|
Re: الامبراطور احمد الصادق.... نيويورك الجمعه.. 15 يونيو 2012 (Re: Tagelsir Elmelik)
|
أبو السرة يا جميل ....
بصراحة يا تاج هذا الفنان أحمد الصادق محتاج مننا (أقصد نحن الجلاكين) لوقفة تأمل والتمعن بدقة فى مشوار هذا المبدع
برجع ليك بالروقة نحن الويك إند بتاعنا ببدا الليلة .
أخوك ماشى مشوار لدبى على أنغام القطار دور حديدو .
بالله الوصية بالمهلة ... إتصل بناس فيلى لزوم التعويض عن حفلهم . خصوصاً الأخ فرحات والأخت نجاة وبقية الناس التعبو وجو الحفلة
ناس فرحات ديل نحن مدينين ليهم من زيارة عاصم البنا . أكرمونا وأكرمو ضيوفنا
وناس نيويورك غايتو دايرين ليهم استاد كورة للزول ده !!!!!!!!
فضلى البكرى أبوظبى
| |
|
|
|
|
|
|
Re: الامبراطور احمد الصادق.... نيويورك الجمعه.. 15 يونيو 2012 (Re: Tagelsir Elmelik)
|
عييييييييييييييك يا تاج السر امانه ما تلومت يالحبيب
يعنى اكان التيلفون ماهو معاك كان عذرناك
لكن دى على باللاتنين مايحلك منها الا حضورك يوم الجمعة
وليك على الفلافل هبطرش
مرحب بالامبراطور احمد الصادق فى مدينة السحر والجمال
نحن والطرب والابداع على موعد يوم الجمعة القادم
نيويورك تزدهى بحضور احمد الصادق
الجميع فى شوق ولهفة لقضاء اجمل اللحظات فى امسية موعودة بأن تكون من اماسى نيويورك الخالدة
يله ياتاج السر جهز بدلتك وحمارك وله عجلتك شايفك بى هناك بقيت مدرس ركون عجلات يعنى عجلاتى وكدا
تحياتى ومودتى
| |
|
|
|
|
|
|
Re: الامبراطور احمد الصادق.... نيويورك الجمعه.. 15 يونيو 2012 (Re: أشرف محمد الباقر)
|
يا مراحب بالإمبراطور فى إمبراطوريته "الإمبيار إستيت" فعلاً إنه لقاء السحاب...
أكيد حتكون واحدة من أجمل الليالى النيويوركية
لقد شاهدت الإمبراطور فى فرجينيا، ففاق الحضور حد الدهشة
مؤكد جمهور نيويورك و الترايستيت مع جمهور ولايات نيوإنقلاند حيرسموا
لوحة أخرى زاهية تؤكد روعة و جمال ومعشوقية هذا الفنان المهرجان
فيا أهلاً و سهلاً..
| |
|
|
|
|
|
|
Re: الامبراطور احمد الصادق.... نيويورك الجمعه.. 15 يونيو 2012 (Re: فضل الصادق)
|
Quote: بالله الوصية بالمهلة ... إتصل بناس فيلى لزوم التعويض عن حفلهم . خصوصاً الأخ فرحات والأخت نجاة وبقية الناس التعبو وجو الحفلة
ناس فرحات ديل نحن مدينين ليهم من زيارة عاصم البنا . أكرمونا وأكرمو ضيوفنا
|
سلام ياملك .... عاوزة ارد على الاخ الفضلى لو سمحت ... الفضلى اذيك واخبارك ، شكرآ ليك للوصية لكن شايفة الملك ضرب الطناش .. تسلم يا الفضلى وح نعوض الحفلة أن شاء الله .
| |
|
|
|
|
|
|
Re: الامبراطور احمد الصادق.... نيويورك الجمعه.. 15 يونيو 2012 (Re: Nagat Sid Ahmed Elshiekh)
|
الباقر سلام واتمني أن تقضو أجمل الاوقات
الفضل انشا الله نقابلكم المرة دي و الدغمسة في الحفل بطرف حسن حماد
ويا نجاة ههههههه فضلي في الامارات بكورك من بعيد بعيد نحنا بجاي جنب الاكشن أخير ليك تسمعي كلامنا نحنا، يعني فضلي على بال ما يركب القطر ولا الطيارة من الامارات وينزل المسيد ولا الكاملين، و يصلي جمع تاخير، و الجت لاق سبعة يوم، يكون أحمد الصادق رجع السودان وغني عرسين، و العرسان ولدو مولودهم الاول هههههه
تاج السر
| |
|
|
|
|
|
|
|