|
|
|
 Re: خـــطة غـــــرفة الدفاع الاكترونى(الجهاد الاكترونى) الربع الاول 20 (Re: طه جعفر)
|
يا معاوية
شوف قالو عدو عاقل خير من صديق جاهل
قد نكون في نظرك أعداء وضدك لكن كدي أسمع كلامي دا واعمل ليه برنت أوت ووديه لي أي زول بتثق فيه كان شيوعي كان صديق كان أي حاجة يقراه ويقول ليك الكلام دا صحيح ولا غلط
أول حاجة الحزب الشيوعي خلاس انتهى ببح وتاني ما حا تقوم ليه قايمه وما عنده أمل حتى تقوم ليه لجنة مركزية تاني ناهيك عن الوصول للسلطة كان عن طريق أنقلاب ولا عن طريق ديمقراطية وأنتخابات والشيوعية بقت فكرة بائدة وتاريخ أسود وعهد ناس عبيدوف ونقد وعبدالخالق خلاس بقى ذكرة تتكتب في الكتب التاريخية الماأظن يقروها أولادنا زاتو من كترة زحمه التاريخ والأحداث فأرحم نفسك ووفر تعصبك لي حاجة أحسن وأنصرف للسعي لرزق أبناءك وتربيتهم والتقرب لربك وأنت في بلد طيب الحزب الشيوعي بقى نجم آفل يتحول الأن لثقب أسود يهلك كل من يقترب منه للعدم
تاني شيئ أعترف في نفسك أنه الكيزان ديل كيان قايم وحقيقي ومستمر مره اتجاه اسلامي ومره جبهة اسلامية ومرة انقاذ ومره مؤتمر وطني وشعبي وبكرة برضه غير وزوالهم معجزة إلهية وهم ناس مننا وسودانين وليهم نفس حقوقنا وليهم حقوق علينا وبشاركونا في التاريخ والأرض وكل شيئ ومافي شيئ بفكنا منهم
تالت حاجة الكنت بتسوي فيه (وعندي أمل انك اتعظت وخليته) من شخصنة المواضيع والأفتراء على خلق الله مامنه فايده غير يزيد ذنوبك ويكتر أعداءك ويفاقم مشاكلك وممكن يأذي مساكين من غير ذنب جنوه ويهدم بيوت ويشرد صغار ويفرق أزوج أو على الأقل يوتر علاقات طيبة بين الناس ويخرب سمعة ابرياء ودا كله يا معاوية يوم حاتلقاه في شمال ميزان اعمالك وربنا حا يوقفك مع الناس ديل يوم القيامة وخلي بالك ربنا لا بتغش ولا بتدقس والساعة ديك لا في مرقعاتية ولا الكضب بنفع والموت والحساب ياهو مصيرنا وكل يوم ياهو دا بنتسرب بهدوء وينسونا الناس والليله المنبر مسود عشان زميل ندعوا ليه بالرحمه والمغفرة وربنا يسهل عليه حسابه وهو محتاج لينا اكتر مما محتاجين ليه اللهم أرحمه واغفر ليه وسهل ليه حسابه وربنا يرحمنا ويسهل حسابنا جميعاً ، خاف من ربك عشان غيرك يخاف الله فيك ولولا خوف البعض من الله لأستخدموا الاسلوب دا معاك ودمروك فهم أعقل منك والشيئ دا بضرك في الدنيا وببقى ليك ندامه في الاخره وأرجوا أن تبتعد عنه نهائي
رابعاً ما تنخلع وتتوهم في الناس ما تسمع الدكتور فلان الأديب علان والشاعر الكبير زيد والمناضل البطل زيط الناس ديل كلهم واحد وكل ما طن ودوى اسم الزول شديد اعرف انه عيوبه وخروقات نفسه اضعاف الطنين دا وأديك نموذج من البورد والبوست دا هسع عاين طه جعفر مثلاً أنت بتشوفه حاجه كبيرة وأستاذ وأديب طه قاري في احسن جامعة ومناضل وبطل وبكتب روايات وماخد جوائز وصديق لي دكاترة ومفكرين وأدباء لكن في الحقيقة طه جعفر دا افقر زول فكراً وعبارة عن شخص مريض نفسي عاطل الموهبة كدي شيل الخزعبلات البكتب فيها دي واقراها ووريني فهمت شنو ؟ شيله وديها لي أي زول واعي شوف يقول ليك شنو ؟ طه يحمل نفس مرتابة حقودة عدائية تكره الناس وتحتقرهم يحتاج العلاج النفسي اكتر من التطبيل والتمجيد نفس طه جعفر اماره بالسوء وأذى الناس عشان كدا نحنا بنطاردة عشان نمنع أذاه من الناس ونوضح حقيقة عشان الناس تحذر منه برضه كدي شوف مفكر العصر صديقة حامد البدوي صاحب الجائزتين إنسان مريض نفسي بمرض الدونية يكره نفسه الخلقها عليه ربنا ويطارد الناس بالعنصرية والأساءة للأجداد والأباء دون ذنب سوى ، الحكمة والعقل هبه من الله ونعمه يهبها لمن يشاء من عباده ما شرط يكون بمواصفات خاصة او متميز ربنا سبحانه أدى رسولنا صلى الله عليه وسلم اعظم رسالة وهو يتيم أمي رغم أن هناك في عصره كان ملوك وفرسان واغنياء وشعراء ورهبان نذروا
خمسة - ابعد من مواخير الأسافير زي الراكوبة وحريات ونيوسودان وغيرها لأنه البشرف عليها ناس أما مغرضين أو ذوي نفوس مريضة زي الحاج وراق وبيجو وعمار عوض وغيرهم من الرقعاء الساقطين الوطنية عندهم صفر بل ولاءهم لمصالحهم أو لدول اخرى اصحاب الغرض بستخدموا اقــذر الأساليب للوصول لغياتهم وبستخدموك كمغفل نافع تنقل ليهم قـــذارتهم وتروج ليها وفي الأخر هم المستفيد لو اتحققت غايتهم وأنت ما حا ينوبك غير تت###### من ما نقلت ويتنكروا ليك فهم انتكروا لي وطنهم واهلهم
برضه أبعد من الناس البستخدموك كمغفل نافع لأغراضهم بالامس الزميل هجو مختار فتح بوست يسأل عنك ويشجع فيك ويفتقدك هل تعتقد أنه هجو مختار رغم غبائه المدقع بتعقد انك مناضل حقيقي لا هجو مختار كل الناس عارفين أنه هو شقيق عضو البورد عبدالباقي مختار الغير أسمه خجلاً لي (بقة) وهو عقيد ولا لواء في الحركة الشعبية وشريك لياسر عرمان في أعمال تجارية تختص المتاجرة بالخمور وإمداد الجيش الشعبي بالمؤن والعتاد وهجو مصلحته مع أخوه بالله يا معاوية هل ترضى تكون مغفل نافع لناس زي ديل
برضه زي الرفاعي حجر الشيوعي الغير جلده لحركة شعبية عشان مصلحته وكان متوهم أنه يوم ممكن عن طريق الحركة الشعبية يبقى حاجة وأعرف أنه مودته وصداقته ليك عبارة عن نفاق رغم تاريخها العميق ويوم حس انك جبت الهوى لي نفسك وحا تورطه اتنكر ليك وقل ليك خش الضل وهسع شغال يحمس فيك ويرقع
سادس شيئ : افترض في الناس الذكاء وما تراهن على غباءهم وما تشوف تواضع كتابة الزملاء هنا فهي ما بتعكس عمق فهمهم وووعيهم والبورد دا بقروه ناس الله اداهم ذكاء كبير ومحاولات غشهم وتدقسهم صعبة وبتنقص من شخصك وبتصرف الناس عنك بل بتخليهم يبغضوك ويكرهوك مافي زول بحب زول بستخف بيه عشان كدا قبل ما تجيب ليك حاجة هنا اوزنها بميزان العقل والمنطق وشوفها لو انطبقت عليك بكون رد فعلك شنو ؟ وقيس مدى ضررها على الأبرياء وتأثيرها عليك وعلى مصداقيتك ورد فعل أمثالنا شنو
المهم ما أطول عليك لكن يا معاوية الله أنا بناصحك من كل قلبي لثقتي في أنك زول كويس لسه رغم عوارتك دي برضه منك رجاء لوعجبك اعمل بيه ما عجبك خليه هنا قاعد عشان لو واحد كان مفكر يمشي في دربك دا يقراه ويتعظ
--------------------------------
الرفاعي حجر  والله أنت زول عينك قوية بشكل وعديم حياء نهائي
عارف انا كتبت رد كبير لي أساسي في البوست حقه في الأخر قلت خلي أساسي ياكل ناره ويعرف براه وغايته الايام الجاية شيل شيلتك مع أساسي لمن يعرف أنه جاملك رغم أنه عارف نفاقك ولمن يعرفك أنك زول منافق ودجال طبعاً وطبيعة غايتو حا يجلدك جلد لمن تعرف حاجة وفي الاخر حا تضطر تستخدم أسلوبك المعهود وتظهر بشخصية أبوالعفين وتدخل الشخصنة ويقبضوك كالعادة وتجي تسف التراب وتجعر بي هنا غايتو أنا حا اجيب كلامي دا في كوت واشمت في جعيرك رغم هتاف المرقعاتية ونصبر والايام حا تورينا والعالم الله
أنا فضحتك وعريتك ووضحت نفاقك في بوست أساسي بالذات وفي دي اعتذر لي أساسي لأنه ما لقيت حته اكتب فيها غير بوست اساسي لانه ضامن انه حا يقعد وكل ما نفضحك في حته ونزنقك نلقى كلامنا محذوف والبوست مسحوب نسوي شنو غير نختار بوست ماحا يتحذف نفضحك فيه رغم أنك نفاقك مالي البورد وفي اقرب لفه الواحد ممكن يقبض بتمارس شعوذتك دي وهسع جيتني بي رجيلك براااااك
| Quote: الكابوس وجع قلب بقيت للجماعة يهضربوا |
الكابوس دا انت مش الربع الفات قلت يخش الضل بعد دا ولا كيف أجيب ليك البوست 
| Quote: وما قادرين يوفروا المداخلة الوحيدة |
نعم هي مداخلة وحيدة لكن شوفها سوت شنو ؟ فضحت منو ؟ في واحد يقدر يتجرأ يرد عليها بوضوح ؟
هي مداخلة واحدة جيب فيها كضب ؟ جيب فيها نفاق ؟
Quote: وما قادرين يوفروا المداخلة الوحيدة في
غير التكليف المناط بهم ولما لم يلقوا
كلام بقى الثناء واجب , التحية لك وانت
فاقع مرارتهم التحية لك ياكابوس. |
اخخخخخخ يا رفاعي أنت من الناس العارفين أنه لو في شخص واحد اتفقوا كل الناس أنه ما عنده علاقة بالامن حايكون هو شخصي ودي أثبتناه عملياً هنا في البورد دا
دايرني اطبقها تاني ما عندي مانع ممكن استغنى عن مداخلاتي في عمل الخير زي الفوق دا واجي افتح ليك بوست ازرك في معنى كلامك دا بس اطلب منك تضمن لي بقاء البوست
| |
 
|
|
|
|
|
|
|
|
Re: خـــطة غـــــرفة الدفاع الاكترونى(الجهاد الاكترونى) الربع الاول 20 (Re: معاوية عبيد الصائم)
|
قد يستطيعون اغداق الاموال والعطايا على منسوبيهم
وقد يستطيعون النجاح او الفشل فى خطتهم هذه
هذه المسائل نسبية
مؤكد انهم يشعرون بالتوتر والخوف ويدركون ان تحت الرماد وميض نار
ولكنهم مهما بذلوا من جهد
مهما صرفوا من اموالنا المنهوبة
مهما كمموا الافواه
مهما اشتروا من زمم
مهما قتلوا من ابرياء
مهما فعلوا
ستظل رغبة الشعب فى التحرر والانعتاق من ظلمهم وفسادهم وطيشهم قائمة
وسياتى يوماً لا محالة به لجراح الوطن برء وضمد
وحينها سيدرك اولياء الخزى والفساد الانقاذى اى منقلب سينقلبون
حينها لن ينفعهم الهروب ولا محاولة استخدام طيبة شعبنا واستدرار العواطف
يومها لن يكون للاصوات الرمادية وجود بيننا
يومها سنقتص لمعاناة اهلنا فى دارفور
سنقتص لشعبنا فى جنوب كردفان
سيكون القصاص عادل لاهل النيل الازرق
سيأخذ الشرق حقه كاملاً غير منقوص
كل الوطن ستعاد اليه كرامته وحقوقه المسلوبة ومكتسباته الضائعة
ويومها مؤكد اننا سنصلبهم عرايا على بوابة التاريخ
| |
|
|
|
|
|
|
|
|
Re: خـــطة غـــــرفة الدفاع الاكترونى(الجهاد الاكترونى) الربع الاول 20 (Re: وائل عبدالخالق مالك)
|
Quote: قد يستطيعون اغداق الاموال والعطايا على منسوبيهم
وقد يستطيعون النجاح او الفشل فى خطتهم هذه
هذه المسائل نسبية
مؤكد انهم يشعرون بالتوتر والخوف ويدركون ان تحت الرماد وميض نار
ولكنهم مهما بذلوا من جهد
مهما صرفوا من اموالنا المنهوبة
مهما كمموا الافواه
مهما اشتروا من زمم
مهما قتلوا من ابرياء
مهما فعلوا
ستظل رغبة الشعب فى التحرر والانعتاق من ظلمهم وفسادهم وطيشهم قائمة
وسياتى يوماً لا محالة به لجراح الوطن برء وضمد
وحينها سيدرك اولياء الخزى والفساد الانقاذى اى منقلب سينقلبون
حينها لن ينفعهم الهروب ولا محاولة استخدام طيبة شعبنا واستدرار العواطف
يومها لن يكون للاصوات الرمادية وجود بيننا
يومها سنقتص لمعاناة اهلنا فى دارفور
سنقتص لشعبنا فى جنوب كردفان
سيكون القصاص عادل لاهل النيل الازرق
سيأخذ الشرق حقه كاملاً غير منقوص
|
لا خيار لا خيار شكرا وائل ويستمر النضال
| |
|
|
|
|
|
|
|
|
|
Re: خـــطة غـــــرفة الدفاع الاكترونى(الجهاد الاكترونى) الربع الاول 20 (Re: خالد العبيد)
|
Quote: معاوية عبيد
احوالك?
دا شغل علمي و مرتب!
اي استراتيجية ممكن يتعمل ليها استراتيجية مضادة و تهزمها
شكرا على ايراد الخطة, طبعتها, و حا اقراها بتمهل و رواقة,
ياخ مرات الكيزان ديل بعجبوني عديل كدة!
شامي ريحة صحبي بدرالدين اسحق في الشغل دا! |
معاوية سلام
شفت الشغل كيف ؟
عشان كدا الناس ديل قاعديييين
وانتو تقعدوا تهضربوا كدا بس
يا أخوي اجتهدوا سووا ليكم استراتيجية
عشان تآخدو بيها الحكومة بدل اللف في المنتديات
والنضال بالكيبوردات دا
| |
|
|
|
|
|
|
|
|
|
Re: خـــطة غـــــرفة الدفاع الاكترونى(الجهاد الاكترونى) الربع الاول 20 (Re: معاوية عبيد الصائم)
|
علي العموم يا معاوية،،وكل الإخوة ممثلي المعارضة،،بفتكر خطة النظام في هذا الصدد تصب في إتجاه العمل المدني،،والتداول المدني للسياسة،،فهي ،مثلا، لا تحتوي علي خطة لتهكير مواقع المعارضة،،،
جر الصراع مع النظام الي الفضاء المدني يصب في مصلحة التغيير المدني والأتيان ببديل ديمقراطي والتداول السلمي للسلطة
الخطة المضادة للمعارضة يمكن ببساطة أن ترتكز علي النقاط التالية
- توخي الصدق في كل المعلومات والأخبار التي تنشرها المعارضة. السعي نحو نشر المعلومات الصحيحة والصادقة،والتدقيق في المعلومة يشكل خط الدفاع الأول نحو التغيير القادم
-عدم التفكير في تهكير مواقع الحكومة،،يشكل نقطة أساسية في الإلتزام بقوانين الإنترنت،،فنحن ندعو،في المقام الأول، الي سيادة حكم القانون وسيادته
-عدم الإنجرار وراء الدعاية السلبية للنظام،وأقصد هنا بالتحديد الإنجرار وراء العنصرية التي ينتهجها النظام بخطاب عنصري مضاد يساعد النظام في أهدافه العنصرية
-التبشير بالديمقراطية وسيادة حكم القانون والتداول السلمي للسلطة
-فضح النظام في إنتهاك حرمة المال العام والسرقة واللصوصية(هذه قضية مضمونة فالنظام أصلا حرامي ويسرق أموال الشعب)
-فضح إنتهاك حقوق الإنسان والتعذيب
-فضح إنتهاك حقوق المرأة
-إظهار تناقض النظام بين شعاراته الدينيه وبين سلوكه علي أرض الواقع
-إنتهاج الموضوعيه والناقش الهادئ،،،والعمل علي إنتاج برامج سياسية للبناء وليس مجرد نقد النظام في سلوكه
هذا مع شكري وتقديري
مكي الأحمدي
| |
|
|
|
|
|
|
| |
معاوية عبيد الصائم
اساسي
هشام عباس
Elbagir Osman
الرفاعي عبدالعاطي حجر
ABUHUSSEIN
abdelrahim abayazid
طه جعفر
Abdlaziz Eisa
بدر الدين احمد موسى
وائل عبدالخالق مالك
خالد العبيد
معتز القريش
mekki
فيس بوك
تويتر
انستقرام
يوتيوب
بنتيريست