|
|
|
 Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
Quote:
Mohamed Hashim Abdulghani
فى لقاء فى قناة الجزيره ايام احداث هجليج مع السيد وزير الدفاع ساله المذيع هل تنام مرتاح الضمير ام واجباتك الوزاريه والعسكريه تعكر صفو حياتك ...
فرد سيادة الوزير وبكل برود وثقه ...
انا انام قرير العين لاننى اؤدى واجباتى على اكمل وجه ولا اقصر فى اى صغيره او كبيره ...
ولكم ان تتخيلو شكل الحمير اللى ممكن تصدق الكلام د
|
| |
  
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
تشير الاخبار الواردة من الشرق الحبيب أن العملية قد تمت بنفس الطريقة السابقة..
المواطنون حضروا لمحل الحاثة قبل السلطات..
طبعا السلطات مشغولة بتجهيز العدة والعتاد..
لكن العدو ########
يأتي مبكرا قبل الناس تتريق وتتجهز
يضرب ويلوذ فرارا
اسرائيل دي لو صحي شجاعة كان تجي بقواتها عديل وتحتل ليها أرض زي حلايب..
لا لا يا عزيزي القارئ.. حلايب دي خليها..
أنا أقصد هجليج..
لو جاءوا واحتلوا زي الحركة الشعبية..
لكان الرد في زمانه ومكانه..
.................................
ياربي يكون وزير الدفاع أو الزول التاني أو الآخر.. يكون وصله الخبر؟
مع قطوعات الكهرباء دي والسد عجز عن سد حوجة الناس من الطاقة..
أكيد سعادتو بيفكر في رد أقوى من السد!!!!!
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
يازول الرجالة مقاسات وديل ناس رجالتهم فى العشوائيات وهجليج بعد انسحاب الجيش الشعبى فهم يعملون من هذه الغزوات انتصارات وشى دموع ومخاخيت وتكبيرات وكلها مجرد اوهام ولكن رجالة زى رجالة اسرائييل ههىىىىىىى عفيت منها على عينك ياتاجر تضرب والجنود يتركوا عقب سجائرهم محل الحداث بعد ان يتاكدوا بان العملية تمت مية المية فايلا مشغول بهدم منازل الغلابة فى ولع حى من احياء بورتسودان وسبحان الله ربنا ولعها ليها فى ترانزيت والجميع الان مشغول فى حبك الكذبة تعالوا ننتظر ونضحك
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: هاشم نوريت)
|
Quote:
يازول الرجالة مقاسات وديل ناس رجالتهم فى العشوائيات وهجليج بعد انسحاب الجيش الشعبى فهم يعملون من هذه الغزوات انتصارات وشى دموع ومخاخيت وتكبيرات وكلها مجرد اوهام ولكن رجالة زى رجالة اسرائييل ههىىىىىىى عفيت منها على عينك ياتاجر تضرب والجنود يتركوا عقب سجائرهم محل الحداث بعد ان يتاكدوا بان العملية تمت مية المية فايلا مشغول بهدم منازل الغلابة فى ولع حى من احياء بورتسودان وسبحان الله ربنا ولعها ليها فى ترانزيت والجميع الان مشغول فى حبك الكذبة تعالوا ننتظر ونضحك |
عزيزي/ هاشم نوريت
سلام
المثل بيقول: البراميل الفارغة أكثر ضوضاءا...
القندول الملان بينحني والفارغ بيلعب مع الريح...
لم يكن هنالك اختبار قوة أو مصداقية في هجليج.. هجليج كانت كذبة ومحل تورية عضلات لا أكثر..
الكلام الذي صرف في شأن هجليج يفوق انتصار المصريين في حرب اكتوبر 1973م..
ولم ينسوا أن يصنفوا الناس لفريقين فقط.. ضدهم فهو عدو وخائن أو معهم فهو وطني ومخلص...
اسرائيل ضربت للمرة التالتة ونحن لم ننسى الوعود الكبيرة بالرد المناسب.. في اول ضربة
الرد في الوقت المناسب جاء لعقار في النيل الازرق وللحلو في جنوب كردفان وللحركة في هجليج!!
طبعا هم يبدوا الرد من آخر عدوان عليهم..
حاليا سوف يكون هنالك كلام ووعود بالرد على شماعة الوقت المناسب..
ويا أخي نوريت الله يستر عليكم وعلى اهلنا في الشرق الذين يتحملون حماقات النظام ومؤامراته مع شرذمة حماس وحزب الله..
فتحوا البلاد للارهابيين المجرمين لتهريب السلاح ويتشدقون بالسيادة والوطنية في هجليج!!
غارات الطائرات الاسرائيلية على الشرق ليست جزءا من سيادة البلد
احتلال حلايب ليس جزءا من سيادة البلد..
لك الله يا وطن..
تحياتي
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: الامين موسى البشاري)
|
Quote: الجماعة ديل بقوا ملطشة عديييييييييييييل كدا
وين صقور الجو
وناس كع كرع هيييييييييييع
بصراحة دي حقارة عدييييييييييل كدا يا عبد العزيز
الرجال ماتوا في كرري زمان يا عزو ياخ |
عزيزي الصفوي/ الامين البشاري
سلامات
ليست ضربة واحد.. وليست ضربتان.. بل الثالثة وما خفي أعظم..
وفي كل مرة نسمع التشدق بالكلمات الرنانة مع طولة اللسان.. سنرد في الوقت المناسب!!
لمن يجي الزمن الفلاني...!!
أسرائيل دي بتضرب من الخلف ليش والجماعة ديل مشغولين بهجليج والنفرة.. السيادة والوطنية.. تضرب 3 مرات وتجري.. اسرائيل ########ة ياخوي
وكمان حقارة زي ما تكرمت بها أعلاه!!
ياخي الزول لو كان ساكت ولسانه مهذب وليس بفالت.. وحصلت المصيبة على أقل تقدير تتعاطف مع الناس!!
في هجليج شمتنا وقالوا ما وطنيين.. هسي دي اسرائيل عديييييل.. ياربي نطلع شنو المرة دي ولا المرة الجاية؟
هي بتضرب طوالي كدا.. الدورة بتاعتها كم شهر!!
تحياتي
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
في تاريخنا المعاصر لم نسمع ولا مرة أن اعتذر السودان عن حضور اي قمة عربية سواء قمة راتبة أو قمة طارئة!!
بلد عضو منضبط وملتزم تجاه أمته التي ينتمي اليها شاء من ابى بكل الوشائج!!
طيب..!!
عندما تحدث ازمة او مصيبة لاي من الدول العربية.. يعني من جامعة الدول العربية يقوم العضو المنكوب بعمل دعوة لقمة طارئة لمناقشة تلك المصيبة الجلل..
حتى دويلة فلسطين دعت كم مرة لقمة طارئة والسودان كان اول الحاضرين..
قبل يومين وصل أمين الجامعة العربية الى الخرطوم لمناقشة شنو كدا ما عارف!!
هسي اسرائيل العدو التاريخي..
والعدو المغلظ لعاصمة اللاءات الثلاث...
اعتدت بالشئ الملحوظ والمدون ثلاث مرات!!
ليش ولا مرة واحدة أن تقوم دولة السودان بالدعوة لقمة طارئة لمناقشة العدوان البربري الغاشم على السودان الدولة والعضو النشط في الجامعة؟
طيب بلاش من اجتماع قمة.. ممكن نقول في بعض القادة ولعيون الدول الغربية دول الاستكبار ما عايزين يجوا..
ممكن دعوة لاجتماع طاري على مستوى على كرتي؟!!
بلاش من على كرتي نقول وزراء الخارجية العرب ونقدم ليها زول احمر شوية كدا كان غازي او حتى الخال داك القال مليان عروبة..
ليش لا؟
قلتم ان البلد صارت عربية قحة بعد الانفصال.. يعني زي تونس أو حتى زي لبنان!!
(يا جماعة قحة دي ما بتاعة الدكتور... دي بضم القاف)
بلد اسلامية عربية بلا دغمسة!!
اسرائيل ضربت الشرق 3 مرات... وليس داخل نطاق مثلث حمدي... بالله هو ادروب ده ذاتو عربي!!!
خلاص بلا ش قمة
وبلاش نتعب العرب..
نستدعي السفراء العرب في الخرطوم وننورهم بأن الطيارات الاسرائيلية دي بتهوش ساي وما يشيلوا هم..
وحيجي يوم الرد!!
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
السودان: مقتل رجل أعمل في انفجار سيارة والخرطوم تلمح إلى مسؤولية اسرائيل
قتل شخص في انفجار استهدف سيارته في مدينة بورسودان شرقي السودان، ولمح وزير الخارجية السوداني إلى احتمال مسؤولية اسرائيل عن الحادث.
واعلنت الإذاعة السودانية أن جثه سائق السيارة، الذي لم يكن برفقته أحد، قد "تفحمت تماما".
وذكرت وكالة السودان للأنباء أن القتيل يدعى ناصر عبد الله احمد سعيد (65 عاما) وهو رجل أعمال من أبناء بورسودان.
ويأتي هذا الانفجار بعد نحو سنة من اتهام الخرطوم لاسرائيل بشن غارة جوية في مدينة بورسودان الساحلية التي تعد الميناء الرئيسي في البلاد.
ويعتقد أن لهذه الحوادث علاقة بتهريب الأسلحة في المنطقة، حيث اعرب مسؤولون اسرائيليون من قبل عن قلقهم بشان قوافل اسلحة قالوا انها ترسل من السودان إلى حركة حماس في قطاع غزة عبر مصر.
وعلى الرغم من أن الحكومة السودانية لم تلق اللوم على اسرائيل صراحة في هذا الانفجار الأخير، إلا أن وزير الخارجية السوداني علي كرتي شبهه بهجوم وقع في ابريل/ نيسان من العام الماضي كانت الخرطوم قد اتهمت اسرائيل بتنفيذه.
ووفقا لوكالة الأنباء الفرنسية، فقد قال كرتي في تصريحات لقناة الشروق السودانية الخاصة إن "اسلوب تفجير السيارة يشبه الطريقة التي نفذت بها إسرائيل هجمات مشابهة في ولاية البحر الأحمر"، في إشارة إلى هجوم عام 2011.
وأفاد شهود عيان أن الانفجار وقع قبيل الساعة الثامنة صباح الثلاثاء بالتوقيت المحلي (05:00 بتوقيت غرينيتش).
وقال أحد شهود العيان "سمعت دوي انفجار ضخم، فخرجت وشاهدت سيارة مشتعلة وفجوتين في الطريق".
يذكر أن الحكومة السودانية اتهمت اسرائيل صراحة بتنفيذ الغارة الجوية التي شهدتها بورسودان في ابريل 2011.
وقالت الخارجية السودانية حينها إن الهجوم، الذي استهدف سيارة أيضا، شنته طائرتا اباتشي من طراز (أيه اتش 64) من جهة البحر الأحمر.
وأشارت إلى أن اسرائي هي الدولة الوحيدة التي تملك هذا الطراز من الطائرات الأمريكية الصنع في المنطقة.
bbc
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: عبدالحافظ سعد الطيب)
|
Quote:
عبدالعزيز
كمان أنت خليك حقانى شوية أمانة فى ذمتك تلفزيونات السودان امس ماجابت نافع فى بورسودان وجمع المجاهدين و زاد المجاهدين لرد الظلم والعدوان على إسراعيل
|
الاخ العزيز/ عبدالحافظ سع الطيب
يا سلام على الخبر الجميل..
وبالصح كدا تاني نقول: يا اسرائييييل ليكي تجهزنا..
والبحر المالح ده حرّم نخوضه ونطمبجه..
ونغزو اسرائيل دي ونمسح بالواطاة
القيقم سيغني في ساحة الأقصى الشريف: دخلوها وصقيرها حام
طبعا العرض ده محدود بعد أن يصلي الرئيس في المسجد مثلما صلى عمر الفاروق من قبل..
هو في فرق بين العمرين!!!!!!
فقط فارق زمني..
والفارق الزمني ده هو الجاب مسألة الهز والرقيص!!!
وده لاننا عندنا توجه حضاري..
وبعدين نحن بناكل مما نزرع
ونضرب اسرائيل بما نصنع!!
يا الحافظ ياخوي لومك علي تاني ما بنتكلم مع جاهزية المجاهدين اردع اسرائيل.. دول الاستكبار وكل من تسول له نفسه المساس بذرة من ترابنا جنوبي حلايب...!!
تحياتي ومودتي
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: ود الباوقة)
|
Quote:
==================================
لو رجال خلوهم يجونا بالتحتانية ...
=================================
هاك
اقبض
العرقسوس
دا
|
الاخ ود الباوقة
ليست ضربة واحدة
وليست ضربتين
بل ثلاث ضربات متتالية!!
متعودة دائمــــــــــــــــاً.. كما قال عادل امام..
قلنا نستعدين نخوض البحر ونصل تل أبيب!!
تاني في شنو!!
ياخي أنت لسة قاعد وما مشيت النفرة؟!!!
أنت ما وطني!!!!!!!!!!!!
خلاص
قول لايران تساعدكم ولو بصاروخ واحد!!
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
Quote:
عبد العزيز يا اخي قالوا ليك الطيارة جات بالليل وكانت طافية الأنوار والواطة ضلمة ... انت ما بتفهم؟؟؟؟؟
عليكم الله هسع ده وزير دفاع ؟؟؟ ... تبرير يشبهه تماما .
شكرا عبد العزيز .
أبو قصي
|
العزيز/ ابو قصي
سلامات
ياخوي جماعتنا ديل ناس حارة وبطان بالدغري...
الشئ الظلام والدغمسة دي ما بيعرفوها..
وزيرنا الهمام ده أصلا ماهو فاضي!!
لسة بيكتب أم التقارير في هجليج..
"هجليج التاريخ- دروس وعبر"
وبعدها نشوف الحبشة.. وديل ساهلين ممكن نهددهم برجوع الخادمات بس..
في حاجة كدا اسمها نيدو ولا حليب شنو كدا ما عارف..
هي جمع.. تطلع: حلاليب ولا حلايب..
دي بنفضى ليها في القرن القادم بس نخليهم يتعبوا يعمروها ونستردها منهم..
بالله ساعدونا بالوطنية
هسي ياخوي ابوست ده انا عامله للتعبئة الوطنية.. بس ما لاقي لي شوالات أو شوية خيش!!
تحياتي
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Abdlaziz Eisa)
|
Quote: وأشار شاهد العيان لتردد اتهامات للقتيل بأنه مطارد من قبل المخابرات الإسرائيلية لتهريب الأسلحة للفلسطينيين. وقال إنه دفن مع صلاة المغرب بمقابر مدينة بورتسودان حي المطار في سرية وتكتم لا تناسبان وضع القتيل القيادي في الإدارة الأهلية، وقال إن أوساطا كثيرة في بورتسودان تعتقد أن الضالعين في تجارة السلاح وتهريبه لهم علاقات مشبوهة بالسلطات، وأنهم يتحركون بحرية ولا توقفهم جهة، بل إن أجهزة الدولة كأنما تعمل على حمايتهم بإسكات وملاحقة الأصوات التي تشير للاختراقات الأمنية العديدة للأمن القومي لمدينة بورتسودان والإقليم الشرقي، فهناك أجسام غريبة تلاحظ، وبوارج حربية، ومناشط، وسفن سياحية غريبة ليس لها تصاديق، وقطع بقوله: هذه الحادثة ليست الأولى ولن تكون الأخيرة. وأضاف: في المرة الماضية كانت الضربة على بعد 18 كلم من المدينة، ولكن هذه المرة داخل المدينة نفسها. وأشار كذلك لتفجير قوارب الصيادين التي قتل فيها اثنين من المواطنين، وأنه في نفس يوم القوارب تعرضت قافلة تجارية لمصر لقصف مات جراءه أكثر من مائة مواطن.
(حريات)
|
يعني الحكاية فيها بوارج حربية, فرقاطات وأكيد غواصات...
بعيد الانتفاضة حكى لنا شهود عيان في عروس السياحية على البحر الاحمر شمال بورتسودان انه في الايام الاخيرة لنظام نميري وعندما كانت المظاهرات قد عمت كل مدن السودان وخرجت عن سيطرة النظام..
نزلت طائرات ضخمة قرب البحر وبعد قليل من هبوطها خرجت سيارات من داخل الصحراء ودخلت في جوف تلك الطائرات قبل أن تقلع.. فتلك الجهة سواء أكانت أمريكا أو اسرائيل فقد تأكدوا من سقوط النظام
الذي ظل يقدم لهم تلك الخدمات الغريبة في داخل الاراضي السودانية..
أسرائيل الآن تجوب كل الشاطئ السوداني ببوارجها الحربية وتمارس دور الشرطي تستوقف من تريد سواء أكانوا صايدين أو مسافرين أو مهربين.. ولم نسمع بحيكومة السيادة والوطنية أن رفعت صوتها فقط تجاه ما يجري..
ولا نستبعد أن تكون جزيرة سنقنيب هي أحد استراحات البحرية الاسرائيلية او الامريكية في ظل الفوضى وعدم وجود وجيع ليك يا وطن..
حكاية الصيادين هذه لم نسمع بها في حينها وياترى هل أهلنا بالشرق بحارة وكلاة موانئ يدروا بتلك المخاطر؟
ومافي زول جايب ليهم خبر..
يعني هسي سواحلنا من محاذاة طوكر جنوباً وحتى وين يا ربي؟؟ حتى حدودنا الجديدة قبل ريفي حلايب شمالا.. مافي زول جايب ليها خبر؟
السكوت عن احتلال حلايب ربما يكون ناس الانقاذ عايزين زيادة أعباء ادارية للمصريين!!!
وعلى الاقل نكون قد ابتعدنا بحدودنا شوية عن اسرائيل..
لكن اسرائيل دي ما عندها ذوق..
عملت الطريق مساسكة وبعد حيكومة الانقاذ تركت لها البحر والسواحل كلها تجي تردم في اليابس؟!!
هسي اسرائيل لو كانت دولة وليدة.. يعني صغيرة وما بتعرف الادب وجيشها حشرات ساي.. لكان ردمناها..
وانتونوفنا دي تضرب من العقبة حتى مزارع شبعا..
لكان دي يا اخوانا دولة ما بتستحي ويدها طويلة...
طبعا طويلة وما خفيفة.. لانها بتضرب نهارا جهارا.. سوري صباحا بدري.. يعني في اول الصباح بعد عساكرنا واجهوتنا التي لا تعد اسمائها تكون قد صحيت واستلمت الوردية!!
وجدت اكتشاف خطير هو أن اسرائيل هذه ما لاقت القدرها ولا لحم سدرها في الدول المجاورة ليها..
عشان كدا بحثت عن ند قوي ..
يعني دولة قوية رئيسها يمتلك أغلظ الشفاه التي تعينه لاطلاق أقوى الشتائم وأرداف قوية يهزها ويضع العالم ده كله تحت جزمته!!
فعلا دولة تستاهل تكون الند لاسرائيل..
يا يهود انتو ما عرفتم مكان اللعب
وربنا رماكم في دولة المشروع الحضاري
نعمل ليكم نفرة ونشتتكم في العالم زي ما كنتم زمانا..
بس خلونا نتوحط ليكم..
اسرائيل كانت تجول من قبل الانقاذ في المياه الدولية من خليج العقبة حتى باب المندب..
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: مهيرة)
|
Quote:
يعنى ما تحكها شديد ياعبد العزيز
وزير الدفاع عارف شغله كويس ...
بس على شرط يكون داخل الحدود!!
تحياتى
|
الاخت العزيزة/ مهيرة
سلام
تصدقي بالله الوزارة تعتبر فاضية دستوريا من زمن
منذ أن أطل ابوريالة هذا من ركام عمارة الرباط واترقى بمريلة جديدة!!
يبدو لسة ما أفاق من صعقة هجليج!!
ويبدو صاحبنا عند عمى ليلي!!
زيادة على دوار البحر
وحساسية مع الملوحة والرطوبة
وبعدين مافي بترول صادر.. يعني الشرق ما ليهو أهمية لجيوب الجماعة!! مش زي هجليج!!
والشئ الأهم الاسرائيليين الجبنــاء ديل بيجوا فوق وفق..
وضربات خفيفة على الطاير..
وزيرنا الهمام منتظرهم يجوا وينزلوا في الواطاة دي وبعدين نشوف الرجالة كيف!!
تحياتي
كسرة:
وبعدين يا مهيرة الضربة دي قريبة من بيت عمتي آمنة.. يعني في دمي ولحمي.. اعشان الشأن عام ما عنده وجيع؟!!
وربنا يستر الجاية بتكون وين!!
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: Amani Al Ajab)
|
Quote:
حشاش بي دقنوا!
أصبحت الحكاية جونا
بنور طافئ ونور مولع!
شكراً الأخ عبد العزيز عيسى
ودمت بالف خير ..
|
الاخت العزيزة/ أماني العجب
سلام
أجمل التعليقات في هذا الليمبي كانت بالفيسبووك عندما كتب أحد الاخوة.. هذا الرجل الفاشل لا يستحق منصب "صول" في مدرسة!!
وفعلا انه فاشل في مكان يكون فيه..
وهو أكبر مثال من العبث لحيكومة السجم والرماد..
وفوق كل هذا الوزير المصيبة..
أنه يتفوه بما لا يعرف.. مثل رئيسه
يتشدقون بكلمات وعبارات ليست قدرهم..
فعلا حشاش بدقنو..
لك التحية والتقدير
| |
|
|
|
|
|
|
|
|
|
Re: اسرائيل تاني؟.. الرجالة والوطنية دي في هجليج بس؟!!!!! (Re: طه جعفر)
|
Quote:
الاخ عبد العزيز عيسي
دا اجمل بوست في المنبر
الوزير ابو ريالة
و الرئيس اب كنبة... المقصود اب .....
ديل رجال فقط علي اشباه الرجال في المؤتمر الوطني
يعني الحرامي الكبير احسن و احب للشيطان من الحرامي الصغير
و في كل شر
دا هو قانون المؤتمر الوطني
|
عزيزي الاستاذ/ ططه جعفر
سلام
الحيكومة بميلاد غير شرعي
حيكومة لقيطة
مبادئها الفساد والمحسوبية
أهلها فاشلين وساقطين
لا دين
لا خلق
ولا أخلاق
بس الشعب السوداني ده عمل شنو عشان أقزام زي ديل يخصموا سنوات طويلة من عمره ورفاهيثه؟!!!
حسبنا الله ونعم الوكيل..
لك التحية والتقدير أخي طه على هذا الاطرء..
ودمت بخير
| |
|
|
|
|
|
|
| |
Abdlaziz Eisa
هاشم نوريت
الامين موسى البشاري
عبدالحافظ سعد الطيب
ABU QUSAI
مهيرة
Amani Al Ajab
طه جعفر
فيس بوك
تويتر
انستقرام
يوتيوب
بنتيريست