|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: بشير حسـن بشـير)
|
Quote: يا ود القريش انت خائف من شنو ؟
الرجفى ده ما طبيعى عشان كده نصر ونلح إصرارا على ابو حسين بعرض الموجودات |
يا بشير يا اخوي عليك الله جلي الموضوع وأعمل رايح الزول اب صلعة دا تقوم تآخدو العزة بالاثم ويتهور تكون خربت ليك كم بيت كدا من حيث لا تدري
أبو حسين ما تلبس النضارة بالله
Quote: تحياتى ليكم الاثنين يا رائعين |
وتحياتنا ليك بس عيبك جمعتني معاه المرة الجاية حيّ كل واحد براهو
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ABUHUSSEIN)
|
Quote:
زول عاملين ليه حفلة في الرياض جايي لابس ليه قميص أحمر و كرفته حمراء...؟؟؟
قال : الكرفته مشتريها بي 500 دولار قلت ليه : كويس كدا إنت و الكرفته بقيتو بي 700 دولار.. |
كع كع كع يا ابو حسين عجبتني بالحييييل الزول ده انا مغيووووظة منو شديد نام بي صورنا في الدوحة ولبد
يا ابو البنيات متخيل لي منظرك الوصفو ابو حسين ده حا يكون تحــــفة بعدما تضرب من صواني الرز الحايمة دي إتنين بس يعني قميص أحمر + كرفتة حمراء + كرش دبل قبينة مع الرأفة لزراير القميص الحا تطير كل واحدة منهن في صينية الرز يعني عااااااااااادي الناس المعاك يقرمشوا زراير القميص مع الرز , ومن ناحية أخرى كرشك تكون قعدت في السهلة
سلام ليكم جت مع طرف
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: اسماء الجنيد)
|
Quote: يا ابو البنيات متخيل لي منظرك الوصفو ابو حسين ده حا يكون تحــــفة بعدما تضرب من صواني الرز الحايمة دي إتنين بس يعني قميص أحمر + كرفتة حمراء + كرش دبل قبينة مع الرأفة لزراير القميص الحا تطير كل واحدة منهن في صينية الرز يعني عااااااااااادي الناس المعاك يقرمشوا زراير القميص مع الرز , ومن ناحية أخرى كرشك تكون قعدت في السهلة |
أوسـكـــار و الله يا سوما ... إديك العافية
تصدقي إتصل بي قبل شوية و حاول إرشيني لكن رفضت رفضاً قاطع
و قلت ليه البدأ في المنبر إنتهي في المنبر علشان الناس كلها تشهد على ذلك
لكن حكاية الزراير كيفتني شديد..........
بعدين نسيتي حكاية القُـصُـر .... تخيلي في الرقيص كان برقص مع الشُـفـع ...!!!
تحياتي و إحترامي
.
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ABUHUSSEIN)
|
Quote: بعدين نسيتي حكاية القُـصُـر .... تخيلي في الرقيص كان برقص مع الشُـفـع ...!!! |
الله يجازى شيطانك يا ابو حسين
شدة ما ضحكت لما شرقت بالشاى
الزول دا حاسدك فى ستهم السمحة سمسمة
بمناسبة الاحمر دا القميص دا بكون مشترى من محلات السعيدي والكرفتة بتكون من سوق واقف هههههههههههههههه
اسالنى انا من السودانين فى قطر
الزول دا اظنوا ناوى على رقم 3
انا ماعارفة القطرين مدينوا اقامتين كيف لى مرتين
وبعدين الاحمر دا بكون ناسي الشيب دا فاكر نفسوا لسة شباب
يا جدو شوف مصلايتك وين وابريقك
واجرى الكورنيش كل يوم من اورى لى شيرتون
علشان تنزل الكرش دى يمكن تطول شوى
القريش هاك الكرفتة ام 500 دولار دى
في سودانى بشترى كرفتة بى 500 دولار
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: وضاحة)
|
الحبيب معتز القريش أولا ياخ والله الواحد عايز يعتذر ليك شخصيا عن عدم تمكنو من الحضور والإحتفاء بك في تلك الليلة الجميلة مع بورداب الرياض لكن بس مشاغل الدنيا الكتيرة دي وكنا نتشرف بمعرفتك عن قرب وكمان نسالك عن اخونا وزميلنا في الجامعة الأخ العزيز مهلب خلف الله القريش فله مني تحية خاصة ، على العموم لك العتبى حتى ترضى ,, الأخ الشفيف ابو حسين غايتو انت لو ما وافقت على طلب معتز القريش ده نحن ما بنوافق ,, وش متساءل .. لكن كدي ختوالكورة واطة يا جماعة وادونا معاكم فرصة نعرف الحاصل شنو ,, انا غايتو محضر خير ..
الأخت الشليقه وضاحة : بلادي وإن جارت علي عزيزة وأهلي وإن ضنو علي كرام،، (مالك علي السودانيين يا بتي)
على العموم العضوية ملحقوة يا معتز بس ما تزعل ابو حسين ده لانو امين مامانة الرياض ..لوووووووووووووووووولز
تحياتي ليكم كلكم : ياسر العيلفون
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ياسر السر)
|
الأخ الكريم ياسر العيلفون كما يحلو لك
Quote: الحبيب معتز القريش أولا ياخ والله الواحد عايز يعتذر ليك شخصيا عن عدم تمكنو من الحضور والإحتفاء بك في تلك الليلة الجميلة مع بورداب الرياض لكن بس مشاغل الدنيا الكتيرة دي وكنا نتشرف بمعرفتك عن قرب وكمان نسالك عن اخونا وزميلنا في الجامعة الأخ العزيز مهلب خلف الله القريش فله مني تحية خاصة ، على العموم لك العتبى حتى ترضى ,, الأخ الشفيف ابو حسين غايتو انت لو ما وافقت على طلب معتز القريش ده نحن ما بنوافق ,, وش متساءل .. لكن كدي ختوالكورة واطة يا جماعة وادونا معاكم فرصة نعرف الحاصل شنو ,, انا غايتو محضر خير ..
الأخت الشليقه وضاحة : بلادي وإن جارت علي عزيزة وأهلي وإن ضنو علي كرام،، (مالك علي السودانيين يا بتي)
على العموم العضوية ملحقوة يا معتز بس ما تزعل ابو حسين ده لانو امين مامانة الرياض ..لوووووووووووووووووولز
تحياتي ليكم كلكم : ياسر العيلفون |
تسلم يا غالي على كلماتك الطيبة ودعمك القوي لنيلنا العضوية سلاماتك توصل ان شاء الله للشقيق مهلب وخليك قريب يا حبيب أبو حسين دا زول عجيب خايفو يرقدني عنقريب
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: معتصم محمد صالح)
|
Quote: بعدين نسيتي حكاية القُـصُـر .... تخيلي في الرقيص كان برقص مع الشُـفـع ...!!! |
كيفن بنسا القصر آآآآآ ابو حسين اخوي إنت قايلني ما شفتو فيس تو فيس على قول ناس البندر ! بالحيـــــــــــل شفتو وشفت قصرو , شوووووووووية كده اطول من النعلات والله صحي فصاحة لسان ساااااااااي شفتو تب وكمان عندي معاو تصاوير . اها تصاويروا المعاكم دي قاشر فيها تـــــــــــب لكن ديك بالدشداشة على قول اهلنا في الخليج دشداشة ام زراير في الرقبة رقبتو غايتو يوم الغيامة بتشكيه لي الله في الخنقة والفطيسة الكان مسويها فيها وكمان كان معانا عم شرحبيل الله يديهوالعافية , ما شاء الله ودقر العين عمنا شرحبيل جمبو شاااااب وفي عز الشباب وهو عجوز الخلا يا يمة ,, والله صحي
ابو حسين سير ونحن خلفك نزغرت والله صحي
معتز سلامة الوليد يا بوي
اسمع جاي رسل الصور ولا والله حدك معاى الحدود بين الدوحة والرياض في الحر ده , والله صحي
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: اسماء الجنيد)
|
Quote: الزول ده انا مغيووووظة منو شديد نام بي صورنا في الدوحة ولبد |
عزيزي القارئ لا تصدق هذه الشاعرة المدعوة أسماء الجنيد فقد طلبت منها ارسال ايميلها أو عنوانها البريدي عشان نرسل ليها الصور أها عملت نايمة ولبدت أظنها قايلاني بدفعا حق البريد هههههه
ومن هذا المنطلق فانني أتهد بفتح بوست ترحما على روح فقدينا (حميد) يرحمه الله وسوف أرفده بجميع الصور التي بحوزتنا
وعلى الشاعرة المذكورة عمل رايت كلك على الصورة وحفظها
أها قصرت معاها يا جماعة ؟؟؟
سوما مشتاقين يشهد الله
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: احلام وهبي)
|
Quote: معتز .... سعيد وبخيت عليك بورداب الرياض |
دقيقة بالله ..... ما تخمينا سااااااااااي كدا
عندكم حاجة أنضف من كدا أوكي ما عندكم خلوهو عندكم و الله ما لازمنا .. ما صدقتي ..!!!!
Quote: وعجبني رشتة ابو حسين ليك |
و الله إنتي كــــــدا
Quote: ابوحسين سلام للعزيزة ساميةوالحلوين العندك |
معقولة بـس .... أوصـل لي ســـلام و إنتي سلمتي على الناس كولها إلا أنا .....!!!!!!!!!!!
هم ناس قطر ديل كلهم كدا و لا شنو ...؟؟؟
غايتو أنا حا أكون أحسن منك و أقول ليك سلام يا احلام...
غايتو ناس قطر رشتهم ساهلة خلاص ..... قبل شوية قنطرت راجلك للرش في حته تانية قريبة من هنا ..
.
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: احلام وهبي)
|
Quote: لكن القنطرتو هناك ارجي الراجي انت ماعارف ده بدخل الكورة شعب وما يعمل ليك فيها فنان ولا استاذ والله يقنطرك زي ما حصل شي غايتو شيل شيلتك |
إلقاها عند الغافل ...
Quote: واقول ليك حاجة والله معتز ده نحنا ما عايزنو عليكم الله خلوه معاكم |
نعمل بي شنو يا بت الناس ....؟؟؟ غايتو بنقبل الكرفته لكن هو مافي ليه طريقة...
Quote: يا ابو حسين الفين سلام |
و أضربيها في 2 تبقى أربعة ألف سلام ليك يا احلام
تحياتي و إحترامي
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: MOHAMMED ELSHEIKH)
|
Quote: شطب العضو أبو حسين بالانجليزي وإعطاء عضوية مزدوجة للسيدة / سامية حامد بدلا عنه |
قف حدك ايها الظلامى اولا سامية دى خالها الشاعر العظيم على عبدالقيوم صاحب (نحن نحن رفاق الشهداء ) التى تغنى بها وردى ووردى برضو غنا له (بسيماتك تخلى الدنيا عيدية ) ومصطفى سيد احمد غنى له (ما اشبه العشاق بالانهار ... ) وثانيا خالها التانى الغير شقيق والدتها اناسان الخصال السمحة الذى تعرفت عليه انت عن قرب ابان فترة عملنا معا الاقتصادى والمترجم كبيرنا عبدالرحمن مدنى وعلى فكرة شقيق عبدالرحمن مدنى عديل ابو الحسين ...... ياظلامى اطلع لقد دخلت منطقة مستنيرة جدا وماك جايب خبر ... بس يا بو الحسين عبدالرحمن مدنى عندو مودة خاصة لهذا الظلامى ... وبفرضو علينا حتى في فطور رمضان المخصص للعزاب هذا الظلامى ( حسكنيت )
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: الامين موسى البشاري)
|
Quote: شطب العضو أبو حسين بالانجليزي |
بداية غير موفقة البتة
ابو حسين ده الراس والقعر وقلب بروداب الرياض النابض ياخ
معقولة بس يعني هسه كده انا اقيف معاك كيف بس وريني
يعني لو قلت شطب المتزمزق ود الباوقة كان وقفت معاك Quote: حرم تزح ود الباوقة وتقعــــد إنت بدالو |
اها شفت كل الناس متفقة معاي في الكلام ده
هي إن شاء الله كان تقول طارق نقد كان أيدتك شديد لكن ابو حسين ده المستحيل بي عينو
Quote: وإعطاء عضوية مزدوجة للسيدة / سامية حامد بدلا عنه |
لو قلت خلوها تبقى الرئيسة كان وقفت معاك غايتو برضو كتر خيرك
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ساميه حامد)
|
Quote: يعني عااااااااااادي الناس المعاك يقرمشوا زراير القميص مع الرز |
وانا اقول الكسر ضرسي شنو اليومداك اتاريه القميص فرقع من العليو سومة يعلم الله شوق لمن غلط اخبارك يا اصيلة
Quote: الزول دا حاسدك فى ستهم السمحة سمسمة |
تسلمي يا ست الناس انتي بس بيني وبينك اخير كده انا خايفة ينقل ليه عدوى التعدد
Quote: ابوحسين سلام للعزيزة ساميةوالحلوين العندك |
تسلمي يا حلوم قليلة اللوم تحياتي للغالي وابوه
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ساميه حامد)
|
Quote: قف حدك ايها الظلامى اولا سامية دى خالها الشاعر العظيم على عبدالقيوم صاحب (نحن نحن رفاق الشهداء ) التى تغنى بها وردى ووردى برضو غنا له (بسيماتك تخلى الدنيا عيدية ) ومصطفى سيد احمد غنى له (ما اشبه العشاق بالانهار ... ) وثانيا خالها التانى الغير شقيق والدتها اناسان الخصال السمحة الذى تعرفت عليه انت عن قرب ابان فترة عملنا معا الاقتصادى والمترجم كبيرنا عبدالرحمن مدنى وعلى فكرة شقيق عبدالرحمن مدنى عديل ابو الحسين ...... ياظلامى اطلع لقد دخلت منطقة مستنيرة جدا وماك جايب خبر ... بس يا بو الحسين عبدالرحمن مدنى عندو مودة خاصة لهذا الظلامى ... وبفرضو علينا حتى في فطور رمضان المخصص للعزاب هذا الظلامى ( حسكنيت ) |
ابدا من وين واقول شنو ما عارفة بس بقول ليك يا بدر الدين الامير انا بريدك كده لي الله عشان انت اخ وصديق وحبيب الغالين صديق خالي الغالي والحبيب المرحوم علي وصديق الغالي العزيز اللي سنييييييييييين ما شفتو ومشتاقة ليو شديد خالي الحبيب عبد الرحمن مدني زول يكون بعرف الإتنين ديل اكيد ها يكون عزيز علي شديد متل معزتهم عندي الله يعلم انا لما قريت كلامك ده بكيت وكانو جنازة علي عبد القيوم طالعة قدامي وبكيت شوقا وولها على خالي عبد الرحمن بالله عليك توصل ليو سلامي واشواقي ولو سمحت تلفونك وتلفون الخال العزيز عبد الرحمن في الخاص
بس الغريبة عبد الرحمن المستنير ده شن عرفو بالوهم الظلامي ده ????
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: بدر الدين الأمير)
|
Quote: قف حدك ايها الظلامى اولا سامية دى خالها الشاعر العظيم على عبدالقيوم صاحب (نحن نحن رفاق الشهداء ) التى تغنى بها وردى ووردى برضو غنا له (بسيماتك تخلى الدنيا عيدية ) ومصطفى سيد احمد غنى له (ما اشبه العشاق بالانهار ... ) وثانيا خالها التانى الغير شقيق والدتها اناسان الخصال السمحة الذى تعرفت عليه انت عن قرب ابان فترة عملنا معا الاقتصادى والمترجم كبيرنا عبدالرحمن مدنى وعلى فكرة شقيق عبدالرحمن مدنى عديل ابو الحسين ...... ياظلامى اطلع لقد دخلت منطقة مستنيرة جدا وماك جايب خبر ... بس يا بو الحسين عبدالرحمن مدنى عندو مودة خاصة لهذا الظلامى ... وبفرضو علينا حتى في فطور رمضان المخصص للعزاب هذا الظلامى ( حسكنيت ) |
شكرا عبد الرحمن مدني على المعلومات القيمة
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: معتز القريش)
|
حباب ود القريش
راسك شيلو فوق ات يا ولد ما هين وجدك فى الرجال اجواد وفارس ودين اختك فى البنات معروفة عرضها صين وات فارس هلالا فى المعارك بين
ابو حسين شيشك سومه والله تباري ابوحسين ده يضيعك وضاحه يا حلوه معنز ده كان عاوزه تعرفي جد اصلي في البيت وشوفي امنيه ومؤمن وامهم ساعتها يا بتي حتعرفي الكلام الي بيقول
الزول الاصيل في الحاره جد تلقاهو بالمال والولد يفديك كمان بي دماهو
ابو امنيه حبابك الاف عهدنا معاك كنداب حربة ما بيتشلَّخ صُرة عين جبل ملوية ما بتتفلَّخ كان إيدينا من القبضة فيك تتملَّخ السما ينتكي وجلد النمل يتسلَّخ
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: عفاف أبو حريرة)
|
محمد الشيخ بالإنجليزي و الكلها كابيتال
Quote: هسع يا ود القريش في زول نصيح يتصلبط في ابوحسين بالنقليزي دا؟ |
أبو حسين مالو كمان ...؟؟؟؟ في صمة خشمو فتحو فيه بوست عايزني أعمل شنو كمان ...؟؟؟
Quote: ياخي لو عندك اكورديون قديم رسلو لي بقيف معاك ضد ابو حسين |
يعني إنت مجهز قرعتك دي كل ما تلقى ليك بوست تمدها ....؟؟؟ أمشي شوف ليك بوست كبيييييييير أشحد فيه البوست دا ما فيه ناس كتيرين...
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ABUHUSSEIN)
|
أخونا ود الأمير سلام
Quote: بس يا بو الحسين عبدالرحمن مدنى عندو مودة خاصة لهذا الظلامى ... وبفرضو علينا حتى في فطور رمضان المخصص للعزاب هذا الظلامى ( حسكنيت ) |
هو من ناحية حسكنيت فهو أكتر من حسكنيت لكن هو في رمضان حايم من سفرة لي سفرة ....؟؟؟؟ ليهو حق كان بلبس كرفته بي 500 دولار شكلو كدا رمضان كلو ما بصرف و لا ريال من سفرة لي سفرة و من مسجد لي مسجد.....
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: ABUHUSSEIN)
|
بعيدا عن موضوع البوست وبالجد كده يامعتز بالغت فى اختيار هذا القميص وتلك الكرفته العجيبه - وبدوت كمهرج السيرك الروسى الشهير - والله وانا بشوف فى الصوره انضرست عديل كده - فالمنظر مؤذى للعين - خاصة بعد صورة البطيخه التى زادت الاذى اذى بازدياد اللون الحمر - بالله عشان ماتفضحنا وتجيب لينا الكلام تانى لمن تجى مسافر مر على عشان اديك دوره لمدة ساعه واجده فقط اسمها كيف تكون انيقا -
عمره مقبوله يافسل ابيت تكلمنا عشان ما نقول ليك ادعو لينا -
| |
|
|
|
|
|
|
Re: آملا قبول طلبي بالانضمام الى بورداب الرياض .. ومن ناحيةٍ أخرى (Re: كمال سالم)
|
الكلام لسامية حامد
Quote: بس الغريبة عبد الرحمن المستنير ده شن عرفو بالوهم الظلامي ده |
الكلام لابوالحسين
Quote: لكن هو في رمضان حايم من سفرة لي سفرة ....؟؟؟؟ |
اها تعلو انحكي ليكم حكاية الشايقى الكان داير يطعن الظلامى في منزل عبدالرحمن مدنى درج استاذنا عبدالرحمن مدنى منذ سنوات على دعوتنا مجموعة من الاصدقاء على فطور رمضان وقدر مانقينا في عبدالرحمن انو مايعزم معانا الظلامى ولو دايرو يخصص ليهو يوم براهو لاننا مابنستحمل غيظو ومكاواتو في رمضان وعبدالرحمن يعزمو وماشغال بكلامنا المهم في رمضان الفات كان عبدالرحمن عازم احد اقاربو الشوايقة وصل الدوحة جديد ومسخن جنس سخانة من الانقاذ الهم بعد الفطور بدت الونسة وبدا الضيف يحدثنا عن الانقاذ وبلاويها ويقوم الظلامى ينط ليهو في حلقو دليلك شنو دا كلام معارضة حاقدة على انجازات الانقا ذ قام الضيف انفعل قمنا فهمناهو انو الزول دا عندو مصالح مادية مع الانقاذ واخو ويزير الثقافة ياخى خليك منو احكى لينا نحن الضيف بدا يحكى حكاوى حصلت معه هو يقوم الظلامى في نص الحكاية وببرود شديد ويقول والله الانقاذ دي حاتدخل الجنة بكمية الكضب البكضو فيها هنا الضيف هاج هيجان وقال لوما سكتو الزول دا انا بنط ليهو في كرشو يقوم الظلامى يرد بكل برود في شنو تطعنى انت بتشتم في الانقاذ وانا بشكر فيها مش دى حرية الراى البتنادو بيها الضيف كضم غيظو وطلع كيس الصعود يوقوم الظلامى يقوليهو بلاى انت بتسف انت كان كدا زولى تب يقوم الضيف يرد عليه بحزم يازول لو داير سفة بديك بس اوعى تقولى انت زولى .... وانتهى الامر بضحكة كبيرة من الجميع
| |
|
|
|
|
|
|
|