|
|
 تورنيدو خطير في فرجينيا
|
الليلة جميع قنوات التلفزيون
مفتوحة لتعليم الناس كيفية التأهب وطريقة تفادي الأخطار .
..
ربك يستر
|
|
  
|
|
|
|
|
|
|
|
Re: تورنيدو خطير في فرجينيا (Re: د. ياسر عبد القادر)
|
| Quote: وصل ميريلاندالان.....أسمع أصوات المدافع عبر النافذة |
الحاصل شنو ؟؟ مدافع شنو يا دكتور ...
ربنا يحفظكم من كل سوء وشــر ...
كان الرسول عليه أفضل الصلاة والتسليم يدعو عند العواصف
" اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به "
فأكثروا من دعاء من لا ينطق عن الهــوى ..
تحياتي يا عثمان
| |
|
|
|
|
|
|
|
|
|
Re: تورنيدو خطير في فرجينيا (Re: Osman Musa)
|
الأخوان الكرام
* د / ياسر
* د / أحمد
سلامات
يا جماعة من شوية جيت فايت بي عند المستشفي .
شايف الدنيا كلها جاكيتات زرقاء .
وشايف البلد كلها VOLUNTEER .
شعب شجاع و جاد ومتأهب .
..
لكم التحية
| |
|
|
|
|
|
|
|
|
|
Re: تورنيدو خطير في فرجينيا (Re: Osman Musa)
|
عزيزنا خضر
سلامات
وأكيد أكيد أنشاءالله حتكون عامل حسابك علي روحك والجيران .
التورنيدو خطير ومخادع وما عندو ضمان . وهم عارفين الحقيقة دي . عشان كدي
بتلقاهم جادين ومتحوطين .
غايتو خلي دولاراتك والبطارية في جيبك .
تحياتي
| |
|
|
|
|
|
|
|
|
|
Re: تورنيدو خطير في فرجينيا (Re: Elmosley)
|
عزيزنا الفنان الموصلي
سلامات
غايتو يازول حسب كلام ناس القنوات تخليك مصحصح ومتابع .
عندنا يا موصلي وأحد صاحب تاني يوم جاب كيس تمباكو من حوش جارو
الخامس عشر .
دحين خلي بالك لا تقوم تجيب العود من الصحافة شرق .
..
يديك العافية .
| |
|
|
|
|
|
|
|
|
|
Re: تورنيدو خطير في فرجينيا (Re: معاوية المدير)
|
عزيزنا معاوية
سلامات
الحمد لله ياخ الهبوب العجيبة كسحت .
هبوب البلد دي يا معاوية أخوي الليلة لو ما ربك لطف كانت مرقت
نعالي في بنطون الباوقة تحت جروف عمك حمدين ود خير السيد .
هبوب مخيفة .
القندراني بتاع المسيسيبي شفتو طار زي الورقة كيف ؟
قوة الطبيعة دي ياود المدير عجيبة .
| |
|
|
|
|
|
|
|
|
|
Re: تورنيدو خطير في فرجينيا (Re: عليش)
|
الحمد لله........مرت بسلام
Quote: الحاصل شنو ؟؟ مدافع شنو يا دكتور ...
ربنا يحفظكم من كل سوء وشــر ... |
د. أحمد تحياتي
والله الاصوات السمعتها أمبارح دي....أصوات المدافع بالنسبة ليها همس أو موسيقي خفيفة
بس والله البني أدم هنا عندو قيمة خيالية....جارتنا حامل ...إتصلو بالاسعاف....ثلاثةأو أربعة دقائق فقط وصل...في الظروف الجوية السيئة دي...
تحياتي عثمان و المتداخلين
| |
|
|
|
|
|
|
|
|
|
Re: تورنيدو خطير في فرجينيا (Re: Osman Musa)
|
ود العم د / ياسر
سلامات
يا ياسر ياخ في البلد دي ما البني أدم وبس العندو قيمة .
حتي الحيوانات عندها عندها قيمة برضو . يعني لو في كديس في أسعاف . الناس
كلها بتفج الشارع عشان السيد الكديس يصل بسرعة ويتعالج .
يا د / ياخ حمار عمنا حمدان الانصاري مسكين مات جكنان الناس ما جابو
خبرو .
حمار عمنا الانصاري لو جكن في هادي البلاد كان جابوه في الفوكس نيوز .
بلد عجيبة .
يا ياسر جارتنا زمان في نيويورك سالتني بخصوص الكديس حقها الكان عيان سالتني :
لو كان عندي أي FAST RELIEF للكديس .
تخيل ؟
الحمد لله كان عندنا شوية حرجل ومحريب . والحمد لله غايتو نفعو الكديس المدلل .
حكاية القيمة وما القيمة فرق الليل من النهار يا ياسر .
تحياتي
| |
|
|
|
|
|
|
|
|
|
Re: تورنيدو خطير في فرجينيا (Re: Osman Musa)
|
الحمد لله الصباح التورنيدو
فات بي خيرو وبي شرو و كل حاجة رجعت
زي ما كانت .
شرو كان كثير وفادح . وخيرو كان أكثر . وخير المطر معروف . وبرضو فتح شغل
لجماعة سمكرة العربيات وصيانة أسطح البيوت وناس الكاربت .
صحيح الجو كان مليان بالورق وبواريك الشعر المستعار بس دي الطبيعة يعني الناس
تعمل شنو ؟
| |
|
|
|
|
|
|
|
|
|
Re: تورنيدو خطير في فرجينيا (Re: Osman Musa)
|
Quote: ياخ حمار عمنا حمدان الانصاري مسكين مات جكنان الناس ما جابو
خبرو . |
الانصاري دا أوعي يكون في الزيداب....الانصار ديل حدهم الحسناب
ياخوي كدي رسل لي تلفونك في الخاص...النشوف القصة شنو؟؟؟
| |
|
|
|
|
|
|
| |
Osman Musa
د. ياسر عبد القادر
خضر الطيب
Elmosley
معاوية المدير
عليش
فيس بوك
تويتر
انستقرام
يوتيوب
بنتيريست