|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
الجرآدة دي زمان كانت البلي إستيشن بتاعتنا.
كنا بنقطع كُراعا، وهي مجوفة و نمسكا في إيدنا ونقول لها،
الفكي صلي، ونرد علي نفسنا أبيت أصلي. ثمّ نقول: جيبو
السوط، ونقول الله أكبر، ونعصر الكُرآع تمشي لقدآم تنطرح
ثمّ ترجع تنعقص تاني في حركة تشبه الركوع والسجود...
| |
 
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
| Quote: لو رُجال خليهم يجونا بالتِحتانيّة... |
واللمبي يسوي "الطيارة حلقت في إرتفاع منخفض عشان كدا راداراتنا ما قدرت ترصدا"
التحتانية دي وين ذاتو ما قدرنا نعرفا!
يا ود المدير الشغلة أظنها عايزة ليها بنا يقيف في مدخل بورسودان بميزان موية ويقعد يوجه الطيار (دا لو أساساً هم استخسروا فينا طيارة بطيار)
أها يقيف بميزان الموية ويوجه "فوق شوية.. لا لا.. أنزل تحت سنة.. سنة كمان.. بااااااس كدا مظبوط"
| |
|
|
|
|
|
|
|
|
|
Re: سـنـصـلـي صـلآة الـفـكـي فـي تـلآبـيّـب ... (Re: MOHAMMED ELSHEIKH)
|
Quote: يعنى الصلاة قائمة قائمة .فى تلابيب ...وتؤجل صلاة كاودا جمعتين
سلام يا مواطن والولاد |
سلآمات يا أبو النسب.
لا، بتاعت تلآبيب دي ليها الأولوية لأنو الحكاية دي مُخططة في
الأوّل حا ننتهي من ضُبانة الصهاينة بعد دآك باقي الحشرات.
ما تخاف البِف بآف رآقد هبطرش، والطُرُمبة مليانة لعينها...
| |
|
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote:
ود المدير سلام
قت كدى آود المدير؟!!
سمح هاك الغواصة النووية دى تتوصل بيها لاعن تلآبيييييييييب!
تحياتى
|
سلآمات يا مهيرة.
غواصاتنا ولا بناطين الناس. نحارب بما نصنع.
أبشري يا مهيرة جاهزين تب، وهاك الضفادع البشرية دي
زايد ناقلآت جنود عالية الجودة.
بِتّ القاعد يسحب إسمو أبو صلعة يا إسرائيل.
| |
|
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote: واللمبي يسوي "الطيارة حلقت في إرتفاع منخفض عشان كدا راداراتنا ما قدرت ترصدا"
التحتانية دي وين ذاتو ما قدرنا نعرفا!
يا ود المدير الشغلة أظنها عايزة ليها بنا يقيف في مدخل بورسودان بميزان
موية ويقعد يوجه الطيار (دا لو أساساً هم استخسروا فينا طيارة بطيار)
أها يقيف بميزان الموية ويوجه "فوق شوية.. لا لا.. أنزل تحت سنة..
سنة كمان.. بااااااس كدا مظبوط" |
سلآمات يا الحلبي.
عزبتونا معاكم يا ناس البندر.
والله صحي.
التحتانية ما بتعرفوها !!!؟
التحتانية عكس الفوقانية. يعني إن بقيت سادر معناتا ماشي الفوقانية، محل العمار والبيوت،
وإن بقيت مِندلي إيآك ماشي علي البحر. يعني يا تبقى سادر لآفوّق، واللآ مِندلي لآتَحَت.
يعني اللمبي دا قصدوا الضبابين الصهيونية ديل كان عندهم شِيتاً دآيرين يرموهو اليرموهو
في البحر، بس اليختونا محل العمار كان البلد فضل فيها عمار !!!
دا حسب فهمي لكلآمو، كان عندوا فهماً قدُر دا.
إقتراح البنا و ميزان الموّية دا، أنا موافق عليهو، ويُحوّل للسيد مستشار أمير المؤمنين
للنظر و الإجازة.
بِتتتتتت الـكـلـب يا اسرائيل...
| |
|
|
|
|
|
|
|
|
|
Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote:
بعد كل هذه العنتريات أصبحت الحكاية
جونا بنور طافئ ونور مولع!
الأخ ود المدير دمت بالف خير .. |
سلآمات يا أماني العجب.
كمان المذيع قال عندهم صاروخ حاجة كدا سبعة بيرمي الطيارة
وُردُلُب عدييييل كدا. يا ربي دا يكون مخزّن واللآ شنو ؟؟؟
نبشرك يا بت العجب لواء الردع حا يردع ليك الصهاينة ردعة
لا تقوم لهم قايمة بعدها.
سمعتو قال بيرسل رسالة لأعداء الإنسانية.
والله صحي...
| |
|
|
|
|
|
|
|
|
|
Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote: انا غايتو ماشي معاكم صلاة تل ابيب دي
(صلاة و زوغة) هههههههههههههه
لكين من هسه لو في صيام انا ما بصوم !! لوووووول
|
سلآمات يا ناصر.
يا زول زوغة شنو ؟؟؟
إنت وكت أصلك ماشي معانا، أمانة ما نجيهك جيّهة.
يا زول نحن ناس إحتلآل ساااااكت، وإسترجاع أراضي
مغتصبة. عفيناك من الصيام، أها، و أوآآآآت أمير المؤمنين
يسلّم من الصلآة حا يأمُر المستشار بتاعو يسجّل ليك قطعة
أرض ناصية، ويزوجك إتنين من الصبايا مبغبغات و ملظلظات.
طبعاً بعد يعزل هو في الأوّل.
أها، قصرنا معاك ؟؟؟
| |
|
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote: هل سيسمح لنا اميرنا باخذ سبايا (تقرا صبايا)
ام سيكاوش عليهم وحده ويتم توزيعهم عن طريق البطاقة التموينية ؟ |
سلآمات يا محمد ابراهيم.
التوزيع حسب المقام. لكن بتلحقكم شئ. بس في الأوّل يحدق أمير
المؤمنين، ثمّ الذين يلوّنة، وباقي الرعية سيتم التوزيع لهم عن طريق
البطاقة التموينية، وفي حالة يتلحس أيّ وآحد تُحول ملكية أرملته إلي
أميرنا. لا نزاع في ذلك البتّة.
سيتم تحويل وزارة الدفاع بعد أن ظهر فشلها جلياً في الدفاع إلي وزارة
الأعراس، والأفراح، وستحول وظيفة وزير الدفاع إلي وزير عريس،
ودآمت الأفراح.
سنسبي بنات أعمنا اليهود زنقة، زنقة بلآ تراجع للأمام.
دمتم في حفظ الله و رعايته...
| |
|
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
اللهُمّ اليهود أولآد الهِرمة طغوا في البلآد، وعصروا علينا شديد بالطيارآت.
اللهُمّ عليك بالضُبانة الإسرائلية والحشرة الشعبية. اللهُمّ سلّط عليهن العناكب،
وكبلهِن بخيوط العنكبوت، وأسكِت زنزنتهِن، وأقطع طنينهِن حتي لا نسمع
رنينهِن. اللهُمّ كتّرِ البِف بآف، والفِليت في بلآدنا، وأرجع إليها رش الجمكسين.
اللهُمّ ثبّت أقدام أمير المؤمنين، و زوجه مثنى وثُلآث، و رُباع، وأشبعه حتي
يقول باااع. اللهُمّ ثبّت وزير الدفاع، حتي يصير أقوى من فيول قلب الأسد زاتو،
وسدد رميه حتي يكون أخطر من كرستيانو رونالدو زاتو.
آميييييييين...
| |
|
|
|
|
|
|
|
|
|
Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
لجرآدة دي زمان كانت البلي إستيشن بتاعتنا.
كنا بنقطع كُراعا، وهي مجوفة و نمسكا في إيدنا ونقول لها،
الفكي صلي، ونرد علي نفسنا أبيت أصلي. ثمّ نقول: جيبو
السوط، ونقول الله أكبر، ونعصر الكُرآع تمشي لقدآم تنطرح
ثمّ ترجع تنعقص تاني في حركة تشبه الركوع والسجود...
العزيز/ معاوية
سلام
بالله انتو كنتوا بطبقوا الحدود من الزمن داك!!!
يعني لو كان رفعتوا شوية من القوات البرية زمان كان اسرائيل دي ما قلت أدبها كتير كدا...
ولا يعلم جنود ربك الا هو..
ولو أمير المؤمنين ده في عز العرضة والرقيص وقف وقال: وما رميت اذ رميت كان بني صهيون في خبر كان..
أو مهرجان كان..
كلوا سوا وقد تشابهت علينا الطائرات..
تحياتي
بوست رائع
| |
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: Abdlaziz Eisa)
|
Quote: يا زول انت قاعد وين ..
لقد تم تأمين أجواء بورتسودان تماماً |
سلآمات يا محمد مكي.
يعني كلآم حبيبنا الطاشي دا صحيح، و أمير المؤمنين و ملائه مأمنين
تأمين كامل شامل ؟. إذاً أبشروا بـ30 سنة، وتثبيت قوي من الدجالين
أصحابوا القال عليهم الرك.
عليكم الله كلموا أمير المؤمنين دا يخلي الغايب بدل ينزّل عسل، المرّة
الجاية ينزّل طيارات الصهاينة دي بسدرو...
| |
|
|
|
|
|
|
|
|
|
Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote:
بالمناسبة السيارة تم نيشها على مسافة 2 كلم من حي تل ابيب الشهير ببورسودان
والذي تمت جغمسته بمناسبة المشروع الهداري |
سلآمات يا محمد الشيخ.
يا زول هوووي، كلآمك دا أحفرلوا و أدفنوا.
بورسودان ياتا كمان الفيها تلآبيب ؟؟؟
لا تقول كدي الصهاينة ديّل كمان باكر يجو ينطو فيها
يقولوا حقتم، ويبقولنا شوكة حوّت.
برآك عارف ما في زول بيقدر يقولهم أمرقوا...
| |
|
|
|
|
|
|
|
|
 Re: سـنـصـلـي صـلآة الـفـكـي فـي تـلآبـيّـب ... (Re: معاوية المدير)
|
Quote: بالله انتو كنتوا بطبقوا الحدود من الزمن داك!!!
يعني لو كان رفعتوا شوية من القوات البرية زمان كان اسرائيل دي ما قلت أدبها كتير كدا...
ولا يعلم جنود ربك الا هو..
ولو أمير المؤمنين ده في عز العرضة والرقيص وقف وقال: وما رميت اذ رميت كان بني صهيون في خبر كان..
أو مهرجان كان..
كلوا سوا وقد تشابهت علينا الطائرات.. |
سلآمات و أشواق يا عبد العزيز.
يا زول نحن كحلونا بالدم، ومسحونا بالكسح، ودمسونا بالمسح. نحن بنحرت حرت عدييييل كدا.
حانملآها ليهم عيون صقور بالنهار، و عيون كدايس بالليل سمعاً و طاعتاً لوزير العريس، وخليهم
تاني يجو عشان نديهم عين نجيب خبرُن.
نحن دعوات أمير المؤمنين و بركاتوا دي خاتنها للتقيلة ما بنبعزقا في الضُبانة اليهودية عدوّة
الإنسانية دي.
بعد دا تاني عيونا، لوّمك بي يتاوقن
زي شُباك منوّر في ضلآم الليل.
تحياتي...
| |
|
|
|
|
|
|
| |
معاوية المدير
محمد عبدالرحمن محمد
معاوية عبيد الصائم
مهيرة
Ashraf el-Halabi
Amani Al Ajab
ناصر احمد الامين
محمد إبراهيم علي
محمد مكى محمد
MOHAMMED ELSHEIKH
Abdlaziz Eisa
فيس بوك
تويتر
انستقرام
يوتيوب
بنتيريست