|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
الحيرة يا بروف لم تتوقف عند الغائبين إسبوع أو إسبوعين الحيرة لفتنا نحن المصاقرين الشاشة الصماء دي
غايتو الزول بقى كان في بوست عزاء ( بلف عمتو ) ويمشي يدي الفاتحة كان زولاً ولدو لا بنتو نجحوا في إمتحان الشهادة برضك بنلف عمتنا ونمشي نبارك
غير كدا وحياتك ما فيش
مرة أسرح و مرة ( ما ) أفرح ومرة تغلبني القراية __________________
إنت دحين مش قلت أنك جايي الإمارات ؟؟؟
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: عاطف عمر)
|
مش لو صاحبك (ساي ) كتب بوست .. حتى لوكتب كتاب برضو بقول.. يعني إنت حسع عامل فيها أضان الحامل؟ ما تسألني أنا ذاتي ما عارف الاضان كانت مالها.. الجائع + المظلوم + المقهور ممكن يفتحوا طريق للتغيير.. بس مستحيل يعملو ثورة.. وعي الشعب بحقوقه هو الذي يصنع الثورة.. على العموم ما دام نحن لسه لا فين في محور الشرق الأوسط الجديد.. كلو جائز. . . سلامات ياخي.
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: حافظ انقابو)
|
Quote: حمدا لله على سلامتك يا بروف ومنور والله
وكمان فى ثورة والله صحي |
الله يسلمك يا ستهم بالنسبة للثورة ... فثورة بعلفو ليها الصور دي يطرشنا بيها ... مافي حاجة كاجة الثورة بالنص دي إلا نقتنا الما بتنتهي دي !! --------------- الحزب الشيوعي البرهاني !! الغريبة يا دوك ... أنا كنت قايل الشيوعيين أدارسة !! غايتو منكم جكة يا بورداب !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
أبو النا يا حبيبنا Quote: دا كلو كوم و الناس الركبت مكنة ارنب دا كوم تاني! و انقر شنو؟ ... ضنب الككو لقيناهو!! بعدين يا بروف في زول بغيب في مرحلة حرجة زي دي.؟
|
والله يا أخوي مافي زول ماسك الككو و ضنبو غيرنا نحن الطلعنا ما ناقشين أي حاجة ديل .... ياخي محمد المشرف بعمل كوتات لمداخلات أساسي و يجيب ليك تحتها أربعة يدين بتصفق ... تقول لي الأرنب ؟!! -------------
Quote: اياهو حال الدنيا يا بروف وبشاشة قرررررررب يبقى جلابي....كان صبرت شوية كان لقيتو بقى!!!!
وكديستي جاية فوق الدرب!!! |
سجيمان يا دوك ... ياخي دنيا بت لذينا جدا !! عارفنها بتقلب ... لكن ما قدر ده كمان !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: خضر حسين خليل)
|
Quote: ياخ و الله أضحك زي المجنون ..........
|
تضحك بلاهن يا أبوحسين ... هسي إنت بدل ما تقعد تتضاحك... ما تفتح ليك بوست عن فساد الكيزان عشان تتم الناقصة !! -----------------
Quote: الحيرة يا بروف لم تتوقف عند الغائبين إسبوع أو إسبوعين الحيرة لفتنا نحن المصاقرين الشاشة الصماء دي
|
تستاهلو يا عاطف !! البورد ده كل شهرين تلاته لازم تاخد ليك إجازة إسبوع اسبوعين ... غير كده ممكن يجيك بشاشا في الطحال تبقي في أمرا ضيق !! أخدت اجازتي و جيت ...الحاجة الوحيدة الما لقيتهاحصلت : محجوب و تبارك ما بقو سلفيين !! كنت جاي لكن قريت انكم ما بتنسترو فجليت الموضوع ماشي السودان الأسبوع الجاي إن شاء الله و راجع بدبي إن شاء الله ... كان حنستوني شديد بنزل لي يوم معاكم !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
الملك يا حبيبنا Quote: مش لو صاحبك (ساي ) كتب بوست .. حتى لوكتب كتاب برضو بقول.. يعني إنت حسع عامل فيها أضان الحامل؟ ما تسألني أنا ذاتي ما عارف الاضان كانت مالها.. الجائع + المظلوم + المقهور ممكن يفتحوا طريق للتغيير.. بس مستحيل يعملو ثورة.. وعي الشعب بحقوقه هو الذي يصنع الثورة.. على العموم ما دام نحن لسه لا فين في محور الشرق الأوسط الجديد.. كلو جائز. . . سلامات ياخي. |
أول حاجة اسمو الدكتور هيثم طه بعدين الزول ده ما شفتو مما جيت لكن اديها صنة بكون حايم بعلم في الوهم ديل !! والله يا الملك ... الشعب السوداني ده حيرنا الحيرة الواحدة دي ... ما عارف الكيزان مفروض يعملو شنو تاني عشان الناس دي تنفشهم ؟!! ----------- أنقا يا حبيبنا Quote: مشيت فتشت لاساسي وعمنا هباني اصلي ما لقيت اللباسات
|
يا زول أحمد الله الما لقيتهم ... الناس دي بتلبس مقاسات القرنتية ...
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: عمار عبدالله عبدالرحمن)
|
خضر يا قبلة أقدامنا إذا شكت الأقدام أشواك الطريق !! Quote: ازيك يا بروف والله قربت اعمل لي بوست أسأل منك الليلة قطعنا فيك أنو وقيقراوي قطيعة (مكندشة) في بص الوالي
مشتاقين شديد |
ياخي لعل رجعتك دي الخبر الوحيد المفرح في ركام البل الحاصل ده ...و عليك الله أمسك لي قيقا ده أسبوع بالله .. عندي ليهو كلام ما بتقال إلا يكون قالع النضارة !! --------
Quote: غايب في ظرف حساس
اكيد كوز وامنجي كمان
وحبوبة صلاح غريبة شافتك شايل كلاش في باص الثورة
وباب التوبه قفل ,, |
يا عمار ياخي ... أنا كمان أمنجيتي مغالطة نفرين ؟ بعدين لعلمك باب التوبة فاااااااتح لحدي قبل دقيقة مما البشير ياخد لجوء في السعودية ... ما عارف الوهم الهنا ديل إستعجلو مالم ؟
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
Quote: بعدين لعلمك باب التوبة فاااااااتح لحدي قبل دقيقة مما البشير ياخد لجوء في السعودية ... ما عارف الوهم الهنا ديل إستعجلو مالم ؟ |
هههههههههههههه...إلخ ها الغبيان، وحاتك قفلوهو بالضبة والمفتاح وطظو فيهو كُشر. مُوّت علي ما أنت عليه، بس إن شاء الله تكون دآخر لك عملاً ينفعك؟ يا اخوي أنا لا سلفي ولا بقري، ولا حتي ضاني. نفسي بقت تهاتي باللعب في الهلآل، لييه؟؟؟ ما عارف!!! بس قفلت علي كدي.
حِمدِلآلك بالسلآمة، وتاني لا تغيب...
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
Quote: لا حول الله, من بداية البوست شحدت الله يكون البل دا ما مر عليك لكن نقول شنو بس الله يسامح اللي كان السبب |
يا البشرى ... قريتو في لحظتو ... لكن أبدا ما زعلت منو ... ما عشان أنا ما داخل في البل ده ... لكن الزول ده بالجد زول كويس و جاء عشمان في الناس و الأهم من كده إنو إعتذر genuinely ... لكن ده ما بمنع إنو الفيكم اتعرفت !! ------------ وضاحة يا أميرة دار جعل ... سلام يا أخية Quote: وين يا بروف ليك وحشة |
غايتو كان رازيتي لينا ود الباوقة يفتح بوست ( لا خيار ... يستمر النضال ) تكوني ما قصرتي !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: مزمل خيرى)
|
يا مديرنا ... سلام ياخي و لعلك بخير ...Quote: ها الغبيان، وحاتك قفلوهو بالضبة والمفتاح وطظو فيهو كُشر. مُوّت علي ما أنت عليه، بس إن شاء الله تكون دآخر لك عملاً ينفعك؟ يا اخوي أنا لا سلفي ولا بقري، ولا حتي ضاني. نفسي بقت تهاتي باللعب في الهلآل، لييه؟؟؟ ما عارف!!! بس قفلت علي كدي.
حِمدِلآلك بالسلآمة، وتاني لا تغيب... |
تعرف ... الايام دي ممكن تعمل أي حاجة ... إن شاء الله تلعب في البرتغال ... زول بسالك مافي ... أنا المنبر ده رميت طوبتو مما شفت عصام جبرالله بيدينو المكعوجات ديك متبسم و متصور جمب ملاسي !! -------------- يا دوك .. سلام يا صاحب Quote: سلام يا أميننا
قيقا ما بتحصلو ..
لكن كان ما شفناك في جيتك لا بيني لا بينك
الوهم ديل فارقوني و مشوا قطعا فيك
غايتو فاتتك لمة ظريفة !! |
قيقا كان كلم كفيلو إنو ح يتاخر شوية عشان يلاقيني ما بقول ليه لا !! بديك سلك أول ما أصل إن شاء الله ------------ مزمل يا حبيبنا Quote: حمدلله بالسلامة يابروف .. منور والله |
الله يسلمك و يديك الصحة و العافية ... البورد منور بناسو يا مزمل
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمير عثمان)
|
سلام يابروف
وكمان محمد عادل حلف يمين انو وقف كل أعمالوا التجارية حتى سقوط حكومة الانقاذ ...........!!!! أول أمبارح جاء البورد وقال في مظاهرات في ميدان جاكسون في نفس اللحظة كان علاء الدين يوسف في نفس الميدان ونفي كلام محمد عادل وقال ليهو لو انت في الميدان أنا عازمك حاجة باردة بعد فترة محمد عادل اتصل عليهو وقال ليهو أنا في العمارات ... . . . وعمك صديق الموج ركب الموجة الحاصلة دي وجاب صور من عام 2005 وقال دي مظاهرات قاموا جو الجماعة وبلعوه الوست .....
الفاتك كتير يامان !!!!
تحياتي
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: Ridhaa)
|
حلبلب يا حبيبنا Quote: ههههه تقول الصح!!! وين الكلام دا!؟ كان كدا شخصي الضعيف هو المسك ضنب البتاع دا!! |
والله أنا خايف شخصك الضعيف يكون مسك البتاع ذاتو ما ضنبو !! الناس دي سمن علي عسل و تحت تحت كده سمعت إنو محمد المشرف ليهو أسبوع بكتب بباسويرد أساسي !! كدي عاين الكوت ده كاتبو هباني لاساسي : Quote: شكرًا اخي اساسي علي هذا الراي الشجاع والحقاني ولنقف صفا واحدا ضد الطاغوت وعاش كفاح الشعب السوداني وتحياتي لاسرتك |
والله يا حلبلب يا أخوي الطاغوت ده حير فؤادنا ذاتو !! ----------- أخونا في الله عمدة ... سلام ياخي Quote: ذكرتني حفارين الأبيار والجماعة البيغرفوا الهناية ديك يا بروف :) |
ياخي إنت من زمن الأبيار البحفروها لابسين لباسات ؟!!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: محمد البشرى الخضر)
|
أمير يا حبيبنا Quote: فاتح وين ... أخونا محمد سليمان قال مافى طريقة... كوز ما كوز ... شيوعى ما شيوعى ... تلب ما تلب .. مافى فرق ... ويبشركم ... إنها الفوضى غير الخلاّقة ... عشان كده أحسن تلغى إجازتك دى وتشوف ليك جبل ربما يعصمك من الطوفان ... |
شايفكم كلكم مجمعين إنو باب التوبة قفل ... و لو اخونا محمد سليمان قال قفل معناتها فعلا قفل ... هسي الدبارة شنو ؟!! ------------ رضا يا حبيبنا .. سلام يا دفعة Quote: وكمان محمد عادل حلف يمين انو وقف كل أعمالوا التجارية حتى سقوط حكومة الانقاذ ...........!!!! أول أمبارح جاء البورد وقال في مظاهرات في ميدان جاكسون في نفس اللحظة كان علاء الدين يوسف في نفس الميدان ونفي كلام محمد عادل وقال ليهو لو انت في الميدان أنا عازمك حاجة باردة بعد فترة محمد عادل اتصل عليهو وقال ليهو أنا في العمارات ... . . . وعمك صديق الموج ركب الموجة الحاصلة دي وجاب صور من عام 2005 وقال دي مظاهرات قاموا جو الجماعة وبلعوه الوست .....
|
بتاعت محمد عادل و علاء دي فاتتني ... لكن علفة الموج ما فاتتني ... بعدين الموج ده ما بكون علف ساي ... بكون إستند علي فتوة خدر بجواز العليفة للحفاظ علي الثورة !!
--------------
Quote: الليدو في البل ... إلاّ قعادو ولا حلو |
أبدا والله يا البشرى لكن الخيل تجقلب والشكر لي الامارات !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
Quote: كنت جاي لكن قريت انكم ما بتنسترو فجليت الموضوع |
بننستر يا بروف بننستر قاليك " المشاهير ورجال الأعمال بنتسابق عليهم " وإنت بسم الله ما شاء الله مشهور ورجل أعمال .... الشافنا بيتنا في المطار ما كضب إنت ما بتوب من قصة ( التحانيس ) دي ؟؟؟
_________________
ومع ذلك سوف نحنس .. ونتوسل......إلخ
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: قيقراوي)
|
يا بروف مرحب بيك
Quote: اشي السودان الأسبوع الجاي إن شاء الله و راجع بدبي إن شاء الله ... كان حنستوني شديد بنزل لي يوم معاكم !! |
غايتو بالرش الحصل ماأظن في زول بحنسك غيري بس ما شديد
تعال يازول حبابك رغم أنك لا شاعر لا أديب وكمان جاي من السودان
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: فايزودالقاضي)
|
يا فايز عندي زملاء في العمل بشتكو من مديرهم طوالي شالوه وجابو ليهم واحد طين عيشتهم خلاهم يشتهو مديرهم القديم ويقولو يا حليلو
شاحد الله تقوم الثورة يجوا اليشهوكم الكيزان يطلعوكم حبش بالجد ويلموكم ينضموكم في حبلين واحد يسلموه افورقي والتاني مليس
------
أبوحسين مافي داعي للف والدوران الصقر أن وقع كترة البتابت عيب
اقعد جقلب لمن أجيب صورة العمارة بتاعت كافوري
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: عبدالعزيز حسين عبدالرحيم)
|
بروف ... كيفك ...
Quote: شايفكم كلكم مجمعين إنو باب التوبة قفل ... و لو اخونا محمد سليمان قال قفل معناتها فعلا قفل ... هسي الدبارة شنو ؟!! |
يا حبيبنا ... محمد سليمان قال الباب اتقفل من سنة 1956 والباب كمان فيهو كاشف جينات وMembrane ... يعنى لو فيك خلية جلابية واحدة حقك راح ... بالله شوف لينا دوا نتخلص بيهو من الخلايا العجيبة دى...
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمير عثمان)
|
Quote: الليلة إنت وين يا البروف يا الهملتا بقرووووو |
يا ستهم ... إستنيني أموت ... بعدين أبكي علي !! بعدين ياخي بقيراتي دي و أنا حي هاملات ... خليه لمن أموت !! -----------
Quote: إنت ما بتوب من قصة ( التحانيس ) دي ؟؟؟
_________________
ومع ذلك سوف نحنس .. ونتوسل......إلخ |
التحنيس مافيهو حاجة لكن التوسل كعب ... مافي توبة يا عاطف .. مش قالو قفلت ؟! ----------
Quote: انت ما تططقني هنا دا قبلي؟ المافي شنو!؟ |
المافي إنت ده ذاتك !! كنت دايرك علي الهواء الطلق .. المحل ده بقي موصل غير جيد للحرارة !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
عبدالعزيز يا حبيبنا ... Quote: غايتو بالرش الحصل ماأظن في زول بحنسك غيري بس ما شديد
تعال يازول حبابك رغم أنك لا شاعر لا أديب وكمان جاي من السودان |
يا زول أنا ح أبلكم كان جيت ولا ما جيت و كان إنسترتو ولا ما إنسترتو !! بعدين ياخي إذا أنا ما اديب و شاعر .. منو الأديب و الشاعر ؟!! ----------- فايز حبيبنا ..Quote: وحبيب نورة سرقت روايتي وحقها وقدم لجوء في بريطانيا شارع السوق .. |
يا زول حبيبها ده مش كان علف روايتك ...كان علفك إنت ذاتك ... ما بتطلع منو بحق ولا باطل ... إحتسب يا فايز أخوي ... ما شايف ليك حل تاني !! ----------- أبو حسين يا حبيبنا Quote: تقصد شنو يا أمين ...؟؟؟؟ |
قاصد كل خير والله !! نحن فرد يا ابوحسين ... ما تخلي ناس فايز يخشو بينا .... ----------
Quote: يا حبيبنا ... محمد سليمان قال الباب اتقفل من سنة 1956 |
والله كده ذاتو أحسن طالما الباب مقفول من 56 ... مافي داعي للقفز من السفينة ذاتو ....
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: ismeil abbas)
|
Quote: حبيبنا النوتة قت ليك ياخ انت وود اختك حمور كنتو وين؟؟؟؟؟؟ عاملين زي التيمان تعيبو وتجو سوا
اها انا بالواضح كدال اشك وافك الشكة ^-^ انو القصة دي من وراها سر
|
الحقيقة يا أنقا إنو مافي شخصية حقيقية اسمها حمور ... أنا بكتب بالاتنين !! -------------
Quote: بوست تلخيصى لأهم ألأحداث للمنبر بصورة جميلة.....شكراً أخ/ أمين .
|
شكرا يا إسماعيل ...
------------------- شايف كمال فرانكلي قال الناس تأجل الثورة لعاشوراء الجاية ... قسس والله !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: طارق جبريل)
|
الله يسلمك و يديك الصحة و العافية يا دكتور Quote: أبقى قريب مع الصور المخجوجة دي
وربنا ينصر الشعب السوداني
المسكين الواقع بين سندان الحكومة ومطرقة المعارضة
|
الناس بقت تتفنن في الصور المخجوجة و المعلوفة لمن بقو يجيبوها من الفيديوهات .... في خلل في تركيبتنا ما عرفنا ... الله خلقنا كده ما عرفنا ... الشعب السوداني الشقيق ده حيرنا الحيرة الواحدة دي !! مختلف معاك جدا يا دوك في إنو الشعب السوداني واقع بين سندان الحكومة ومطرقة المعارضة ... الشعب السوداني الشقيق واقع بين سندان الحكومة ومطرقة الحكومة : المعارضة لم تسرق السلطة بليل و تغدر بالتبادل السلمي للسلطة ... لم تحشر الناس في المعتقلات و تقتل المعارضين ... لم تحارب الناس في أرزاقها و تفصلهم تحت مسمي الصالح العام ... لم تعين منسوبيها في كل المناصب بدأ من أصغر عضو لجان شعبية في أفقر حي و إنتهاء بكل المسؤلين علي مدي 23 سنة ... المعارضة يا دكتور لم تفوج الشباب لقتل مواطنيها في الجنوب باسم الجهاد ثم لم تتورع في فصل هذا الجزء من البلاد ... لم تقتل مواطنيها في دارفور و لم تتسبب في أن يعيش 3 مليون سوداني في معسكرات الذل ... المعارضة لم تعث في البلاد فسادا ... لم تتعامل مع موارد الدولة كغنائم الحرب ... لم تغتال في الناس الأمل بحياة و غد أفضل !!!! الفوق ده كلو عملتو الحكومة و لمدة 23 سنة متواصلة ... يبقي حرام يا دوك تدي المعارضة مطرقة زي سندان الحكومة عشان في نفرين تلاته في منبر الكتروني علفو صور مظاهرات ... و حكمة ربك منسوبي الحكومة في نفس المنبر عملو نفس العمل و ما خلو صورة للبشير بخطب في الناس ما جابوها !!!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
معز يا حبيبنا Quote: الظاهر عليك انك بتستعد للترشيح ضد ابراهيم حسبو. عموما ياصديق تعال احضرمعانا مؤتمر الحزب الديمقراطى فى شارلوت ايمكن تلقى ليك افكار تنفعك. وبعدين ومن المؤتمر عديل على لقمة وملاح قريبتك بدور الريح وعلى ابونوره. اها قصرنا معاك |
يا زول أنا إبراهيم حسبو ذاتو !! تعرف من أول يوم داير أسالك من من قرابتك بعلي ابونورة ... تاني قلت يكون إسم علي مسمي ساي ... طلعت قريبنا عديل !! مؤتمر شنو يا معز ياخي ... و أوعي الحزب الديمقراطي ده يكون الاتحادي الديمقراطي ؟ أنا يا معز زي بشاشا كافر بمؤسسات الجلابة دي كلها ... كان جيتكم بجي زيارة ساي ... السلام أمانة لعلي و بدور ... و كان الله سهل لينا نتقابل بالدرب ... --------------
Quote: ازيك يا بروف انا غايتو قايمة علي المعدة قاعد أقرأ بس |
سلام يا طارق و سلامة معدتك ياخي ... و هو شنو غير القراية القوم معدتك ؟!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
سلامات تاني يا بروف
ياخي زول جاي يسلم عليك تبلو كدة
شنو الحكاية ياخ أرفع رجلك من الأبنص شوية
بعدين حكاية السندان والمطرقة دي انا قاصدها
فكون نحنا فوق سندان الحكومة دي إنت أثبتها
بجرائم الحكومة من 23 سنة
وكون المعارضة هي المطرقة فمن الذي
أجهض كل ىمال ثورة هذا الشعب
سوى المعارضة وإن شئت أبداها من الريسين الكبار
الدخلوا في مصالحات بي وليداتهم
وانزل لي تحت لغاية الحركة الشعبية التي
تشرك وتحاحي لجلب مصالح زيادة بممارسة
ضغوط على الحكومة بكروت التظاهر
ثم الانسحاب
ومروراً بالحركات الأخرى التي لا ترى
الشعب السوداني سوى جلابة يستحقون الموت
والاغتصاب لنسائهم (في اقتباس كدة ما لاقيهو)
هذه هي المطرقة يا بروف
وبالله خلي ردك حنيّن وما تبلّ أخوك البريدك
تحياتي
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: ابراهيم قناوي)
|
Quote: وبالله خلي ردك حنيّن وما تبلّ أخوك البريدك
|
يشهد الله يا دوك البله ما جابتها إلا الريدة دي ذاتها و حسن ظننا بكم ... كلامك عن دور قادة الأحزاب - اللي مفروض تكون معارضة - في إجهاض أي شكل من أشكال الثورة ضد النظام منطقي و حقيقي .... لكن أي مقارنة بين الحكومة و معارضيها في هذا التوقيت ببقي ظالم جدا و برسل رسالة إنو طالما الحكومة و المعارضة سيئين أخير الناس تبقي علي حالها ده ...
لك العتبي يا دوك
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: ABUHUSSEIN)
|
Quote: يشهد الله يا دوك البله ما جابتها إلا الريدة دي ذاتها و حسن ظننا بكم ... كلامك عن دور قادة الأحزاب - اللي مفروض تكون معارضة - في إجهاض أي شكل من أشكال الثورة ضد النظام منطقي و حقيقي .... |
شكراً يا بروف على الحنان بس ما تزيد من كدة
وفي الحتة دي
Quote: لكن أي مقارنة بين الحكومة و معارضيها في هذا التوقيت ببقي ظالم جدا و برسل رسالة إنو طالما الحكومة و المعارضة سيئين أخير الناس تبقي علي حالها ده ...
|
أن متفق معاك مية المية
ولا مجال للمقارنة
واي بديل لهذه الحكومة أحسن منها
دي أنا أكيد
لا عليك يا بروف
واثقين منك
وكمان أبو حسين بالانجليزي دة صحبي
عشان ما تبلو
تسلم يا بروف
وخلينا نرجع نواصل الاستماع لحضرتكم .
.
.
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: ابراهيم قناوي)
|
Quote: هسه يا م ع رص ده وكت ونسة لو ما زول خيبان ساكت .... اختشي وصحي ضميرك واكتب ليك حاجة فيها فائدة للبلد المولعة دي ولا قوم كمان اعمل ليك ندوه هناك في ولايتك اكراما للوطن يا سجمان! |
بالله يا عمده ده كلام ده ؟! ياخي إنت راجل كبير ... الكلام ده أعوج منك .... الألفاظ البذئية دي بتقلل إحترام الناس ليك ... ده لو فضل زول بحترمك أساسا !!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: أمين محمد سليمان)
|
بعدين يا عمدة ياخي ... أنا ما سبب شغلك تكاسي المعقدك ده و مخليك رابط اسمك بيه عشان ما يجي زول سطحي زيك كده يعايرك .... و لا أنا سبب مشيك ليبيا و دخولك مع اللجان الشعبية تلعق أحذية الليبين و لا خليتك تتجسس علي السودانين في ليبيا نظير رسوم دراستك ... أنا يا هشام ما سبب فشلك في الحياة دي و عدم إحترام الناس ليك و لا سبب عقدك اللي لا سلمو منها أهلك ولا الناس الهنا .... فياخي الله يرضي أمشي أعمل ندواتك و خليني أنا هنا أتونس مع الناس دي
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: هيثم طه)
|
الأخوان إبراهيم ... ابوحسين ... هيثم ... سلامات و تحيات طيبات ... علي سفر ... ساعود للرد إن شاء الله .. ---------- الجرذ هشام هباني ... شايف بكري حذف الفاظك البذيئة فمن سيستر عورتك يا لاعق أحذية اللبيبين طمعا في مال و منصب و شهادة جامعية !!!
| |
|
|
|
|
|
|
Re: إنا لله ياخي ... يا اخوانا الحاصل شنو ؟!! (Re: ABUHUSSEIN)
|
Quote: وكمان أبو حسين بالانجليزي دة صحبي
عشان ما تبلو
|
يا دوك ... ياخي أبوحسين ده صحبي قبالك ... بعدين الزول ده كان داير أبلو ما بتبل ... -----------------
Quote: لا حولا يا بروف - ياخي كلام درر زي دا عمك هباني ما شافو !! ياخي بوستك دا اهم بوست بتاع ثورة !! انت هنا بتدافع عن هباني بقوة لكن شكلو الزول دا زعلان منك بس |
يا هيثم ... و هو هشام هباني كان بفهم ولا عندو مخ ... 12 سنة بكون لجان شعبية ؟ كدي عليك الله اتامل في ال psychology بتاع الزول ده من خلال كتابتو و الفاظو اللي ناس الثانوي العالي خلوها ... و ما تسمع إسم هشام و تشوف الصور المصبغ شعرو فيها دي ... الرجل تخطي الخمسينات و لسه بجيب صور الكوندوم و بستعمل الالفاظ البذئية كجزء من عدة النضال ... هشام هباني لا يتورع إنو يكذب ( و بوستاتو تشهد ) و لا يستنكف إنو يتلفظ بكل بذئ ( و بوستاتو تشهد ) ... عشان يقولو ليه يا مناضل و يا باسل ... لا يهم في سبيل ذلك إنو يتاجر باهلو أو لايحترمو الناس .. الرجل يريد أن يغسل عورة خنوعو و إنحناءو للبيين اللي صرفو عليه و درس في جامعتهم و لحم كتافو من خيرات الشعب الليبي المغتصبة ... بادعاء النضال و هو أبعد ما يكون عنه .... فيا دوك .. نقاش منطقي مع رجل بلا أخلاق مضيعة زمن ليس إلا ..
| |
|
|
|
|
|
|
|