لما باكر ( من ارشيفي )

Quote: لما باكر تمرق الناس في الشوارع وتضحك الشمس المغتغتة من سنين ينكشف حجم السواد يضرب الزيف بالصواقع وتنفتح كل المجاري ينهدم باب المنافذ ويتنفس العيش في المزارع لما باكر ينهزم ليل الملالي وتنكشف عورات دقون غاتسة في ترف العلالي وبرة ناسن عايشة في قمقم ضنك لا لاقية كسرة ولا ... جفت العين من مدامع لما باكر القروش تمرق براها من خزاين لا ذمم قرت قبيل ولا حليفة اصلو مبدا الحلفان مقسم للرواعي الفي الضهاري وللعقول السافرت شان تاكل نضيف حلفوهم بالمصاحف رغم انو في جبينهم ديمة باين انهم ناسن بتاكل من عرق نديان وصافي ولما باكر يمرق الناس في المداين في قلوبهم كم سنين مليانة بي كل الحزاين من حواري ومن مصانع لما باكر يختفي اللون الرمادي ويظهر اللون الروائع للجموع الهادرة في جوف الشوارع ويبقى تاريخ الحقيقة انو ما كل البيدخلو للجوامع جوة في جوفهم ضمير وانو ما كل البخطبوا في الجوامع بعرفو الزول الفقير وانو ما كل البيلزمو للجوامع بعرفو الدين العدالة النورو ساطع ولما باكر تنفتح كل الملفات ويظهر العفن المغلف بالضلال وتزكم الريحة الانوف يطرق الصوت المسامع نلقى ناسن كانو اطهر من نبي صارو اتفه من توافه وتبدا تتفتح مواجع يا بلد ما نحن هيلك لا بتغرينا المناصب لا بتخوفنا المدافع

Quote: همست خبيء قلبي حتى حين حين تبرعم كل فصول الفرح وتنثر حب حين يجي زمان تهطل فيه نجوم بلادي زمن الخصب تنير ازقة كل حواري الفقر كم عانى الشارع زمن الجدب لكنك ابعد قلبي عن قلبك فحريق الوجد الكامن فيه يحرق عصبيى ( ياممكون يا مجنون يا مظنون يا مسكون بي حب النيل منو بتسكر ديمة تعب ) وطني ايها المسحوق اخرج من غيابت جب ارمي قميصك فوق عيوني على ارتد بصيرا وارى ماكان زمانا مطبوعا في ذاكرة العصب الطفل شكل الوطن القلب ( القصاك ما يوم حساك ما رضع الطمي حليب القصاك احساسو غريب ما عانى الريدة الكاسية عروق العاشق لمن يشرب موية النيل متوجع منك آه يا نيل والقمري معاي بيشكي ولي بقول بس اسكت وكب ) هذي السحابات الرواكم في جوفها وعد كذوب عشرون عاما والخريف وعد كذوب ملات حشاشتها الاغاني بالبدايات السراب والنهايات السراب والاماني في غمامات عدم حلم تكور ثم مات طفل تأوه ثم سب ( الاماني زي فنارات المواني لي سفينة والرياح اتناوحت ليلة وبكت والموجة تبرا الموجة في بحر اصطخب ) من سرقك يا وطني في اعراف الساسة شريف من عشق ترابك في اعراف الساسة عميل وانا في عشقك مغرم صب واغني حين يمد الليل سدولا ( يا قلنا نبعك يا نسرق اخترنا النار الضلها بحرق ) جوة في بطن الضلام ضاع الكلام صمت وجب) ماتلك بيمينك يا وطني عصاي اهش بها عني اوساخ ومآرب كانت لي اخبيء بعضا منها للاعياد وبعضا اصفع فيه الاسياد وسالت الرب من يسرق اسمك كي يسرق قوتي خذله عني يارب سجعت قرب النهر حمامة هذا الثعلب يقتات سنينا منها الزغب (ناس بتهتف ما بنصادق غير الصادق ناس بتايد حزب السيد ونا س بتهلل بس بي صوتها وسير سير يابشير لا بتحس الكلمة الحق لا يوم صحاها ضمير ونحن جموع الشعب الهادر ما عارفين لينا مصير ) وقف النيل حيرانا آس مابين منابع فيها مواجع ونهاية بحر فيه مصب ( غني يا حلوق الشوارع فجر ي الالحان صواقع خلي قلب الشال حقوقك ديمة فازع خلي قلب الراد صمودك ديمة رايع خلي نيران الحريقة فيه تشب وخلي انسام الحديقة لي تهب فغدا حين تجيء سحائب وعدك حق حتما امطار الرحمة سوف تصب

Quote: انو ما كل البيدخلو للجوامع جوة في جوفهم ضمير وانو ما كل البخطبوا في الجوامع بعرفو الزول الفقير وانو ما كل البيلزمو للجوامع بعرفو الدين العدالة النورو ساطع

Quote: [ثورة الجياع والقصاص