|
|
 حله أبت تنجطت #!؟
|
أنا من عشاق الخميس كيوم ونهاية أسبوع ويوم أحتفالي في حياتنا نحن سكان السودان البؤساء المهم أمس أتصلت بالموبيل حقي بالتاكيد ما أي فون ولا هاتف ذكي ولا حاجة لانو بعد مرات بيكون راديو ومنبه وأله حاسبة تعرفوا أنا زعلان من ناس أصحابي في أمريكا قالوا ح نرسل ليك أي فون الكلام دا حسي ليهو سنه مش كدا ياناس سان هوزيه ما في زوال قال أنو المنظقة دي غنيه والزول اللي وعدني عامل مرطب ولما جا السودان ضبح خروف للشله بالليل من باب تاكيد الوضع المالي المميز يا خي قوم لف قالوا أنت ذاتك شاغل في مغسلة ملابس في فندق جربان زيك كداوبعدين حتي البدل هي بتاعت زبايين ما جوها تاني المهم أنا من زمان فطايتك وختيت في محلك كيس تسالي التسالي كان مزتو الزول المرض دا المهم الظاهر أنو كهرباتي قدمت شويه لكين أنتو عارفين الزول دا عمل شنو مما سافر حتي الاسكايب حقو ما شاغل يا خي دا زول عشوائي جدا لكين ما بيرجع السودان تاني قال أي فون خلاس بشتري مستعمل عشان ما أموت بالحسرة لانو في وعدو بالاي فون دا ومن حر مالي شرب زي الفين قزازة كدا سلفقه أنشالله ما تنفعك يا ماسورة !
أرجع الموضوع الاساسي أتصلت بالصديق الصدوق حارس الاوهام وجامع المحبطين والماشوكشين عشان أعرف البرنامج شنو ومنو من المع نجوم المجتمع معانا الليله وأهم حاجة كمان العضه عجالي ولا ضأن كان التلفون مشغول ما ردا علي المهم طبعا نحن ضربة البداية بعد العشا مباشرة والتأخير مسموح لحدي تسعه ونص وبعدهاما تلوم الا نفسك لانو في شباب عنهم نوع من الشراه والفنج حقتم بتفتح كويس جدا وصلت أرض الملعب وجدت الشله الا الباشاكاتب وهو دا تنظيمي من أهل العقد والحل بيعرف المحطات المنشرة في العصمة القومية والولايات وعندو قدرة علي الاستانه من كل الجهات المانحة بحكم مظرو الخداع قعدت كدا وهاك يا كلام وأخبار وفي ناس أنقطعو خلال الاسبوع لاسباب مختلفة المهم علينت للساعه كانت تص الليل أو قريبه منها شويه قلت للشباب أها العشا كيف قالوا والله بعد كدا ما في طريقة غير جدادقلت خلاس نمسي نجيب الجداد أتحركنا نحن تلاته زي الماشيت الصيدلما وصلنا أول بقالة كبيرة وعامرةكدا نزل العميد معاش صاحب الصولات والجوالات في عالم الليل عشان يجيب الجدادة المهم أشترها ورجعنا قمنا قطعنا البصل وكل الاجراءات المرعية عشان تكون حله كاره كدا وختينا الحله زي الساعة أتناشر وشويه كدا وبعد ساعتين كدا قمت سألت الشباي ياناس الحله لسه ولا خلاس نقلبهيقولوا عليها شوية وجما عتي يايشليوا وهاك ياغنا وضحك وأنا الجوع عايز يقتلني الساعة حسي أتنين والزمن جاري يا شباب حلتكم دي ما نجطت لسه يقولوا عليها شويه خلاس أنا الصبر غلبني مشيت فتحت الحله القي الجدادة عبارة كتلة تلج زولي قلنا ليه أشتري المبردة قام أشتري المجمدة المهم أنا سويت سلطة وأكلت وناسي لحدي حسي قاعدين منتظرين الحله تنجطت
بالله شفتوا حجم معاناتي كيف والحله أبت تنجطت؟!؟!!
|
|
  
|
|
|
|
زهير عثمان حمد
فيس بوك
تويتر
انستقرام
يوتيوب
بنتيريست