|
Re: المايكرفون هنا ماذا تقول (Re: بلدى يا حبوب)
|
الساحة الخضراء من مناسك الحج الى خلط ونق مررت بالساحة الخضراء وتعجبت لكثرة الانوار ورجعت بالوراء الى ايام قيام وزارة الاوقاف بعمل مجسمات لاركان الحج لتدريب حاج بيت الله الكريم ومع تزامن فضيحة وزارة الاوقاف حول ملابسات مرتب احد المحسوبين بالريال والجنيه الذى يسيل له العاب تحولت مناسك الحج السودانية الى واحة للمخلوط والنقة الدقاقة ما بين الجنسين وداخل الساحة انتشرت العربات وكل زول يقيف بعد دفع رسوم الدخول محل ما يدور وعينيك ما تشوف الا النور . قلته القى لى سبب منطقى للحصل ده من المجاهدات والتكبيرات اصبحت الساحة تنافس الطابق الاول لمول عفراء احد الخبثاء من الجماعة قال اصلو نحنا بعد انتهاء حكم القذافى دايرين تصليح العلاقات مع حكام ليبيا الحاليين واحتراما لما قاموا به من كنس كل اخضر فى ليبيا قلنا نشاطرهم الافراح ونحول الساحة الخضراء الى متكىء ينبسط فيه الشعب السودانى بعد تعويم الجنيه وبالمره نعوم الساحة الخضراء كمان اليومين ده الموضة فى الخرطوم .. تاء تسكع تمتع كاف كفت كرت احمر باء بهجة بهرجة راء روعة رقيص رفس والمكذبنى امشى جنب مطار الخرطوم ويشوف تعويم الساحة الخضراء
الموضوع خرمجه بس لليفهمه
| |
|
|
|
|