|
|
 لوماية وهتافاية ؛ الى وطني حبيبي !
|
لوماية و هتافاية
إلي مروي حبيبتي
ما كنت قايل إني بابعد كل دا
ولا كنت فاكر إنو البرجعني بس فقد الحبايب والعزا
بتحسر والوم نفسي الحبيسة علي زمن الجفا
واقول ياريت مصايرنا وقداح عيشنا ...
تودينا وتجيبنا علي مراحنا قفا
*****
جيت عشان أترحم علي الميتين
لقيت يا زولي مذهول وبتعجب علي الحيين
القابضين علي جمر المحنة الزين
الماسكين الوضوح بالكلمة حمرة عين
برغم ناس الطبلة والتمكين
لقيتك يا والدة يا مروي لكل أصالة إنتي عرين
ما زلت ياكي صنب العزيزة وحضنك أب رياحين
تودري كل من يرفع إنيفو عليك واللا ليكِ يشين
*****
وقفت بعد حججاً كتيرة علي تراب أطلالك الشامخة
مااحتجت لي لأياً ولا اتوهمت فشان اعرف الدار وريحتها الصارخة
وافرق بين الراسخة والماسخة
برغم حياً اسمه التعمير .. مسا مع الناس بترفض كل من نغمة مشروخة
سلامة الباشا تتلقاك ... وحي الثورة يمشي معاك ...
وحي الدومة يفرشلك أحلي الورود بي بسمة مطبوخة
*****
وكتين سمع نغمة نساوين الحزن والخوف
وييويبوي .. وييويبوي .. وييويبوي ... واسترجعت تاريخها
تأكد لي تمام لومي الكتير ....
وغيابنا المغلف دايماً باعزاراً مبيخة ومميسيخة !!
*****
وبرغم السد وكبري النيل
الشفتو فيك يا مهدي الجميل
بيقلب كل نهاراً في جوايا ليل
إنسان مروي بي أم برد والسهراجة ديمة عليل
وأحياناً حزام ناراً وتايفويد مسوي الويل
لا بيئة نضيفة ولاتثقيفاً يسبق التهليل
وكلو صورنا مقلوبة ومحتاجة للتعديل
*****
تعمير الشوارع والحجار.. يا مرحبابو ألف
والخزان وكبريه .. نقيفلو ألف
وتسوير أتر نبتة .. ندورو ألف
لكن فشان يتعمر الإنسان ويبقي ألف
عشان تتطور البيئة وتبقالا النضافة ولف
وضد كُل ضببينة وبويعيضة نسوي حلف
لا زمانة تشميرة وهتافاية ...
تقول للدولة وينك يا أم شعارها وقف ؟؟
*****
الإسبتالية البدخلها سليم يمرض ويلقطلو علاية
الممرضة توبها جاري وجناها فوق الصفحة وشايلالها إبراية
ومحضر العملية بالعراقي والسروال وكمان عامل حكاية
والدواء الملعون يا إما مافي .. يا إما القريشات ما كفاية
أما الدكاترة البطينين يا تلقي واحد والا إثنين ..
والمسيكنين حايرابهم الصرفة والغاية
*****
ليش يا أبين كلاماً ديمة حلواً مر سويعة الحق
ليش ما بتهاتفونا وتقولوا الحق
ليش تداروا علينا وماتورونا الشق وصوت الطق
ليش تخبوا علينا كل ما تجونا ... وما تدقوا جرس النجدة دقاً دق
*****
النفس العزيزة خلتكم كما المضبوح وبيغني
والكدسة السمان غشوكم وغشونا ونحن هناك بنغني
جالسين كما الهمبول وقايلين الأهل في ديارنا متهني
العذر مفقود ... والأسف آلاف ...
وياريت سوات الصاح لي هسي مستني
وداعاً ... وداع مشتاق وديمة مدلي
شان نرجع سوا وتاني نقفز الجنًيِ
بـــقـــــــلم:-
صديق عبد الجبار محمد ( أبو فواز )
مدينة مروي في 10/مارس/2005م
|
|
 
|
|
|
|
|
|
|
|
Re: لوماية وهتافاية ؛ الى وطني حبيبي ! (Re: صديق عبد الجبار)
|
مســــــــــــــــــدار للغايبـــــة - قصيدة **
شوفيني شايلك من متين ...!
عاينيني خاتي هواكي وين...!
بعزف مسافات الأمل الدفين..
وبغتي لي رجعة الزمن الحنين..
وأهلي الزمان .. قالو الحنين..
رافيه ما بيجي بالأنين..
***
مهموم كتير لي طلتك..
من تربة الشوق والكدر..
لكني مستني الصباح..
يالازمة يا ترتيلة أنغام العمر..
يا غايبة مادي معاكي ..
حبل الريدة ديك..
ومعايا..آهــــــــــات الصبر..
ومتوسد الدرب الطويل..
زي..زي حفيان ..
بيجري علي الجمر..
***
سيبي الغياب...
وأديني إيدك يا صبية...
وبردي الشيب والكبر...
دايرك تجي...
وتتباهي جد...
وما تخلي عتره...
تفوتك ضل العصر...
ما تخلي عترة .. تفوتك ضل العصر ..
** صديق أبو فواز- الخرطوم بحري
بمناسبة إحتفالات ذكرى إنتفاضة مارس/أبريل 2003
| |
|
|
|
|
|
|
|
|
|
Re: لوماية وهتافاية ؛ الى وطني حبيبي ! (Re: صديق عبد الجبار)
|
Quote: حبيبنا ود حميد ... سلام ! - بدمع : صديق أبوفواز
حبيبنا ود حميد ... سلام !
سلاماً من صباً مدموع ...
ومن قلب مكلوم ... سلام !
سلام ؛ يغشاك من جملة العُوام ..
ومن حلاوة أهل سقدان ..
ومن مرارة بلد عمران بي نضمك المزدان ..
***
وداعك مر .. يا ريشة الغلبان ..
وسفرك .. حاااار ...
حرارة السودان ..
وموتك !
ماهو موت إنسان ...
موتك !
موت أمل مدفون ..
وموت االفرحة في الوجدان ..
***
وداعك !
ما وداع عادي ..
وسفرك !
بس سفر شادي ..
ماشي قريب وبيهادي ..
وهداكَ هناكَ بي غادي ...
***
ندنقر نخمش التربة !
ونتحسس أتر قدمك ..
وريحة الطيبة في شِعرك ..
ونسمة التربال تهب خلفك ..
وتصرخ تقول ؛
إنشالله مو آخر معاد !
***
يا محٌمد .. يا حبيب يا زين !
يا منديل دموع العين !
ويا العمرك ما عرفت الشين ..
وما قصرت في الحيين ..
ولا اتنكرت للميتين ..
ولا اتلومت تب يا زين ..
وإيدك الممدودة ديمة علي المساكين ..
يشهدلها الفاتوا والجايين ...
***
كجنت شيتاً إسمه الشريان !!
عشان شالك !
كرهت الموت ..
فشان موتك !
الموت الما بعرف الإحساس..!
الموت البشيل أحلى ما في الناس !
الموت الرفض ينحاز !
يخلي ناس عوار ...
ويختف النوار ...
إستغفر الله يا نوار !
إستغفر الله يا حوار !
إستغفر الله ...
إستغفر الله ...
يا فَقد البعيد والجار ..
***
وفي الآخر .. !!
بتحسر وارسل رحمة ليك مدرار ..
واعاهدك يا حبيب الدار ...
بعاهدك يا سلالة الأحرار ..
ويا ترب الكلهم أبرار ...
ويا منبع الأنهار ...
حيبقى غناك لي إصرار ..
وسيرتك الدايمة ..
يوت مسدار ...
الدوحة / قطر
الخميس 22 / مارس / 2012م
نقلا عن موقع الراكوبة
التوقيع
وإن ما كضب
يسألنا الله
عن الوطن
قبل أيِّ شي
|
| |
|
|
|
|
|
|
|
|
 Re: لوماية وهتافاية ؛ الى وطني حبيبي ! (Re: صديق عبد الجبار)
|
عندما يتحدث عبد الاله زمراوي :
لاهَايُ يَا مَنْفَى الْجَبَابِرَةِ الطُّغَاةْ !
(1)
وَكَرِهْتُ زَلزَلَةَ الحُدُودِ
سَئِمْتُ وَعْثَـاءَ السَّفرْ !
بِالأمْسِ أَوْقَفَنِي
على الأمشاطِ
شُرطِيُّ الْقَـمَـرْ !
الْيَوْمَ أَوْثَقَنِي الجُنُودُ
فصافَحَتْنِي الحُورُ
بَلَّلَنِـي المَـطَرْ !
يَا لَيْلَ أجْدادي الْمُمَدَّدَ
دونَمَا فَجْر بِقَارِعَةِ الخَطَرْ !
يَا أَيُّهَـا الْوَالي الْكَذُوبُ
وقاتلُ الطِّفْـلَ الأغَرْ !
يَا أيُّهَا الْبَاغِي الطَّرُوبُ
وَرَائدَ الْكَذِبِ الأشِـرْ !
(2)
اِذْهَبْ إلَى لاهَايَ
تُطْعِمُكَ العَنَاكِبُ
مِنْ ثَريدِ الْحَنْظَلِ
الْمَغْمُوسِ في السُّمِّ الأمَرْ !
اِذْهَبْ فَإنَّا قَاعِدُونَ
وَصَامِدُونَ عَلَى الْخَطَرْ !
اِذْهَبْ فَإنَّـا لاعِنُوكَ
إلَى القِيَامَةِ
حِينَمَا يَغْشَى البَصَرْ !
لَعَنَتْكَ هَامَاتُ النَّخيلِ
وسَامِرُ الْقَومِ الأَبَرْ !
(3)
ابْقَى أنَا الشَّعْبُ
الَّذِي صَلَبَ القِيَامَةَ
وَانْتَضَى السَّيْفَ الأغَرْ !
يَا أَيُّهَـا الْبَاغِي
مَديدُ العُمْرِ في الأَغْلالِ
تَرْفُلُ فِي السَّهَرْ !
لاهَايْ يَـا
مَنْفَى الجَبَابِرَةِ الطُّغَاةِ
وَيَيْتَ طَاعَتِهِمْ ،
واحْكَامَ الإلَهِ
عَلَى الْغَجَرْ !
| |
|
|
|
|
|
|
| |
صديق عبد الجبار
فيس بوك
تويتر
انستقرام
يوتيوب
بنتيريست