|
|
|
 Re: عمدة بورداب القاهرة والإعلامي صلاح غريبة قريبا في الخرطوم (Re: خال فاطمة)
|
Quote: غايتو يا ود المسلمي اخوي
Quote: عمدة
تعمدو على كيفكم
سلامي الكتير لخالك الراجل الكلس .. السيد حبيب الله (زول الكدرو)
----
التعديل لتصحيح اسم خالك. |
خال فاطمة صاحبي شدييد
عليك الله لو جينا للجد مش نحن الجيل المفروض يكون عمدة بالاقدمية في سودانيس اون لاين
وينك مختفي ياراجل
تعالي لي في القاهرة اونسك
مركازي واضح
اكتب في قوقل
عمدة بورداب القاهرة يجيك الوصف
او اي بتاع تاكسي في المطار قول ليهو انا ماشى لعمدة السودانيين
| |
  
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: محمد المسلمي)
|
تشكر اخ محمد
زيارة مفاجئة وتستغرق فقط اسبوع وارجع تاني للقاهرة
فالرسالة للاخ علاء الدين حيمورة واللجنة المنظمة للاستقبال
يا تلحقوا تقابلوني يا ما تلحقوا
والمقابلات والحجز والعزومات ... كلها بالحجز المبكر
والقنوات الفضائية سيتم منحهم فقط ساعة كل يوم
صلاح غريبة - عمدة بورداب القاهرة
في زيارة سريعة للخرطوم بعد غياب 13 عام
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: فايزودالقاضي)
|
يا مدير العودة الطوعية
مش دا كان شعار المرحلة السابقة وحتى وقت قريب
قلنا ليك العودة الطوعية اصلا للذين تم تهجيرهم قسريا ولكن اصرارك خلانا نلبد ليك فى الضلمة الزى دى مثلا
| Quote: زيارة مفاجئة وتستغرق فقط اسبوع وارجع تاني للقاهرة |
بى كدا ممكن نطلق عليك لقب ماسورة ضخ مقاس اكس لارش ،، بيان بالعمل
ولا كـــــــــــــيف ؟؟؟ حاول جاوب وما تتزاوغ زى كل مرة او كالعادة
قاسم المهداوى
بورداب الاسكندرية
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: خال فاطمة)
|
المسلمي
عاوزة اوصيك وصية فى زمتك دى
اول ما يصل ابو كضوم والسدنة دا
اليوم الثانى تخلي يخش فى الترينق سوت و تجروا على شارع النيل ويجرى فى شاعر النيل خمسة كيلوا ماشى وخمسة كيلوا راجع يوم بعد يوم
مع السخانة دى بكون تمام
علشان الكضوم دى تسيح والكرش تنزل ويكون زول فت ويمنع من اكل القراصة النوشيات منعا نهاى والحوم بتاعت سوق الناقة
ثمح 
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: محمد المسلمي)
|
Quote: تشكر اخ محمد
زيارة مفاجئة وتستغرق فقط اسبوع وارجع تاني للقاهرة
فالرسالة للاخ علاء الدين حيمورة واللجنة المنظمة للاستقبال
يا تلحقوا تقابلوني يا ما تلحقوا
والمقابلات والحجز والعزومات ... كلها بالحجز المبكر
والقنوات الفضائية سيتم منحهم فقط ساعة كل يوم
صلاح غريبة - عمدة بورداب القاهرة
في زيارة سريعة للخرطوم بعد غياب 13 عام |
ناس كتيرة منتظرنك بس ماتطول المدة بس انتة تعال
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: محمد المسلمي)
|
Quote:
يشهد الله ياصلاح غريبة انت زول لذيذ ..
ويعجبــني فيك ادبك رغم انتماءك لحزب قليل أدب
وتعجبــني طولة بالك وتسامحك ..
لم اقرأ ليك اساءة لاحد ولا سب ولا شتيمة رغم ماتتعرض له من بعض الاخوان ..
لكن ده لايعني انك كوز غياظ ويوم القيامه حاتحشر مع هامان وعمر البشير وودالباوقه وابوحسين*..
وجودك مهم في السودان والقاهرة والسعودية وفي الحياة ذاتو ..
تحياتي لك وللاصيل محمدالمسلمى رئيس وفد المقدمة لاستقبال سعادة الاستاذ صلاح غريبة ..
ــــــــــــــــ
* او عصام دهب |
ود القاضي ياحبيب صلاح غريبة شخصية محبوبة وانسان جميل
والتحية ليك ياود القاضي ياغالي
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: محمد المسلمي)
|
المسلمى
سلاامات ياخ وعلك طيب وايضا مبروك المولود (المسلمى الجديد )
Quote: الاخ قاسم الف شكرعلي المرور
رائك شنوا في العمودية |
بهذا الخصوصو يسال اصحاب الشأن بورداب ( القاهرة )
اما نحن فقط بوردابيان بالاسكندرية ولا حوجة لنا بعموديات ومشايخ طرائق ملتوية
او مستقيمة ،،
ايضا لا نقبل الهبات والتبرعات المشروطة وخاصة من الجهات الفيها روائح تجسسية
حتى يظل الجسد البوردابى الاسكندرانى خالى الدسم من اى خروقات وطنية او غير وطنية
ــــــــــــ
خارج النص
برجاء الزعل مرفوض
قاسم المهداوى
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: Deng)
|
المناضل دينق.
تحية مسكونة بدعاش المشك ومسنودة بتبريكات الكجور ونيران مباخر المكوك.
أستوقفني حديثك الشيق على المدعو غريبة. وبالمناسبة ولفائدة قراء البورد، لقد أفادني المناضل يوسف كجو وهو خريج طقت وقد زامل المدعوا غريبة في أحدا المراحل الدراسية، وكان معروف بصلاح غريبة (بضم الغين) ويتسأل بأنه بقدرة قادر أصبح أسمه صلاح غريبة. وقد زكر المناضل كجو أن غريبة كانت له عادة سيئة جدا وهو أنه دائمايكون عين الاساتذة ضد الطلاب وهو عضو بارز في شعب الطلاب التابعة للاتحاد الاشتراكي المنحل. ويضيف بأن كل أبناء كردفان الشرفاء يدركون ما حل بمناضلي حي القبة بالابيض وحملة الاعتقالات التي طالتهم والكل يعلم من هو الذي كان من وراء تلك الوشاية وهجمة كلاب أمن النميري على المناضلين. على كل حال نحن نتابع ملاحقتكم للسدنة ونستغرب كيف أن لسان المدعوا غريبة قد تطاول على أولياء نعمته في الاحاديث التي يعجز اللسان عن زكرها وفي الختام نثمن صمودكم وملاحقتكم لقوى الظلام وأتباعها أمثال غريبة وتقبل تحيات مناضلي الجبال وعنهم كربوس تية والاحيمر وعثمان قوعنج.
أخوكم دوما/ صلاح كجور
سلارا الجبال السودان الجديد
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: الزبير صالح الزبير)
|
غايتو أجمل شيء أنا هنا في مدينة جوار الطائف اسمها الخرمة
أول شيء انا البورادبي الوحيدبالخرمة من سودانيز أون لاين
تاني شيء انا { عمدة } بورداب الخرمة منذ 2002
وحتى اللحظة لم ينافسني اي انسان على اللقب منذ عشرة اعوام
يعني عمدة اصلي وياباني 100 %
مش زي صلاح غريبة مرة عمدة بورداب الرياض
ومرة عمدة ابها وخميس مشيط
ومرة عمدة القاهرة
ومرة عمدة كاب الجداد !!!
أفكر جلياً في دخول { ست النفر } لسودانيز اون لاين
حتى تكون عمدة بوردابيات الخرمة
والنائب العام لعمدة بورداب الخرمة !!!!
صلاح انت وعدت الناس ثلاثة مرات
والجماعة يجروا للمطار
وفي النهاية يطلع سفرك ماااااسورة
ذكرتني كنت مسافر على الخطوط السودانية والجماعة يودعوني
امشي المطار والقى الرحلة اتأجلت
ارجع البيت مرة تانية
احدهم قال لي والله انت زي كديسة الخلاء
يمرقوك من هنا
نلقاك تاني رجعت البيت من هنا
هسي كديسة الخلاء أنا وللا سودانير
قال عمدة قال !!!
| |
|
|
|
|
|
|
|
|
|
Re: عمدة بورداب القاهرة والإعلامي صلاح غريبة قريبا في الخرطوم (Re: ابوحراز)
|
Quote: غايتو أجمل شيء أنا هنا في مدينة جوار الطائف اسمها الخرمة
أول شيء انا البورادبي الوحيدبالخرمة من سودانيز أون لاين
تاني شيء انا { عمدة } بورداب الخرمة منذ 2002 |
يا خي الخرمة تتبع للطائف والطائف يتبع لمنطقة مكة المكرمة ، إذا أنت تتبع لعمودية جدة والعمدة بتاع الخرمة (مش أنت) ، يبقى العمدة بتع جدة .
شفت كيف غريبة فايتك !!!
طالب بحكم ذاتي أو أفصل أقليمك عشان تبقى العمدة .
| |
|
|
|
|
|
|
| |
محمد المسلمي
خال فاطمة
صلاح غريبة
فايزودالقاضي
خضر الطيب
قاسم المهداوى
وضاحة
Deng
د. ياسر عبد القادر
الزبير صالح الزبير
ابوحراز
ولياب
ASHRAF MUSTAFA
فيس بوك
تويتر
انستقرام
يوتيوب
بنتيريست