|
|
|
 Re: أسواق ام درمان الكبرى . تسوق حداادى مداادى( صور روعة ) (Re: فدوى الشريف)
|
جميل منظر السوق والله
لكن ملاحظة صغيرونة على الصورة بتاعة الحوض وفي جنباتو الغزالات والبط
الله يجازي الكان السبب في تدمير حديقة الحيوانات
في زمنا كنا بنشوف الحيوانات دي شوف العين ولايف كدا
من الدب الى الاسد وحتى الفيل والزرافة
لو كنت في مكان المسؤولين عن الاسواق دي كنت حأزيل الغزلان والبط
وبجيب بط ووز حي بدلا عن الحجارة والاسمنت دا
| |
 
|
|
|
|
|
|
|
 Re: أسواق ام درمان الكبرى . تسوق حداادى مداادى( صور روعة ) (Re: فدوى الشريف)
|
حاجة جميلة والله يافدوى ...
غايتو الواحد يشوف التلفزيون والصور دي يقول السودان ده قطع شوط كبير في الجمال والنضافة
لكن يمشي السودان ويشوف الواقع يجيك احساس انه الصور دي بره السودان او مجرد شغل فوتوشوب
يا كمان الحاجات دي في كافوري وماجاورها وناس امبدة يشوفوها زينا في التلفزيون ههههههه .
الهلالاب يموتوا بغيظهم ...السوق ده للمريخاب فقط ..
| |
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: د.محمد حسن)
|
الأخت فدوي الشريف
تحياتي وعبرك للأخوان أيمن دياب ود. مهدي محمد خير والعزيز د. محمد حسن
لعله مشروع كبير وذا جدوى لو تعاملنا معه بمقداره
لكن سبحان الله ينتابني إحساس متناقض في مجمل العملية
حيث تحمل الذاكرة لشهور مضت بعض من هذه الأحاسيس المتناقضة .
ففي الصورة التي نزلها الأخ مهدي محمد خير تجدي مجموعة من الناس من الدائرة التي نزل فيها مرشح عن حزبه ووسط أهله في دائرة النهود . ولم تمضي إلا شهور حتى قال والي ولاية شمال كردفان بأنه سوف يفتح بلاغات في مواجهة مرشح الداشرة إبراهيم الشيخ بتهمه التحريض ضد الدولة . حيث طاف مرات ومرات في دائرته الجغرافية وسط أهله ومن بينها أن جاء عقبه دكتور نافع حيث قال بالحرف معلقاً على دعم إبراهيم الشيخ للخدمات والمؤسسات التعليمية والصحية ما تسمعوا كلام الجماعة ديل وما تعولوا على قروشهم الما معروف حلالها من حرامها . لكن عندما جاء الأمر لأمدرمان والأسواق الكبرى جلس إبراهيم الشيخ بجانب الوالي ووزير العدل بجانب مسئوليين كبار وكتار من الدولة السودانية . يعني هل هناك خيار وفقوس فيما يقدمه أبناء البلد لخدمة أهلهم وذويهم .
بحيراوي
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: البحيراوي)
|
| Quote: [لكن عندما جاء الأمر لأمدرمان والأسواق الكبرى جلس إبراهيم الشيخ بجانب الوالي ووزير العدل بجانب مسئوليين كبار وكتار من الدولة السودانية . |
بحيراوي شكرا على هذه الافادة
فدوى
انا بعجبني الحاجة الصاح ونضيفة ولصالح البلد
حكومتكم كلها ما عا########ي
وما بعرف اغش روحي
انتو ناس عارفين الغلط وخايفين على مصالحكم
سؤال واتمنى تكون عندك الشجاعة وتجاوبي عليه
في ظل انعدام السويلة وضعف القوى الشرائية
ما هي فائدة هذا المركز في دعم الاقتتصاد الوطني ؟
كم كلف؟
الم يكن من الافضل صرف هذه الاموال في مشروع منتج؟
اقله
100 فدان من البيوت المحمية لتوفير الخضرووات طازجة لامدرمان على الاقل وباسعار في متناول اليد
وجاي/ة تقول/ي لي متعة التسوق؟
ياخ اختشو
ناس بتموت من الغازات المخزنة بصورة خطأ وتقولي متعة التسوق
التهاب حاد في الاسعار وناس ما لاقية مرتبات
وتقولي لي متعة تسوق
ناس بتموت في السنشفيات الحكومية لانعدام المختبرات التشخيصية السليمة
مما حدا بالمواطنين للعلاج بالرقية
وتقول لي متعة تسوق
حيرتونا
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: د.محمد حسن)
|
عنى صاحب السوق طلع مؤتمرجى وطنجى
السوق طبعا لناس العندهم مقدره على الشراء
بكر نسمع كمية من المسؤليين كل واحد فيهم عمل ليهو سوق تقليد زى شغل الركشات والامجاد والحافلات وحتشوفوا
ياخى الناس بقت تاكل وجبة واحدة فى اليوم واحيانا ما بتاكل تعمل لينا سوق بدل ماتصلح الاسواق الموجودة بالعاصمة او تعمل مشروع يستفيد منه الشعب يخفف عليهم المعيشة
الحديقةبالجنبة دى بكره تشوفها مزعمطة من قعدة المجكسين والزهجانين
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: د.محمد حسن)
|
تحيه وإحترام للجميع
أضم صوتى لصوت د. محمد حسن فى إنو دى ما اولويات ناس أم درمان.
ثانيا أقول للاخ مصطفى إنو الأستاذ إبراهيم الشيخ ما مؤتمر وطنى بل مؤتمر سودانى وفى فرق كبير بين الإثنين.
رسالتى للسيد رئيس حزب المؤتمر السودانى: الخطاب الخاطبت بيهو جزء من ناس الهامش فى المكان داك(النهود)حسب ما اورده الزميل
البحيراوى خطاب هابش عصب الازمه وأنا وقطع شك معاى كتيرين بنفتكرو هو المهمه الأسمى لينا كعارفين ومتابعين ومهمومين ونشطاء
من أبناء الهامش وهو خطاب متسق ومضبوط وجيد وكما أشرت أعلاه هابش لعصب الأزمه والدليل إنو عصابة الميه وأتباعم إهتموا بيهو
وجو مطاردنو عشان يرجعو التغبيش تانى. أشكر السيد رئيس المؤتمر على الحساسيه العاليه والإنتماء الحميم للمهمشين
وهذا الخطاب الواعى والمتماسك ولكن !!
لكن تفتح باب اخر للتساؤلات وسؤالى للسيد إبراهيم الشيخ (الإقتصادى هنا) ألم يكن أجدى وأنفع وأفيد لهذا المشروع الذى كلف
راس مالا كان يمكن ان يكون مشروعا اخرا وفى مكان اخر تماهيا مع الخطاب السياسى وخاصة إن الإثنين الإقتصادى هنا هو السياسى
والزعيم الذى أنتج ذات الخطاب أعلاه الناقد لسياسات المركز ومحرضا الجماهير بواسطة محفزات الوعى والفهم؟
الجماهير والمواطنين الكان بخاطب فيهم الاستاذ إبراهيم الشيخ مالو لو مشى وعمل مشروعو الإقتصادى الناجح دا فى مكانم وليهم
وإذا إتفقنا مع الأستاذ البحيراوى إنو جماهير إبراهيم الشيخ هم أهله فى النهود لماذا لم يقم بإنشاء المشروع فى النهود
وبها من المواد الخام للصناعه والمشاريع الإستثماريه الناجحه والتى فى رأى أن السيد إبراهيم الشيخ كاقتصادى أدرى بها منى
وأنا البهمنى بعد إتباع الفعل بالقول لتأكيد الإنتماء الخالص للهامش إنو بقيام ذلك المشروع فى ارض الهامش بأنه يمكنه فى حل ضائقة
الوظائف التى تعرض لها الأستاذ إبراهيم كسياسى فى خطابه ولم يتماهى معها فى برامجه كإقتصادى وإن لم يك للأستاذ إبراهيم الشيخ
مشاريع مماثله تخدم اولئك الذين خاطبهم بذلك الوعى المتقدم فنطالبه بعمل مشاريع ولوبرأس مل أقل فى تلك المناطق النائيه وان يزورها
مستثمرا وليس سياسيا فقط.(ولو لحق لحدى بابنوسه يكون ما قصر!!!!)ولا شنو يالبحيراوى؟
أخيرا اود ان اثبت حق الاستاذ إبراهيم الشيخ كإقتصادى ورجل أعمال أدرى بمصالح وجدوى مشروعاته فى حرية أن يختار من الأمكنه مايريد
ومن المشروعات ما يريد ونتمى له التوفيق والسداد والنجاح أينما خاطب وأينما ما إستثمر فهو من الخيرين والاخيار .
نبارك المشروع للاستاذ إبراهيم الشيخ ولناس ام درمان وقطع شك عندما ننزل السودان كأمبداويين ومهمشين سنزوره
ففى غشى الاسواق مأرب شتى .
نعتذر عن الإطاله.
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: فارس موسى)
|
الأخ فارس موسى
تحياتي - بالطبع نتمنى أن تستوى معادلة الشأن السوداني على توازن في كل شئ سيما متلازمة السلطة والثروة والمركز والهامش والحقوق والواجبات ولن يكون إبراهيم الشيخ إستثناء في أكثر تجلياته السياسية كممثل لحزب طليعي ذو رؤية تستصحب هذه المتلازمات في أدبياته السياسية وللواقع قانونه وأحكامه ويظل واجبنا نحن التذكير بمبدأ ترتيب الأولويات والتبصر وتشجيع المبادرات التي تضعنا في الطريق الصحيح .
بحيراوي
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: البحيراوي)
|
الإخوة الأفاضل
تحياتي وتعال شوف يا فارس موسى هذا البيان الذي جاء في بوست لزميل المنبر الأخ عصام محمد أحمد إبان حملة الأخ إبراهيم الشيخ في دائرته الجغرافية بالنهود . ولعل هؤلاء العلماء لو وُجه لهم السؤال اليوم عما تم من مشروع تجاري كبير في مدينة أم درمان ! ماذا هو قائلون لنا ؟
بحيراوي
بسم الله الرحمن الرحيم
بيان هام لجماهير مدينة وريفي النهود
الكلام الموضوعي حول حزب إبراهيم الشيخ الشيوعي
إن الشعب السوداني الذي قدم الآلاف من الشهداء في سبيل تمكين شرع الله وصنع السلام ، ها هم الملاحدة وشذاذ الآفاق ظنوا سكينته ضعفاً ، فخرجوا من جحورهم نهاراً جهاراً يرجون لكل ما هو رافض لكتاب الله ومصادم لسنة نبيه (ص) ، واستطاعوا بالدراهم وعرض الدنيا استمالة واستغفال فئة قليلة من أبناء هذا الشعب المسلم التقي ليصدق فيهم قول المولى عز وجل : ( ألا في الفتنة سقطوا) .
وإن كنتم في ريب مما نقول فإليكم الدليل القاطع الذي حصلنا عليه من كتاب حزب المؤتمر السوداني الذي يرأسه إبراهيم الشيخ البريابي بعنوان ( مشروع البرنامج السياسي المقدم للمؤتمر الرابع لحزب المؤتمر السوداني ) . هذا المشروع هو برنامج ونهج وفكر الحزب المذكور ، وأيديولوجيته لحكم السودان . وحتى يكون الناخب على بينة من أمر هذا الحزب ، وقبل أن يقود هذا الحزب أهلنا إلى جهنم تعالوا نتصفح هذا المشروع لنرى ما حواه من إلحاد ومعارضة لكتاب الله عز وجل وسنة نبيه محمد (ص) والذي يريد إبراهيم الشيخ – دجال هذا العصر – أن يورد به أهلنا موارد الهلاك ويمحو به عقيدتهم الراسخة .
أولاً ك لم يبدأ مشروع حزب إبراهيم الشيخ ببسم الله الرحمن الرحيم بل لم يرد فيه من أوله إلى آخره اسم من أسماء الله الحسنى ما عدا اسم الرحمن الذي ورد في اسم والد المرضح الذي هو عبد الرحمن . والمصطفى (ص) يقول : ( كل عمل لم يبدأ باسم الله فهو أجذم ) وفي رواية أخرى ( فهو أبتر) . ولكن لأن إبراهيم الشيخ وحزبه ومناصريه ضد الدين وضد أحكام القرآن ، لا بد أن يخلو ما نفستو حزبه من البسملة ومن كل ماله علاقة بالله ورسوله وشريعته .
ثانياً : في الصفحة "9" من المشروع يقول إبراهيم الشيخ بصراحة ودون خجل : (أن مؤسسات الدولة ككيان تجريدي لا علاقة له بالدين ) . وأعلم أخي الناخب أن المولى عز وجل قد أكد في ثلاث آيات في القرآن الكريم أن ( من لم يحكم بما أنزل الله فأولئك هم الكافرون ) وفي الآية الثانية قال : ( من لم يحكم بما أنزل الله فأولئك هم الفاسقون ) وفي الآية الثالثة : ( ...... فأولئك هم الظالمون) وها هو إبراهيم الشيخ بماله وذهبه يريد أن يقود أهلنا الغافلين إلى صفوف الكفار والظالمين والفاسقين .
وأعلم أخي الناخب أن المولى عز وجل يحذرنا من أن نوالي ونناصر أمثال هؤلاء الملاحدة حتى لا نكون منهم . فأحذروا إبراهيم الشيخ وحزبه يا مواطني مدينة النهود وريفي النهود .
ثالثا : في الباب الثاني من مشروع حزب إبراهيم وتحت عنوان الاهداف والوسائل صفحة "11" يقرر إبراهيم الشيخ أن من الأسس التي تقوم عليها وحدة البلاد في العلمانية وذلك في رفض صريح وواضح لشريعة الله طبقها الرسول (ص) والدولة الإسلامية تعج باليهود والمشركين ، وطبقها الخلفاء الراشدين ومن تلاهم والدولة الإسلامية يسكنها الأكاسرة عبدة النار والقياصرة النصارى ، ولم يشتك أحد من حيف أو ظلم أو إضهاد وقع عليه في ظل شريعة الله بل أن سماحة الشريعة هي التي دفعت تلك الشعوب إلى الدخول في دين الله أفواجا .
كما يقرر ابراهيم الشيخ في ذات الباب أن الاحتكام إلى كتاب الله وسنة نبيه (ص) ما هو إلا تخلف وإنحطاط فكري حيث يقول : ( إن السودان يكاد يكون بأجمعه مجتمعاً متخلفاً وتقليدياً تسوده الأمية والجهل ، وتشكل بنية وعيه الأسطورة والخرافة وكل عناصر الانحطاط الفكري والمعرفي .
سبحان الله ( كبرت كلمة تخرج من أفواههم ) .
رابعاً : في الصفحة "17" وتحت عنوان الرؤية الاقتصادية يقول إبراهيم الشيخ عن النشاط الاقتصادي ( أنه نشاط متدهور وفقير لارتباطه بمشروع ايديولوجي قاصر) والمشروع الايديولوجي الذي يصفه إبراهيم الشيخ بالقصور والنقص هو الإسلام الذي ربطت ثورة الانقاذ الاقتصاد السوداني به فكيف تتبع أخي المسلم رجلاً وحزباً يصف الإسلام بالقصور ؟ تعالى الله عما يصف ويقول إبراهيم الشيخ علواً كبيراً .
خامساً : في الصفحة "26" وتحت عنوان المرأة ، ينادي إبراهيم الشيخ مشروع حزبه بمساواة المرأة بالرجل في كل شيء . وإنهاء سلطة الأب على المرأة ، وأن لا يفرض عليها أي نوع من أنواع الزي ولها حرية السفر إلى أي مكان في العالم دون قيود ، ولها حق الحماية القانونية كما ورد في إتفاقية (سيداو) . فحزب المؤتمر السوداني – أخي الناخب – يدعو إلى إبطال مفعول الآية الكريمة ( للذكر مثل حظ الأنثيين) ومحو الآية الكريمة (الرجال قوامون على النساء) ويدعو المرأة للسفر دون محرم اعتراضاً ومخالفة لما أمر به الرسول (ص) . ويطالب إبراهيم الشيخ بسفور المرأة وعدم فرض الزي الإسلامي – الحجاب – عليها ، بمعنى أنه يجيز لها أن تلبس المايوه وتتجول في الأسواق . كما يدعو لتطبيق اتفاقية سيداو التي رفضت كل الدول العربية والإسلامية الاعتراف بها والتوقيع عليها لفجورها فالاتفاقية هذه تبيح للمراة ممارسة الجنس دون رباط شرعي ، وتجيز لها حق الحمل سفاحاً ، وحق الإجهاض أي ( قتل النفس التي حرم الله إلى بالحق ) بل تجيز تلك الاتفاقية المنبوذة المثلية الجنسية ( والعياذ بالله ) . فكيف استطاع إبراهيم الشيخ أن يخدع أبناء وبنات المسلمين في مدينة وريفي النهود التي توصف بمدينة العلم والعلماء . وكيف تسلل هذا الدجال الزنديق إلى هذه المحلية الطاهرة تحت ستار ما يسمى بحزب المؤتمر السوداني الذي هو من واقع مشروعه حزب للشيطان الرجيم .
فيا جماهير مدينة وريفي النهود خذوا حذركم من هذا المشاقق لله ورسوله . وأعلموا أن من والاه وناصره فهو معه في ضلاله ، وسيقوده يوم القيامة إلى جهنم وبئس المصير . وما صلاة إبراهيم الشيخ إلا كصلاة المنافقين في عهد الرسول (ص) وهم سيكونون يوم القيامة في الدرك الأسفل من النار . وما انفاق وصدقات إبراهيم الشيخ إلا كصدقات ( رونالد ريقان) في الثمانينات ، والتي يجوز للمسلم الانتفاع بها دون إتباع صاحبها .
ولك أخي الناخب أن تستفتي من تثق فيه من العلماء في هذه المدينة أو غيرها حول مشروع حزب إبراهيم الشيخ وموقف الشرع من إتباعه ومناصرته .
إلا هل بلغنا آلهم فأشهد
الرابطة الإسلامية لحماية الدين والعقيدة
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: ود الباوقة)
|
شكرا الاخت فدوي
علي الموضوع والصور
واي عمل جميل هو فائدة للوطن والمواطن
سوف تستمر المشاريع
وسوف نجد اشخاص بكامل وعيهم علي شاكلة اخونا د.محمد حسن
هؤلاء لا يعجبهم اي شي
تقول بترول يقولوا ليك مويه
تقول اسواق يقولو غاز
وينسون ان التطور يبدا درجات ليشمل كل الحياة
(( لاحظوا الاقتباس))
Quote: سؤال واتمنى تكون عندك الشجاعة وتجاوبي عليه
في ظل انعدام السويلة وضعف القوى الشرائية
ما هي فائدة هذا المركز في دعم الاقتتصاد الوطني ؟
كم كلف؟
الم يكن من الافضل صرف هذه الاموال في مشروع منتج؟
اقله
100 فدان من البيوت المحمية لتوفير الخضرووات طازجة لامدرمان على الاقل وباسعار في متناول اليد
وجاي/ة تقول/ي لي متعة التسوق؟
ياخ اختشو
ناس بتموت من الغازات المخزنة بصورة خطأ وتقولي متعة التسوق
التهاب حاد في الاسعار وناس ما لاقية مرتبات
وتقولي لي متعة تسوق
ناس بتموت في السنشفيات الحكومية لانعدام المختبرات التشخيصية السليمة
مما حدا بالمواطنين للعلاج بالرقية
وتقول لي متعة تسوق
حيرتونا |
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: ود الباوقة)
|
الأخت فدوي والمشاركين تحياتي..
فدوى عندك فكرة عن الخدمات المقدمة في هذه الاسواق؟؟
--
حدائق ام درمان الكبرى بالقديم هي مساحة كبيرة جدا ولها بوابة لا بأس بها أقيمت كترضية لاهل ام درمان عشان يبطلوا الشكوى الكتيرة بالاهمال..
عاشت منتعشة لسنوات قليلة وسرعان ما لحقها الاهمال وحطت فيها الغربان كما سمعت ..
كما هو الحال مع كل شيء في السودان....خاصة أم درمان...
دخلتها مرة واحدة زمان شديد .. وعندما اقترحتها كمكان للتجمع بعد ذلك بسنوات قليلة قالوا لي إنت من زمنها؟؟
السؤال هو:
هل الاسواق الكبرى مقامة في نفس المساحة؟
أم هي "بجوارها" كما ذكرت الاخت فدوى أي خارج المساحة المخصصة لأهل أم درمان للترويح والتنزه؟
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: rummana)
|
العزيزة رمانة
حدائق ام درمان الكبرى اصبحت متنفس الان بعد التغيير واسمها الان ماجيك لاند لكثير من الاسر السودانية شكلوا طولتى منها يعنى مابشكل الكان مهمل وبتحط فيها الغربان .. الناظر الى الحدائق يجد تغيير كبير ... من حيث التنظيم والالعاب الموجودة فيها .ومساحات خضراء واسعة وجميلة .
الاسواق مقامة بجانب الحديقة يفصل بينهم سور .. يعنى كل مكان لوحده .
اما الخدمات المقدمة الاحتياجات المألوفة فى التسوق وكلها فى مكان واحد د وحديقة للاطفال والأسر ومطاعم وخدمات حديثة
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: فدوى الشريف)
|
Quote: Çوسوف نجد اشخاص بكامل وعيهم علي شاكلة اخونا د.محمد حسن
هؤلاء لا يعجبهم اي شي
تقول بترول يقولوا ليك مويه
تقول اسواق يقولو غاز
وينسون ان التطور يبدا درجات ليشمل كل الحياة
(( لاحظوا الاقتباس)) |
القال ليك منو ما بعجبني العجب ( الا العجب بتاع المريخ)
انا ضد الاستثمار الاستهلاكي البلد كلها مليانة اتراك وسوريين وشوام ليهم 10سنوات واكتر بحجة استثمار وكلها محابز وشاورما
يا باشمهندس انت بتعرفني حق المعرفة وبتعرف مصلحة البلد الحقيقية في رفع القوى الانتاجية والانتاج عشان نعرف الضربنا صاروخ والا قنابل ملوتوف والا نيازك جابتا الشياطين
عشان تضرب دولة الاسلام التي تحلل عسيل الاموال وتجارة السلاح
الفرق بيني وبينك يا على الكرار انو حكومة النءتمر الوثني لا ادتني قروش ولا كشك ولا قاعد امشي مع السفارة لقاعات الرياض بمحتلف المسميات ( وحدة جاذبة ، ردع ، تاييد ... الخ ) عشان اكل واشرب
واسمع المطبلاتية يهللون من حناجرهم
ان كامة الله اكبر ولا اله الا الله اقدس من ان تقال في لحظة تناول معجنات وعصير الربيع
نعم للتطور
وللسمو الاخلاقي ولبناء الاوطان
ولا للكذب
والتدليس
واكل اموال الناس بالباطل
وان كنت ترى ان ماذكرته الاخت فدوى بانه تطور وان السودان ينعم بالعافية رغم الحساد امثال محمد حسن
ارجو منك ان تفطم نفسك من حليب المراعي وتتجه للسودان لكي تزيده تطورا
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: د.محمد حسن)
|
الاخت فدوى
انا ماعارف العجبك شنو في السوق ده؟
هل هو المنظر العام للسوق ؟
لاني لا اعتقد بانه سيقدم خدمات جديده وغير موجوده
اصلا. ... وهو حسب ما اسلفتم ملكية خاصة .. وايضا بهدف
ربحي اي غير خيري.
ولحدي هنا الله يزيد مالكه ويبارك ليه فيه.
المشكله في انه اين اقيم هذا السوق؟
ولا اعتقد بان الارض التي اقيم عليها
هذا السوق ملك لصاحبه ..بل هي ارض حكومية .. واشك في انها
جزء من حديقة امدرمان الكبرى ..
وطالما ان صاحب هذا السوق بهذه المقدرة المالية لماذا لا يشتري في
داخل الاسواق ؟
وللمعلومية .. امدرمان ماناقصة اي اسواق بل بها اكبر الاسواق
في العاصمة.
غير كده السوق ده ادوه ليه كيف ؟ في مناقصة ولا تحت تحت.
الاخ ايمن دياب
| Quote: الإفتتاح لهذه الصروح الإقتصادية الكبيرة . أمنياتنا له بالتوفيق والنجاح . |
ياتو صروح ياخ؟
انتو بتضحكو بعقولنا ؟
الصرح الاقتصادي ده لما تعمل ليك مشروع ولا اي حاجه
توفر ليك عملة صعبة او ادناها توفير منتج حيوي غير موجود.
يتبع كما قال اخينا تنظير.
| |
|
|
|
|
|
|
|
|
|
Re: أسواق ام درمان الكبرى . تسوق حداادى مداادى( صور روعة ) (Re: waleed dawash)
|
مافى زول برد لى بطنى وقال لى حديقة امدرمان الكبرى دى وين موقعها وقدر ما قعدت قدام القنوات وشفت الاعلان ما قالو محل الموقع
يا جماعة دى دعاية بس اكملو لينا شروط الدعاية وخاصة نحن ناس وقف بينا الوقت لفيت ودورت بى راسى وقعدت اتذكر فى الساحات وما عرفت ختوها وين
فى ميدان البحيرة ولا القماير ولا الثورات ولا امبدات ولا الفتيحابات وين عليكم الله.
| |
|
|
|
|
|
|
| |
فدوى الشريف
ود العجمى
محمد عبد الماجد الصايم
محمد مختار جعفر
محمد فرح
فايزودالقاضي
محمد عبدالرحمن
محمد مكى محمد
Gamal Abayazid
Dr Mahdi Mohammed Kheir
شهاب الفاتح عثمان
د.محمد حسن
البحيراوي
مصطفى توفيق
عماد الشبلي
فارس موسى
waleed dawash
م. سيد احمد قدورة
علي الكرار هاشم
rummana
Zomrawi Alweli
فيس بوك
تويتر
انستقرام
يوتيوب
بنتيريست