|
|
 أهؤلاء من تريدون أن يحكموا البلد ؟! وثائق خطيرة جداً وحصرية (صور)
|
الوثائق التي سأنشرها اليوم ستثبت وبما لايدع أي مجال للشك مدى ولوغ من ستأتي أسمائهم في مستنقع العمالة والإرتزاق الآسن
وستثبت أيضاً مدى بعدهم (السحيق) عن هموم ومشاكل من يدعون النضال بإسمهم والدفاع عن حقوقهم ، والحقيقة الدامغة هي أنهم لايعملون سوى لأنفسهم فقط .
اليوم سيحصحص الحق وتعلو شمس الحقيقة لتمحو ظلمات نفاقهم وتكشف عورة عمالتهم وبيعهم الأوطان بحفنة من الدولار واليورو .
|
|
 
|
|
|
|
|
|
|
 Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: محمد فرح)
|
1- عبدالعزيز الحلو
الوثيقة الأولى
جواز سفر يوغندي بالرقم B0B34356 تم إستخراجة بتاريخ 20/8/2008 وساري حتى العام 20/8/2012
ماخد الجنسيه اليوغنديه ومدون إنو مولود في مستشفى ملاقو (اكبر مستشفى في كمبالا) ومسجلين مهنتو (رجل أعمال) ودي الحاجه الوحيده الصدقو فيها لأنو فعلاً رجل أعمال يتاجر بهموم وقضايا شعبه ويبيع وطنه بثمن بخس
الوثائق دي تثبت ولوغ الحلو في مستنقع العماله وأيضاً تورط يوغندا تماماً والتقيل حيجيكم لمن تشوفو الأرقام (الفلكيه) الموجوده في الحسابات
صورة الجواز اليوغندي
وثيقة بنكيه من بنك Standard Chartered
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: أيمن دياب)
|
منحت الإنقاذ / جواز سفر دبلوماسي للأستاذ/راشد الغنوشي وكثيرين من الشخصيات الاسلامية المعارضة لأنظمة الحكم في دولهم
ويحكم الغنوشي او حزبه اليوم تونس الخضراء
فهل رفض التوانسة حكم الغنوشي بجوازه السوداني الاخضر حكم تونس
عليه يبقى السؤال
أين هي خطورة الوثيقة وحصريتها ؟؟؟؟؟؟؟
بالمناسبة لست من مناصري الحلو !!!!!
ولكن حكايتك دي حكاية زول بيفلق في روحه
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: أيمن الطيب)
|
Quote: سلامات يا محمد فرح,,,
وين المشكلة !!!! كدى شوف لينا حملة الجوازات الأجنبية من الدستوريين والوزراء عندكم والآن,,
حساباتهم أعمل رايح منها!!!
عليك الله أبدأ لى من حمدى البدا التخريب المؤسس دا وهسة دخل العالم دىل كلها فى الجحر الضيق دا!!
تحياتى.. |
أيمن الطيب
أصلو إنت قايلني زول وللا ثعلب
أنا جبت ليكم الحلو وعرمان ومناوي وعقار
إنتو برضو إتشطروا شويه وجيبو جوازات الدستوريين القلتهم ديل
عشان مايبقى ساي
نحنا اصلو كلام قلنا وقالو ده ماعندنا
بنرش بالمستندات طوالي
مؤونة عام من الود
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: مزمل التريكى)
|
انا قبل كدة اديتك اقرب وصف ليك لكن بكرى الله يديه العافية
صقعنى بايقاف لمدة شهرين لفيت الشهرين صينية ...
عليك الله ناس الامن البيستخدموك ديل عندهم ذرة مخ ؟؟؟
بالله اقيف واسال نفسك سؤال محدد :
بافتراض انو وثائق دى صحيحة وبافتراض انو هم عملاء
انت بترفض انو ديل يحكموا البلد ... كويس انا معاك
طيب نشوفك انت الحريص على البلد من العملاء عملت شنو :
1- مالك عقار مش هو نفس الوالى فى حكومتك طيب وكت انت عندك
مستندات زى دى كيف سمحت ليه بالترشح وادارة شؤون ولاية فى حكومتك ؟؟
2- منى اركو مناوى : مش هو نفسو مساعد رئيس الجمهورية ولة دة اسم مشابه ؟؟
3- ياسر عرمان : مش هو نفسو زعيم الحركة الشعبية المشاركة فى السلطة حتى قبل الاستفتاء
وعلى هذا قس ...
طيب انت كنت بتتعامل مع العملاء ديل ليه ؟؟؟
واشمعنا ترفض على الاخرين التعامل معهم ليه ؟؟
يا اخى قسم بالله انا شئ واحد محيرنى ..انتو وكت امنكم وساستكم بالغباء دة كلو
ماسكين البلد دى المدة دة كله بكجور ولة شنو ؟؟؟
قرف يقرفك يا اخى
| |
|
|
|
|
|
|
|
 Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: هشام عباس)
|
مرّة في بلدية أبو ظبي، مشيت ازور وآحد صاحبي. المُراسلة الجاب
لينا الشاي صعيدي. صاحبي قال لي: تعرف المراسلة دا، لمآن جاي
الأمارات الصعايدة قالوا ليهو: أهمّ حاجة الدواز، ولو حدي قالك اديني
الدواز ما تديهو.
أها، الصعيدي لمان جا في مطار أبوظبي ضابط الجوازات قال ليهو
أدينا الجواز. الصعيدي قال ليهو: اديّك الدواز، احححححأ.
قلت وكت اصلي جيت بجاي أجبر بخاترك يا ود فرح.
والله صحي.
مؤنة وُد من العام،
ولى ايّ حاجة غيرها لو ما لفقت.
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: محمد فرح)
|
دا شغل لوجستي ياجبهجي .....الوكت الكانو بحاربوفيكم و بكتلو فيكم ذي الضبان في ادغال الجنوب وفي جبال النوبة والجبهة الشرقية....كنت دايرهم يجوا يطلعو جوازات من المكتب الخاص في وزارة الداخلية ولاشنو؟ولا العلاقات البينية ...
قال مناوي عندو جواز انجليزي وبالميلاد ولا حتي بالتجنس كمان تكذب وتتحري الكذب بشكل مرضي انت....
اسمع انا عندي وثيقة نرويجية تقييمها شنو عندك؟ وقطبي المهدي مواطن كندي العميل اكتر منو فينا؟؟
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: ود الباوقة)
|
Quote: 1 - بنك افريكا ناشونال فيهو مبلغ وقدره 5.4 مليون دولار
2- باركليز بنك وفيهو مبلغ وقدره 9.7 مليون دولار
3- شتارد بنك وبه 19 مليون دولار |
يامحمد فرح يا امنجى
ضعف المبالغ دى قبضوها فى بيت قطبى المهدى وعملات من كل الدول
المبالغ دى ممكن اقل كوز معفن يكون شايلا فى شنطه وطالع بيها من مطار الخرطوم
عينك ياتاجر
مؤنة الف عام من الطوب الحرارى فوق راسك الفاضى دا
قول آميين
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: Abureesh)
|
يعنى هسى انا عندى
1- جواز اجنبى
2- حساب فى بنك اجبنى باليورو
3-رخصية قيادة من الاتحاد الاوربى
4- ولية اجبية وبتها زاتا اجنبية وما بتعرف عربى
ابقى عميل وقاعد اعمل يعنى
محمد فرح مؤونه الف سنه من العوارة
-------------------------------
غايتو الكيزان ديل وناس الامن مخسرين نفسم كمبيوترات وبرننتر وفتشوب وفاكس وشغلكم زاتم فى الفتشوب شين لمن بيغادى
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: Abureesh)
|
للآن كذبتك عن البشير في ميدان جاكسون حبرها ما جف
(زيادة علي كذبات نادية صابون والكهرباء وكذبات أخري إعترفت بيها بعظمة كيبوردك)
يعني المصداقية زيرو
ونزيدك من الشعر بيت
زي وثائقك دي أدخل لي أي محل تصوير مستندات
أعمل ليك أحسن وأجمل منها في خمسة دقائق
وألصق فيها أي صورة دايرها من البشير
وحتي أصغر كوز حرامي واقف في راكوبة جبايات في المزموم
جهاز الأمن والمخابرات:
بؤس وقلة حيلة
| |
|
|
|
|
|
|
|
|
|
Re: أهؤلاء من تريدون أن يحكموا البلد ؟! وثائق خطيرة جداً وحصرية (صور) (Re: Nasr)
|
Quote: وحتى ينكشف للجميع مدى عري هذا الشخص
على الاقل كان تراعي سنك قبل أي حاجه ياخي |
يا زول وثق ساي انت لسه شفت حاجة
انا وراك لحدي ما تنطرد من هنا للمرة الثالثة وإن شاء الله ح تكون الاخيرة
مجموعة بتاعة أغبياء جيين هنا تستغفلوا الناس وتقلوا ادبكم إنت قايل في زول هنا صدق وثائقك دي
انت قايل بنك باركليز دا مديرو الفاتح عروة ؟ عشان يكشف ليك اسرار العملاء .. ياخ احترموا عقول الناس ..
____________________
يا ود الباوقة شايفك في بوست مجاور قلت لاقيت محمد فرح
اللاقيتو فيهم دا كان اسمو منو ؟ الجماعة ديل كتار
| |
|
|
|
|
|
|
| |
محمد فرح
ابوعبيدة النعمان
معاوية عبيد الصائم
فايزودالقاضي
ناصر المحسى
عبدالكريم الامين احمد
مرتضى احمد عبد القادر
أيمن الطيب
نيازي مصطفى
عبدالوهاب علي الحاج
Omer Abdalla Omer
ماضي ابو العزائم
محمد أبوالعزائم أبوالريش
هشام عباس
حافظ انقابو
معاوية المدير
حسن الجيلى سعيد
Mudather Kunna
خضر الطيب
Abureesh
amir jabir
حامد بدوي بشير
Nasr
جمال خضر
فيس بوك
تويتر
انستقرام
يوتيوب
بنتيريست