|
Re: منسق ولاية الخرطوم بجزر القمر اي والله صحي (Re: ABUHUSSEIN)
|
ابوحسين الموضوع جاب ليهو حاجات تانية الوفد التاني المشى قال ليك شال معاهو بذور محسنة لانو جزر القمر عندها مشكلة بتاعة تدني انتاجية يعني خلاص تقول نحن محاصيلنا مدفقة برة التقاة * وبرضو شالو معاهم اغنام هولندية كويس انو ما ودو ليهم فحول حمرية
ــــــــــــــــ لابوحسين ومن لف لفه التقاة هي : مكان تجميع المحصول في الحواشة
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: محمد جلال عبدالله)
|
Quote: قال في وفد مشى عشان موضوع مكافحة امراض جوز الهند اي والله صحي |
وهاك ديل ما قالوها لي عارفاها حقيقة السنة الفاتت وفد من وزارة اتحادية قرر يسافر اجتماع اقليمي لمنظمة من منظمات الامم المتحدة خاص يدول جنوب المحيط الهادي لمشكلة صحية تتعلق بالمنطقة استغربت المنظمة و ارسلت تستفسرو عن بواعث حضور السودان اجتماع كهذا لا علاقة للسودان به من قريب او بعيد.... ارسلت موظفة الوزارة التي تقوم بالتنسيق خطاب استفسار المنظمة للوزارة المعنية للرد جاءها الرد بالتلفون نحضر بصفة مراقبين و انتي دخلك شنو حنسافر حنسافر . دا خليك انو في واحدة سافرت في وفد رسمي عشان تشتري هدوم قطنية لاولادها واحدة تانية سافرت عل حساب حكومة السودان بالبسنس كلاس و قالت السفرية دي حتشطب لي البيت وعلى هذا قس
------------ تحياتي غايتو الجماعمة اليكنكشو كويس في النظام لانو امانة ما تطلع فضائح
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: Ashraf el-Halabi)
|
محمد جلال بماإنك سلفي وكدة حنخليك منسق شرطة المجتمع لولاية سنار بهيئة ام الحمام بالرياض لوووول
نازك هل اتاك الخبر ده وزير البيئة والتنمية العمرانية ومعاهو وفد قدر الضربة مفروض يمشو مؤتمر في جمهوية كازاخستان انتهى بهم الامر في عاصمة تتارستان وقال شنو هو استغرب انو مافي شخصية رسمية استقبلتهم الكلام الفوق ده صحيح يا اخوانا ووالله ما بهظر واقرو عمود عبدالباقي الظافر بتاع امس في اخر لحظة
اشرف يا حلبي اخدت لي 5 يوم في السودان وونسة بيت البكا ما بتعجبك غايتو الطلعت بيهو انو الحكومة ذات نفسها ديسبريت لدرجة انو المعتمد السابق بتاع حلفا بيحفر في بيت حكومة لانو في فكي قال ليهو البيت تحتو كنز حيحل الازمة الاقتصادية والعملية دي بتم برعاية شرطة ولاية كسلا
شفت العوجة اللي نحن فيها
سنعود بعد قليل لمراسلنا من جزيرة موروني عاصمة جزر القمر ليحكي لنا عن قصة سمك البلطي
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: ناذر محمد الخليفة)
|
هندسة مشتاقين تعرف قبل كم شهر كانو عاملين برنامج في الفضائية عن دولة جزر القمر وكان في واحد من جماعة احسب ديل بيحكي عن دولة جزر القمر وختم كلامو بانو بينصح السودانيين لاحظ السودانيين يجو يستثمروا فيها لانو فيها فرص استثمار كبيرة جدا طبعا هو بقصد سودانيين ما ليزيا ما ناس قريعتي راحت
ياخ الكيزان ديل عايشين في سودان غير سودانا ده نهائي
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: د.محمد حسن)
|
سلام يا ناذر جيت في ظروف عزاء سريع كدة ورجعت
يا ودالحسن الكيزان طبعا مفتكرين الشعب السوداني ده زيهم كدة وعندو فايض بتاع استثمار في جزر القمر كمان اخونا بالله منسق جزر القمر ده برضو كان بيتكلم عن كدة برضو واحدين ماشين يعالجو جوز الهند وواحدين ماشين يزرعو بلطي في بلد كلها جزر وسمكا ما عارفا تودي وين تكون بلقو ليك وظيفة ان شاء في جزر القمر زاتا اصلو ما بغلبهم هسي تفتكر اخونا بالله يكون اتذكر ورسل استقالتو لوالي الخرطوم في اطار التقشف الحاصل ده ولا عمل حميل
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: Hadeer Alzain)
|
يا هدير المحن الكيزانية ما بتنتهي خلق الوظائف الوهمية والصرف عليها من مال الشعب السوداني على حساب علاجه وتعليمه ورفاهيته يعني شنو منسق لولاية الخرطوم بجزر القمر ؟ سفارة في جزر القمر زاتا ما في داعي ليها مفروض يكتفور بسفارة في دولة مجاورة وتعيين سفير غير مقيم سأحاول البحث عن اي توأمة اخري لولاية سودانية مع مدينة اخرى واتاكد هل هناك وظيفة بالمسمى ده
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: محمد إبراهيم علي)
|
Quote: نازك هل اتاك الخبر ده وزير البيئة والتنمية العمرانية ومعاهو وفد قدر الضربة مفروض يمشو مؤتمر في جمهوية كازاخستان انتهى بهم الامر في عاصمة تتارستان وقال شنو هو استغرب انو مافي شخصية رسمية استقبلتهم الكلام الفوق ده صحيح يا اخوانا ووالله ما بهظر واقرو عمود عبدالباقي الظافر بتاع امس في اخر لحظة
|
ياخ سيبك من نازك دي .... غير إنها تحرف ليك مسار البوست ما بتعمل حاجة ... الوفد دا مشى كداري و ل شنو ...؟؟؟ و ل تكون جات عاصفة شالت الطيارة دي و وددتها جمورية شنو ستان دي ..؟؟؟
نازك إزيك (صاحب البوست دا الصباح كان معاي مافي داعي أسلم عليه)
| |
|
|
|
|
|
|
Re: منسق ولاية الخرطوم بجزر القمر اي والله صحي (Re: ABUHUSSEIN)
|
حديث الوفد الرايح يا ابوحسين سنحوله الى بوست اخر فما تحرف لينا الموضوع وخلينا في جزر القمر السيد المنسق قال انو بعول
Quote: -أنا رابع سوداني يقيم بالجزيرة بعد كل من الدكتور حامد إسماعيل والسفير غير المقيم عبد العظيم الشيخ ومحمد الياس، ونعول كثيراً على الشراكة بيننا والقمريين، ودورنا كبير في ظل وجود مكتب تنسيق لولاية الخرطوم بالجزيرة القمرية. |
ولاية الخرطوم عملت ليها وزارة خارجية على قفانا ونحن ما عارفين
| |
|
|
|
|
|
|
|