يا إخوانا إيقاع الدليب نوبى ولا شايقى..الشوايقة نوبين ولا العكس ؟

Quote: لا يسعنا إلا أن نقول سف وقارن

Quote: يا حبيب انقز ساااااااااااااكت

Quote: الاخ قرشي والمتداخلين سلام في البداية لازم نوضح إنو الشايقية نوبة مستعربة ، أما بخصوص الدليب مع احترامي لرأي الصديق مكي ، وبحكم الاوزان الموسيقية والتي تصنف ب مثال 2 من اربعة ، 3من اربعة 4 من أربعة إلا ان ايقاع الدليب تصنيفه يقع مع الايقاع الشايقي واللي يعتبر من أندر الايقاعات ويعتبر ايقاع غريب من نوعه وطبعا شوايقة ونوبة كجيران والاتنين بيستعملوا الطمنبور فمن الطبيعي أن يتسرب هذا الايقاع شمالا. ولكم الود

Quote: إيقاع (( مشابه )) طنبور / كرار لكين مافي بلد عربي , موجود عند الجيران ناس إياسو برهي ويكاد وضوحوا يكون اكتر في غني التجراى ( الحبش ) القديم إيقاعات الطنبور عندهم فيها تطابق كتير مع إيقاعات طنبور بغنوا بيها عندنا في الشمال بغض النظر عن محتوي الغنية للمرحوم إياسو برهي الغناها أيام حرب الوياني والدرك عوزك تركز في الإيقاع وهتعرف ليه أنت وأنا وكتار زينا ما بحسوا بأي غربة في إيقاعات شرق إفريقيا

Quote: ولا يسعني ك [مطرطش]، إلا أن أقول لك قد [سففت/شفت] وقارنت من زمناً بعييد.. أنا سوداني! بالمناسبه، إنتا مالك [قرشي] كدي؟ - الفوق دا هظار..

Quote: اخى قرشى بالغت فى دى النوبة شوايقة ههههههههه ايقاع موجود فى السودان يكون اصلو شايقى ؟ ياخى حرام عليك كيف الشوايقة نوبة مستعربة كما ذكر اخونا الفوق و الدليب ايقاع شايقى ؟ اذا كان الشايقى زاتوا بشحموا و لحموا اصلوا نوبى ...ايقاعوا يكون ما نوبى ؟ كل الايقاعات الموجودة فى السودان و ما جاور السودان و شرق افريقيا اصلها نوبية لان النوبين هم اصل السكان فى المنطقة و لك شكرى

Quote: العزيز قرشي انا جاييك بي محلين 1- ايقاع الدليب أو 7/8 في السودان( لاحظ في السودان دي) شايقي ولو الشوايقه نوبيين يبقى الايقاع نوبي "شايقي" طيب الايقاع منتشر في العالم 1- استخدمه مؤلفو شرق وغرب أوروبا منذ القرن السابع عشر ايجور سترافنسكي مثالا هو متأصل في الاغنية الشعبية الاغريقية استخدمه منها ياني مثالا ----- في جامعة ايوا كان الاستاذ الزائر اغريقي وأثناء تدريسنا ادانا واجب كتابة مؤلف للرباعي الوتري كونتراباض / تشيلو / فيولا / كمان فكتبت مؤلف على ايقاع الدليب حأجيبو ليك في البوست ده ان شاء الله الاستاذ نظر الى شخصي باستغراب وسألني من أين لك هذا الضرب الايقاعي فرددت عليه بان هذا "من إندنا" منطقة الشايقية فقال لي لا هذا إغريقي واستمر الجدل وقررنا أن يأتي كل منا في اليوم التالي بما يثبت أحقيته فاحضرت شريط للنعام وأحضر هو أغنية شعبية اغريقية وضحكنا جميعا وعرفنا بان هذا العالم ضيق كل الود موصلي

Quote: الإخ نايف ..سلامات مالو يعنى لو النوبة بقو شوايقة هم اقل مننا فى شنو ؟ افترض انو ايقاع الدليب إيقاع نوبى وقلعوه مننا قلع فى نفس الوكت رافضين نوبيتهم وقالوا نحن عرب وبس ..حنغعمل شنو يعنى ؟ هل حنحترم خياراتهم ولا حنضحك فيهم ما لازم الواحد يرضى بالحقائق المجردة انت قلت الشايقى بشحمو ولحمو نوبى ..هل الشايقى شايف كدا ..ابدا لا الواقع يكذب هذا يمكن على مستوى المثقفين يقول ليك ايوة نحن نوبيين لكن امسك واحد من العوام وقول ليهو انت نوبى عشان تعرف النتيجة ..انت بتتكلم يا نايف عن معلومات علمية وعن شعور ما موجود فى الواقع ودا الخلانا نتساءل..طالما الشوايقة نوبيين والجعليين نوبيين طيب على الاقل وين لحمتنا الاجتماعية البوست دا لمحاربة التراجع لحدود القبايل ولو العنوان جا كمجرد حث على قراءة محتوى البوست ومن الطبيعى أن اسأل عما التبس على ..ولا شنو يا نايف.. هسع ذاتو الواحد عادى ممكن يسال نفسو هل النوبة عرب ام إفارقة ومثقفين نوبيين كبار سألو نفس السؤال ..امسك الاديب الراحل ادريس على فى روايته إنفجار جمجمة ..وعنوان الروايه ذاتو ايحاء بصعوبة ايجاد اجابة محددة وادريس على من الكنوز ...الكنوز عرب ام نوبة ؟

(عدل بواسطة محمد داؤد محمد on 06-01-2012, 10:56 PM)

Quote: الاخ قرشى قلت مالوا النوبة لو بقوا شوايقة !! ياخى النوبة يبقوا شوايقة كيف ؟ ايام الممالك النوبية القديمة و اثار البركل و مروى و كرمة الشوايقة كانوا وين ؟ انا ما بقلل من شأن الشوايقة لكن النقاش الان هل الشوايقة نوبة مستعربة ام لا ؟ لكن اصلا ما دار نقاش انو النوبة شوايقة ؟ بعدين انا لمن قلت الشايقى بلحموا و دموا نوبى ردا على كلام اخ فوق قال انو الشوايقة نوبة و الايقاع ما نوبى ! انا ما عندى علاقة بانوا الشوايقة نوبة ام لا انا بقول انو لا يوجد شئ من عدم كل تاريخ افريقيا كوشى و النوبيين من كوش و اصل اى شئ ايقاع ام غيرو مننا حتى لو جا وافد بى حاجاتو اكيد استفاد مننا و من الارث الموجود عنوان بوستك جانبه التوفيق ما ممكن اتنين يتغالطوا انو النوبيين يمكن اصلهم يكون شايقى !!! دى مبالغة دى ليس لاننا احسن من حد و لكن تاريخيا و حضارة و ارثا فى هذة المنطقة الاصل كوشى الاصل افريقى الذى يعترف بان اصله نوبى كوشى افريقى مرحب به و ايقاعاتو حقتنا الذى يرفض ان يقول انو اصلو نوبى كوشى افريقى ايقاعاتو برضو حقتنا يحدى ما يثبت هو جاب الايقاع من وين .. و لك تحياتى رجاءا الابتعاد من كلام الفتنة حتة نحن احسن و هم احسن .... اخيرا حتة النوبة عرب دى ما تقولا بصوت عالى يسمعوك عرب شنو يا اخى انت بتسمع للناس البيقولوا جدنا العباس !! هههههههه قبل مولد جد جد جد العباس الكان فى المنطقة النوبية الحالية منو ؟ الظاهر كانوا عرب قبل حضور العرب الى افريقيا ما كانوا نوبيين فى المنطقة النوبية ؟ الممالك النوبية قبل دخول العرب حتى بالتجارة كانوا جنسهم شنو ؟ بعانخى و ترهاقا كانوا عرب ؟ كل افريقيا و ما جاورها الاصل فيهو افريقى كوشى نوبى ايقاع ام غيروا كل شئ الاصل افرييييييييييييييييييييييييييييييييقى و السلام

Quote: إلا ان ايقاع الدليب تصنيفه يقع مع الايقاع الشايقي واللي يعتبر من أندر الايقاعات

Quote: العزيز قرشي انا جاييك بي محلين 1- ايقاع الدليب أو 7/8 في السودان( لاحظ في السودان دي) شايقي ولو الشوايقه نوبيين يبقى الايقاع نوبي "شايقي" طيب الايقاع منتشر في العالم 1- استخدمه مؤلفو شرق وغرب أوروبا منذ القرن السابع عشر ايجور سترافنسكي مثالا هو متأصل في الاغنية الشعبية الاغريقية استخدمه منها ياني مثالا ----- في جامعة ايوا كان الاستاذ الزائر اغريقي وأثناء تدريسنا ادانا واجب كتابة مؤلف للرباعي الوتري كونتراباض / تشيلو / فيولا / كمان فكتبت مؤلف على ايقاع الدليب حأجيبو ليك في البوست ده ان شاء الله الاستاذ نظر الى شخصي باستغراب وسألني من أين لك هذا الضرب الايقاعي فرددت عليه بان هذا "من إندنا" منطقة الشايقية فقال لي لا هذا إغريقي واستمر الجدل وقررنا أن يأتي كل منا في اليوم التالي بما يثبت أحقيته فاحضرت شريط للنعام وأحضر هو أغنية

Quote: ماهر : بلاويكم العندنا دي بتشيلوها متين ؟؟

Quote: ومصدر الضحك أكيد الانفة والكبرياء العندك وليس المعلومة التى اعتبرتها مضحكة ...ودى مشكلة كبيرة

Quote: اذا كان الشايقى زاتوا بشحموا و لحموا اصلوا نوبى ...ايقاعوا يكون ما نوبى ؟ كل الايقاعات الموجودة فى السودان و ما جاور السودان و شرق افريقيا اصلها نوبية لان النوبين هم اصل السكان فى المنطقة

Quote: هل ده حقيقي، هل النوبة ذات أنفسهم ثابتين (كأصل) عبر التاريخ، يري النوبة الأجانق أنهم هم الأصل وأن نوبة الشمال تداخلوا بالعرب وتغيروا ..... الثابت أن لا أصل نقي باق علي حاله، بطبيعة البشر لا يوجد نقاء الجميع مؤثر ومتأثر ثقافياً وجينياً.

Quote: الفنان والمبدع الموصلى ..لك التحية والتقدير مداخلتك دى كفيلة عشان ننظر لانفسنا كشعب عظيم مستشرى فى العالم ..رفدنا العالم بابدعانا ونتألم الآن ونصارع بعضنا فيما لاينفع هذا اذا كان اصل ايقاع الدليب موطنو الاصلى إفريقيا ولو ما جابوهوالكوشيين معاهم ايام إتصالاتهم بالعوالم والحضارات الاخرى مثل الاغريق والرومان والكنعانيين والسومريين والبابليين وغيرهم

Quote: وواضح بعد كلام أستاذنا العزيز موصلي ، فإنه يتعين علينامعاً أن نثبت أن هذا الايقاع الرائع : سوداني بعدين يكون من أي ركن بالداخل مامشكلة ،،

Quote: عزيزى الأخ قرشى ،، حفظه الله إتفق تماماَ مع ما ذكره الأخ ترهاقا ( أحمد ساطور ) ،، ولدى حججى فى ذلك ،، طوال عيشتنا فى البلد وهى فترة ليست بالقصيرة لم نكن نعرف رقصة الدليب مطلقاَ ،، ولا أتحدث هنا عن جزيرة نلوتى فقط ولكننى أتحدث عن كافة المناطق المجاورة لنا من حميد وصاى وأبرواقة وقبة ونلوة وصلب وعقول وعبود وصواردة وكويكة وشمالها حتى قرية جنس . حيث كنا نجوب هذه المناطق ونشاركهم أفراحهم ولم نرى هذه الرقصة ،، وفى بداية السبعينيات كان هنالك عرس فى جزيرة نلوتى وأتو إلينا ضيوف من جزيرة بدين يمتون بصلة قرابة مع أهل العرس ( وأذكر تماماَ العريس فقد كان هو المهندس على محمد على ) حينها فقط رأينا رقصة جديدة وإيقاعاَ جديداَ وهى التى تسمى بالدليب حيث تعجبنا المُلك فى ذلك الوقت ،، لأنها كانت مختلفة تماماَ من الرقيص الذى تعودنا عليه ،، ليس ذلك فحسب بل أننا رأينا ألة جديدة علينا هنالك مصاحبة لهذه الرقصة والإيقاع إلا وهى الدلوكة المصاحبة للفرقة حيث أننا كنا نؤدى رقصاتنا بالطنبور فقط مع الصفقة . وبما أن دنقلا متاخمة للشايقية فأعتقد بأنهم أخذوا عنهم هذه الرقصة . مع التحية لك ولضيوفك الكرام ،، ماهر

(عدل بواسطة قرشى محمد عبدون on 06-03-2012, 06:12 PM)

Quote: اب شايقي وام حلفاوية