السيرة الذاتية للشاعر الراحل سيد احمد الحردلو

Quote: السيرة الذاتية للشاعر سيد احمد الحردلو سيد أحمد الحردلو شامي (السودان). ولد عام 1940 في قرية ناوا بالولاية الشمالية- السودان. حاصل على بكالوريوس في اللغة الإنجليزية وآدابها 1965, ودبلوم اللغة الفرنسية 1975/ 74. عمل مدرساً, ثم انتقل إلى السلك الدبلوماسي فعمل مستشارًا بسفارة السودان في كنشاسا 1975, 1976 فوزيراً مفوضاً 1977- 1979, فسفيراً 1980, فسفيراً فوق العادة 1987- 1989 وتقاعد عام 1989. عمل محرراً ومراسلاً لبعض الصحف السودانية والعربية. شارك في العديد من المؤتمرات الرسمية, واللقاءات والمهرجانات الثقافية. دواوينه الشعرية: غدا نلتقي 1960- مقدمات 1970- كتاب مفتوح إلى حضرة الإمام 1985- بكائية على بحر القلزم 1985- خربشات على دفتر الوطن 1997- الخرطوم... ياحبيبتي 1999- أنتم الناس أيها اليمانون 1999, إلى جانب الكثير من الأشعار بالعامية السودانية. أعماله الإبداعية الأخرى: ملعون أبوكي بلد (مجموعة قصصية)- مسرحية شعرية بالعامية السودانية. ممن درسوا شعره أو كتبوا عنه: مصطفى السحرتي- تاج السرالحسن- عزالدين إسماعيل- محمود أمين العالم أحمد رشدي صالح- جيلي عبدالرحمن- غادة السمان. عنوانه: منزل رقم 396- مربع 61- أركويت- الخرطوم- السودان.

Quote: وهو القائل:- السوداني يوم ولدوه غاب الخوف ويوم ربوه خاف الخوف ويوم شافوه مات الخوف

Quote: داني لذلك نجد الحردلو يشدو ويغني بالشخصية السودانية والسودان وطناً في الدواخل وفي حركات وسكنات الانسان السوداني:- تقولي شنو وتقولي منو أنحنا الساس ونحنا الراس ونحن الدنيا جيناها وبنيناها بويت في بويت وأسعل جدي ترهاقا تالا أبوي بعنخي لزم وتالا اللم أبوي أولباب وأمي مهيرة بت عبود وأخويا المهدي سيد السيف والخلى النصارى تقيف هناك في القيف

Quote: تقول لِى شنو وتقول لِى منو ، ونحن الشينْ ونحن الزينْ ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ تقول لِى شنو

Quote: ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ، تقول لِى شنو وتقول لِى منو ، ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ، تقول لِى شنو وتقول لِى منو ، ونحن الحِنه والجرتقْ ونحن الزفه والسيره ، ونحن ..أبشرى والشبال ، ونحن السَىْ ونحن الوَىْ ونحن الرقبه .. والتُمْ تُمْ ونحن اللَمْ .يكون فى الدنيا ..متلنا ..لمْ تقولى لِى شنو وتقول لِى منو ، ونحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين تعال يا زول ، وإن كست الكعب والشين أرح .. يا زول تقولى لى شنو وتقول لى منو ، ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ، ونحن فَزَعْ ونحن وجَعْ ونحن اليُمه ..واليَابَا ونحن أريتو بالتَابَه ، ونحن – يمين – إذا حَرّتْ ، نخلى الواطه ..رُقَابه ،

Quote: ونحن زَغَاوه والعطرونْ ونحن الدُونَا ..مافيشُ دونُ ونحن وِلاد مَلك خِرتيتْ وسَابَ الجرْ وحجَر السِكه ، والتاكا ، وسيّدنا الفى الجبل ..دَاكَا ونحن – يمين – نضِمنا كُتُرْ وشيَتنا كُتُرْ وأسعَل ناس كَرن والطُورْ ، وأسعَل كَررى .. والعَتْمُورْ وأسعل – يا جنَاَ – الخرتُومْ ، وشوف كيفن زعلنا كُتُرْ ، وشوف كيفن فرحنا كُتُرْ ، أنحنا الـ للرجال خُوسَه ، ونحن –يمين – جِنَات موسى ، تقولى لِى شنو وتقول لِى منو ، ونحن الدوكه والضُلاله ، والدونكه ، ونحن الدانقه ،والراكوبه ، والواطه ، ونحن الفَكَه والشِبكَه ونحن الحجزه .. والعكَه ، ونحن الجُودْ ،ونحن أسودْ ، ونحن النَانْ ،حديثنا إذا أرِدتو رُطَانْ وحين دايرين ..نسوى بَيَانْ ، تقول لِى شنو وتقول لِى منو ، ونحن الخَلوهَ والدايره ،ونحن تَكيه العايره ، ونحن الضُّلْ ،ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ،وتقولِى منو ، أقيف لِسَعْ وأقيف وأسمعْ ، ونحن صديرى منضوم ويلْ ونحن القَرمصيص ..بلحيلْ ، ونحن التوبْ ونحن الووبْ وناس حبوبْ وناس حَرّمْ ونحن إذا رأينا كبيرْ نقيف طولنا ..ونقولْ لُه ..حَبَابْ ونديه البُكَان ..ترحابْ ونحن. اليَانَا ديل .. يا زولْ وتسعلنى .. وتقول لِى منو وتقولِى شنو ، أقيف لسعْ وأقيف .. وأسمعْ ونحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه تقول لِى شنو وتقول لِى منو ،وأما عجيبْ وأما غريبْ ،وأقيف لسعْ وأقيف .. وأسمعْ ، أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو

Quote: أغني لرمل السواحلِ ، يا أيُّها الوجعُ المستبد بنا . أيُّها المستبيحُ مراقدَنا مثلما تفعل النارُ في الأرضِ حين تمورُ ، كما الشوقُ في القلبِ حين يروادنا العشقُ أو نتداركه في خريفِ الزمانْ. أما حان أنْ يطلع البدرُ فينا فنلقاهُ عند الثنياتِ .. بالدُّفِّ والكفِّ .. والمهرجانْ.. نشيلُ البيارقَ – تِلوَ السيوفِ- وفوق الكتوفِ ، ندوسُ بها فوق جيشِ المغولِ الذي استراح.. وقد استباح رمالَ السواحلِ ، يمضُغها وجع’’ يستبد بنا كلَّ آونةٍ من أوانْ .

Quote: المصدر أونلاين - صنعاء توفي يوم الجمعة في الخرطوم الشاعر والدبلوماسي السوداني سيد أحمد الحردلو عن 72 عاماً أمضاها في العمل الدبلوماسي والصحفي والتربوي، وقضى سنوات منها مقيما في اليمن، حيث عمل مدرسا في حضرموت قبل استقلال الجنوب، ثم عاد إلى اليمن سفيراً، واستمر ضيفا عليها لعدة سنوات عقب تقاعده في 1989. وخلال تلك السنوات بنى الحردلو علاقات واسعة مع عدد كبير من المثقفين والأدباء والمفكرين والسياسيين اليمنيين، والعرب المقيمين في اليمن، وارتبط بعلاقة حب عميقة باليمن واليمنيين عبر عنها في ديوانه «انتم الناس ايها اليمانيون»، وفي عدة قصائد ومقالات.

Quote: من هو سيد أحمد الحردلو ويكيبيديا سيد أحمد الحردلو السيرة الذاتية سيد أحمد الحردلو صورة سيد أحمد الحردلو من هو سيد أحمد الحردلو ويكيبيديا سيد أحمد الحردلو السيرة الذاتية سيد أحمد الحردلو صورة سيد أحمد الحردلو سيد أحمد الحردلو شاعر سودانى ودبلوماسى معروف ولد عام 1940 في قرية ناوا بالولاية الشمالية السودان. حاصل على بكالوريوس في اللغة الإنجليزية وآدابها 1965 ودبلوم اللغة الفرنسية 1975/ 1974 م عمل مدرساً في السودان ثم في حضرموت قبل استقلالها، ثم انتقل إلى السلك الدبلوماسي فعمل مستشارًا بسفارة السودان في كنشاسا 1975, 1976 فوزيراً مفوضاً 1977- 1979, فسفيراً 1980،فسفيراً فوق العادة 1987- 1989 وتقاعد عام 1989 م. عمل محرراً ومراسلاً لبعض الصحف السودانية والعربية. شارك في العديد من المؤتمرات الرسمية, واللقاءات والمهرجانات الثقافية. دواوينه الشعرية غدا نلتقي مقدمات 1970 كتاب مفتوح إلى حضرة الإمام 1985 بكائية على بحر القلزم 1985 خربشات على دفتر الوطن 1997 الخرطوم... ياحبيبتي 1999 أنتم الناس أيها اليمانون 1999 إلى جانب الكثير من الأشعار بالعامية السودانية. أعماله الإبداعية الأخرى ملعون أبوكي بلد (مجموعة قصصية)- مسرحية شعرية بالعامية السودانية. ممن درسوا شعره وكتبوا عنه مصطفى السحرتي تاج السرالحسن عزالدين إسماعيل محمود أمين العالم أحمد رشدي صالح جيلي عبد الرحمن غادة السمان وفاته توفي يوم الجمعة 8 يونيو 2012 عن عمر يناهز 72 عاما.[1]