|
|
 للاقتصاديين.. هل ممكن الدوله تعتمد في ميزانيتها علي مورد ما في يدها؟؟
|
في تحليل اقتصادي لتعديل ميزانية الدوله لموافقة الاجراءات التقشفيه
ذكر احدهم في برنامج الاخبار الصباحي ان الميزانيه كانت تعتمد علي
رسوم عبور البترول والتي كانت تشكل 28٪ من الميزانيه السابقه ...
بنسال : هل ممكن تعد ميزانية لدوله اعتمادا علي مور غير مقبوض في اليد
او علي الاقل مورد مغطي بمستندات قبض؟
|
|
 
|
|
|
|
|
|
|
|
Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: مني التجاني)
|
| Quote: 28٪ من الميزانيه بيعني اكتر من ربع الميزانيه ايراد طائر في الهواء !!! |
إقتصادياً ومحاسبياً يا منى ما اسمها طاير في الهوا طالما عندي عليها مستندات (أصلاً مافي ميزانية بجيزوها من غير مستندات)
ومش 28% بس، لغاية نص الميزانية ممكن يكون بالشكل دا
وطبعاً ما أكتر من النص بأي حال من الأحوال لأنو كلمة الميزانية نفسها جاية فكرة الموازنة بين الإيرادات والمنصرفات يعني 50%/50%
دا بصورة عامة
كونو عندنا مجموعة بتاعة حرامية حاكمين البلد وبيستغلوا ويتلاعبوا بقواعد المحاسبة والإقتصاد المتعارف عليها عالمياً لصالحهم فدا موضوع آخر ..
| |
|
|
|
|
|
|
|
 Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: تيسير عووضة)
|
سلامات أختنا منى,,Quote: بنسال : هل ممكن تعد ميزانية لدوله اعتمادا علي مورد غير مقبوض في اليد
او علي الاقل مورد مغطي بمستندات قبض؟ |
ايوة ممكن,,
طالما إنت موردك الوحيد والفضل هو الشعب الفضل!! وأنت تعتقد إنك قابض على رقابو وخناقو
و حتى لو سلفا أنت بنفسك حطمت أمامه كل مشاريعه المنتجة وطاردته بالجبايات والضرائب والجمارك
على كل مدخلات الإنتاج طالما لم يكن مواليا,,,,فااا شنو!!ممكن تعمل ميزانية معتمدة على المصدر
الهلامى دا وبكامل مستنداتها!!!
ويبقى السؤال,,,
موردك دا كان قام قاليك مافى ليك لأنو اصلا إنت ما خليت لي شى!!
أو خرج الشارع يطالبك بالقصاص على جرائم قديمة وسرقات ونهب
متجدد كل يوم,,
تقول يا منو!!!!
تحياتى
| |
|
|
|
|
|
|
|
|
|
Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: أيمن الطيب)
|
كل الميزانية عبارة عن توقعات للإيرادات غير مقبوضة فعلا ما عدا سد العجز ان كان هناك او احتياطيات سابقة لم تستغل وموجودة فعلا
وعلية إيراد. قيمة النقل من بترول الجنوب ما فية غبار وزينها وزي تقديرات الجمارك والضرائب او رسوم سوف تدفع لاحقا خلال السنه المالية للميزانية
ولكن لخبراء ان يضعوا في اعتبارهم معقولية الدخل بمعني اذا كان إيراد بند معين في الميزانية هذا العام الف جنية ويتوقع نمو بنسبة عشرة بالمائة فلا
يوجد مبرر لإدراج القيمة المتوقعة للسنة القادمه الف وخمسمائة جنية لأنو شبه مستحيل تحقيق الربط وعندها ستكون لديك ميزانية غير حقيقية لن تقابل مصروفاتها
إيراداتها او ستجد الحكومة في لحظة ما خلال السنة المالية بعدم وجود فلوس رغم انو في ميزانية
تيسير عووضه ما اعتقد سموها ميزانية عشان 50 ٪ ، 50٪ لا سموها كدة لانها عبارة عن ميزان فيه كفتين الإيرادات المتوقعة مع المنصرفات المتوقعة لنفس الفترة
| |
|
|
|
|
|
|
|
|
|
Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: الزبير صالح الزبير)
|
الاخ الزبير
شكرا لمداخلتك
التوقع في تقديري يبني علي احداثيات محدده او تواتر فعل محدد
ناس الحكومه لما اجازوا الميزانيه كانوا عارفين الجنوب انفصل
وح يكون في تداعيات لهذا الانفصال .. كيف يحملوا الميزانيه بنسبة 28٪
لمورد ما مضمون خالص
وكمان بفرضية سعر هم الحددوا ووضح انو مجافي لكل الرسوم العالميه
وبالتاكيد هم عارفين انو مجافي
حتي لو الجنوب دفع رسوم عبور ما حتكون بالتقدير الهم ختوا
وده هنا الاستهبال الانا بقصدوا
طيب سلمنا بي انو ال28٪ دي خلاص طارت
ال 72٪ الباقيه تكمل قبل نص السنه لييه ؟
بحساب انو الميزانيه مقسمه الي اربع
نحن يادوب في الربع التاني
يعني باقي لينا 25٪ من الميزانيه
مشت وين؟
| |
|
|
|
|
|
|
|
|
|
Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: Abdel Aati)
|
يا عادل عبد العاطي يطردوا الجنوبيين او يدوهم الجنسية دة ما موضوع نقاشنا إحنا نتكلم في مواضيع محددة
ثانيا كل الا مثله التي ضربتها دي ما بتنطبق علي وضع السودان ونفط جنوب السودان لأنو ببساطة الجنوب لا يملك غير
آبار البترول اي ان كل البنية التحتية في الشمال وملكة ولو انت دققت في كلامي أنا قلت ان المبلغ المطلوب ليس رسوم عبور فقط
ووريني دوله او مثال للامثله الضربتها دي ينطبق علي الجنوب
ثالثا الجنوبيين لم ولن يستطيعوا بناء خطوط أنابيب اخري الا اذا واكرر الا اذا تمت اكتشافات بترولية جديدة لان الاحتياطي المكتشف لا يبرر اقتصاديا ذلك
رابعا أبيي منطقة سودانية لانها تقع شمال حدود 1/1/1965 وكراهيتنا للإنقاذ يجب الا تعمي أعيننا عن الحقائق
خامسا وأخيرا الجنوبيين انفصلوا برغبتهم وكونوا دولتهم عاوزين يمرروا بترولهم دي استعار وضعت ليهم عجبهم اهلا وسهلا ما عجبهم ممكن يشربوة
او يشيلوة في براميل برا يبيعون او ويخلوة في مكانه حتي ييسر الله لهم أمرا
| |
|
|
|
|
|
|
|
|
|
Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: الزبير صالح الزبير)
|
سلاما يا منى
والمتداخلين الكرام
زي ما قال الاستاذ الزبير صالح هنالك خلط بين الموازنة التقديرية ودي -كما يقترح الاسم- مبنية على تقديرات وتنبوءات اللح اللخ
وبين الميزانية العمومية كتصوير للمركز المالي!
فالاولى اداة تخطيط ورقابة، وهنا كما اعتقد مشروعية سؤال البوس...
في غياب تام لقياس المخاطر، وتبعا ليه غياب إدارة المخاطر دي!
وهنا بتفق مع كل ما قال به الزبير صالح اعلاه ... شغل عنقالة وهبتلي سااااي!!
تحياتي للجميع
----
شايفكم ركزتو على ايرادات والمصروفات ودي جزء من قائمة الدخل، وبتطهر رقم وااااحد بس بالميزانية العمومية!
| |
|
|
|
|
|
|
|
|
|
Re: للاقتصاديين.. هل ممكن الدوله تعتمد في ميزانيتها علي مورد ما في يده (Re: قيقراوي)
|
| Quote: ... شغل عنقالة وهبتلي سااااي!! |
قيقراوي
تعرف أنا اكثر حاجة مستغرب ليها في الإنقاذ دي انو بيجيبوا كوادرهم المصايب ديل من وين
يعني وزير المالية دة بذات نفسه قال لمن قدم الميزانية دي انو ما حا يكون في عجز اكثر من 3٪
وتبجح ان هذة تعتبر من احسن النسب العالمية وان دة في ذات نفسه انجازوبشر بخير كتير
ولكن الحكاية جادت منه لسبب بسيط انو هم بيتكلموا ساي وبيلفقوا الموازنه لأنه عارف انها ما
بتقدم ولا بتأخر وما حايطبقوها
يا اخي هل تصدق انو بعد يومين فقط من كلام البشير انو حا يخفض المصروفات ومن ضمنها سفر
الوفود خارج السودان سافر نائب الرئيس الي امريكا اللاتينية عشان يحضر قمة الارض رغم ان كل
المؤشرات والتسريبات ان المؤتمر دة فاشل وما حاي يجيب اي نتيجة تذكر
غايتو ربنا يرأف بالسودان حكامه يقولوا حاجة ويعملوا غيرها تماماً بلد ما عندها وجيع ولا صليح
| |
|
|
|
|
|
|
| |
د.محمد حسن
تيسير عووضة
أيمن الطيب
الزبير صالح الزبير
Abdel Aati
قيقراوي
فيس بوك
تويتر
انستقرام
يوتيوب
بنتيريست