الحل دا ما تقنى وهمجى لعدم معرفتى ب الكود المستخدم..... الحل مستنتج عن طريقة trial and error
لما تجى ترسل الرساله عبر المسنجر احياناً تجيك رسالة انو ما قادر يلقى عضو ب الاسم دا
الكسلانين زىى ما بكتبو الاسم و بعملو كوبى اند باست....احياناً دا ما بنجح لما تعمل كوبى للإسم من داخل البوست او من صفحة الحضور(على ما اظن المشكله تكمن فى انك ما بتنقل الاسم بس زى ما بتفتكر بتنقل الاسم و بعض خصائص ال CSS لو اصلاً فىCSS )
دى صوره لتوضح الطرق التلاته
الحل يكمن فى دخول البروفايل بتاع الزول الداير ترسّل ليهو و تعمل كوبى لإسمو من هناك و تعمل باست فى المسنجر
لو فى زول عندو حل اسهل الرجاء ايراده اشان الناس تستفيد
تخريمه------------
البورد دا بستخدم تقنيه قديمه.....معظم البورات وقفو ال cgi-bin
لكن كسودانيين ما بنحب التغيير....يعنى لو بكرى غير لون البورد ناس كتار ما حيعجبم
06-13-2012, 09:34 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: لو فى زول عندو حل اسهل الرجاء ايراده اشان الناس تستفيد
ازيكـ يا سمي ياخ الحل كالآتي: تقوم تنقش ... تنقش ... تنقش تشيل رسالتكـ وتسلمها للزول / ة يد بيد ذلكـ أقرب للسترة والله صحي .. ..
__
Quote: تخريمه------------
البورد دا بستخدم تقنيه قديمه.....معظم البورات وقفو ال cgi-bin
لكن كسودانيين ما بنحب التغيير....يعنى لو بكرى غير لون البورد ناس كتار ما حيعجبم
التخريمة دي بتطلعكـ من الطريق الدائري وعشان تاني تلقى U turn وترجع للطريق الدائري عايز ليكـ زي 3 سنوات في البورد دا وبعدين سيد الحلال عايز كدا ... أو كما تقول الشوام لذو الكفل هنا في الخليج
06-13-2012, 10:48 AM
Munir Munir
تاريخ التسجيل: 02-11-2002
مجموع المشاركات: 10496
Quote: ازيكـ يا سمي ياخ الحل كالآتي: تقوم تنقش ... تنقش ... تنقش تشيل رسالتكـ وتسلمها للزول / ة يد بيد ذلكـ أقرب للسترة والله صحي
يا أمين كلام البشاري ده عملي جداً .. مضمون ومجرَّب .. بيضمن ليك السلامة من ساعي البريد والهاكرز .. لكين لو كسلان من المشاوير أمسك في طريقة الكت آند بيست العملتها في أول البوست، بس أعمل حسابك ما تخلي الماوس - أو أياَ كانت طريقة كتك وبيستك - ما تخليه يلفح ليهو space معاهو قبل أو بعد الإسم المكتوت .. هسه لا حظ في إسم عماد موسي محمد ده - في الكت الأول هناك space بعد الإسم وفي التاني الspace قبله .. ولذلك الماسنجر بقول ليك الإسم ده ما موجود لأنو شايف الspace حرف .. : :: :::
.. وبالطريقة دي :)..
06-13-2012, 11:51 AM
Amin Salim Amin Salim
تاريخ التسجيل: 02-03-2012
مجموع المشاركات: 677
يا مان انا قبل سنه و نص كنت شغال فى دوله فى غرب افريقيا موزمبيق تعتبر ب النسبه ليها جنّه....لكن موزمبيق القاصده انت ما دايرنا و بصراحه ما شايف روحى قلت حاجه غلط....دا ما تدخل فى ادارة المنبر بس نصيحه تقنيه و اتمنى انو بكرى يتقبلها
على العموم حمشى ب نصيحتك و اقفّل خشمى فى الامور دى(لانك خبير اكشن و خبير اخطبوطى عظيم)
06-13-2012, 11:56 AM
Amin Salim Amin Salim
تاريخ التسجيل: 02-03-2012
مجموع المشاركات: 677
Quote: فعلا دي مشكلة موجودة فانا اتغلب عليها بكتابة الاسم يدوياً وطوالي بتظبط ..لكن خليك دقيق في الحروف الفيها همزات وكده وكذلك المسافات الوسطى بي الاسماء ..
انت ما شاء الله نشيط....انا زول كسلاااااان فى اى حاجه غير الشغل اشان كدا بعمل كوبى اند باست
تحياتى
06-13-2012, 12:03 PM
Amin Salim Amin Salim
تاريخ التسجيل: 02-03-2012
مجموع المشاركات: 677
Quote: يا أمين كلام البشاري ده عملي جداً .. مضمون ومجرَّب .. بيضمن ليك السلامة من ساعي البريد والهاكرز ..
برضو بقول التوريه والتوريه فى حالة الرساله الحساسه......لكن اغلب رسايلى عاديه وما بخاف لو نشرها الكراكر(ب المناسبه دى معظم الناس بسمو القراصنه هاكرز ودا غلط....الهاكر فضولى علمياً ولا يسبب اضرار و بقدم نصائح تامين و بورّى الثغرات)
التصنيف الافضل هو white hat and black hat
Quote: بس أعمل حسابك ما تخلي الماوس - أو أياَ كانت طريقة كتك وبيستك - ما تخليه يلفح ليهو space معاهو قبل أو بعد الإسم المكتوت .. هسه لا حظ في إسم عماد موسي محمد ده - في الكت الأول هناك space بعد الإسم وفي التاني الspace قبله .. ولذلك الماسنجر بقول ليك الإسم ده ما موجود لأنو شايف الspace حرف .. : :: :::
.. وبالطريقة دي :)..
i know the mechanics but the underlying program/script is noobish
غايتو الحل الهمجى القولتو بنفع مع ناس كوبى اند بيست(من البروفايل ل المسنجر اشان ال formatting)
06-13-2012, 12:48 PM
Amin Salim Amin Salim
تاريخ التسجيل: 02-03-2012
مجموع المشاركات: 677
يعني تقوم واحدة تشيل حالكـ وتفتح ليكـ بوست قدر الضربة عنوانه:
يا أمين سالم لو سمحت تاني ما ترسل لي في الخاص
والله حاجه ما لزيزه......لو عندها ذره من الزوق تقول لى (يا أمين سالم لو سمحت تاني ما ترسل لي في الخاص ) فى المسنجر......اما لو عملت بوست تكون ما عندها اى احترام للخصوصيه و حتضر نفسها و حتسقط فى نظر الكثير من الناس(ما اظن فى بت جد
محترمه تعمل كدا) .....الخاص فى الخاص والعام فى العام ولّا كيف
06-13-2012, 01:10 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
والله بعد ما اديت البوست قرايه تانيه يا داب لاحظت للدردقه يا ابو النسب....بدل زر شاهد قبل النشر تانى برسل ليك اى مداخله للمراجعه
البشارى هوى مالك معاى ياخ انا برد ب عفويه من غير ما افكر....زول مسكين ساى....من اسى حعمل حسابى و اكبشر اى مداخله ليك و اختها فى فولدر مخصص ب اسمك للضمان كدا بس
06-13-2012, 09:01 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15392
Quote: البشارى هوى مالك معاى ياخ انا برد ب عفويه من غير ما افكر....زول مسكين ساى....من اسى حعمل حسابى و اكبشر اى مداخله ليك و اختها فى فولدر مخصص ب اسمك للضمان كدا بس
غايتو خيراً تعمل .. زي الشـــره في القندول مثل كوستاريكي .. ..
يا سمي ما تصدق كلام ود البشــرى ، دا زول معروف بتاع تحاريش اذا ساء فعل المرء ساءت ظنونه *** وصدق ما يعتاده من توهم اهو شفت البيت دا ينطبق بحذافيره على محمد البشرى دا ويعلم الله لا في دردقه ولا حاجة انداح عاااادي ياخ
06-13-2012, 11:13 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13785
Quote: يا سمي ما تصدق كلام ود البشــرى ، دا زول معروف بتاع تحاريش اذا ساء فعل المرء ساءت ظنونه *** وصدق ما يعتاده من توهم اهو شفت البيت دا ينطبق بحذافيره على محمد البشرى دا ويعلم الله لا في دردقه ولا حاجة انداح عاااادي ياخ
غايتو من بوست (كخبير اكشن ) شكلو جد بستمتع ب المواجهات فصدقت فى دى
اما عن الفقره الاولى فى بيت الشعر.........ما اظنه (ساء الفعل) قال ليهم ب الواضح بطّلو مطاعنات و اتواجهو كل زول يقول كلامو ب الواضح وفى الحاله دى المواجهه بتكون فيها نوع من الحذر فى اختيار المفردات
Quote: ويعلم الله لا في دردقه ولا حاجة انداح عاااادي ياخ
اهااااااا دى زاتا دردقه....... المشكله ختيتنى فى حته ضيقه ب حليفتك.....صراحه ما عارف ارد ب شنو........لكن الاندياح هنا بودى موزمبيق على قول قريبى
06-14-2012, 03:21 AM
Amin Salim Amin Salim
تاريخ التسجيل: 02-03-2012
مجموع المشاركات: 677
يا اخت امنه اخترت اسم عماد لأنو ب صراحه زول متبحّر فى الدين و معجب بعلمه.......كلامى دا برضو ما معناهو انى سلفى ويمكن جداً اختلف معاهو فى فهم و تفسير آيه مثلاً(ما تلخبطى بين النظرات الخاصه و تعمّمى بناءً عليها الله يرضى عليك)
و اتمنى انك ما تنقلى نقاشكم الحاد الفى البوست الدينى ولّا الطائفى ولّا الاقصائى (ما عارفو شنو) لى بوست من عنوانه ظاهر انو ما فيهو علاقه للتصنيفات السابقه و جميع التداخلين بردو بروح طيبه(كان رد تقنى او هظار)
التعديل لتغيير حرف(اشان نقفل الباب بتاع كتبت شنو و ما عارف)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Amin Salim
محمد البشرى الخضر
فايزودالقاضي
الامين موسى البشاري
Munir
AMNA MUKHTAR
فيس بوك
تويتر
انستقرام
يوتيوب
بنتيريست