|
|
 *** هدية ليك يا هناي ***
|
صراحة اعجبتني هذه القصيدة
والتي لا أعرف صاحبها:
الليلة عيدو هناي .. و أمس الجميع واقفين
من غيرو كنت هناي ..كان قلبي ديمة حزين
...
كان دمعي مني هناي.. و الناس تقول مسكين
يوم ما لقيتو هناي.. قاعد معاو واحدين
قت ليهو إنو هناي ..وين إنتو ما ظاهرين
كان قاعدة جمبو هناي.. ردت علي قاعدين
قعدت مما هناي ..قاعد قريب ساعتين
سافرت لما هناي.. عديت هناك يومين
و رجعت لما هناي.. لاقيتو بين إتنين
قت ليهو و الله هناي.. و الله مشتاقين
ضحك الغزال و هناي.. كانت ردودو طنين
كت حاسي برضو هناي.. و شايلني في العينين
بس كيف أقولو هناي.. و الريدة مني تبين؟؟
و عيوني فيها هناي.. لكن لساني سجين
الله العليم بي هناي ..خليهو قلبو يلين
و يديني منو هناي.. و أديهو قلبي أمين
يوم بس بدون ما هناي ..قت ليهو ريدي دفين
الله استجاب لي هناي.. و أصبحنا متحابين
ظاهر عيان و هناي.. صار حبو لي قرين
سبنا العزول و هناي ..في حرقتم زايدين
زاد بي هناهو هَناي.. ومسحنا كل أنين
عيدك و عيدي هناي.. في دمي يجري سنين
كل عام و إنت هناي ..و الدنيا ليك ياسمين
وتااااني التحية ليك يا هناي
.
.
.
|
|
 
|
|
|
|
|
|
|
 Re: *** هدية ليك يا هناي *** (Re: ابراهيم قناوي)
|
غايتو القصيدة هناي ... وسيدا ما مسكين ...
دا خاتّي فيها هناي ... قايلنا ما عارفين ...
انا جبت ليك هناي ... شان الغلات بعدين:
| Quote: و يديني منو هناي .. و أديهو قلبي أمين |
معقولة بس يا هناي؟ ... افرش كمان وتخين؟
... الهناي ....
| |
|
|
|
|
|
|
|
|
Re: *** هدية ليك يا هناي *** (Re: تبارك شيخ الدين جبريل)
|
ياخ إنت الطلعت هناي *** ونحنا ما عارفين
والفهم البكون بي هناي *** دايما بكون في الطين
وعشان نكون في هناي *** ختينا ليك جاهزين:
Quote: سبنا العزول و هناي ..في حرقتم زايدين
|
والحرقة ليك وهناي *** ونحنا فرحانين
المهم يا هناي
| |
|
|
|
|
|
|
|
|
|
Re: *** هدية ليك يا هناي *** (Re: ابراهيم قناوي)
|
دي قلبت فيها هناي ... معاها أوسكارين ...
واحد لأنو هناي ... والتاني شان "جاهزين"
داير تكون في هناي ... وتسيبنا ساي حايصين؟
زولك عرفناه هناي ... ماف داعي للتسخين
الحرقة فيها هناي ... وبتشمّت العادين ...
... المهم ...
| |
|
|
|
|
|
|
|
|
|
Re: *** هدية ليك يا هناي *** (Re: تبارك شيخ الدين جبريل)
|
التسخين بكون بي هناي *** ونارو بالبنزين
بس خليك معانا هناي *** تلقانا ناس حلوين
والحرقة تمشي هناي *** ويزهر الياسمين
وتلقى أنت هناي *** ونحنا نبقى مبسوطين
نكون معاك بي هناي *** وعزالنا محروقين
*** تحياتي ليك يا هناي ***
| |
|
|
|
|
|
|
| |
ابراهيم قناوي
ABUHUSSEIN
تبارك شيخ الدين جبريل
فيس بوك
تويتر
انستقرام
يوتيوب
بنتيريست