والى القصر حتى النصر وياخرطوم ثورى ثورى ضد الحكم الديكتاتورى, وكم فى الخطوة بتلقى شهيد بدمو بيرسم فجر العيد ومابنتراجع..
الآن جانا السايبر وناس مصر وناس تونس قلبوها من السايبر, اها أجرى نلحق نقلبا من السايبر وهاك ياكيبورد..
لكن بننسى أن كل أو أغلب البتواعدو فى الفيس بوك بتقابلو فى ميدان التحرير, وقبل مايتقابلوا بكون حددوا كل تفاصيل حركتهم وشعاراتهم..
نحنا ياحرام مقسومين على اتنين تلات ارباع بكتبوا وبوصفوا وربع يمرق الشارع وبطنوا خاوية وماعندو حق المواصلات..
يجى الدعوة للدعم المادى وتكشكش دولار دولار يقولوا ليك الضمان شنو يصل واحتمال واحتمال, هى ياحاج وياحاجة اعتبروا دولار شالو الهوا وطار يعنى شنو, اعتبرا كباية قهوة اندفقت...
فى حاجة مهمة عارفنها الكيزان والباقين ماعارفنها...
أكتوبر وجزء من منازلة مايو حتى 76 وأبريل 85 الكيزان مشاركين فيها بفاعلية وخصوصا أبريل لأنها كانت مسابقة مع الزمن ومسألة حياة أو موت بالنسبة لهم..
الآن العامل دا أصبح ماموجود,بل أصبح ثورة مضادة والناس ديل فى التنظيم وحشد المظاهرات أقوى من حزب البعث والشيوعى والوطنى والزين عابدينى..
أكتوبر عندما اتحركت كان اﻹشو المرفوع إنسانى بحت وهو لا لحرق الجنوب والجنوبيين ولذلك الى الثكنات ياعسكر, وهذا الشعار التف حوله الجميع..
وأبريل كانت لأسباب اقتصادية مقرونة أيضا بتضامن مع الجنوبيين وحقوقهم المشروعة..
وقبل اليوم ومنذ 1989م تحركت جحافل المجاهدين لتقتل بالملايين فى الجنوب وقادة الأحزاب يصلون الجمعة أسبوعيا فى مساجد أجدادهم ويدعون للسلطان عبد الحميد بالصحة والعافية..
ثم جاءت نيفاشا بطفلها تقرير المصير وأئمة المصلين من الأحزاب وقادة الأحزاب قاعديين يسمعوا باليسار ويفضوا باليمين..
وقلبت الحكومة على دارفور وبورتسودان وجبال النوبة وجنوب النيل الأزرق, وقبلها حركات مسلحة فى الشرق ونحنا فى تهتدون وترجعون..
خليل الله يرحمو جاهم لحدى أمدرمان ودق أبوابهم وبيان بالعمل لم يصب أى مواطن بأذى رغم أن جنوده جاءوا ووجدانهم مفعم بنياح الثكالى وعيون الأيتام تركوهامحفورة الأغوار ذابلة البريق..
فتاوق أمامنا من شرفته وكون فكرة عميقة ومفصلة عن الفرق بين جنوده فى 76 وجنود العدل والمساواة ووصل لخلاصة تلاقت مع خلاصة الحكومة..
حكمة مرورية:
لو كنت سايق عربية ووصلت مفترق طرق وماعارف تمشى يمين أو يسار توقف حتى تعرف
حكمة سياسية:
لو كنت سايق عربية وصلت مفترق طرق وماعارف تمشى يمين أو شمال, برمج العربية واقعد فى المقعد الخلفى وخليها توصلك وقبل المحطة الأخيرة نط فى كرسى القيادة عشان احتمال الفرامل خارج البرمجة..
وخلى شعارك كقائد دايما:
حاكوا حاكوا.. هم يبيضوا وانتو كاكوا!!
|
|
  
|
|
|
|
|
|
|
 Re: حاكوا حاكوا, هم يبيضوا وانتو كاكوا!! (Re: تيسير عووضة)
|
| Quote: تسمع إعلان عن ندوة بتاعة اﻹتجاه اﻹسلامى أو الشيوعى وتسأل عن المتحدثين واذا متحدثك المفضل مامن ضمنهم تطلب يضمنوه فى أسماء المتحدثين, لو المعلن شيوعى يقول ليك أوكى, وكان بقى اتجاه إسلامى يقول ليك إن شاء الله. ثم توصى بزيادة عدد الكراسى ولاتنسى تذكرهم بالعناية بالميكرفون عشان بتاع الندوة الفاتت ماكان كويس.. |
دا لمن المعارضة كانت في خدمة الشعب !
| |
|
|
|
|
|
|
|
|
 Re: حاكوا حاكوا, هم يبيضوا وانتو كاكوا!! (Re: Balla Musa)
|
و الله الموضوع بالجد يحير يا بله يا صديقي..
من غير جزيرة و عربية و تويتر و فيس بووك..قامت اكتوبر و قامت ابريل..و الليلة الحجة بقت الجزيرة ما جات؟..
علي بالطلاق الذ شعب على وجه الأرض,,!
بكرة نقاطة البترول تفتح..و كل زول يرجع يغالـــــط لحق الشريحة و يا دار ما دخلك شر..!
محتاجين نتمسح كلنا من وجه الأرض..و البعدنا يبدأ من اول..!
كبر
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: Balla Musa)
|
| Quote: دا لمن المعارضة كانت في خدمة الشعب ! |
ياتيسير
فعلا فعلا
أنا متحدثى المفضل كان ابن عمر محمد أحمد اتكيفت منو 24 قيراط لما هدد برجنيف رئيس اﻹتحاد السوفيتى قائلا:
إن لم تخرج من أفغانستان لأرسلنا إليك فتية من اﻹتجاه اﻹسلامى هزوا عرشك!!
مرة طلبتو قالوا لى ابن عمر مافى لكن فى التجانى عبد القادر, والمعركة كانت بين الحر المباشر (كيزان) وائتلاف التمثيل النسبى (باقى التنظيمات ومعهم الجمهوريين) .
مشيت الندوة فى النشاط وقدموك يا التجانى وقبض المايك وبدا باقتباس من سورة الكهف: يقولون ثلاثة ورابعهم ######هم وخمسة وسادسهم ######هم...الخ
والقصد معروف الجماعة زايد الحزب الجمهورى..
تانى يوم الصباح العنوان الرئيسى فى جريدة الفكر الجمهورى:
إنهم فتية آمنوا بربهم وزدناهم هدى
المهم الواحد كان مجهجه يدى صوتو لمين فيهم
وكنت أميل للتمثيل النسبى لفتحه لمباريات الطالبات فى ميدان فلسطين
لكن دالى فى ركنوا قال لو جبتونا فى اﻹتحاد بنوقف الباسطة واللبن عشان الطلاب يحسوا بمعاناة الشعب السودانى..
وهذا جعلنى أصوت لمرسى وشفيق معا!!
------------
بالمناسبة دى أقول لدالى: ياخى الواحد أول مرة يحس بمعاناة الشعب السودانى لما لقى الحلة الكبيرة مليانة موية وفوقا لوح تلج مطفح وانت فى الصف ماشى تجر صينية الغدا.تكتح "كوز" وتقول أحححح من كد وجد!
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: Balla Musa)
|
| Quote: كنت اتوقع تطرقك لما يسمى الان بالغواصات واراها تغوص عميقا في ايامنا هذه فماذا عنها في تلك الايام .. |
كيفك يامعتصم
وكفارة يازول
يا ابونون ياخى الأيام ديك فى صدق عجيب وأى زول بيمتحنوا مبادؤوا..
تصدق حتى حمارك بكون صادق وبيمتحن مبادئك:
مرة واحد من جهتنا كان سكير وجات محاكم العدالة الناجزة
وأول يوم قبضوه حلف مايندق فى صلبو
قالهم ادونى الأربعين صوت فى ضهرى واردفوا حقات بكرة, حرم مابخلى السكر عشان بنات عمى يضحكن يقولن خلاهو خوف من الجلد..
أها بقى كل يوم يقبضوه بحمارو ويرسلوه الخيمة
يوم العساكر غابوا وهو طلع لط مابشوف قدامو يالله ويامين ختوه فوق سرج حمارو
قوم يالحمار أغشى المحطة الأولى الهى الخيمة
الجماعة مرقوا وقبل مايجلدوه قالوا له ياخى جايى براك
قال ليهم انتو منو
قالوا له ناس الخيمة
أخد ال40 جلدة واتلفت للحمار قال ليهو: اها ان شاء الله يدوك شريط.
أها عليك الله دى حالة ينفع فيها تغويص؟؟
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: Balla Musa)
|
| Quote: المهم الواحد كان مجهجه يدى صوتو لمين فيهم |
تصدق وتآمن يا دوك
كان معاي صاحبي (شيوعي)، حالف دينو وايمانو الا يصوت للكيزان، قال:
لامن اجي الصفرة مسطول نص الليل متأكد بلقى لي عشاء
اخدنا لينا وقفة تحت العمود
جيت لقيت المرة لابسة وماشه كارفور
رجعت ونسيت كنت واقف وين
دخلت على بوست قرشينا وبالامارة قلت ليهو يزور البوست ده
وهسه جيت لقيت تيسير قابضة الجو
اها وصلتو وين؟
سقطت ولّ لسه مع الباسطة والحليب
اكتر حاجة عجبتني المتخاذلين بتاعين الحلة
والماكرفون حق الندوات، ديمة خسران
طبعاً ما عدا بتاع انصار السنة، سنين سنة ما عادية
والله نسمعه يلعلع في البركس، ويا ويلك لو بتذاكر في المين
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: الشفيع وراق عبد الرحمن)
|
ياتيسير
النوستالجيا حلوة خصوصا لو سرحت كدا واتخيلت نفسك رئيسك فى العمل مستر براون وانت لابس رداء وقميص أبيض وبعد الشغل مشيت دار فوز قابلت خليل فرح وانت داخل عليهم لاقتك زهرة روما ماشة تحش قش التناقير..
المهم يازولة الناس زمان كانوا مدققين جدا
فعمنا على الغاسم ( هكذا ننطقها) كان فى لجنة رئيسها حسين النور لتطوير الحلة..
حسين النور شيوعى جناح السيد على
كان دايما بعلن عن نشاط لجنتو يوم الجمعة بعد اﻹمام مايخلص صلاة
قام قال لناس اللجنة بكرة تتحركوا عشان نخلص مهمتنا
عمك على الغاسم قال ليهو عندى سغال ياحسين:
حسين: أها سؤالك شنو؟
قال ليهو:
نمشى كزا لجنة ول كزا زول
واحد جنبى قال لى عليك الله شوف البربوظشن دا كيف؟
الواحد من الزمن داك عرف يعنى شنو بربوظشن والفضل يرجع لعمنا على الغاسم!!
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: Balla Musa)
|
يا دكتور بلة
أقرا كلامك أصدأك.. أشوف صورة بروفايلك أستعجب...!! :)
عالم قديمة بشكل!
أما إذا دار محور سؤالكم عن "جوهر" البوست.. فلكل حادث حديث ولكل زمن أدواته..
استمر في حديث الذكريات والنوستالجيا... فهو ينعش الذاكرة الشائخة..
تحياتي
| |
|
|
|
|
|
|
|
|
 Re: حاكوا حاكوا, هم يبيضوا وانتو كاكوا!! (Re: rummana)
|
Quote: كان معاي صاحبي (شيوعي)، حالف دينو وايمانو الا يصوت للكيزان، قال:
لامن اجي الصفرة مسطول نص الليل متأكد بلقى لي عشاء |
الشفيع ياوراق
شكلك كنت بتاع قعدات!!
واحد زميلنا من النافذين فى الحكومة الآن, كان مطموس ولما نكون زهجانين ونحنا برالمة فى أربعات كنا بنعمل حلقة زار أو رقيص عروس..
أها الزميل المطموس آنذاك والنافذ أوى الآن كان بلف الملاية وبرقص وبنغنى ليهو جات تعوم بسديرا دى الرايقة, الليل والليلة دى الرايقة..
مشينا فى الجامعة نمد سنة سنتين بقى كوز والآن فى منصب دستورى مرموق..
ناس ابن عمر والتجانى عبد القادر وأمين بنانى والجميعابى الكانو نجوم اﻹتجاه اﻹسلامى فى الجامعة راحوا بح. دنيا يا الشفيع دنيا ..
ياخى مادام العشاء كان بيألف قلب الشيوعى المسطول, ماهو الداعى لثورة التعليم العالى وتقطيع أوصال حلة اللبن وصينية الباسطة؟
عليك الله شفت الزمن داك يا الشفيع, ياحليلو زمان الواعى كان فى ذمة السكران, ويا ليلى ليلك جن!!
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: Balla Musa)
|
| Quote: أقرا كلامك أصدأك.. أشوف صورة بروفايلك أستعجب...!! :) |
يارمانة
هذا البروفايل أهش به على غنمى!
انت ماسمعتى:
تيسى يعلف القش
ويذبح وهو شبعان؟
نحكى ليك قصة من قصص هذا المفكر السودانى جعفر محمد نميرى
والقصة حكاها لى الصحفى محمد فضل على الذى كان عضوا فاعلا فى شباب اﻹتحاد اﻹشتراكى والذى ينشر كتاباته الآن بموقع سودانايل:
قال محمد: سمع من الشيوعيين فى القاهرة أن نميرى حضر حفلة لحنان بلوبلو وكشف معاها وذلك إبان إقامتهما (نميرى ومحمد) بالقاهرة..
تانى يوم الصباح سأل محمد نميرى عن صحة ذلك
فقال له نميرى: إنت بالذات يامحمد ماتتكلم
سأل محمد: ليه ياريس؟
أجاب نميرى: شابكنا الغو الشريعة ألغو الشريعة أها عايزنا نلغيها ليك كيف!!
فقال محمد: قلت فى سرى بالله شوف المعتوه دا عايز يلغى الشريعة وهو فى المنفى بالكشف مع حنان بلوبلو؟
أها عليك الله إنسان مبدع زى دا موش مفروض نضعه فى البروبايظ؟
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: ود الخليفه)
|
في مسجد ترهاقا، اختلفوا على الامام
الكيزان والاسلاميين جابو احمد قاسم، والمؤتمرجية واهل اليسار اصروا على عمر الدقير
وبقى في امامين
ده ينتهي
يجي البعده
عملو اجتماع بقيادة انصار السنة
دار نقاش كتييير
نط اخونا زينكوف:(شوفو يا كيزان يا عواليق، تكتروا تقللو، والله نعمل استفتاء ونجيب ليكم "احمد ادم، وكان شيوعي لط، الحمده ما حافظها)
دي بمناسبة اللادينيين البيدعو للمظاهرة من المسجد يوم الجمعة
| |
|
|
|
|
|
|
|
|
|
Re: حاكوا حاكوا, هم يبيضوا وانتو كاكوا!! (Re: الشفيع وراق عبد الرحمن)
|
حكي ممتع يا بله أعاد لنا بعض ذكريات جميلة من البركس وسفرة الغالي ودبيل الباسطة و.....
أتفق معك أن ثوار مصر وتونس كانوا يستخدمون الفيس بوك والانترنت للتنسيق للفعل وعلي الواقع ولكن في الحالة السودانية تستخدمه النخبة لإستعراض النتائج
| Quote: فقال محمد: قلت فى سرى بالله شوف المعتوه دا عايز يلغى الشريعة وهو فى المنفى بالكشف مع حنان بلوبلو؟ |
حتي وإن قالها محمد وأقصد كلمة المعتوه فليس من الحصافة أعادتها هنا والرجل في ذمة الله وكما إستنتجت إنك ومحمد كان بينكم والرجل توادد
| |
|
|
|
|
|
|
| |
Balla Musa
الشفيع وراق عبد الرحمن
معتصم محمد صالح
Kabar
rummana
ود الخليفه
أسامة البلال
عصام علي أحمد
فيس بوك
تويتر
انستقرام
يوتيوب
بنتيريست