|
كان الشعب السوداني كالأعمى فلما جاء البشير ألقى قميصه عليه فارتد بصيرا
|
السلام عليكم ورحمة الله وبركاته
نحنا في شهر يونيو .. ويونيو ده طبعا شهر الجماعة 30 يونيو
قال ليك ناس المعارضة بعد ما يسقط النظام ده أول حاجة حيعملوها يخلو شهر يونيو 29 يوم بس ^__^
عشان تاني ما يتكرر 30 يونيو ده أبدا أبدا ^_____^
أذكر في أول احتفال بمرور عام على ثورة الإنقاذ ألقى السموءل خلف الله القريش وزير الثقافة السابق
ألقى كلمة بهذه المناسبة فقال:
كان الشعب السوداني كالأعمى، فلما أن جاء البشير ألقى قميصه على وجهه فارتد بصير ^____^
وهو اقتباس للآية الكريمة من سورة يوسف، والتي فيها أن يعقوب عليه السلام من كثرة بكائه على يوسف فقد بصره
فأرسل يوسف عليه السلام قميصه ليلقوه على وجه أبيه
( فَلَمَّا أَنْ جَاءَ الْبَشِيرُ أَلْقَاهُ عَلَى وَجْهِهِ فَارْتَدَّ بَصِيراً قَالَ أَلَمْ أَقُلْ لَكُمْ إِنِّي أَعْلَمُ مِنَ اللَّهِ مَا لا تَعْلَمُونَ) (يوسف:96)
لكن الشعب السوداني ده والله العظيم مش ارتد بصيرا .. إنتو ليستوهو كلو كلو عمى كباسة بس ^__^
|
|
|
|
|
|
|
|
Re: كان الشعب السوداني كالأعمى فلما جاء البشير ألقى قميصه عليه فارتد ب (Re: محمد جلال عبدالله)
|
Quote: كذلك سمعت مهدي إبراهيم في خطاب منقول عبر الإذاعة السودانية في أحد احتفالات الإنقاذ في سنيها الباكرة مستهلا خطابه بالعبارة التالية: سيدي الرئيس .. ( هل أتى على السودان حين من الدهر لم يكن شيئا مذكورا ) |
يا أخ طه .. تحية طيبة والله الناس ديل ما شفت زول بلعب بالقرآن زيهم ياخي ديل لما جوا يعملوا الإحصاء السكاني قالوا شنو: ( وكل شيء أحصيناه في إمام مبين ) طيب إنو ربنا عشان تقولوا كده؟؟؟؟ وأريتو السودان ده لو ما بقى مذكور .. شنها الذكرى بالله؟!
| |
|
|
|
|
|
|
|