|
|
|
 Re: سؤال للعسكريين في البورد: هل كلام وزير الدفاع دا مظبوط؟ (Re: Salahaldeen Nadir)
|
| Quote: "راداراتنا ما رصدت الطائرة النفذت الهجوم لأنها حلقت في مستوى منخفض" |
يا ابو الشوش
غايتو نحن ما عندنا علم لا في العسكرية و لا الطيران بشقيه المدني و العسكري
لكن برضو بنشوت معاكم..اظن أن الصحيح هو أن يقول حلقت "على " مستوى منخفض بدلا عن "في" مستوى منخفض.
و رغم انو شيه عبد الرهيم دي من اندينا و ما بتعرف عربي كويس بس برضك ما بنعذره و حنفتش ليهو الغلط زي
ما بيقولوا المصريين.
| |
  
|
|
|
|
|
|
|
 Re: سؤال للعسكريين في البورد: هل كلام وزير الدفاع دا مظبوط؟ (Re: ناصر احمد الامين)
|
Quote: "راداراتنا ما رصدت الطائرة النفذت الهجوم لأنها حلقت في مستوى منخفض"
|
وهل هى طائرة بالفعل؟؟
بعد ضرب مصنع الشفاء, قال السيد الرئيس أن الناس رأوا الطائرات,
ولم يكن هناك طائرات ولا يحزنون, بل كانت صواريخ موجهة.
ونحن لا نعرف فى العسكرية الشئ الكثير, لكن البداهة تقول, إذا كانت
الصواريخ قادرة على تنفيذ مهمة ضربةٍ ما بفعالية, فما الضرورة
لإستخدام الطائرات, يعنى البشير ده لو عندو صورايخ ممكن تضرب جوبا
مثلاً, فهل يخاطر بإرسال طائرات لتنفيذ المهمة؟؟!!!!! المنطق يقول لا,
"لكن بينى بينكم, البشير بيعملا"
تسلم يا اشرف
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
تفسير ما سبق:
سعادة الوزير أراد أن يقول:
الرادارات الموجودة لدينا غير عسكرية وهي تختص بتحصيل قيمة رسوم العبور للطائرات التجارية التي تعبر فوق اجوائنا على ارتفاعات تفوق الألف قدم.
وهو الأمر المهم لدينا كحكومة ... تحصيل رسوم العبور.
أما أشياء مثل السيادة والتراب الوطني فهي لا قيمة لها إلا عندما يتعلق الأمر بدولة جنوب السودان أو إحدى الأقاليم السودانية المتمردة.
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Hani Arabi Mohamed)
|
| Quote: صورتك دي بتوحي بأنو ليك علاقة بالطيران |
نعم .. علاقتي وثيقة بالطيران .. كـ راكب
التحليق على إرتفاع منخفض مناورة قديمة و تصلح (من ناحية نظرية) مع أنظمة الرادار القديمة
كون (الطائرات) المغيرة حقلت (داخل العمق السوداني) دون أن تلاحظها نقاط المراقبة ( و لو بالعين و الأذن المجردتين) إنما يعني عدم وجود تلق النقاط أساسا
تخيل نفسك أحد أفراد أحد نقاط المراقبة (المزعومة) و سمعت صوت طائرة لم تراها في شاشة الرادار فماذا تفعل؟
المفروض:
1 تراجع جداول الطيران المدني و مواقيته (إن وجد)
2 تتصل بالطيران المدني (إن كان هناك أساسا تنسيق)
3 تفعّل أنظمة الدفاع الجوي و منظومات التتبع الحراري (إن وجدت)
أنظمة صواريخ Strela2 كانت لتستطيع إسقاط طائرة تحلق على إرتفاع منخفض بسهولة بواسطة التتبع الحراري
لكن حامي الحمى قال: الوقت كان وقت صلاة العشا, و الراجع أن الضابط شال معاه مفاتيح مخزن الصورايخ و مشى الكتشينة
----------------------
أقول قولي هذا و ما انا بالعسكري أو الطيار (شوف أفلام و لعب بلاي ستيشن ساي) و أظن أنني محق
!
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
بخصوص كلام عبد الرحيم والدفاع عن الاجواء او كامل الاقليم
والاقليم تعريفا
هو الرقعة الجغرافية من ارض وفضاء ولكن شريطة وجود البشر
يقال والعهدة على الراوى ان الاجواء السودانية مفتوحة على مصراعيها او (مشراعيها )
فمن قبل ضربت طائرة الاذاعة السودانية يقال انها تتبع ( الكتاب الاخضر )
وايضا ضرب مصنع الشفاء ،، والدربكة حصلت ،، فى القيادة العامة قالو ابو خالد جاء عن طريق كسلا
واخرين قالو الطيارة ضربت المصنع والناش شافوها ،، و ثالث لم يقل لنا اى شىء حتى الان
وفى العام الماضى انضرب رتل من السيارات شرق السودان ولم يقل لنا احد اى شىء حتى الان ولكن احد قيادات المنطقة عمل دربكة (الاسود الحرة )
وبعد الرتل ضربت طائرة اسرائيلية عربه بوكس قادمة الى بورتسودان يعتقد انها تحمل شخصية فلسطينية خطيرة
واخيرا الطيارة الجات مع صلاة العشاء (صلاة العشاء دى المراقه من السيك ) وطافيه الانوار وكمان من غير صوت ،، كتامى يعنى
بطلت المكنه اول ما دخلت الاجواء السودانية وبقت شغالا بقدرة قادر ( .................) يا سيدى الاجواء السودانية مكشوفة ليه ؟؟؟ لان الدولة ليست
فى حوجة اصلا للسيطرة على الاجواء ما يهمها هو على الارض من بشر ومواطنيها بالدرجة الاولى وفى المواطنين المعارضين او الغير منتسبين للمؤتمر
الوطنى هذا هو العدو الحقيقى وليس الطائرات البتجى كتامى وطافيه الانوار زى الحرامية كدا ؟؟؟
صدقنى الاجواء السودانية حدث ولا حرج ،،، منفرجة الزوايا ،،، كدا فى الاول نراقب النشرة الجوية صاح ومن ثم باقى الاجواء وعمليات الدفاع الجوى
وما الى ذلك من المهام الكبرى الضرورية لاى دولة
قاسم المهداوى
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: قاسم المهداوى)
|
لغاية عام النكسة 1967 م كان الطيران المنخفض لا يمكن اكتشافه عن طريق الرادار أنا لست بعسكريا ولكن كان هذا التبرير الرسمي لأسباب فشل الرادارات والدفاعات المصرية في اكتشاف الطيران الاسرائيلي وهو يدمر طائرات سلاح الجو المصري وهي رابضة علي مدرجات المطارات المصرية
يعني الكلام دة صحي لكن هل ما زالت المعدات السودانية من زمن الستينات والدفاع والأمن يسطوان علي 80 بالمائة من ميزانية السودان
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: قاسم المهداوى)
|
| Quote: واخرين قالو الطيارة ضربت المصنع والناش شافوها |
كذلك في "وحدين قالوا شفنا الشافا"
يا مهداوي لو المصريين شافوا الفيديو دا حنبقى مضحكة!
الحاجة العايزين نعرفا أجواءنا دي مفتوحة قلة إمكانيات ولا تواطؤ؟
يا مهداوي بتبرير وزيز دفاعنا دا معناتو احنا طيارة رش ممكن تجهجه باكاتنا!
ولو أي عدو هاجم خرطومنا دي بطيارة واحدة بس نص ساعة وخلصت الليلة
تاني الواحد فينا ينوم وعكازو تحت راسو
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
| Quote: الحاجة العايزين نعرفا أجواءنا دي مفتوحة قلة إمكانيات ولا تواطؤ؟ |
يا اشرف
سلااام وتحايا
كل الحكومات ( ديمقراطية او عسكرتارية او شمولية او ديكتاتورية ) كلها تواطأت بشكل او اخر ى ضد الشعب السودانى
منذ الاستقلال وحتى الان ،،، ولا حظ فقط الفوارق فى الخدمات الاساسية ( صحة ،، تعليم ،، مياه صالحة للشرب ،، سكن لائق ) بين المدن واطراف المدن
، بين المدن واشباه المدن ،، بين كافة الاطراف ومرتكز الدولة ( ادارةالدولة )
الفضاء الخارجى للدولة مهمل مثله مثل اى طرف اخر ليس من قلة الامكانيات ولكن عدم معرفه وادراك ودراية باهمية الفضاء الخارجى للدولة
السؤال هو لماذا تضربنا دولة اسرائيل دوما ؟؟؟؟ ليه نحن الجنينه الخفيرا نايم يعنى ولا شنو ؟؟؟
ولا هنالك سبب وجيه لذلك ؟؟ !!!
الحكومة السودانية ( ادارة الدولة ) تسمح بتمرير السلاح القادم من ايران عبر البحر الاحمر الى غزة ( حركة حماس الفلسطينية ) ام ان اسرائيل بتحاول
تتمرن فينا ساكت ،،،
ولا كيف
قاسم المهداوى
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: قاسم المهداوى)
|
يا جماعة عبد الرحيم نعم وزير دفاع فاشل
لكنو حقيقة مهندس طيران ناجح
وسبق ان نجح في صنع برشوت لاسقاط المؤون للمحاصرين في الناصر
بواسطة ساعة توقيت اخذها من كرسي مقاتلة
ونجح في ذلك
ونعم لا يمكن للرادرات التقاط الاهداف الطائرة على مستوى منخفض
حتى في عصرنا هذا لان الموضوع مرتبط بخصائص الاشعة وليس تاريخ صنع الرادار
وما ننسى انو الطائرة جات من البحر يمكن ممكن تطير على ارتفاع متر واحد من سطح البحر
ولا يوجد جهاز قادر على التقاط جسم طائر على هذا الارتفاع
وما ننسى انو لو الارض في بورتسودان مرتفعة عن البحر ثلاثة امتار
يبقى على الرادار مسح جسم يطير على انخفاض مترين من الافق
يعني الا طائرة ايواكس حتى تقدر تلقتط الهلكوبتر الاسرائيلية
وثانياً
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: على ميرغني)
|
ثانيا
لا يمكن وضع نقاط مراقبة بالنظر متقدمة لانو الشارع على بعد عدة امتار من البحر
وعن حكاية وضع نقاط مراقبة بالنظر في سفن في عرض البحر يبقى عايزين ميزانية
كبيرة جدا نحن ماقدرها
والزول دا قال انو الطائرات كانت مطفية اي نور فيها وفعلاً كدا يصعب التقاطها بالنظر العادي
لكن لم يقول انها كانت بدون صوت
بس الغلط الكبير في تبريرات عبد الرحيم دي
وين كانت المضادات الارضية اثناء وبعد الهجوم خاصة انو استغرق قرابة العشرة دقائق
ثم وين نتائج لجان التحقيق في الحادثة خاصة انو مرا عليها سنة كاملة
وتكرر نفس الحادث بدون الاستفادة من الدروس السابقة
واعتقد ان اهم شئ فيها محاربة تهريب السلاح عبر بورتسودان الى اي جهة كانت
والمثل بقول (البلد المحن لا بد يلولي صغارن)
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: على ميرغني)
|
| Quote: لكن هل ما زالت المعدات السودانية من زمن الستينات والدفاع والأمن يسطوان علي 80 بالمائة من ميزانية السودان |
نعم يا الزبير
لتأمين النظام داخلياً جهاز الأمن ماخد ميزانية أكبر من الجيش.
غالباً النظام حاسبها كدا:
أصلاً جيشنا قعد يحارب وين؟.. الجنوب وبؤر التمرد في الأطراف؟
إذاً الجيش ما محتاج أكتر من قذائف الأنتينوف
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
يا حلبينا .. وزير دفاعنا ليته صمت و ليته عمل رايح بدل الكلام الني دا
بالنسبة لمسالة الرادار و الإرتفاعات المنخفضة انا ما عسكري ولا متخصص ما اقدر افتي فتوى قاطعة لكن كاجتهاد ساي الرادار نظرية عمله تعتمد على ارسال موجات الراديو و استقبالها بعد اصطدامها بالأجسام
ففي حالة وجود موانع طبيعية مرتفعة كالجبال مثلا لا يستطيع الرادار أن يعمل بكفاءة , بالتالي يتم ضبطه ليعمل على ارتفاع اعلى من اعلى مانع طبيعي
عليه من يريد الهرب من الرادار التحليق على ارتفاع اقل من ارتفاع ضبطه
هذا و الله اعلم
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
Quote: السؤال هو لماذا تضربنا دولة اسرائيل دوما ؟؟؟؟ ليه نحن الجنينة الخفيرا نايم يعنى ولا شنو ؟؟؟
ولا هنالك سبب وجيه لذلك ؟؟ !!! |
يا مهداوي إسرائيل بتضرب أهداف محددة قالت استخباراتها أنها حلقة من حلقات تهريب السلاح لداخل العمق الإسرائيلي
حسب الاتهام الإسرائيلي الحلقة دي فيها أفراد من القبائل الرعوية في المنطقة (على فكرة الضحية الأخير من قبيلة العبابدة) ومعروف إنو القبائل دي حركتها في المنطقة من شرقنا حتى سيناء في مصر، بطول ساحل البحر الأحمر. إسرائيل اختارت الأسهل بإنها تضرب الأهداف دي في السودان بدل مصر، حقارة بينا طبعاً! لأنها لا يمكن تغامر وتضرب الأهداف دي داخل الأراضي المصرية، لأنو مصر عندها جيش قوي ولو حصلت مواجهة، رغم تفوق إسرائيل النوعي، إلا أنو المسألة ما حتكون ساهلة. أما السودان فما في خوف من رد فعله لأنو جيشه تسليحه ضعيف
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
جنابو علي سلامات
مسألة عيب الرادار في تغطية "التحتانية" وإنو دا عيب خلقي دي أكيد عندها حلول تانية، هي شنو أنا ما عارف
لأنو منطقياً ما ممكن دفاعات الدنيا دي كلها، وبعد التقدم الوصل ليه العالم بعد ثورة الاتصالات، يكون فيها العيب دا.
من غير مقارنة مع أمريكا أوالصين أوكوريا وباقي الدول المتقدمة دي، مصر القريبة دي أنا متأكد إنها معالجة مسألة القصور بتاع الرادار دا (إذا دا ما عيب موديل)
وإلا ما فائدة الرادار أصلاً لو فيهو ثقرة تعدي طيارة مقاتلة!؟
جنابو علي: جيشنا مهمل وبدائي وتسليحه آوت اوف ديت. دي الحقيقة
دولة جنوب السودان لو كان عندها طيارة مقاتلة واحدة بس اسى في موضوع هجليج دا كان نكون واقفين في محطة "نحتفظ بحق الرد"
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: Ashraf el-Halabi)
|
أنا استغرب أصلاً انشغال بعض الزملاء بمناقشـة موضوع الطيران على ارتفاع منخفض أو عدم امكانية رصد الطائرات .. هذه أمور فنية قامت الدول بمعالجتها والتحوط لها والميزانيات مبذولة للجيوش من أجل حماية الشعب والحدود والتجارب موجودة لدى الدول كلها وإذا لم تستطع بإمكانك الحصول على الاستشارات من الشركات ذات الصلة ....
الحكومة مسئوليتها أن تحمي وليس أن تحلل والشعب وبالذات مثقفيه أمثال زملاءنا هنا مسئوليتهم المطالبة بتفعيل الحماية كواجب يستحقه شعب ظل يدفع ويدفع ويدعم ويدعم لكن التفاصيل الفنية هي حيلة العاجز والمبرراتي ولو فندنا حكاية الطيران بارتفاعات منخفضة فسيأتي من يريد المغالطة بحجج أخرى ويقول مثلاً أنها صواريخ لا يمكن اصطيادها بامكانياتنا المتواضعة أو يقول بأنها طائرات فائقة السرعة لا تلحقها مضاداتنا البطيئة نسبياً أو غير ذلك,
إسرائيل دولة موجودة في هذا العالم فهي ليست في العالم الباطني أو فوق المحسوس والعبقرية السياسية إذا لم تجد حلاً عسكرياً يمكنها البحث في الحلول السياسية أو على الأقل تجنب إزعاج اسرائيل بضبط حركة السلاح الذي لا تريده على الأقل حفاظاً على الدم السوداني ...
أما استمرار الاعتداءات الاسرائيلية بهذه الصورة فهو أمر مخجل تماماً ويثير الشفقة ويهزم كل شعارات الجهادية التي لا تزال مسموعة في الراديوهات والتلفزيونات السودانية ويؤكد الفشل العام
أحمد الشايقي
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: أحمد الشايقي)
|
يا جماعة الخير
اكيد ما عندنا قدرة على مواجهة اسرائيل
ومعروف انها افضل من يصنع الطائرات غير المأهولة في العالم
وانها افضل من يصنع نظم الري في العالم لا تقول لي امريكا ولا روسيا
ومعروف انو اسرائيل ما ساي كدا بتضرب فينا
يبقى الحل في اننا نبعد عن استهداف اسرائيل
او على الاقل نحارب من يقومون بتسهيل تجارة السلاح الى اسرائيل
وما نحارب معركة ما معركتنا
ومهما فعلنا في تجويد قدراتنا الدفاعية لن ننجح في وقف عمليات اسرائيل ضد مهربي السلاح
يعني اسرائيل نجحت في اختراق الدفاع الجوي السوري وضربت منشاءاتها النووية
ونفس الشئ مع عراق صدام حسين
وقتلت البحبوح في دبي حيث بين كل كمرا وكمرا كمرا تالتة
علشان كدا انا شايف انو الحل سياسي وليس عسكري
| |
|
|
|
|
|
|
|
|
|
Re: سؤال للعسكريين في البورد: هل كلام وزير الدفاع دا مظبوط؟ (Re: على ميرغني)
|
| Quote: أما استمرار الاعتداءات الاسرائيلية بهذه الصورة فهو أمر مخجل تماماً ويثير الشفقة ويهزم كل شعارات الجهادية التي لا تزال مسموعة في الراديوهات والتلفزيونات السودانية ويؤكد الفشل العام |
بالضبط أستاذ أحمد
دا الاعتداء التالت أو الرابع من نفس الجهة والحكومة ما قامت بأي خطوات إيجابية (خطوات إيجابية دي ما شاملة الرد العسكري لا سمح الله)
لكن نفس الحكومة دي فالحة جداً ولا تؤجل عمل اليوم إلى الغد بالنسبة للاعتداءات البتم من دولة الجنوب أوالمتمردين في الاطراف (!)
| |
|
|
|
|
|
|
| |
Ashraf el-Halabi
Salahaldeen Nadir
سيف النصر محي الدين
ناصر احمد الامين
عبدالله شمس الدين مصطفى
Hani Arabi Mohamed
قاسم المهداوى
الزبير صالح الزبير
محمد البشرى الخضر
أحمد الشايقي
فيس بوك
تويتر
انستقرام
يوتيوب
بنتيريست