|
|
|
 Re: جمارك الخرطوم تكشر عن انيابها للمغتربين: 950 ريال جمارك للتلفزيون (Re: على بدرى حاج)
|
الأخ علي بدري حاج
تحياتي - يا زول أريته تحلهم مثل هذه الإجراءات الإرتجالية غير المدروسة بالطبع . لكن يبدو أن سياسة رزق اليوم باليوم في إدارة شأن الدولة ستستمر طويلاً حيث لا نرى خطة مدروسة مستوفية كافة جوانبها لطرحها للمغترب . ويمكن أن يستمر هذا المنوال ليشمل نواحي أخرى من حياة المغترب تكون محصلتها زيادة أعباء دون نتائج لصالح البلد أو المغترب.
بحيراوي
| |
 
|
|
|
|
|
|
|
|
Re: جمارك الخرطوم تكشر عن انيابها للمغتربين: 950 ريال جمارك للتلفزيون (Re: على بدرى حاج)
|
| Quote: احد الاصدقاء وصل بالامس مطار الخرطوم ومن ضمن امتعته تلفزيون شاشة بلازما 32 بوصة . توقعاته ان لا تتجاوز رسوم الجمارك 100 ريال سعودى ...وكانت المفاجأة : الرسوم 950 ريال وسعر التلفزيون 1050 ريال....ولا ادرى سببا غير ازمة "العملة الصعبة" التى تمر بها الحكومة. |
يا علي الانياب دي مكشرة ليها كم سنة
شخصيا قبل سنتين جبت معاي تلفزيون بلازما
اشتريتو مستعمل...(عديل كدي) من سوق المقاصيص
لأني مقصوص ...وكانت قيمته ما يعادل 200 دولار
أو قول 760 ريال وكم هللة ...وشحنتو معاي صحبة
راكب...ودفعت عليه وزن اضافي...زي خمسين ريال
يعني بقي بي كم؟؟؟ مش 810 ريال...
وصلتي الخرطوم لقيت في السير عاملين عليه
صليب بي طباشير برتقالي كبييير...حاولت تحت
تحت أمسحو...أبا لي تب...وأتوكلت ومشيت علي
ناس الجمارك...والدنيا دغش ليل...الضابط
قال لي....الشاشة دي حقتك....أنا قلت الزول
دا عايز يتغاضي عن انو تلفزيون وديك أول مره
اسمع بي (شاشة) قلت في سري سريع سريع...الحمدلله
آي حقتي يا جنابو...مرق ليه أورنيك من كم صفحة
وكربون وشخبت شخبت....وجيب جوازك...وامش الشباك
داك....مشيت الشباك لقيت زول طرفو نعسان...كتب
لي 300 ...وقال لي أمش الشباك التاني....مشيت
الشباك التاني...قال لي عايز تدفع بالدولار واللا الريال
قلت ليه ال 300 دي ريال واللا دولار...قال لي دولار
قلت ليه ما عايز أدفع ورجعت لي الضابط...قلت ليه من الأخر
كدي....أنا ببيع ليك التلفزيون دا بي 400 ألف...وكلامي
زاتو ابا يسمعو...ونزلت ليه أي مكنة في الدنيا دي لافة
مستعمل ولي نادي...وادوني ليه ساكت...وقيمتو أقل من
جماركو....دا كلو لقيت فيه تخفيض 50 دولار...واتأخرت زي
ساعة ودفعت وكراعي فوق رقبتي....الكلام دا سنة 2010
فيبقي التكشير دا قديم...ما تخلعنا ساكت....أنا هسي فاكرو
تكشير جديد....والمكشر خاتي سفة
| |
|
|
|
|
|
|
|
|
|
Re: جمارك الخرطوم تكشر عن انيابها للمغتربين: 950 ريال جمارك للتلفزيون (Re: nazar hussien)
|
Quote: جماركو....دا كلو لقيت فيه تخفيض 50 دولار...واتأخرت زي
ساعة ودفعت وكراعي فوق رقبتي....الكلام دا سنة 2010
فيبقي التكشير دا قديم...ما تخلعنا ساكت....أنا هسي فاكرو
تكشير جديد....والمكشر خاتي سفة |
شكرا اخى Nazar
الذى اشترى وشحن التلفزيون صحبة راكب هو احد اصدقائى. اما انا فقد اشتريت هذا النوع من التلفزيون وكنت انوى رساله مع " العيال" للسودان....ولكن الحمدلله لحقت نفسى قبل ما اتورط وقررت ان لا اشحن الجهاز. وبالمناسبة هنالك الكثيرون لا يعرفون الواقع الا بعد ان يقع الفاس فى الراس!!!
| |
|
|
|
|
|
|
|
|
|
Re: جمارك الخرطوم تكشر عن انيابها للمغتربين: 950 ريال جمارك للتلفزيون (Re: ندى صالح الطيب)
|
ألأخ/على بدرى السلام عليكم..
الكلام ده ماجديد جمارك الشاشات ده من بدرى عشان الناس البستوردوها ما يقعدوا فى الخلا ودى حماية من الدولة لمثل هؤلاء التجار لأنهم بدفعوا ضرائب ولو فتجوها حاتبقه تجارة.
تأكيدأ لكلام بعض ألأخوة هنا..أنا قبل سنة قارنت بأن أرسله أم أشتريه من الداخل وكان ألأفضل من الداخل لأن ذلك بوفر ليك قيمة الشحن ومخاطره من كسر أو ضياع أو تلف.
Quote:
انت ليه من الاصل متعب رووحك و شاحن التلفزيون للسودان
على سبيل المثال ممكن تشترى تلفزيون HD من الشركه التجاريه الوسطى بثمن اقل(ما موتأكد من السعر الحالى لكن عندهم عروض ارخص من الاستيراد على ما اظن....و ما تنسى الضمان كمان)
|
ده تأكيد لكلام أخونا أمين سالم..
___________________________________________________________________________
حكومتنا مجوبكة وبعض منا أيضاً مجوبك لاندرس ألأمور بصورة جيدة....تقديرى وإحترامى للجميع.
| |
|
|
|
|
|
|
|
|
|
Re: جمارك الخرطوم تكشر عن انيابها للمغتربين: 950 ريال جمارك للتلفزيون (Re: عبد الحميد حسين)
|
Quote: بالله بالمره شوفنا لينا معاك جمارك المكواه بكم ؟
اسامة الخليفة |
حسب سعر المكوة يعنى لو بـ 50 ريال الجمارك = 50 ريال
Quote: بالمرة كمان شوفو لينا الموبايل وكمرة فديو صغيرة واللابتوب والايباد والجلاكسى نوت و التاب ممكن الاسرة الاب وآلام والأولاد عادى شايلينها كلها
ندى صالح الطيب |
هذا يعتبر ترف ....ممكن يسمحو ليك بكمبيونر عادى
Quote: تأكيدأ لكلام بعض ألأخوة هنا..أنا قبل سنة قارنت بأن أرسله أم أشتريه من الداخل وكان ألأفضل من الداخل لأن ذلك بوفر ليك قيمة الشحن ومخاطره من كسر أو ضياع تلف.
Ismeil abbas |
شكرا على التنوير ..زانا اريد ان افعل ذلك وربما الكثيرين غيرى ...واتمنى ان تكون بضاعة الداخل بذات جودة بضاعة الخارج !!!!
| Quote: وزي ما قال اخونا نزار التكشيرة دي قديمة والتكشيرة الجديدة ما ظهرت لسع . |
التكشيرة الجديدة بدات بالامس مع اعلان رفع الدعم عن المحروقات وزيادة الضرائب والجمارك ...اربطوا الاحزمة على البطون
| |
|
|
|
|
|
|
| |
البحيراوي
الرفاعي عبدالعاطي حجر
Amin Salim
nazar hussien
اسامه خليفه
ندى صالح الطيب
ismeil abbas
راشد يحى مدلل
فيس بوك
تويتر
انستقرام
يوتيوب
بنتيريست