|
|
|
 Re: ياناس امـريـكـا ابحثوا معي عن ســمـيـة .. (Re: احلام وهبي)
|
الاخت العزيزة احلام ...سلامات ..
ربنا يرحم خالتك تاتا ويجعل الجنة مثواها ويلهمكم الصبر والسلوان ..ويرحم ام سميه رحمة واسعة ..
اكيد في اكتر من سمية في امريكيا لكن ماقالت ليك هي من وين في السودان !! وهل من شكلها متزوجة ولا مامتزوجة ...
لاني بعرف واحدة اسمها سميه ولو خشيتي عندي في صفحتي في الفيس بتلقى صورها شوفيها لو هي ..
تحياتي للشيبه الرشاشة المعاك ..
| |
  
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: فايزودالقاضي)
|
الأخ الفاضل
فايز ود القاضي سلامات
البركة في الجميع
عارف حادخل ليك في الفيس بوك
يمكن القاها
عارف هي بتشبه منى خوجلي
وانا افتكرت من قرايبة لو ما اختها لكن الظاهر طلعت من الاربعين القالوهم في المثل
اما الرشاشة هو زاتو معذباهو بيها لاني كل ما اتذكرها بكلمو
لكن بجيك في قصة الرشاشة دي
التحيات الندية
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: د. ياسر عبد القادر)
|
could be this sumia of philladelphia
أثر حادث حركة في القاهرة: يسن عابدين في رحاب الله
الاخبار الاجتماعية في الثلاثاء 08 فبراير 2011, 10:47 pm
.توفي إلى رحمة مولاه بالقاهرة أثر حادث حركة الشاب يسن عابدين محمد أرصد شقيق كل من المرحوم فاروق عابدين والدكتور طه عابدين وصلاح عابدين بأريزونا .. وسمية عابدين ..وخال كل من الشيخ الفحل والدرديري الفحل وأحمد الفحل وأشرف محمد زين بفلادلفيا وصهر وقريب يونس النور بفلادلفيا..
وسيصل الجثمان عصر اليوم ألى مطار الخرطوم ويقام المأتم بمنزل الأسرة في المعمورة .
http://www.sudaneseinphilly.com/t1324-topic
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
Quote: could be this sumia of philladelphia
|
يا عبدالله عثمان دي ما ياها دي قريبتنا وامها امنة بت عبدالحليم توفت من فترة طويله وخيلانها مامون وكمال عبد الحليم من كوستي
أحلام سلام ليك ولي الشاب الأنيق سامي وأبوه...معانا هنا في فرجينيا كم سمية حاسالهم ليك
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
Quote: could be this sumia of philladelphia
|
يا عبدالله عثمان دي ما ياها دي قريبتنا وامها امنة بت عبدالحليم توفت من فترة طويله وخيلانها مامون وكمال عبد الحليم من كوستي
أحلام سلام ليك ولي الشاب الأنيق سامي وأبوه...معانا هنا في فرجينيا كم سمية حاسالهم ليك
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
اختنا الغالية وعزيزة
عفراء سند
صباحاتك بيض
وايامك جميلة ونشتاق الى رؤياك بيننا في الدوحة وسامي بقى زي ما ساميهو ابوه المدمر الصغير
وتسلمي وربنا يخلي ليك حبابيبك الحلوين اتمنى ان تكون سمية معاكم ياريت لو سالتها هي وين في امريكا كان ليقيناها لكن البركة فيكم والايام دي جملتي المفضلة ـ هناك امل ـ
اها على هذا الامل ننتظر وربنا ينجح مقاصدك
التحيات الندية
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
ود القاضي
سلام
انت مالك ومالي رشاشة ولا دش
فتش ليها سمية
عارف يا فايز كل كم يوم بهف ليه وجه سمية وهي بتقول ليها ادعو لي
وكل مرة انا بسألوني ادعو ليها يعني اقول شنو
اها اخوك البمش يفتش الدعاء المركز
يا زول لامن بقيت حريف بتاع دعاء يعني ممكن ادعوا عليك اجيب ليك فليته في راسك
ولا ممكن اعمل الدعاء بتاع رمضان السنة دي واسجلوا للأذاعة
كده خش على صفحتك واسال كل من اسمها سمية وتنوب ثواب
ليك المحبة والسلام لأسرتك الصغيرة والكبيرة
ومحبتي ابدا
| |
|
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: محمد طلب)
|
الأخت العزيزة عفراء سند
سلام واشواق وينك اعتقدنا سوف تعودي ترانزيت وتزوري الدوحة
مرة ثانية كيف احوالك واليلاد البعيدة على حسك
تسلمي وربنا يحفظك واسرتك
السهروردي بقى مدمر صغير لكن عامل طفل بنحاول نعلموا كيف يحافظ على الاشياء ولا فائدة الظاهر حيكون نجاضة كبير
بالله شوفي لينا وين سمية جات الخرطوم السنة الفاتت لي بكى امخا الحكاية زي الابرة في كوم قش
لكن زي ما بتقول احلام ـ هناك امل
عارفة كل مرة تقول لي لو شفت وش سمية وهي بتقول لي ادعو لي وشها هي زاتو ببقى كده حزين وبتقرب تبكي وطوالي بقول ليها خلاص اتخيلت المشهذ
اتمنى تلقوا لينا سمية مع سلامي ومحبتي
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
يوم السبت الموافق 2 ابريل 2011
الساعة كم كانت لما دخلت بوابة المسافرين؟ هذا يشير الى موعد اقلاع الطائرة.
هل سافرت مع خالتك رحمها الله في نفس الخطوط الجوية؟
لو في زول شغال في مطار الخرطوم ممكن يعرف السفرية والطائرة التي كانت في طريقها الى امريكا في ذلك اليوم.
ولو اتعرفت الخطوط الجوية ممكن تتعرف قائمة المسافرين.
ومن قائمة المسافرين حيظهر اسم سمية بالكامل. بافتراض ان هذا اسمها الحقيقي.
| Quote: كنت اقف قرب بوابة دخول المسافرين حضرت فتاة وديعة وجهها به حزن عميق وقفت تنظر حولها كانها تبحث عن احد |
ما كان معاها مودعين؟
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
الاخت احلام
تحية طيبة
بحثت في الانترنيت عن السفريات التي غادرت مطار الخرطوم يوم السبت 2 ابريل 2011.
وصلت طائرة الخطوط الهولندية KLM من امستردام الساعة 5:20 عصرآ وغادرت مطار الخرطوم
الى اديس ابابا الساعة 6:06 مساء (موعدها المعلن 6:35) في طريق عودتها الى امستردام ومنها الى امريكا عن طريق دلتا ايرلاينز Delta Airlines
التي تسير رحلات منتظمة بين نيويورك - (عن طريق بوسطن - ديترويت- واشنطون - اتلانتا) وبين الخرطوم واديس ابابا عن طريق امستردام.
الخطوط الامريكية DELTA تتعاقد مع الخطوط الهولندية KLM والفرنسية AIR FRANCE لنقل ركابها المتوجهين الى الخرطوم واديس ابابا عن طريق امستردام وفي العودة كذلك.
إحتمال كبير ان تكون سمية التي تسألين عنها غادرت مطار الخرطوم في الموعد الذي اشرت اليه.
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: محمد سنى دفع الله)
|
يا أحلام
سلام
لو رصدتى جائزة يمكن نلقاها ليكى بسرعة لأن امريكا ملانة سميات (موش جمع سموم)..زى ما الحلفاوى جمع محمد بالمحمدات وعبدالله بعبداللاهات... زى اللاءات التلاتة بتاعة الخرطوم الودت العرب فى داهية ويتفشخرو بيها لحدى هسع... أحسن تخلى سمية صورة جميلة فى خيالك من تلقيها وما تلقيها زى الحب من طرف واحد ...
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
سلمى العسل عسل المسرح عشان نفرق
لانو في سلمى عسل الغنا
ياخي اننتي مش صحفية واعلامية وفنانة ماتشوفي لينا سمية دي وين في امريكا الصغيرة دي
ومشتاقين ليك طولتي ما نزلتي على الخليج ولا اوربا عشان تغشينا وتشوفي السهروردي سموي
بعد الاسم الطويل بتاع صاحبك رسينا على سموي تخيلي ليك السلام
التحيات الندية
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
يا قريبي العزيز منان
لك التحيات الندية
يا أحلام
سلام
لو رصدتى جائزة يمكن نلقاها ليكى بسرعة لأن امريكا ملانة سميات
كلامك عين العقل شوف الجايزة المناسبة ونحن ننفذ
ايه رايك وخليها جايزة تدوم مع الفايز ويتذكرنا بيها
تسلم وليك التقدير والاحترام
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
حافظ انقابو
تسلم على المرور والدعم المعنوي
ربنا يجمعك بسمية قريباً
أبشري بورداب الحارة ما بقصرو
واثقة من كلماتك لانو البورداب دايما عودونا على لهفة المحزون ومساندة الضعيف ورفع همة المرضان ونجدة المحتاج وبلقوا الرايح ويطمنوا القلوبالرقيقة ربنا يديهم قدر مواقفهم وتسلم يا حافظ
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: احلام وهبي)
|
الأ ستاذ كوستاوي التحيات الندية
هي فعلا بتشبه الاخت العزيزة منى خوجلي
وانا حسيت انها قريبته او اختها زولة حزينة والدموع واقفة في عيونة وسالتها انت اخت منى خوجلي
واندفعت الدموع من عينيها وبكت وهي تقول لالا انا اسمي سمية وامي ماتت وراجعة امريكا ادعو لي وقبل ان اسالها اي سؤال طلبوا منها الدخول وفقدتها لكن عيونها والحزن المرسوم على وجهها والدعوات التي حملتني لها اصبحت صورتها ملازمة لي
ابحثوا معى عنها ولكم السلام
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: محمد سنى دفع الله)
|
يا إحلام يا قريبتي
مسكاقنا ويافينا ( حيث لا ينطقون الأربشن)
طبعا بعض ( الأربشن) وعلى راسهم ودالأمير سيعملون على تشييت الكورة لدرجة وصولهم الى العم قوقل الذي أفادهم بأن الرطانية قد حيرتهم ، ولذا ما حينفعك إلا الذي صار رطانياً بنكهة (أربشن) ونحن أيضا.
الحل الأول ، ولو كانت فيها صعوبة شوية ، تكليف من يقوم بمقابلة سلطات جوازات مطار الخرطوم ومراجعة الذين غادروا في ذلك اليوم ومن خلال ذلك يمكنك التعرف على معلومات مهمة .
الحل الثاني ، وهو الأسهل إن كانت سمية تحمل الجنسية الأمريكية أكيد مسجلة في مكتب تسجيل الأجانب ويمكنك الحصول على المعلومات المطلوبة .
آفيلقو
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: بدر الدين الأمير)
|
إزيك يا أحلام..
نترحم علي خالتك وعلي والدة سمية وكل أمواتنا الأعزاء..
ومساعدة مني في إيجادها..ارفق لكم صورة اخيرة لشبيهتها مني خوجلي بعدسنوات من تلك التي اتي بها أخونا كوستاوي..
واتمني لكم التوفيق حتي يرتاح قلب إحلام ويستطيع السني أن ينام!
مع الحب الأكيد لكم جميعا..
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: Mutwali Malik)
|
بنتنا الحنونة أحلام
شايف كتيرين اتعاطفوا مع طلبك وادوا استعدادم للبحث عن سمية ... وسمية ما جايبة خبر... يعنى ما عندها أى صلة ب: "وطن من لا وطن له" وأخونا بكرى حوشو البيلم العقرب والدبيب ما لمَّ سمية الما حنينة دى... عشان كدة اقترحت ليك عمل حافز للتشجيع زى عزومة تركين (ملوحة) كاربة لمن يعثر على سمية الجن دى اللى خلت ناس محمد السنى وبدرالدين يهضربو... بالنسبة لى ناس امريكا أنا مستعد اتطوع مقابل "طرد"* تركين وأجيب ليكى خبر كل السميات فى أمريكا... الله أكبر...على وزن هجليج...
* "طرد" بالنوبى يعنى إرسالية او حاجة مرسلة للأهل.. ويبدو انها كلمة نوبية استعربت ثم استنوبت ثم استعربت والله أعلم .. آه... ويمكنكم التأكد من أصلها من الزملاء بدرالدين الأمير وعبدالإله زمراوى ومن لف لفهما...
أها كدة قصرنا يا أحلام؟؟؟
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: Mannan)
|
غيب وتعال
غيب وتعال
تلقانا يانا نحن
رجعتي بي نفس خفة الدم
هسي الصورة دي قسما فيها جمال عيون
نعم في كل شئ جمال
والف حمدالله على السلامة
ولحظة من فضلك فتشي لينا سمية
ما شفتي احلام قالت ليها شنو اول ماشافتها
انت اخت منى خوجلي
فتشي لينا اختك الفي سقط لقط دي
مودتي
| |
|
|
|
|
|
|
|
|
|
Re: ياناس امـريـكـا ابحثوا معي عن ســمـيـة .. (Re: محمد سنى دفع الله)
|
ياسلام مبروك العودة يا اختي الغالية منى خوجلي
عشان تعرفي انت في البال وزكرتك صاحية فينا وفي الحقيقة سمية فيها شبهكم وقلت البت عندها فراسة ويمكن تطلع قريبتك لكنها اختصرت سؤالي وانخرطت في بكاء حزين ومع الحزن والدموع طارت بقية الاسئلة وماعرفت ليها جواب تسلمي يا منى وكل المنى ان تكوني هنا على طول ونلقى سمية سوا
التحيات الندية
| |
|
|
|
|
|
|
|
| |
احلام وهبي
فايزودالقاضي
د. ياسر عبد القادر
عبدالله عثمان
Afraa Sanad
محمد سنى دفع الله
Elmosley
سلمى الشيخ سلامة
بدر الدين الأمير
Adil Osman
Mannan
حافظ انقابو
Kostawi
ولياب
Muna Khugali
Mutwali Malik
فيس بوك
تويتر
انستقرام
يوتيوب
بنتيريست